عاى جميع الطلاب الموفدين بالقرار 54 - 72 الحضور لمقر وزارة التعليم العالي صلاح الدين يوم الثلاثاء30-4- القادم للتأكد من الأسماء شخصياً حتى يتسنى الأتفاق مع الوزارة على اليه تنفيذ القراريين
بارك الله فيك اخي الوازن بس ياريت اتوضح كيف التأكيد مادام الاسم موجود بالقائمة ام انه تم تصفية الاسماء ياريت تشرحلنا مصادرك لاني بإدن الله جاي وكيف نراسلووك
السلام عليكم هل افهم من كلامك اخي الوازن ان قرار 54 قدتم التوقيع علية من قبل الوزير وماهو الهدف من الحضور الشخصي نرجو منك التوضيح حتي نتمكن من الحضور من الجنوب انا وباقي الاخوة
السلام عليكم اخوتى اصحاب القرارين 54منح والقرار72ادعوكم للاعتصام امام وزارة التعليم العالى والضغط كذلك على المؤتمر الوطنى ورئاسة الحكومة السنا ليبيين الم تقوم الحكومة باستتناء هيئة المحاربين من شرط السن والتقدير فلماذا هذه الازدواجية من الدولة او انهم تعودوا ألا يعطوا حقوق الناس الا بالتهديد والقوة ومن هذا الطاهر بن طاهر وماذا كان فى ليبيا الايتعض هو ومن على شاكلته ولكن قيل العاقل يوعض بغيره واخيرا حسبنا الله ونعم الوكيل
معلومات غير صحيحة اطلاقا...وهذه ثالث مرة ...نسمع نفس المعلومة ومن نفس المصدر ..ولايوجد اي اجراء..ولاشئ..خليكم مرتاحين ..ليش تتعبوا في الناس من اخر الدنيا...اللي عنده الرصاص والرجال ..خلى نقولوله من اللى موقف ايفاده لو مش عارف..لانه قال بالحرف الواحد والله مافيكم واحد طالع وانا حي ارزق ...وبيني وبينكم النحاس...ولا انتم ماتعلموش...ياسر من المسكنات ..والاشاعات ..خلوا الناس تنسى..واي مؤتمر يقدر يتدخل..اللى يأمر وينهي في وزارة التعليم ..شخص واحد ..هو ليس بوزير...ولكنه اكثر تأثيرا من رئيس الدولة...بالله ريحونا..من الاوهام
اتق الله ومعش تكدب هده ثالث مرة تهيج في الشباب وتكدب عليهم وانت في بنغازي وبكلام غير صحيح بالله عليك خاف ربي تحسابنا مانتابعوش في الموضوع ونعرفو شن صاير ولتو الموضوع موقفه شخص من مدينة الصمود الله ينتقم منه ويجعله عبرة لغيره في الدنيا قبل الاخرة