دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionبعض اهم الجامعات الهندية Emptyبعض اهم الجامعات الهندية

more_horiz
الدراسة في الهند


ربما حين يخطر ببال أحدهم الدراسة في الهند يقو بالليبي (يعني ما لقيت مكان تقرا فيه غير الهند) .........

إنا بصراحة لم أزر الهند ولم ادرس فيها ولا أستطيع الحكم عليها ولكن هناك نقاط مهمة....

لعل أهمها أنها بلاد رخيصة.....

ربما يرد عليا أحدكم (إنا ماشي نقرا أو ماشي نحووش)

أقول إنا له ليس هذا هو المقصود بالرخيصة، فحين نقول رخيصة يعني رخيصة في كل شيء...

حيث يمكنك ان تأخذ ما طاب لك من الكورسات في اللغات أو في برامج الكمبيوتر أو حتى في تخصصك بجانب دراستك بأسعار منخفضة مقارنتا بالدول الغربية

ومن ناحية قوة الجامعات فالأمر متروك للأخوة الذين جربوا هذه الساحة من قبل.....

فيما يلي قائمة بعدد من الجامعات والمعاهد الهندية المهمة وعناوينها

المعهد الهندي للتكنولوجيا في بومباي
العنوان : Powai, Mumbai 400076, Maharashtra, India
الهاتف: (+91) 022-25722545
الموقع: http://www.iitb.ac.in/

المعهد الهندي للتكنولوجيا دلهي
العنوان : Hauz Khas, New Delhi - 110 016.
فاكس: (91) 011-2658 2037, (91) 011-2658 2277
الموقع: http://www.iitd.ac.in/

المعهد الهندي للتكنولوجيا مدراس
العنوان : I.I.T Post Office
Chennai-600 036
فاكس: 91-044-2257 0509
الموقع: http://www.iitm.ac.in/

المعهد الهندي للتكنولوجيا ، كانبور
العنوان : الهاتف: +91 512 2597889
فاكس: +91 512 2590260
Email: infocell@iitk.ac.in
الموقع: http://www.iitk.ac.in/

المعهد الهندي للتكنولوجيا خراجبور
العنوان : Kharagpur – 721302 India
الهاتف : +91-3222-255221
فاكس : +91-3222-255303.
الموقع: http://www.iitkgp.ac.in/

جامعة Roorkee
العنوان : Roorkee Uttaranchal- 247 667
الهاتف: +91-01332-72349 (EPABX)
فاكس : +91-01332-73560
E-mail: regis@rurkiu.ernet.in
الموقع: http://rurkiu.tripod.com/

معهد بيرلا للتكنولوجيا والعلوم
العنوان : Vidhya Vihar Campus Pilani
Rajasthan - 333031
الهاتف: 91 01596 245073/4
فاكس 91 01596 244183
الموقع: http://discovery.bits-pilani.ac.in/

جامعة آنا في تشيناي
العنوان : Sardar Patel Road, Chennai-600025, India
الموقع: http://www.annauniv.edu/ceg/

جامعة جواهر لال نهرو
العنوان : New Mehrauli Road, New Delhi 110067
الهاتفs: +91-11-26717676, 26717557
فاكس: 26717601
الموقع: http://www.jnu.ac.in/

جامعة مومباي
الموقع: http://www.mu.ac.in/

جامعة دلهي
العنوان : University Road, Delhi 110 007
الهاتف/فاكس: 91-11-27667725 / 91-11-27667126
الموقع: www.du.ac.in/

descriptionبعض اهم الجامعات الهندية Emptyرد: بعض اهم الجامعات الهندية

more_horiz
بسم الله الرحمن الرحيم
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

descriptionبعض اهم الجامعات الهندية Emptyرد: بعض اهم الجامعات الهندية

more_horiz
بارك الله فيك

descriptionبعض اهم الجامعات الهندية Emptyرد: بعض اهم الجامعات الهندية

more_horiz
شكرا على المعلومات كما نطلب من الطلبة الدارسين في الهند ان يفيدونا بخبراتهم عن الهند والدراسة بها

descriptionبعض اهم الجامعات الهندية Emptyطب أسنان

more_horiz
زوجتي بالحظ تحصلت علي قرار ايفاد تخصص طب أسنان و تنقصنا الكثير من المعلومات عن الساحات( المحددة)،ميولنا تجاه أستراليا أو الهند نرجو افادتنا بالمعلومات ممن لديه تجربة شخصية سواء ضمن العائلة أو معاشة , شاكرين حسن تعاونكم معنا........

