ايها الموفدين والموفدات..التفويض ... ربي ايكون فى عوننا

والله شئ غريب فعلا اخي..ليبيا لاتريد ان تتغير ابدا..وبالعكس ترجع للوراء...انا نتذكر ايام قرارانا عام 2007..وبعد انتهاء الاجراءات..كانوا يعلقوا في التفويض..أو كل مجموعة يعلقوا تفويضاتها كل اسبوع مرة... وبصراحة مش موضوع التفويض بس صعبوه...أو أخروه..لكن كل الاجراءات سواء للموفدين الخارجين او الموفدين في بلد الدراسة والذين يعانون الويل بسبب موضوع التمديد وقفل الملف وغيره....وممكن الاجراء ياخد سنة كاملة!!..والمضحك ان فيه ناس تناقش رسائل الدكتوراه وتبي تروح وعندها اجراءات في البعثات لم تكتمل!!!!
والله بلاد تخليك تكره نفسك!!!

خاطري انشوف نظام البعثات في السعوديه والكويت ومصر ال80 مليون كيف ماشي
البعثات تبيلها ثوره 15-2 قدامها قرصه وذن للمسئولين الي قالوا نحنا مش فارقه معانا نخدموا مع الصاده والمخطط

alhusain كتب:

السلام عليكم ... السؤال الذى يدبادر الى الاذهان الان : انه لماذا لم يتم الاعلان عن التفويض فى مقر البعثات اذا كان قد تم توقيعه ؟!!!!
يعني
لو كانت عادة جديدة يبوا ايبدوا فيها وهي انه التفويض ما عادش يتعلق فى
ادارة البعثات .... باهي لعند هنا ما فيش اعتراض .... لكن المفترض فيهم
ايديروا اعتبار للناس اللى مشغولة على التفويض وايراجوووووووووووووووا من
ليهم شهر (وفيه اللى اكثر من شهرين) ويعلقوا اعلان ايقول:
انتم.....

اللى نحفت رجليكم من الجي للبعثات وتراجوا فى التفويض بيش يتوقع وتبعوا
فى السادة اللى يشتغلوا غادي فى الممرات والمكاتب وتبلع فى الكلام اللى
على راس لسانك بيش ما يفوتكش ويرد على سؤالك وتحلم كل يوم
وتسأل السؤال اليومي كل 10 دقائق واللى ايجيك حتى فى الصلاة
زعمة شن صار فى التفويض
انتم
... اللى مصيركم معلق بتوقيع .... او بورق سحب كامل .... او بمزاج موظف
متعارك هو وواحد فى الطريق ....او متخالف هو وزميله فى العمل .... او مش
شارب قهوته على الصبح .... او الطابعة ماتاباش تخدم .... او فيه شخص موفد
ضروررررررى ينزل فى التفويض رقم ..كذا ... ولا عادي ايراجوا 249 طالب على
خاطر الطالب هذا اللى ما زال ما حصلش حتى الفيزا .... او انه طالب اوراقه
مش كاملة .... لا عادي انوقف الدنيا كلها عشان خاطره
انتم .... اللى مش
عارفين كيف اديروا .... تسافروا من غير تفويض ....... اتأجلوا الدراسة
....ادورا واسطة ... تحلف ايمين رقيق ما عاد طالعه ... تطلع على حسابك
لحدما يطلع التفويض ....
انتم .... لا تستحقون الاهتمام منا لكي نضع لكم اعلاناً لكي تعلم بأن التفويض
(المعجزة المنظرة)
لن
يعلق على حائطنا بعد الان وذلك حفاظاً على نظافة حائطنا .... والبيئة لان
الورق يتحول الى غبار بعد حين وهذا يؤثر على صحتنا وبالتالى لن نستطيع ان
نعمل بالجهد اللى نعمل به الان وسوف يتأخر التفويض رقم .... 2 وهذه ليست
من شيمنا نحن الموظفين فى البعثات ...

انتم ..... ايها الموفدين والموفدات .... ربي ايكون فى عونكم

اخيرا تعلق التفويض المنتظر اليوم

و عليكم السلام و رحمة الله و بركاته صح لسانك علي الكلام الواقعي والمر الي قاعدين عايشين فيه وربي يفرج علينا رغم انه تاريخه قديم لكن ولله الحمد من سيء الي أسوأ ياريت اطمنا وبعد صدور التفويض الي نتمنا يكون صادر حضرتك وين وصلت في قرايتك ؟؟؟ وهل كان انتظار التفويض مر ام الدراسه امر ؟

قاعدين في كندا نشحتوا نين وجهنا انسلخ بيش ندفعوا الإيجارات والمستشفي والأدوية لا منحة ولا شئ شهر 7 ما وصلش من ليبيا وحالة يعلم بيها ربي