دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionطموحى .مشكلة Emptyطموحى .مشكلة

more_horiz
السلام عليكم ورحمة الله وبركاته

طلع الايفاد وقلت الحمد لله بنبدا بتحقيقي الحلم
وبما انى بنت ...ودينا يفرض علينا مرافق والحمد لله على هالنعمة ومايصير نمشى بروحى

وبديت فى اقناع خوتى .المهم حصلت خوى وبديت اندير فى الاجراءات ....وصلت فى التاشيرة
ودرت اجراءاتها و....طلعت النتيجة رفض.لانى قدمت فى بريطانيا

خوى رفض ايقدم تانى ..وقال معاش تعبى انكون مرافقك لظروف ايمر بيها وربى يسهل له كل خير

بوى مانقدر نرفعه وماانبى انتعبه فى جرتى
وماعندى مرافق بما انه خوى غير رايه


والقرار طالع ليه سنة ولازم يتنفد وحسب مافهمت مايعتبر تنفيد الا بعد ماتطلع التاشيرة وبعد سنة رح ايطيح

هل نقدر نستمر بااجرائتى لين انطلع التاشيرة حتى بروحى ونخش من ضمن هلى نفدو القرار ولا ايش رايكم على الاقل لما انخش من ضمن هلى نفدو نبدا زدت نسبة تحقيق حلمى على الاقل

لانه عارفة فرصة ومانبيها اتضيع عليا ......وايظا لما اتخطط وتبنى خططك على شئ وبعدها تجد انه بيتحطم كل هلى بنيته .والله صعبة عندى .........ودمت اخوتى فى حفظ الله وربى ايحقق احلامكم جميعا



_______________________________

لانك تحمل الاسلام فى قلبك
                                                فيجب ان تكون متميزا

descriptionطموحى .مشكلة Emptyرد: طموحى .مشكلة

more_horiz
ربى يكون فى عونك وايجيبلك اللى فيه الخير .......فعلا موضوع المرافق اصبح مشكلة .....الواحد ما يبيش ايدير حاجة تغضب ربى لكن استفتى شيخ يقولك هل يجوز انك تمشى بروحك والا ما ايجوزش

وفى بنات واجد ماشيات لبريطانيا برواحهن حاولى اتنسقى معاهن اذا لقيتى فتوى اتخليك تمشى مع رفقة آمنة

ريى يوفقك ويبارك فى عمرك ويسهل امورك لما فيه الخير


_______________________________

....اللهم اغفر لــــــى ولوالـــــــــــــدى وللمؤمنين والمؤمنات والمسلمين والمسلمات .....

descriptionطموحى .مشكلة Emptyرد: طموحى .مشكلة

more_horiz
فعلا موضوع مش بسيط وصحيح إنه لما الواحد يخطط لشيء يعتبر فيه نوعا ما جوهري في حياته حيكون صعب التخلي عليه

لكن نصيحتي ليك أختي كالتالي، طبعا مع الدعاء وعارفك مش مقصرة فيه

إنك تحاولي على قد جهدك تقنعي حد من أهلك يمشي معاك... يعني تحاولي تحاولي وتعطي الموضوع متع الإيفاد 110%

ولو لا قدر الله مصارش كوني مستريحة لأنك حاولتي جهدك وأكثر وهكي حتعرفي إنه ربي ممكن مش مقدر وإنك درتي اللي عليك وأكثر

إستعيني بالله...وطبعا الحلول كثيرة لكن الإنسان مش متخيلها وربي ممكن يسخرلك الأمور في لحظات

موفقة إن شاء الله

descriptionطموحى .مشكلة Emptyرد: طموحى .مشكلة

more_horiz
بارك الله فيكم اخوتى ....وبالنسبة للفتوى اختى نعيمة ..لايجوز لى انى نسافر بدون محرم مع انى عارفة بفضل ربى نقدر حتى بروحه لكن هادى احدود ربى وان شاء الله ربى ايثبتنا ويهدينا .............وصحيت خوى المنصورى على رائيك ..........وسؤالى هلى نبى عليه اجابة انه هل نعتبر لو حصلت تاشيرة بانى نفدت القرار ولالا. ولا هناك امور اخرى .......او انه مافيش امل

_______________________________

لانك تحمل الاسلام فى قلبك
                                                فيجب ان تكون متميزا

descriptionطموحى .مشكلة Emptyرد: طموحى .مشكلة

more_horiz
مرحبا أختي الفاضلة راجية رحمة ربي

حقيقة احسست بك عندما تصفين ماانت فيه...ولكن اقول لك ماقاله اخوتي الطلبة الاخرون

انك تقنعين احد من اخوتك للذهاب معك

وبعون الله مايصير الا الخير


واذا لم يوفقك الله في هذا القرار...تستطعين ان تطلبي الايفاد بالداخل
داخل مدينتك

واتمنى لك كل التوفيق

descriptionطموحى .مشكلة Emptyرد: طموحى .مشكلة

more_horiz
سلام اختي راجية رحمة ربي

من الاسم إن شـاء الله يكون خير . بس تفكيرك منطقي ولا تحاولي كسر حدود الله نحن في هذه الدنيا لسبب واحد

وايضا الغربة في نظري صعبة للعازب سواء رجل او مرأة. ولا لكن إن شـاء الله ربي يسهلك وتتزوجي انا في رأيي افضلك وهذه نصيحة من اخ لاخته. لان الغربة صعبة جدا جدا خصوصا في الغرب. وقصة اخوك ربما يمل خصوصا اذا لم يجد مايدرس او يفعل فنصيحتي لكي انتظري زوج مناسب افضل. وأنا هنا متزوج بس الغريبة ان هناك شباب ليبيين كتر غير متزوجين هنا في الغرب. ونجد موفدات علي درجة عالية من الذكاء والثقافة ولكن عازبات شي غريب جدا جدا. تحب تفهم اتدوخ


ولا تزعلي من ردي ولكن انا اريد لك الخير زي وحدة من خواتي والسلام عليكم

descriptionطموحى .مشكلة Emptyرد: طموحى .مشكلة

more_horiz


بارك الله فيك خوى thesoldi2r وقصة الايفاد بالداخل هادى كيف بالله عليك ؟


وصحيت خوىLibyan.student وجزاك الله خير ..ولانزعل ولاشئ بالعكس هذا رائيك ونحترمه وكلامك صح والغربة ماحد ايقول مش صعبة لكن لما ترسم هدف واتحطه براسك هضا عاد يلزمه عزم وارادة وان شاء الله خير اكيد

_______________________________

لانك تحمل الاسلام فى قلبك
                                                فيجب ان تكون متميزا
صلاحيات هذا المنتدى:
لاتستطيع الرد على المواضيع في هذا المنتدى