دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionعام جديد علينا يهل ,,,,, Emptyعام جديد علينا يهل ,,,,,

more_horiz

نـدعـى فى عـــام 2013 ... الفرحـــه عالزعـــلان اتهل
ويبرا كل مريض افراش ... ويجمع شمل الناس الكل
ومن فـاقــد شى ايلاقيه
ومن شايل جـرح ايداويه
ومن مضلوم وضاقت بيه
ابواب الخيـــر عليه تنحل

نـدعــى ياربى ياعالى ... عــام جــديد وكله فرحه
وما يبكى فالدنيا والى ... وتداوى العين المنجرحه
و اتشيـــل مــواجـــع بكتنا
وتمسح فيهـــــــــا دمعتنا
واتباعـــــــد منـــــه حيرتنا
وتهدى من عن دينك ظـل

نــدعـى ياربى القيـــوم ... ادعايا يوصـل يا مولاى
بعد جرح ولوعه وهموم ... ايعم الخير العام الجاى
وخيــرك عالجملــه يملانا
ونورك يضوى فوق سمانا
وكتابك ما يغيــــب معانا
ايصبـــــرنا لو صـــار زعل

ندعى ياربى المتين ... ادعاء مضلوم بكاء مقهور
اتفــــرح كل الليبيين ... وتجبر خاطرنا المكسـور
ومن شايل لوعه فى قلبه
تاخـــــــذ بيده اتنـــور دربه
وندعيلك تبقى فى قــربه
من صبـــــره عالوقت كمل

descriptionعام جديد علينا يهل ,,,,, Emptyرد: عام جديد علينا يهل ,,,,,

more_horiz
بارك الله فيك أختي سوما كلمات وعبارات رائعة ، واضح أنها طالعة من القلب ... علاش؟ لأني طول مانقرا فيها وأني مبتسمة Smile
صلاحيات هذا المنتدى:
لاتستطيع الرد على المواضيع في هذا المنتدى