descriptionبعض اهم الجامعات الهندية Emptyرد: بعض اهم الجامعات الهندية

more_horiz
اخواني انا في الهند

اللي عنده ايفاد ما يجي للهند

بلاد ***والرشوة راح تدفعها في كل مكان

وفي الامتحانات لازم تكتب ما لا يقل عن 50 صفحة عشان اصلا يشوفو في ورقتك

والله معاناة

واللي في النت كله كذب

لاني صدقته ومشيت ومافيش اي اساس له من الصحة على ارض الواقع

يا محلاك يا ليبيا


عدل سابقا من قبل مدير المنتدى في الجمعة 09 يوليو 2010, 12:33 am عدل 1 مرات (السبب : نرجو الإلتزام بقوانين المنتدى)

descriptionبعض اهم الجامعات الهندية Emptyرد: بعض اهم الجامعات الهندية

more_horiz
بالله يا خوي ................ شن جاب لجاب شن جاب الهند للعظمى والله بالدم بالروح نفدي بلادنا العزيزة الغالية .................... يا اخي ما فيه وجه مقارنة بكل بالفعل يا محلى العظمى جزاك الله كل خير

descriptionبعض اهم الجامعات الهندية Emptyرد: بعض اهم الجامعات الهندية

more_horiz
المشكلة يا شباب في قضية الجامعات ولا حتى عناوينها ..... المشكلة انك تحصل على قبول وهذا ساهل جدا وان شاء الله اي قبول من جامعة و يجب ان يكون من جامعة وليس معهد حتى تطول مدة التاشيرة للطالب وحتى ما يخش في طابور الكموشين( شؤؤن الهجرة والاقامة بالنسبة للاجانب ) يلي عنده اول و ما عنده آخر ..... ضروري يا شباب تتحصل على تاشيرة سنة او حتى سنتين من السفارة في طرابلس .....
ابيش تريح دماغك منهم مع التحية

descriptionبعض اهم الجامعات الهندية Emptyرد: بعض اهم الجامعات الهندية

more_horiz
السلام عليكم ورحمةالله وبركاته
ناسالكم باالله الاخوة الموجدون بالهندان تعطونا صورة حقيقيةحرصا على الاستفادة من المنتدى
س1-نبذة عن امكانية تعايش الليبي في الهندعلى ان يضغط الواحد على نفسه قليلا؟

س2 - هل توجد مدارس تخص الاطفال لجميع المراحل؟
س3 - ما مدى تعقيد الاجراات القانونية و معاملة الملحق الثقافي ؟

س4 - ماهي اجراات القبول والدراسة؟

اي ملاحظات اخرى تفيد في اتخاد القرار

واجركم على الله

لان معظم الموفدين اصحاب الاسر يفضلون الدول القريبة
و الهند اقرب الساحات المفتوحة بس مش عارف من مقترحها ياريت كانت مقفلة و ارتحنا من الصداع

شكرا وفقك الله

descriptionبعض اهم الجامعات الهندية Emptyرد: بعض اهم الجامعات الهندية

more_horiz
مرحبا مرحبا خونا عبدو 12

قبل ما نبدا .. لو انت طالعلك ايفاد دور اي ساحة ثانية

و لو على حسابك شوف تي دولة تقدر تتحمل تكلفتها
الهند ليست ملائمة لا لـ دراسة ولا للعيش

السؤال الاول
اللي يقدر يتحمل يقدر يعيش في اي مكان...والهند ليست ملائمة للدراسة خصوصا لو كنت ايفاد.. والهنود يشوفو في الاجنبي فرصة ياخذو منه اكبر قدر ممكن من الفلوس .... ولا فيها مواصلات ولا شي
داخل المدينة "الركشة" التكتك متاع المصريين والقطارات حتى الدرجة الاولة ماتنفع
..شخصيا اني عندي بايك "دراجة نارية" عشان نعرف كيف نتحرك في ها البلاد

السؤال الثاني
والله انا صراحة عازب وانت لو جبت عويلتك هنا تضلمهم.. بس نعرف في عراقيين ويمنيين اطفالهم في المدارس ومش عارف شن حال المدارس من داخل والدراسة فيهم بالانجليزي توا

السؤال الثالث
الاجرأأأأأأت القانوينة تختلف من منطقة لاخرى
في من مندن لازم رشوة عشان تمشي امورك وفي مدن تمشي امورك بدون رشاوي ...بس الاغلب لازم الرشوة
ولازم ترفع كل ورقة فيها اسمك لانك محتاجها حتى الشفرة متاع النقال يطلعو عيونك وبالله تحصلها
السؤال الرابع
اجراءات القبول فلوس بس تمشي امورك

