دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionنصيحة أخ لكم  Emptyنصيحة أخ لكم

more_horiz
السلام عليكم ورحمة الله وبركاتة


الأخوة الليبين والراغبين فى الدراسة فى ماليزيا الان
علية أود توجيه نصيحة للجميع لوجه الله الكريم ::
يا أخوتى مافى حد يكذب عليكم نلقانكم ماتجو الا وفى يديكم قبول أكاديمى بيش ماتتعبو وتبهدلو كيف ما ساير توا مع اغلب العائلات وبالنسبة للمعاهد الى تعطى فى فييزا للعائلات هو معهد الكاستورى وهذا المعهد غير مؤهل ان تقرو فية وتعلمو راهو معهد مضيعة للوقت ويستغل فى ظروف الليبين وخاصة الى عندهم عائلات ويسلب فى اموالهم ومرات تتفاجاء لاعندك فيزا ولا شىء على نبى نوقضكم على شى وهو أن أغلب المعاهد فى ماليزيا توا ماتعطى فى العائلات فيزا ولا الذين اعمارهم اكثر من 35 سنة علية وجب تنبيهكم بعدم الاستماع لمروجى الخدمات الذين هدفهم فقط جمع الاموال والنسبة الى ياخذو فيها على كل طالب يسجل فى معهد وهذه نصيحة من أخ لكم وأن لاتتوجهو الى ماليزيا الا وفى يديكم قبول أكاديمى على الأقل لأن قبول اللغة الى تاخذو فيهم من معهد (الكاستورى) مثلا لاتفى بالغرض لان المعهد معهد فاشل أكاديميا بالأضافة أنه معهد يستغل فى ظروف الفيزا للعائلات الليبية الى سجلو فية ويسحب فى فلوسهم من غير فائدة بالأضافة للأستفزاز الى يستفز فية للعائلات الليبية وسلب لأموالهم واهدار مبالغ كبيرة على قلة فائدة وزيادة على هكى أهدار الوقت على قلة فائدة وكثير من العائلات تم اخذ جوزاتهم وفولسهم والى اليوم لم يتم أعطائهم الفيزا وزيادة على هكى كل واحد يعزق فيهم على الاخر والله العظيم عزة فى نفسى ان الليبين يطايحو لأشخاص ولا يسوو حاجة ياريت المكتب الطلابى والسفارة الليبية توقض روحة ودير قيمة للطلبة والعائلات الليبية الى ظروفهم مأساوية للغاية والمسئلة مش مسئلة فلوس ومنحة تزل كل شهر يا سفارة المسئلة مسئلة كرامة الطالب الليبى الى قعد يطوطح بين المعاهد وسماسرة الفيزا وانتم همكم فقط جمع الاموال من النسب الى تاخذو فيها على كل طالب اتقو الله فى العائلات وفى عويلاتهم وفى الليبين ديرو كرامة للطالب الليبى صبو معاه امشو للمعاهد وهددوهم بقطع التعاون معاهم فى حالة عدم تسهيل اجراءت طلبة ليبيا او نروحو لبلادنا بكرامتنا ولا نصبو ولانجدو كل من حب ودب والله يا شباب عزة فى نفسى ظروف العائلات هنا الى مش عارفين شن يديرو والسفارة والمكتب الطلابى لاحياة لمن تنادى ونا كتبت هل شى مش متظرر من شى الحمد لله عندى قولى وندرس وامورى تمام ولا علاقة للدولة الليبية باجراءت دراستى لكن الى شفتة من تدهور احوال الطلبة الليبية وخاصة الى عندهم عائلات والله حالة يرثا لها ونتمنا منهم يصبو تصبايا وحدة ويقعدو يد وحدة ويدونو مشاكلهم ويتكلمو على حقهم الى ضايع بين سماسرة المعاهد ونصب اصحاب المعاهد وبين مكتب طلا بى وسفارة راقدين فى العسل وهمهم فقط تنزيل المنحة كل شهر اين منحة وكرامة عائلاتنا يرثا لها ..

descriptionنصيحة أخ لكم  Emptyرد: نصيحة أخ لكم

more_horiz
بارك الله فيك وجزاك الله خير
إن شاء الله ربي إيسر الامور بإذن الله
صحيح كلامك ,,, مقروض الطالب الليبي إيديروله كرامه وهيبة
فالمساله ليست فقط بالمنحة والمال

descriptionنصيحة أخ لكم  Emptyرد: نصيحة أخ لكم

more_horiz
بارك‏ ‏الله‏ ‏فيك

descriptionنصيحة أخ لكم  Emptyرد: نصيحة أخ لكم

more_horiz
بارك الله فيك ياريت المكتب الثقافى فى كل دوله يوقف مع الطلبه مش يكون هو اساسا احدى العراقيل التى تواجهه

descriptionنصيحة أخ لكم  Emptyرد: نصيحة أخ لكم

more_horiz
بارك الله فيك

_______________________________

نصيحة أخ لكم  Q8cj

descriptionنصيحة أخ لكم  Emptyرد: نصيحة أخ لكم

more_horiz
شكرا على النصيحة أخي الكريم

descriptionنصيحة أخ لكم  Emptyرد: نصيحة أخ لكم

more_horiz
السلام عليكم
الله ايبارك فيك ياخوي على نصيحتك وان شاء الله في ميزان حسناتك
والمشكلة انه في ليبيين ايتاجرو في خوتهم الليبيين على خاطر 500 رنقت يعني اقل من 150 جني والله شي يقهر

_______________________________

نعيب زماننا والعيب فينا ..............  وما لزماننا عيب سوانا
 ونهجو ذالزمان بغير ذنب .................... ولو نطق الزمان لنا هجانا .

      
                                                  نصيحة أخ لكم  951913
صلاحيات هذا المنتدى:
لاتستطيع الرد على المواضيع في هذا المنتدى