دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


description مطلوب تقديم خدمة لكل الموفدين الجدد .... Empty مطلوب تقديم خدمة لكل الموفدين الجدد ....

more_horiz
أعوذ بالله من الشيطان الرجيم ... إن الحمد لله نحمده ونشكره و نعوذ بالله من شرور أنفسنا و من سيئات اعمالنا من يهده الله فلا مضل له ومن يضلل فلا هادي له ..
بسم الله الرحمن الرحيم
أخوتي الكرام ... هذا طالب مني و من جميع الموفدين الجدد الى الاخوة الدارسين في الساحات الخارجية ..
أولاً نبارك لجميع الاخوة التي صدرت لهم قرارات ايفاد من مختلف الجهات ... و أود أن افتح موضوع الايفاد و الذي يمكن ان يخص الجميع ... من النواحي التالية و أنا عن نفسي لا افقهه شئ في هالموضوع و انا و الحمد لله احد الاشخاص اللي صدر لهم قرار ايفاد و النواحي هي :
1- ساحت الايفاد ... كيفية معرفة الساحات و اختيار الساحة المناسبة من جميع الاتجاهات ........
2 - الاجراءات المطلوبة ....
3 - الاشخاص الموفدين بأسرهم .. كيفية التعامل مع هذا الموضوع و اجراءاته ..
و كل شئ مر على كل من كان في مثل موضعي الان و الان يدرس في احد الساحات يا ريت ايفدنا بما يقدر .
.. و جزاكم الله كل الخير
...
Question

description مطلوب تقديم خدمة لكل الموفدين الجدد .... Emptyرد: مطلوب تقديم خدمة لكل الموفدين الجدد ....

more_horiz
الف مبروك خوي
استراليا ماننصح حد بيها وتقريبا ممكن تكون مقفله لان استراليا معاش تعطي الفيزا لليبيين بسبب الديون المتراكمه اللي تبيهن الجامعات الاستراليه من السفاره
بالاضافه الى مشاكل المنحه واللي ديمه يتاخر تحويلها من ليبيا ومرات نقعدو شهر ونص بلا منحه
استراليا بلاد جميله وتعليمها جيد لكن كل هذي المشاكل تخليك تفكر الف مره قبل ما تختارها وربي يوفق الجميع

description مطلوب تقديم خدمة لكل الموفدين الجدد .... Emptyرد: مطلوب تقديم خدمة لكل الموفدين الجدد ....

more_horiz
@first target كتب:
الف مبروك خوي
استراليا ماننصح حد بيها وتقريبا ممكن تكون مقفله لان استراليا معاش تعطي الفيزا لليبيين بسبب الديون المتراكمه اللي تبيهن الجامعات الاستراليه من السفاره
بالاضافه الى مشاكل المنحه واللي ديمه يتاخر تحويلها من ليبيا ومرات نقعدو شهر ونص بلا منحه
استراليا بلاد جميله وتعليمها جيد لكن كل هذي المشاكل تخليك تفكر الف مره قبل ما تختارها وربي يوفق الجميع


شكراً اخي الكريم على تعاونك ... لكن اوخيك مش عارف يبداء خطواته ... انا تخصصي تقنية المعلومات و ايفاد كأول على الدفعة و لدراسة الماستر و بالنسبة ليا و رب لأسرة مكونة من 5 افراد و العملية مش عارف كيف تبي تمشي يعني التصرف صعب مازال عندي ..... Sleep

description مطلوب تقديم خدمة لكل الموفدين الجدد .... Emptyرد: مطلوب تقديم خدمة لكل الموفدين الجدد ....

more_horiz
اول خطوه بمجرد تفعيل القرار تمشي للجهه المسؤوله عنك حيعطوك نموذج تعبيه النوذج هذا لغرض الحصول على ورقة الدعم المبدئى مع النموذج حترفق معاه نسخ من جواز سفرك عربي وانجليزي
وطبعا النمرذج هذا حتكتب فيه اسم الساحه اللي تبيها
طبعا بعد ماتسأل المسؤولين اللي فالمؤسسه اللي تتبعلها شنو هيا الساحات المفتوحه
ممكن بعد اسبوعين تصدرلك ورقة الدعم والورقه هذي تستخدمها في مراسلة الجامعات فالدوله اللي اخترتها
عشان تراسل الجامعات لازم ادزلهن كل اوراقك مترجمه
افادة التخرج كشف الدرجات شهادات خبره لو عندك
ثلاث تزكيات من اساتذتك على الاقل
ورقة تفيد بانك تعمل في جهة معينه
ورقة من جامعتك تفيد بانك الاول
صور من جواز السفر
شهادة ميلادك
الحاله الجنائيه طبعا هذي تحتاجها بعدين لما تقدم عالتاشيره لذلك لازم اترجمها
عادة هذن الوراق اللي تطلبهن الجامعه وممكن تتاكد اكثر من موقع الجامعه اللي تبي تراسلها شنو هيا الاوراق المطلوبه منك
حاجه ثانيه لازم تطلع نسخ اضافيه اصليه من افادتك وكشف درجاتك ومختومه بختم الجوده لان حتحتاجلهن
وادير حوالي خمس نسخ من الافاده وخمسه من الكشف تكون طبق اصل
ان شالله مانكرنش نسيت حاجه لان ليا سنين على الاجراءات هذن
وعشان تزيد اتاكد اسال الجهه المسؤوله عنك واطلب منهم ورقه بالاجراءات المطلوبه
هكي تكون وصلت لمرحله القبول وبعد ماتحصله تبي تقدم عالتاشيره
تبي تطلع ورقه دعم التاشيره من الموسسه امتاعك تعبي نموذج وتطكر فيه كل افراد اسرتك وصور من جوازات سفركم وصوره مالقبول وعقد الزواج وترجى نين تطلعلك ورقة دعم التاشيره
بعدها تبي تشوف وتسال شنو هن اجراءات التاشيره للدوله اللي تبي تسافرلها وتقدم عليها
نصيحه مني مادام العائله ماشالله كبيره تبي تشوف دوله تكون منحتها وظروفها المعيشيه معقوله لان خمس عيال مش شوي ويبو مصاريف خصوصا اذا كنت تبي تعبى بس عالمنحه لانها فالاغلب ماتسدش
ان شالله بالتوفيق
صلاحيات هذا المنتدى:
لاتستطيع الرد على المواضيع في هذا المنتدى