المختارين من مؤسسة النفط لفرصة الماجستير

معقولة ما فيش ولا واحد معانا في المنتدى من موظفي المؤسسة الوطنية للنفط؟

حسب ما اسمعنا امس قالوا شركة الخليج كانت امعطلة الموضوع و انحلت المشكلة وقالوا الاسبوع الجاي بيحولوهم وان شاء الله خير

بالعكس شركة الخليج اول شركة بعتت القائمة متع مستخدميها

ربي يستر وخلاص

هل من جديد

نراجوا في رحمة الله الواسعة

لا تيأسوا يا إخوتي،،، فما بعد الضيق إلا الفرج،،، و نسأل الله العظيم أن يعجل بإقرار الإيفاد

اللهم آمين

السلام عليكم

اليوم سالت واحد يخدم في الؤسسة قالي انه القوائم تحت الفرز مازال ويعطلو شوي وبعدين بيبعتهم الي التعليم العالي المهم الصبر

يا خوي اسماعيل ما دام عندك حد تعرفه في المؤسسة يا ريت تخليك على تواصل معاه باش نعرفوا اخر التطورات على رحمة والديك .. ولك جزيل الشكر

التأخير كله تسأل عنه المؤسسة الوطنية للنفط و الشركات التابعة لها،،، و ليس لوزارة التعليم العالي أي ذنب في التأخير،،، علينا بالتفاؤل و الدعاء

هل من جديد؟

لا جديد يذكر،،، أهم شيء أن الواحد يشوف و يدور على الجامعة المناسبة حتى يكسب الوقت،، إن شاء الله نلحقوا على ربيع ٢٠١٤

وكيف بنعرفوا البلاد اللي بنطلعولها ( لو سخر الله وطلعنا ) ... لو نعرفوها هذاك الوقت نقدروا نبحثوا

أخ magicday100




أمريكا و كندا و بريطانيا أكيد ما عليهمش شبهات،،، لكن بقية الدول الله أعلم

ان شاء الله خير يا خوي رياض ... وربي يسخرلنا الحال

يا جماعة بالله عليكم اعطونا معلومات ربي يسهل على الجميع

ربي يسمعنا خير .. قاعدين نسألوا وان شاء الله كان عرفنا شي نكتبوه هنا

اخر شي اسمعتى ان القوائم  قبل اسبوعين كانن في المؤسسة -الله يسخر الحال

يا ام يعقوب انشا الله كلام صح
تو انحاولو انشوف حد يمشي للمؤسسه الوطنيه للنفط يسئل كان في شي جديد-عموما في واحد ماشي الاسبوع الجاي تو اندزوه لوكيل وزارة التعليم العالي لانه عنده امعاه موعد- والله ولي التوفيق

اللي فيها خيرة يأتي بها الله

ونعم بالله

السلام عليكم
انى اليوم امشيت لقسم التدريب في المؤسسة وأسئلت الموظف المسئول على القوائم قالى الملفات مازال عندهم وكانو أيراجو في شركة مليتا وخلال الاسبوع القادم بيبعتو قوائم مفصلة من غير ملفات هدا بتفاق مسبق مع التعليم  أن شاء الله خير وخلاص

ان شاء الله خير وربي يعجل بالخير ... كنا نتمنوا أن الموضوع كله يكون تابع للمؤسسة الوطنية للنفط .. لأن التعليم العالي حبالهم طويلة .. لكن الخيرة فيما اختاره الله وان شاء الله ما عادش يطول الموضوع أكثر من هكي