دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionاللى يبي طنجرة مطبوقة Emptyاللى يبي طنجرة مطبوقة

more_horiz
صباح الامس كان باردا و ثلجيا. حاولت توليع السياره فلم يدور المحرك (ماولعتش). فاكتشفت ان بطارية السيارة قد انتهت و ماتت. اتصلت بنادى السيارات الذى عندى به عضوية فبعثوا الى بميكانيكى فولع السيارة وذهبت على الفور لشراء بطارية. اشتريت بطارية جديدة و معها ثلاث سنوات ضمان و ثلاث سنوات يالتعهد باحضار بطارية جديدة الى عندى اذا تعطلت بطارية سيارتى قى اى مكان فى كندا. اضافة الى تخفيضات قد تصل الى 70% اذا اشتريت منهم بطارية ان احتجت فى العشرة سنوات القادمة. قصة الضمان اللى مع البطارية فكرنى فى الضمان على البضانع فى ليبيا. اذا اشتريت موبايل و طلعت من المحل, صاحب المحل معاش يعرفك لو رجعت له و قتله الموبايل عاطل... انا متأكد انكم تسألوا شنو علاقة الطنجرة بالبطارية. قصة الطنجرة حدث معى شخصيا. مره رجعت الى ليبيا فطلبت منى زوجتى احضار طنجرة للطبخ. المهم اشتريت طنجرة ورجعت للبيت. وبدأت زوجتى بالطبخ و كان الغداء طبيخة بازليا. المهم زوجتى زادت الميه على اللحم و غطت الطنجرة وامشيت ادير فى اشياء اخرى فى البيت. و بعد وقت رجعت للمطبخ القيت الطبيخة كلها على الغاز (الستوف). ببساطة الطنجرة كانت مطبوقة (بها ثقب) و زاد الثقب اتساعا بالحرارة. اخذت الطنجرة لصاحب المحل فرفض تبديلها او ارجاعها و قالى دبر رأسك. على العموم الطنجره موجودة الى اليوم و معاش عرفت شنو اندير بها لانها معاش تنفع لشئ. بالله اى شخص عنده اقتراح يتفضل......

عدل سابقا من قبل Hassan Saleh في الثلاثاء 22 يناير 2013, 3:00 pm عدل 2 مرات

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz



هههههه ،، أخي الكريم ،،، هنــاك عدة حلول للمشكـلة ،، بمـا إتهـا صـايره في ليبيـا ::

[color=red]أولا [/color]تمشي لنـــادي الطنـاجر ،، وتخبرهم بالمشكـلة اللي صـارت ،، ممكن يعوضوك بمقفـال جديد ، وممكن يعوضوك بعدة مطبخ كــامل ،،

الحـال الثاني : تمشي لنــادي الغـاز تلقـاهم يستنو فيك ومجهزينلك عدة عروض لأجهزة الغـاز وينتظرو فيك تحدد نوع وحجم الغـاز اللي يمشي مع ديكور منزلك // هوا صح سبب المشكلـة مش من الغـاز ،، بس نـادي الغـاز مصر على التعويض لأنه جزء من المشكلة ، مفروض أول مـا بدت الطبيغـة تتبزع نبهــك ،،

الحــل الثـالث: بمـا أن زوجتك مشغولـة معنـاهـا تمشي لنـادي الطبـاخين ،،، (المقر متـاعه في المؤتمر الوطني العـام ) وخودلك طبـاخ كويس والمرتب متاعه على حسـاب المؤتمر الوطني ،،


معليشي خوي راهو كنت راقد ، توا كيف نظت ،، الحــل هو أن تخدم الطنجرة متعك تحولهـا كسكـــاس ،،، وإلا حتى المخزن حــاله بـاهي ،، تحيــاتي ، وآسف ،،،

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
السبب ان سوق ليبيا غير مربوط بالسوق العالمية وجماعة المحلات غير مربوطين بوكلاء معتمدين

وهذا ينطبق على كل شيء مضروب في ليبيا ونتعامل بيه مثل اسطوانات الويندوز وميكروسوفت وغيره
والتي تباع عيني عينك في الاسواق

هذا لو كان في مكان اخر في العالم يحاسبون

هذا فهمي والله اعلم

واما الطنجرة فتاخذ سوك يا ما راح في الدنيا
إن لم يكن لديك ضمان على تلفاز ثمنه الف دينار فهل ستجد من ياخذ ويعطي معك بخصوص طنجرة

سيرجع الامر الى اخلاقه ورايه الشخصي وغيرها من الامور وفقط
^^

_______________________________

مابي مرض غير كسْر الخواطر .. ودموعي قُوَاطرْ .. وَشْنَاتْ مادونهن من ايسَاطِر
الرَّاعي معقّل جمال القناطر .. فحولة كحيله .. وطالق قعَادِين فوق الخَويله


descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
يا خوى الوحيشى
عجبتنى فكرة الكسكاس والله ماخطرت ببالى. احنا الليبيين عندنا على الترقيع و الحلول المؤقتة. لكن عندى سؤال باقى الثقب فى الكسكاس انديرهم بمسمار ستة و إلا مسمار عشرة أحسن. راك تنسى كسكى طرابلس ارقيق و كسكسى غريان عتدكم غليظ شوية.

