تمديد الدرجه للجهات العامه

لمادا لا يوجد اي خبر علي تمديد الدرجه للجهات العامه والله تعبنا من الانتضار بدون منحه سنه كامله والمشكله معانا صغارنا ليش المسؤلين ماياخدوش الموضوع بعين الاعتبار

السلام عليكم

تم توقيع قرارد تمديد الدرجة من ماجستير لدكتورة الخاص بإعضاء هيئة التدريس فقط بينما تم رفض القرار الخاص بالجهات العامة

هل انت متاكد يا اخي من هدا الخبر ولمادا

السلام عليكم
بالله ارجوا التاكد، لان الوزير اليوم كان في اجتماع في رئاسة الوزراء
وان كل القوائم لازالت تحت المراجعة، فكيف يتم هكذا اجراء وبهذه السرعة
بالله ياخوتنا تاكدوا

بالله تاكدولنا من الخبر واللي عنده معلومه يكتبها خلي ينشط الموضوع بالك يحسوا بينا في زحمة القرارت احنا ضحية من بين الطلبه ومهمشين  

بالله ياجماعة الخير اللي عنده معلومة عن تمديد درجة من ماجستير للدكتوراة للجهات العامه يفيدنا

الموضوع غامض ومافيش اي خبر عليه وربي يستر مانكونوا ضايعين في كومه القرارات

ليش كل القرارات والمميزات خاصه بالاوائل واعضاءالتدريس فيه طلبه اوائل ولكن ترشيحهم من الجهات العامه والله ظلم مهمشين ومفيش حد يطمنا علي القوائم يقولوا عند الوزير ليهم شهر ووبعدين وين مشوا معقوله ما حد ذكره بيهم خخخخخخخ والله هم يضحك

ان شاء خير ياخونا كاسر
صحيح كلامك والله الواحد مايعرف كيف يتصرف
طلبة ليبيين اصحاب اسر ومستمرين في دراستهم
يتم تهميشهم بأتفه الاسباب، انك مش عضو هيئة التدريس
بالله قرارات الضم او حتى هيئة شؤون المحاربين
هل هي موجودة في اللائحة؟ طبعا لا
لكن طلبة الجهات العامة اللي مدكورين في اللائحة
يتم استبعادهم بدم بارد
لكن لماذا لا يتم تعديل اللائحة؟ او استثناء؟
الله غالب وزارة غبية ومدير بعثات ميت

أخر الأخبار امس بالتحديد قالوا لازالت القوائم تحت المراجعة
اي نوع من المراجعة لاندري، وحاولنا اليوم نتصل لكن كل شخص يقول كلام
اللهم الصبر وخلاص

والله يا خوي طارق انت معاي في فرنسا وعارف كويس التكاليف واسعار القطارات وخاصه اتك تسكن في مدينه والدكتوراه في مدينه اخري والسفاره ماعندها مايديرلنا
شن مراجعه وكيف وعلاش شي يخوف بعد الانتضار يطلع هالقرار واسم طالب مستبعد
ربي لانسالك رد القضاء ولكن نسالك اللطف فيه

ان شاء الله خير

يارب. فرح علينا وهالاسبوع نسمعوا اخبار تفرحنا يارب ماتعقبناش من بين خوتنا ونحصلوا تمديد ونكملوا علي خير قولوا امين

من عنده اي معلومه علي القوائم توقعوا اليوم او لا يكتب لنا بالله انا في الانتضار
وبارك الله فيكم

من عنده اي معلومه علي القوائم توقعوا اليوم او لا يكتب لنا بالله انا في الانتضار
وبارك الله فيكم

اصعب شي الانتضار بس ما بعد الصبر الا الفرج إن شـاء الله

هل صحيح الخبر الذي وصلني ان الوزير وضع شروط صارمه لتمديد الدرجه للجهات العامه مما استدعي تقليص القوائم الي اكثر من النصف
حسبنا الله ونعم الوكيل نكتب ونرد علي حالي يمكن اني بس نستنا كلهم حصلوا تمديدات

بالله متى وصلتك المعلومة؟
لان لعند الخميس مافيه شي
ارجوا التاكد والرد

ليست انت وحدك من ينتظر
لكن والله فدينا من الانتظار

يارب نسمعوا اخبار طيبه اليوم
واللي يتصل او يسمع بالله يفرحنا معاه

يارب شوره ماصار شي حتي اليوم

خيركم ياشباب نشطوا الموضوع وخلوه في الصداره واللي سمع حاجه يطمنا

والله ان شاء الله يصير منه ويتوقع
هو عموما حتى اعضاء هيئة التدريس والمعيدين
مازال في الادراج ولم يتم توقيعه
الصبر مفتاح الفرج ان شاء الله

ربي يسمعنا الاخبار الطيبه في هالايام المباركه والشهور الفضيله يارب قبل شهر رمضان تكون امورنا واضحه وشكرا يااخ طارق علي المشاركه وبالله ماتحرمناش من مشاركتك والاخبار المطمئنه

السلام عليكم ,,,سمعة من صديق يتردد على مكتب الوزارة ان القوائم تحت المراجعة من ادارة البعتاث وذلك لوجود اسماء متحصلين على درجة الماجستير بمقبول لالغائهم من القرار... وربى يوفق الجميع