مـــــــا هــــــــــــــي اخبـــــــــــــــار القرار المنتظر!!!!!!!!!!!!!!!

السلام عليكم ورحمة الله وبركاته
هل يوجد احد عنده اي معلومه حول قرار الايفاد المنتظر، وهل عودة القرار الى البعثات صحيحة!

يقولو ماشي جاي على البعثات

اليوم بالتحديد خبر من وزارة التعليم ... ان القرار لن يوقع وسيضل الكر والفر بين البعتات والادارات والوزراة الى حين يأس الشباب . ويرجع السبب ان البلاد بها نقص في اعضاء هيئة التدريس ولا يريد المسؤولين اصدار قرار حتى لا يزيد العجز وان القرارات التي ستوقع هي الأوائل والوزارات مثل الصحة والزراعة لحاجتهم الى ايفاد اما الجامعات والهيئة الوطنية الى 2014 .
سؤالي ما ذنب المعيد ؟؟؟ عضوا هيئة التدريس في النهاية عنده شهادة بس المعيد مظلوم في هذه الاستراتيجية المذهلة ... والكلام بجد ولو تقعد السلبية من المرشحين من جميع المناطق انتم عندكم دليل ان القوائم من 11/4/2012 الى الان ولا قرارات

لا حول ولا قوة الا بالله وقفو حالنا الله يوقف حالهم

ياسيد معتز لاانك من بنغازي الشراره والبعثات و الوزارة مش عندكم ..ماتسمعش دوتهم هادوا يلي ايعلقوا ... هادم فالحين في الكلام بس ... كلمني على الخاص تو انقولك شنو صار معانا في مكتب الوزير يوم الاثنين عندما اجتمعنا معه شخصيا ...طبعا كنا 7 اشخاص تو انقولك الكلام الحقاني يلي تمشي به ...

@Paoloroci Libyano كتب:

ياسيد معتز لاانك من بنغازي الشراره والبعثات و الوزارة مش عندكم ..ماتسمعش دوتهم هادوا يلي ايعلقوا ... هادم فالحين في الكلام بس ... كلمني على الخاص تو انقولك شنو صار معانا في مكتب الوزير يوم الاثنين

اجتمعنا معه شخصيا ...طبعا كنا 7 اشخاص تو انقولك الكلام الحقاني يلي تمشي به ...

احكى الكلام علنى

يا صاحبى كلنه من برا العاصمه التطمين له اجر وشكرا لك

ياسيد كلامي واضح ..في ناس هنا ايلقحوا بس هذه مهمتهم ..وقت اتقوللهم تعالوا اعتصموا ما يجوكش ...ايحبوا ياخدوا المعلومة بس ...كلمنى على الخاص ..شكرا

اسلوب استفزازي حلو احتفظ بالمعلومة لنفسك لان إن كان الخبر اليوم بفلوس غدوه ببلاش

الله المستعــــــــــــــان وعليه التكلان ,,,,,,,,,,,

اللهم أجرنا فى مصيبتنا واخلف لنا خيرا منها ..........

@Paoloroci Libyano كتب:

ياسيد معتز لاانك من بنغازي الشراره والبعثات و الوزارة مش عندكم ..ماتسمعش دوتهم هادوا يلي ايعلقوا ... هادم فالحين في الكلام بس ... كلمني على الخاص تو انقولك شنو صار معانا في مكتب الوزير يوم الاثنين عندما اجتمعنا معه شخصيا ...طبعا كنا 7 اشخاص تو انقولك الكلام الحقاني يلي تمشي به ...

ياخويا حتى انا من بنغازي ممكن تقولي شنو صار معاكم رحمة علي والديك تكسب فينا اجر

اليبي يتعلم يقر بروحه النت موجود و الاكاديمية موجوده

لينا الله وخلااص

وعاشت ليبيا حرة ابية ديمقراطية