دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


تمديد درجة دكتوراه

descriptionتمديد درجة دكتوراه Emptyتمديد درجة دكتوراه

more_horiz
السلام عليكم

ارجوكم مفيش حد عنده علم بقرار تمديد جديد هذه الايام بارك الله فيك

descriptionتمديد درجة دكتوراه Emptyرد: تمديد درجة دكتوراه

more_horiz
في مشروع قرار تمديد جديد من ماجستير للدكتوراه على أساس تمت إحالته للوزاره بس مازال ما صدر
لكن علقوا القوائم اللي فيها الأسماء في القرار في البعثات
وهذا ملف فيه صورة القوائم
المرفقات
مشروع قرار تمديد من ماجستير للدكتوراه.pdf

لا تتوفر على صلاحيات كافية لتحميل هذه المرفقات.

(700 Ko) عدد مرات التنزيل 354

descriptionتمديد درجة دكتوراه Emptyرد: تمديد درجة دكتوراه

more_horiz
السلام عليكم هل القرار خاص باعضاء هيئة التدريس فقط او يضم الجهات العامه ايضا
السلام عليكم

descriptionتمديد درجة دكتوراه Emptyرد: تمديد درجة دكتوراه

more_horiz
جزاك الله خيرا

descriptionتمديد درجة دكتوراه Emptyرد: تمديد درجة دكتوراه

more_horiz
بارك الله فيك

descriptionتمديد درجة دكتوراه Emptyرد: تمديد درجة دكتوراه

more_horiz
السلام عليكم
كيف يتم تمديد من ماجستير الى دكتوراة ؟ يعنى نقصد يتم احالة اسماء من ملحقيات ثقافية بالخارج اللى الوزارة وبعدين يصدر قرار تمديد
وعلى اى اساس ييتم اختيار اسماء ارجو توضيح
وايضا كيف يتم قرار ضم مرافقين للدراسة اللغة واكاديمى حتى يصدر قرار ضم ام انه يخص دارسين على حسابهم خاص ارحو توضيح
وشكر لكم

descriptionتمديد درجة دكتوراه Emptyرد: تمديد درجة دكتوراه

more_horiz
بالله يا خوي هالأسماء هده الي نشرتها هل هي كل الأسماء أما هناك قوائم أخرى

descriptionتمديد درجة دكتوراه Emptyرد: تمديد درجة دكتوراه

more_horiz
منور يا زعيم, خوي اللي تسأل عالتمديد كيف يتم اليك الخطوات الحقيقية العملية التالية, وانا واحد من الجماعة اللي في القوائم تو:
1- تقدم اوراقك المطلوبة للتمديد للملحقية او المكتب اثقافي او السي بي اي اي في حالة امريكا وكندا
2- يقوم المكتب الثقافي بتحويل الطلب مع الاوراق المطلوبة لادارة البعثاث
3- وهذه المهمة جدا, انه تكون عندك واسطة بحد في البعثاث او التعليم العالي يتابع اسمك حتى يتم التوقيع عليه في التعليم العالي, لانه في هذه المرحلة الخطيرة تتم الغربلة.
وحظ سعيد ان شاء الله,
سلام

descriptionتمديد درجة دكتوراه Emptyرد: تمديد درجة دكتوراه

more_horiz
السلام عليكم إخوتي و رحمة الله و بركاته
لدي استفسار بخصوص القائمة وهل هي الوحيدة أم أن هناك قوائم آخرى. الاسبوع قبل الماضي كان والدي في إدارة البعثات وقد أبلغوه أن قائمة بصدد التوقيع وفيها اسمي و الخميس الماضي اخبروه أن القائمة وصلت إدارة البعثات و تم توقيعها من الوزير و تنتظر توقيع مدير إدارة البعثات فهل هي نفس هذه القائمة؟ و لماذا لا أجد اسمي فيها مع العلم أنني مستوفية للشروط.
بارك الله في ردودكم مقدما.

descriptionتمديد درجة دكتوراه Emptyرد: تمديد درجة دكتوراه

more_horiz
حتى انا قاللولي اسمك موجود بس في القاءمة هادي مش موجود

descriptionتمديد درجة دكتوراه Emptyرد: تمديد درجة دكتوراه

more_horiz
بالله الاخت اللي نزلت القائمة تفيدنا لا ن نحن معاش عرفنا شن القايمه المقطعة والمبهمه

descriptionتمديد درجة دكتوراه Emptyرد: تمديد درجة دكتوراه

more_horiz
يا ريت اللي نزل القائمة يفيدنا لإن اسمي كان وارد في القائمة و رآه والدي بنفسه و يفترض أن القرار حسب ما أبلغوه الخميس تم توقيعه في الوزارة و ينتظر توقيع مدير إدارة البعثات. أنا مستوفيه لكل الشروط و استغرب أن لا يرد اسمي في القرار.

