تغيير الساحة

بالله يا جماعة, أنا أمقدم على تغيير الساحة الدراسية. فهل في هده الحالة يصدر قرار بالخصوص أو هو اجراء عادي
وين بالزبط نقدر أنراجع عليه؟
بالله اللي امغير الساحة قبل أيقولنا كيف الاجراء
مع العلم أني متحصل على تمديد من الماستر الى الدكتوراة 3 سنين, في الساحة الأمريكية, ولظروف خاصة, قدمت على تغيير الساحة
وشكراً

مافيش رد يا كوكي والا شني, انشوف فيك قبل ناشط هلبا

والله يا أوخي ما عندي معلومه علي هالموضوع
وانا سبق انشرت موضوع نستفسر علي:
هل بأمكان الطالب المتحصل علي تمديد الدرجه ان يغير الساحه؟
بس للأسف مافيش حد جاوبني
فانا عندي امل انا تكون الاجابه الشافيه الي نبحث عليها هنا من خلال موضوعك هذا
اخي الفاضل
فيارب نلقوا من أيجاوبنا

السلام عليكم
ماعليش حتي انا نسال علي نفس الموضوع نبي نغير
من قبل قالوا عبارة عن تغلق ملفك في السفارة الليبية في الدولة المتواجد فيها
مع احضار رسالة فيها مدة الدراسة السابقة والتكاليف المدفوعة عليك في السابق
وتقدمها الي البعثات مع نموذج تغير الساحة في ملف تفويض جديد وبعدها يصدرلك قرار تفويض جديد بالساحة الجديدة
بس للتوا سمعت خبر افجعني وهو انه تم تعليق قرار في البعثات يمنع منع بات تغير الساحة بعد صدور قرار تفويض سابق
فاطلب منكم من هو متواجد في طرابلس او بنغازي يتاكدلي من الموضوع وله الاجر
وارجوا منكم الاهتمام بامري فانا خارج البلاد وعلي وشك قفل ملفي
وشكرا

بس يا اختي في طلبة درسوا مدة لا بأس بها في ساحه وبعدين غيروا لساحه اخري
اعني ان هذا قبل التمديد ... يعني خلال دراستهم للدرجة الأولي المبتعثين لها
يعني خلاصة قولي انهم قاموا بهذه العملية بعد التفويض
أن شاء الله يكون الخبر الي حضرتك ذكرتيه غير مزبوط

ايوا اخي انا معاك في هلي الكلام
بس اليوم سمعت اي قبل لحظات من اخت علي الفيس من زليطن
انه تم تعليق قرار عن جديد يمنع فيه تغير الساحة مادام صادر فيك قرار تفويض
فاذا كنت متواجد في طرابلس او لديك من يسال في البعثات
فاريت تفيدني لاني في حيرة وضيق من امري
ولك الشكر

السلام عليكم ورحمه الله وبركاته ...لدي استفسار مهم ..بالله عليكم الاجابه في اقرب وقت ...انا طالب لدي قرار ايفاد واتممت اجراءات الايفاد وقدمت على التفويض لساحه ماليزيا وطلع التفويض ...لكن انا اريد تغير الساحه وسمعت انا فيه قرار من وزير التعليم العالي بوقف برنامج تغيير الساحه ...سؤالي هوا هل يعتبر قرار ايقاف تغيير الساحه ساري مفعوله عليا.. مع العلم باني مازالت في ليبيا ولم افتح ملف في الساحه اللي مفوض عليها ....رجاءا من اهل الخبره والمعرفه الاجابه على استفساري لاني في امس الحاجه في تغيير الساحه ...شكرا لكم جميعا