الملاحضات

البلاد متسخة....التلوث في قمته بسبب الدخان والازدحام
الشوارع مليئة بالابقار والكلاب والمتسولين في كل مكان حتى اكبر الشوارع
ايضا يوجد حياة تحت الجسور "الكوبريات" كما وجد قبل كم يوم مرأة ميتة تحت جسر بشهادة بعض الاصدقاء بأعينهم المجردة
الحياة بصفة عامة بدأت في الغلاء على قولة المصرين غالية على مافيش

لو انت ماعندكش لغة انجليزية في الهند كلها في مدينة وحدة احتمال تقدر تتعلم فيها اللغة الانجليزية وهي "جوا" اما الباقي ولاحتى تحلم بيها.... الشارع لا يتكلم اللغة الانجليزية

بجانبي 2 من شباب ليبيا يقدمولك نصيحة ويقولولك لو كنت ايفاد على حساب الدولة دور اي دولة ثانية
ولو كنت على حساب نفسك وتقدر تتحمل ما سبق ذكره مرحبتين بيك في الهند

descriptionبعض اهم الجامعات الهندية Emptyرد: بعض اهم الجامعات الهندية

more_horiz
بارك الله فيك يا خوي الهندي
وفي الحقيقه كم أقدر الأشخاص الدين يحكوا عن الواقع بكل شفافيه ويضعوا كل ما عندهم قي الردود و إن كانت هده الردود لا تلقى إستحسان البعض ولكن
تبقى إنك قمت بالواجب و عطيت النصيحه وربي يقدم اللي فيه الخير.
فياريت لما أي حد يقدم النصيحه عن أي ساحه سواء قام بشكرها أو دكر عيوبها أن يكون الجميع على إستعداد لتلقي المعلومه وعدم أخد الموضوع بتحدي أو تشويه أو تجاوز للحد.
فمن أين لنا أن نعلم ظروف أي ساحه لو لم نستفد من خبرة المقيمين بيها و سردهم الواقع بدون تجميل أو تشويه.
تقبل شكري و فائق إحترامي
أم جوري
queen

_______________________________


يا وردة في البيت ما أحلاها * * * سكبت بروحي عطرها و شذاها
مـلأت فـؤادي بـهجـة و تألــقـا * * * و سعادة في صبحها و مساها

descriptionبعض اهم الجامعات الهندية Emptyرد: بعض اهم الجامعات الهندية

more_horiz
شكرا على مرورك اخت ام جوري

و والله ان هذا هو حال الهند واللي يعرف اي حد هنا يسأل عن كل كلمة قلتها وانا متأكد انه راح يسمع نفس كلامي

وكان الله في عون الجميع

descriptionبعض اهم الجامعات الهندية Emptyرد: بعض اهم الجامعات الهندية

more_horiz
شكرا يا اخي الهندي للتوضيح و النصيحة بهذا الاسلوب المهذب والمحترم

وإن شاء اللف في موازين حسناتك

_______________________________

أخي لا تنسى أن تقرأ
قوانين وضوابط المنتدى (أضغط هنا)

descriptionبعض اهم الجامعات الهندية Emptyرد: بعض اهم الجامعات الهندية

more_horiz
اخي الهندي
بارك الله فيك وجزاك الله عنا كل خير
وما لنا الا الدعاء لك ان يساعدك الله عز وجل
نعم اخي انا عندي ايفاد ولم يبقى لنا الا استراليا في الساحات الحالية رغم وجود بعض العيوب
مثل عدم وجود مدارس عربية وبعد الموقع الجغرافي
و ارتفاع اسعار التذاكر ( في حالة واحد اخترله بيروح شوية و يولي ) والبعض يقول ان المنحة غير كافية وخاصة لاصحاب الاسر الكبيرة مثل حالتي المتكونة من 6 اطفال واحدة ثانوي واحدة اعدادي واثنان ابتدائي
طبعا انا اكتب بعض التفاصيل بقصد حتى اخد راي الدارسين في الساحة الاسترالية .
و الله كنت مقرر ان اذهب زيارة الى الهند لمعرفة الحقيقة ولكن الان عرفت الواقع لك مني كل الاحترام والتقدير والخيرة فيما يختاره الله وفقك الله