descriptionتمديد درجة دكتوراه Emptyرد: تمديد درجة دكتوراه

more_horiz
السلام عليكم
أولاً : فيك بارك الله نوشي
ثانياً :أستاذ سالم
إجراءات التمديد من ماجستير للدكتوراه هي
1- طلب كتابي منك مُوجه للسفاره وإدارة البعثات تطلب فيه التمديد وتكتب فيه التقدير اللي تحصلت عليه في الماجستير وإنك كملت الماستر قبل المُده أو في المُده المُحدده وتذكر فيه تخصصك
2- قبول الدكتوراه وممكن اتقدم على قبول الدكتوراه من الجامعه على فكره مُجرد ما تطلعلك نتيجة الماستر حتى قبل ما تستلم شهادة الماجستير بش تختصر وقت هذا طبعاً في حال قدمت على قبول الدكتوراه في نفس الجامعه اللي خذيت منها الماستر
3- رسالة تزكيه من مشرف البروجيكت السوبرفيسر في الماستر أو الرساله يعني
4- رسالة تزكيه=توصيه من السفاره الليبيه في بلد الدراسه
5- ورقه من جهة عملك اللي هيا الجامعه لو كنت معيد تفيد انه لا مانع عندها من مواصلتك لدراسة الدكتوراه
6- شهادة الماجستير وكشف الدرجات
المستندات السابقه تُسلم للسفاره الليبيه ببلد الدراسه حتى لو عن طريق الايميل عادي
وبعدها السفاره اتدير رساله للبعثات وتبعث كافة المستندات مع الرساله هذي للبعثات ويُفترض بيك اتابع الموضوع من ليبيا لو عندك حد في البعثات ايتابعلك أو تبعث حد ايتردد على البعثات ايتابعلك الموضوع عشان مرات ايقولوا عندك نواقص اتسلمهم الأوراق مرات إنت من جديد كلهن
مع إن راه مرات السفاره باعثه كافة الأوراق لكن لازم منها لقطة لا عندك نواقص فالاحتياط واااااااااجب
إن شاء الله ما انكونش انسيت حاجه في الإجراءات
وعلى فكره عادةً قرارات التمديد ما اتعطلش وما تصدر يعني أشهر قليله ويصدر القرار
ثالثاً:بالنسبه لبقية الإخوه اللي سألوني على القوائم اللي نزلتها ،،القوائم راهوا معلقينهن في البعثات يعني تقدروا اتشوفوهن غادي وفي حد صورهن ونزلهن عالفيس وأنا بس خليت الصور على هيئة ملف بي دي اف ونزلته عالموفد لما حد سأل عالتمديد
في حد من الناس اللي في القوائم مقدم من شهر 12 اللي فات للتمديد
يعني مش عارفه هل اللي سأولني قدمتوا في نفس الفتره أو لأ
ممكن تكون القوائم اللي نزلت ناقصه لأني مش أنا اللي مصورتها وممكن تكون أسماءكم في مشروع قرار تمديد ثاني
فياريت تبعثوا حد للبعثات ايشوف القوائم هذي لأنها تعلقت غادي وايراجع موضوعه بنفسه أفضل
وربنا ايوفقكم وايوفقنا أجمعين يااااااااااااااارب
قبل ما ننسى أستاذ سالم شروط التمديد انك تكون مكمل الماستر في المده أو قبل المده بدون ما تكون واخذ تمديد مده عشان الماستر يعني نقصد مده زياده
وتكون مُعيد أو عضو في مركز بحوث عشان يقبلوا ايمددولك لدرجة الدكتوراه
بالنسبه للمرافقين لو انت متحصل على الإيفاد من الدوله ،المُرافق معاك بالنسبه للغه يقدر يبدا على طول فيها بس يكون متحصل على قبول لغه أما الدراسه الأكاديميه قبل الثوره كان المُرافقين ايقدموا للسفاره والسفاره اتدز للبعثات والمُوافقه تاخذ مرات سنه بش يقدروا يبدوا دراسه
في أثناء الثوره عطوا فُرصه استثنائيه إن مش ضروري يرجى المرافق سنه موافقة البعثات واللي عنده قبول أكاديمي يبعثه للسفاره والسفاره تبعثله ورقة دعم مالي للجامعه
المهم المُرافق ايكمل دراسته الأكاديميه في الفتره المُحدده لدراسة الموفد في الأصل مش أكثر
بس حالياً تقريباً منعوا المُرافقين في أستراليا من دراسة الأكاديمي مش عارفه بالنسبه للغه لأن في ديون عالجامعات غادي على ليبيا

descriptionتمديد درجة دكتوراه Emptyرد: تمديد درجة دكتوراه

more_horiz
أولا شكرا على الرد و بارك الله فيك. ثانيا أني مقدمة من شهر عشرة اللي فات و مستوفية لكل الشروط المذكورة. المرة الماضية قالوا اسمي سقط سهوا و المرة هذي قالوا في القرار. المهم القرار المرفق ربي يوفق اللي فيه كلهم مع أن البعض مثلا غير مستوفي لشرط التفوق الأكاديمي. من رأيي موافقة الجامعة كافية للتغاضي عن باقي الشروط وفيها توفير كبير لميزانية الدولة حيث أن الموفد إذا احتاج قرار جديد تماما بعد فترة فذلك سيتضمن فترة اللغة و بالتالي مصاريف اضافية لمدة سنة. الأمر الوحيد الذي يجب التأكيد عليه هو أن الموفد عليه أن يتعهد بإرجاع تكاليف الدراسة في حالة فشله في نيل الدرجة المنشودة.


