هل صحيح تم إيقاف قرار الخاص بالمعيدين

أنا سألت البعثات وقالو تم إيقاف القرار الخاص بالمعيدين ومافيش كان قرار بخصوص الترتيب الأول

المعيدين هم الاولى بالقرار لأنهم بصفة مؤقتة وبالنسبة لأعضاء هيئة التدريس امورهم اولى ومن حق الجميع انه يقرا ويواصل تعليمه مفروض وقفه جاده الحق ياسر مهازل الميزانية واعتمدت مليار ونص ياااااااااااااااااارب خوذ فيهم الحق

بجد وجعني حالي قداش ليا ننتظر في القرار وبسهولة قالو ماصارش منه هذا ظلم والله كيف هكي بالساهل يلغو أحلام طلبة أجتهدت باش تحقق حلمها أنها تكمل دراستها للاسف ما عندهم عذر لهذا الموضوع

ممكن الأوائل مايصيرهمش أقصد الثاني و الثالث حسب قولك اما المعيدين وأعضاء هيئة التدريس ما أعتقد

السلام عليكم.......

بالله عليكم ولو سمحتم فكونا من الإشاعات ....

حتى بالمنطق ماشاء الكليات والمعاهد كل فصل دراسي تخرج في مجموعة طلبة...

يعني من الساهل تلقى معيد وما عمرناش سمعنا الجامعات تعقدت مع أجانب بيش يكونوا معيدين لكن يمكن التعاقد مع أعضاء هيئة تدريس أجانب...


والمعيدين من ضمن القرار الجديد مؤكّد مؤكّد ......

مش إشاعة أنا سألت البعثات بخصوص المعيدين وقالي في قرار بخصوص ترتيب الأول فقط

ليش ترتيب الثاني وثالث ما يصيرلهمش حتی هم معيدين

بالله عليكم بلاش اشعات القرار سيصدر قريبا للاوائل والمعيدين واعضاء هيئة التدريس احنا في ليبيا الحرة مش في زمن الكافر المرتد معمر والله اكبر

بجديات أتصلت بالبعثات وسألتهم قالولي شن ترتيب قولتهم ثالث ردو عليا وقالولي في قرار بخصوص الترتيب الأول بس مافيش بالنسبة للمعيدين والله قالولي هكي بالحرف الواحد ما جبتش شي من عندي

يستر الله وخلاص

اللى عند الله اقريب وكان مكتوبلنا فى القرار توة ينزلن اسامينا فيه الحمد لله على كل حال

اتصدقى يا اختى ان فى القرار المنتظر ناس جايبة الترتيب الاول مش معيدة بس وقاعدة اتراجى فى هالقرار وماحطوهمش ضمن قرار الاوائل .......
حسبى الله ونعم الوكيل .......

@Rose_84 كتب:

“

بالله عليكم بلاش اشعات القرار سيصدر قريبا للاوائل والمعيدين واعضاء هيئة التدريس احنا في ليبيا الحرة مش في زمن الكافر المرتد معمر والله اكبر

”

لا ينبغى و نحن بهدا المستوى من العلم والثقافة أن نكفر على هوانا و نقول فلان مرتد على هوانا وإن إختلفنا معه سياسيا و مصلحيا و تقافيا لنجعل منه شماعة نعلق عليها أخطانا و ستار نخفى خلفه فشلنا فعيب يا روزا الكلام اللى تكتبى فيه معليشى اكتبيه على صفحتك فى الفيس بوك ما حد ينتقدك لكن فى منتدى راقى و علمى ارجو الابتعاد عن التجهيل لأن هذا إستهزاء بعقولنا
فلا ينبغى استخدام المنتدى لتمرير افكارك السياسية والتى هى ربما افكار غيرك و غيرهم
اللهم إنى قد يلغت اللهم فأشهد
كى لا احمل وزر جهل غيرى يوم القيامة
والسلام عليكم

يا اخت رونق الحياة بما انك تكلمى فى البعثات ردى على سؤالى القرار الجاى فية الاوائل المتحصلين على الترتيب الاول خريجى 2011-2012 وشكرا والعبد الفقير ل الله مش معيد ومش لاقى عمل وشكرا

معمر القدافي كافر ومرتد هذا كلام علماء الامة الاسلامية

يا هوووووو وقسما بالله امس كنت مع الوزير وقالى بالحرف الواحد انه خلال اسبوعين ثم استدرك قائلا عشر ايام سيتوقع عده قرارات وهو يعرف انى معيد فبشرنى


والله والله والله هظا الى صار

سيتوقع ولا سيوقع؟؟؟؟؟؟؟؟؟؟؟؟؟

@Rose_84 كتب:

“

معمر القدافي كافر ومرتد هذا كلام علماء الامة الاسلامية

”

سبحان الله من هم علماء الأمة اذكرى أحدهم لان هدا والله ستحملين وزره يوم القيامة
الم تسمعى بالحديث الذى يقول فيه رسولنا الكريم لعلى ابن ابى طالب رضى الله عنه أشققت على قلبه
إتقى الله وكما قلت لك يحق لنا أن نختلف مع من نشاء و لكن لا يحق لنا أن نتعدى على حقوق الله
فمن قال لا إله الا الله محمدا رسول الله فهو ليس بكافر فأتقى الله يا أخية

والله من وراء القصد

السلام عليكم