descriptionبعض اهم الجامعات الهندية Emptyرد: بعض اهم الجامعات الهندية

more_horiz
السلام عليكم
انا احد الطلبه الدرسين في الساحة الهندية ونبي نقول شيء لاي واحد يبي يدرس في الهند وبعد كلامي يقرر .
بسم الله نبدونا بتجربتي الشخصية (المره) في الهند والله ماننصح اي طالب يجي ويدرس هنا في الهند ليششششش.
من جميع النوحي ونبدو
*صحيا, البلاد هذي وين ماتمشي تلقى العفن و****** والعادة السيئة اللي لا تعد ولا تحصى وحلم النظافة فيها مرات تلقاه في شركة والا مستشفى مابنقول سبع انجوم بس 1000 نجمة وخلينى من هذا كله وين اتكون في المستشفى والا المول تردلك الروح شوي بس وين تفتح الباب الخارجي تدمر ,الناس المسكينة في كل مكان والوصخ والكلاب والبقر في الشارع .
تنبيه مهم (الكلب والبقرة ليهم حقوق في الهند)
يعني ردبالك تضرب بقرة والا كلب
* علميا, توه انا مابنقول البلاد هذه ما فيها علم لكن بيش بتوصل لازم اول شي تتعود على قصة الوصخ وتاني شي الهنود يدرسو في اي مكان تقريبا يعني مرات تلقى روحك تدرس في كلاس وفي نفس الكلاس طلابه من كلاس اخر (مرات طلبة تانوية او اعدادية)ازمة بشر, ومرات والمدرس يشرح بالانجليزي يدخلك شوي هندي وشد حيلك هنا وكانك ماتكلمت راحت المحاضرة كلها بالهندي.
والاكسنت الهندي غريب جدا ومتنوع متلا في الكلية كل مدرس عنده اكسنت خاص ويجب عليك ان تتماشى مع ها الاكسنات.
*سلوكيا , الواحد هنا يخاف يخرب طبعه بعد ايروح لبلاده ليش .
في الهند بيش تقضي اي شيء تقريبا لازم تدفع والشي هذا في كل الهند يعني مرات بيش تسجل يخلوك تدفع والا ماتسجل ,سبحان الله في الهند تقول ولدين من بطون امهم على الرشوة.
في الاخير انشاء الله ماازعجتكم بكترة كلامي بس والله علشان كل طالب من بلادي يفكر يجي هنا احنا والله احصلنا هنا والوحد يتحمل ويكمل وخلاص.
في الاخير بنقول نقطة وحده ايجابية في الهند ,البلاد هذه رخيصة بالمقارنة باالساحات الاخرى.
والسلام عليكم ورحمت الله وبركاته

descriptionبعض اهم الجامعات الهندية Emptyرد: بعض اهم الجامعات الهندية

more_horiz
السلام عليكم ورحمة الله وبركاته
انا في الحقيقة قرأت كل الردود التي كتبت في هذا الموضوع من الأخوة الدارسين بالساحه الهندية واؤيد كل ماقالوه بل وازيد عليه فانا متلهم طالب قدمت للساحة الهندية لان اغلب الساحات مغلقة ولم يكن لدينا خيار وتم التغرير بنا للمجي للهند وفعلا حصلت المأسأه وان شئت فقل هي الملساء هنا كل شي خراب وكل شي متسخ وملوث تصوروا حتى تاكسيات مافيه ناس عايشة في القرن الحجري واللهي كاني ركبت في الة الزمن ورجعتني للقرن الحجري تصوروا تبي تمشي للجامعه تاخد ركشة عبارة عن دراجه دايريلها مديفكة تركب فيها من ورا ويبده سواقها يجري بيك تصوروا نمشي كل يوم حوالي 10 كيلوا باش نوصل بالدراجة اللي هي التاكسي في الهند وتخيل طول الطريق وان تتعرض للدخان اللي عمالي عيوني وحاشاكم الروائح الكريهة الناتجة عن البول في الطرقات اجلكم الله والبقر والكلاب والجواميس اللي تلقاهن قدامك في الطريق ومرات تلقاهن راقدات فيها هذا ناهيك عن المخاطر التي اتعرض اليها كل يوم نتيجة ان السيارات لايحترموا الركشات ولا اللي يركب فيها حيث مرات تضرب الركشه سيارة تريح فيها ومرات تطلع بره الطريق عموما معاناة ومانوصل الجامعه الا ودماغي واج وفقدت القدرة على التركيز واللهي مرات انخش للأمتحان وانا ناسي كل شي من الدوشه, بالله شن ابنحكيلكم والا المنحة اللي مانشوفوا فيها الا بعد شهرين وتلاته ولا فيه تامين طبي ولاعمك نوم تصوروا الأمراض الجلدية هنا كيف السلام عليكم واللهي ياجماعه عندهم حشرات مرات تقرصك ماتقدر اتحرك لليقلوك للمستشفى ويعطوك يبرة وتقعد مرات ايام في السرير والامراض الجلدية انتشرت في الطلبة وحتى ابناءهم واللهي مصاريف الدواء اكتر من مصايف الماكلة وفيه جماعه انا نعرفهم ليبيين تخلطت عليهم مياه المجاري مع خط المياه اللي جاي لبيوتهم وتعرضوا لتسمم قريب ماماتوا , شن ابنحكيلكم واللهي الا ليبيا ياجماعه فعلا زين على زين وفل ويسمين