عدل سابقا من قبل manal ali في الثلاثاء 12 مارس 2013, 12:23 am عدل 1 مرات

descriptionتمديد درجة دكتوراه Emptyرد: تمديد درجة دكتوراه

more_horiz
اذا كان التاخير بسبب التاخير في دفع الرسوم ابان الثورة فتم تعطيل الدراسة بسببب هذا
ثم هل هناك حالات تم رفض التمديد لها بسبب الحصول على تمديد ستة شهور

descriptionتمديد درجة دكتوراه Emptyرد: تمديد درجة دكتوراه

more_horiz
شكرا لكم جميعا وشكرا لاخت illusion
وبارك الله فيكم
عندى سوال
هل من ضمن شروط التمديد يطلبوا تقدير معين فى ماستر
وايضا كيف اندير قرار ضم علما عندى صديق يقرا على حسابه خاص فى مصر ويريد ان يضم كيف يدير وشكرا لكم

descriptionتمديد درجة دكتوراه Emptyرد: تمديد درجة دكتوراه

more_horiz
اخت منال السلام عليكم
ما هي اخر المعلومات لديك بخصوص قرار تمديد الدرجة هل تم توقيعه ام ليس بعد
شكرا و موفقه

descriptionتمديد درجة دكتوراه Emptyرد: تمديد درجة دكتوراه

more_horiz
السلام عليكم...اللي عندي علم بيها مسودة تختلف عن اللي تم عرضها من قبل إحدى الأخوات في المنتدى. المسودة تم التهميش عليها بلا مانع و تم إعادتهم للبعثات حيث تم إعداد الصيغة القانونية للقرار و الذي كان من المتوقع أن يتم توقيعه قبل انقضاء الإسبوع الماضي. دعونا نتأمل خيرا و عسى أن آتيكم بأخبار مفرحة بخصوصها يوم الأحد القادم "بعد غد".

descriptionتمديد درجة دكتوراه Emptyرد: تمديد درجة دكتوراه

more_horiz
بالله يااخوتي هالمسودات اللي تحكوا عليهم يضموا حتي الجهات العامه في تمديد الدرجه والا هيئة التدريس فقط بالله جاوبوني

descriptionتمديد درجة دكتوراه Emptyرد: تمديد درجة دكتوراه

more_horiz
بارك الله فيك اخت منال ربي يصبرنا الى يوم الاحد و ان شالله نسمعوا منك اخبار طيبة

descriptionتمديد درجة دكتوراه Emptyرد: تمديد درجة دكتوراه

more_horiz
اخ kasr
المسودة اللي نحكو عليها في الصفحة الاولى من هذا الموضوع شوف قائمة الاسماء الموجودة في مشاركة الاخت illusion
ان شالله اسمك ايكون من ضمن الاسماء

descriptionتمديد درجة دكتوراه Emptyرد: تمديد درجة دكتوراه

more_horiz
ياخي الباين انها خاصه بس بأعضا هيئة التدريس واني من الجهات العامه ومافيش اي خبر علي قرار تمديد الدرجه ليهم

descriptionتمديد درجة دكتوراه Emptyرد: تمديد درجة دكتوراه

more_horiz
مع التحية

descriptionتمديد درجة دكتوراه Emptyرد: تمديد درجة دكتوراه

more_horiz
اخت منال وينك ياريت تبشرينا لو في اخبار جديدة عن القرار ملينا من الانتظار Crying or Very sad

descriptionتمديد درجة دكتوراه Emptyرد: تمديد درجة دكتوراه

more_horiz
اللهم منشي السحاب ورب الارباب...ياحي ياقيوم يامعطي ياكريم
وفق كل طالب في دراسته واجعله يكمل الدراسة وينجح ويعود بالشهادة...اللهم وفق كل طالب علم...اللهم امين

_______________________________

أشهد أن لا اله الا الله وأشهد ان محمد رسول الله

لا يتواضع إلا '' الكبير '' ولا يتكبر إلا '' الحقير '' و لا تقاس العقول بالأعمار فكم صغير عقله بارع .. وكم من كبير عقله فارغ .!



من أذنب وهو يضحك دخل النار وهو يبكي
صلاحيات هذا المنتدى:
لاتستطيع الرد على المواضيع في هذا المنتدى