دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionعزانا وطن ,, نفس العزى و دموعه  عزانا عزى واحد عزانا عزاك ..(بنغازي) Emptyعزانا وطن ,, نفس العزى و دموعه عزانا عزى واحد عزانا عزاك ..(بنغازي)

more_horiz
انا نعرفك فى الحزن ... لو واتاك ..

ماهو عزا ... لو ما يطول عزاك

أنا نعرفك فى الحزن ... لو واتاك !!

أنا نعرفك موجوعة

و من كل فرحة تحضرك ممنوعة ..

وبين قنبلة فى اكبادنا مسموعة

وبين غافلين اليوم ع اللى جاك !!

وبين من يريدك خاضعة لى طوعه

و فتان ماشى فى الجنازة معاك !



سياسة رخيصة بدمنا مصنوعة

و ياما قبل ,, ما سيّسُو بضناك !

عزانا وطن ,, نفس العزى و دموعه

عزانا عزى واحد عزانا عزاك ..



اليوم ليبيا بيك كلها مفجوعة

على عيون بنغازى يموتو فداك

و تبكى عليك طرابلس موجوعة

و ما فى قلب إلا خفق يا لاك ....



أنا نعرفك يا نايضة مفزوعة

ع الظلم .. ليش الظلم ما يخطاك

ليش المكايد نارها مولوعة

و خنجر غدر مسموم ديمة وراك

و ليش النفوس التافهة المخدوعة

باعووك فيهم من يقول معاك !!

و امتى الضماير فى بلادى توعا ؟

وامتى الفرح يشعل شمع سلواك ؟



اليوم فى المواجع خاشة موسوعة

مش عارفين الستر كيف معاك !!

مات القلب ما يندروش ضلوعه

وآخر نبض ضلعه بكاك بكاك !!

انا نعرفك فى الحزن نعرف نوعه

أنا نعرفك فى الحزن ...... لو واتاك

..

الشاعر زكرياء اللبيب

descriptionعزانا وطن ,, نفس العزى و دموعه  عزانا عزى واحد عزانا عزاك ..(بنغازي) Emptyرد: عزانا وطن ,, نفس العزى و دموعه عزانا عزى واحد عزانا عزاك ..(بنغازي)

more_horiz
نقل مميز جداً
حفظ الله ليبيا وأهلها
سلمت يداك

_______________________________

كل لحظة وأنتم في أجمل احتمالاتكم عزانا وطن ,, نفس العزى و دموعه  عزانا عزى واحد عزانا عزاك ..(بنغازي) 347839

descriptionعزانا وطن ,, نفس العزى و دموعه  عزانا عزى واحد عزانا عزاك ..(بنغازي) Emptyرد: عزانا وطن ,, نفس العزى و دموعه عزانا عزى واحد عزانا عزاك ..(بنغازي)

more_horiz
ربي يحفظك يا بنغازيناااا
صلاحيات هذا المنتدى:
لاتستطيع الرد على المواضيع في هذا المنتدى