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz


خليك على مسمـــار سته كويس ،،، ولو تبي تحول الطنجرة إلى جروال أكيد خوي عـارف شن هوا الجروال ،،، فعليك بمسمـار عشرة ،،،

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
قصة حزينة ومؤلمة و نسئل الله يعوضك خير
بس اكيد يوم شريتها مشيت بروحك للسوق وما رفعتش الاخصائية معاك
ولهذا فى المستقبل معاش تمشي بروحك للسوق
اللى يبي طنجرة مطبوقة 532361

_______________________________

اللهم اشغل قلوبنا بحبك ، وألسنتنا بذكرك ، وأبداننا بطاعتك ، وعقولنا بالتفكر في خلقك والتفقه في دينك.


علِم وَلدكَ القُرآنْ ، وَالقُرآنْ سَيعلِّمهُ كُل شَيء


قالوا: مسكين من لا يعرف الانجليزية.. قد يواجه صعوبة في فهم كلام الناس
فرد قائلا: مسكين من لا يعرف العربية.. قد يواجه صعوبة في فهم كلام رب الناس

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
أضحك الله سنك اخىالوحيشي فعلا اضحكتنى ..
وياأخى Hassan Saleh من شر البلية مايضحك....ان شاء الله ربى يسقم الحال

_______________________________

الدنيا خمس أشياء : فرح , حزن , نجاح , حب , دعاء . . ...أتمنى لكم الأولى , . . وأبعد الله عنكم الثانية , . . وأن تسعوا للثالثة , . . ولكم مني الرابعة , . . و أن تتذكروني بالخامسة

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
الوحيشي كتب:


خليك على مسمـــار سته كويس ،،، ولو تبي تحول الطنجرة إلى جروال أكيد خوي عـارف شن هوا الجروال ،،، فعليك بمسمـار عشرة ،،،

الجروال للشعير و القلية.... مزبوط و الا لا...

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz

بصراحة .. حاولت إنفكر في إقتراح للأخ حسان .. في الطنجرة المثقوبة .. للأسف فعلا مافيش أفضل من إنها تتحول لكساس زي ماقال أخونا الوحيشي .. أو الأفضل أن ترمى مع المخلفات .. على الأقل تستفيد من مكانها في المطبخ.

معليشي لو تذكرنا شن ماركتها .. على الأقل الواحد يأخذ إحتياطه ..

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
rhma كتب:

بصراحة .. حاولت إنفكر في إقتراح للأخ حسان .. في الطنجرة المثقوبة .. للأسف فعلا مافيش أفضل من إنها تتحول لكساس زي ماقال أخونا الوحيشي .. أو الأفضل أن ترمى مع المخلفات .. على الأقل تستفيد من مكانها في المطبخ.

معليشي لو تذكرنا شن ماركتها .. على الأقل الواحد يأخذ إحتياطه ..

The products we have in Libya and Libyans can offered are made in China

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
abdos2020 كتب:
قصة حزينة ومؤلمة و نسئل الله يعوضك خير
بس اكيد يوم شريتها مشيت بروحك للسوق وما رفعتش الاخصائية معاك
ولهذا فى المستقبل معاش تمشي بروحك للسوق
اللى يبي طنجرة مطبوقة 532361




وشهد شاهد من اهله

عرفتوا قيمة الاخصائيات الغلبنات

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
مع احترامي لفكرة الاخ الوحيشي ، لكن كل كسكاس يبي طنجرته.
انا الي شاغلني الطنجرة المطبوقة وين توا في ليبيا ولا في كندا

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
كرست كتب:
abdos2020 كتب:
قصة حزينة ومؤلمة و نسئل الله يعوضك خير
بس اكيد يوم شريتها مشيت بروحك للسوق وما رفعتش الاخصائية معاك
ولهذا فى المستقبل معاش تمشي بروحك للسوق
اللى يبي طنجرة مطبوقة 532361




وشهد شاهد من اهله

عرفتوا قيمة الاخصائيات الغلبنات


البضاعة المضروبة فى السوق الليبي تبى عشره أخصائيات وربك يستر. الاخصائية اللى عندى غلبانة و على نياتها وما تقدر على التماسيح اللى فى السوق

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
amerabdulla كتب:
مع احترامي لفكرة الاخ الوحيشي ، لكن كل كسكاس يبي طنجرته.
انا الي شاغلني الطنجرة المطبوقة وين توا في ليبيا ولا في كندا

صح الكسكاس يبى طنجرة. معتاها اقتراح الوحيشى ايكلف هلبه. على العموم الطنجرة قصدى الكسكاس مازال فى ليبيا. اول مرواحة نعفس عليه بالسيارة و الكناسة طول.

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
Hassan Saleh كتب:
الوحيشي كتب:


خليك على مسمـــار سته كويس ،،، ولو تبي تحول الطنجرة إلى جروال أكيد خوي عـارف شن هوا الجروال ،،، فعليك بمسمـار عشرة ،،،

الجروال للشعير و القلية.... مزبوط و الا لا...



مزبوووط الجروال للقليــــــة

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionاللى يبي طنجرة مطبوقة Emptyرد: اللى يبي طنجرة مطبوقة

more_horiz
الوحيشي كتب:
Hassan Saleh كتب:
الوحيشي كتب:


خليك على مسمـــار سته كويس ،،، ولو تبي تحول الطنجرة إلى جروال أكيد خوي عـارف شن هوا الجروال ،،، فعليك بمسمـار عشرة ،،،

الجروال للشعير و القلية.... مزبوط و الا لا...



مزبوووط الجروال للقليــــــة


أكيد توه فىه جماعة فى المنتدى يقولوا هذه هدرزة شيابين
صلاحيات هذا المنتدى:
لاتستطيع الرد على المواضيع في هذا المنتدى