descriptionبعض اهم الجامعات الهندية Emptyرد: بعض اهم الجامعات الهندية

more_horiz
السلام عليكم ورحمة الله
في البداية نشكر كل الاخوة اللذين ساهمو في هذا الموضوع واعطاء الصورة الحقيقية لساحة الهند الت في الواقع شبة معروفة للعالم كله فانا شخصيا اطلب من الخبير العلمي بالهند ان يخاطب ادارة البعثات بالخصوص لكي لايعتبرون الهند احد الفرص للساحات المفتوحة ولتكن اضافية لمن يريد ذلك كما الاخد في الاعتبار جميع ضروف العائلات الليبية و يضع كل مسؤل نفسة محل الطالب الليبي ومن ذلك يحكم على الساحات المفتوحة حاليا( شروط النسيب الكاره) ناسل الله التوفيق للجميع
ملاحظة عامة على الساحات

1- امريكا شبح القبول + شبح الملحق الثقافي
2- استراليا تعقيد الملحق الثفافي اللذي يشترط قبول اكاديمي مليون ورقة بخصوص التاشيرةطبعا من مصر تمشي بروحك والا عن طريق مكتب+20ساعة طيران+تكللفة الرحلة ياويل الاعنده 6 اطفال
3- نيوزيلاندا(؟؟؟؟؟؟؟؟؟؟؟؟؟؟؟)
4- جنوب افريقيا يعني افريقيا وما ادراك ما افريقيا
5- الهند (تلوث +امراض+ قذاره = الرجوع الى ارض الوطن او الموت

يعني علم تعلم رقي بالتنمية الى مستوى الحياة الهندية

اسف على الاطالة

descriptionبعض اهم الجامعات الهندية Emptyرد: بعض اهم الجامعات الهندية

more_horiz
وفي النهاية الرجوع الي اوروبا

descriptionبعض اهم الجامعات الهندية Emptyرد: بعض اهم الجامعات الهندية

more_horiz
كانشيلوا كتب:
السلام عليكم ورحمة الله وبركاته
انا في الحقيقة قرأت كل الردود التي كتبت في هذا الموضوع من الأخوة الدارسين بالساحه الهندية واؤيد كل ماقالوه بل وازيد عليه فانا متلهم طالب قدمت للساحة الهندية لان اغلب الساحات مغلقة ولم يكن لدينا خيار وتم التغرير بنا للمجي للهند وفعلا حصلت المأسأه وان شئت فقل هي الملساء هنا كل شي خراب وكل شي متسخ وملوث تصوروا حتى تاكسيات مافيه ناس عايشة في القرن الحجري واللهي كاني ركبت في الة الزمن ورجعتني للقرن الحجري تصوروا تبي تمشي للجامعه تاخد ركشة عبارة عن دراجه دايريلها مديفكة تركب فيها من ورا ويبده سواقها يجري بيك تصوروا نمشي كل يوم حوالي 10 كيلوا باش نوصل بالدراجة اللي هي التاكسي في الهند وتخيل طول الطريق وان تتعرض للدخان اللي عمالي عيوني وحاشاكم الروائح الكريهة الناتجة عن البول في الطرقات اجلكم الله والبقر والكلاب والجواميس اللي تلقاهن قدامك في الطريق ومرات تلقاهن راقدات فيها هذا ناهيك عن المخاطر التي اتعرض اليها كل يوم نتيجة ان السيارات لايحترموا الركشات ولا اللي يركب فيها حيث مرات تضرب الركشه سيارة تريح فيها ومرات تطلع بره الطريق عموما معاناة ومانوصل الجامعه الا ودماغي واج وفقدت القدرة على التركيز واللهي مرات انخش للأمتحان وانا ناسي كل شي من الدوشه, بالله شن ابنحكيلكم والا المنحة اللي مانشوفوا فيها الا بعد شهرين وتلاته ولا فيه تامين طبي ولاعمك نوم تصوروا الأمراض الجلدية هنا كيف السلام عليكم واللهي ياجماعه عندهم حشرات مرات تقرصك ماتقدر اتحرك لليقلوك للمستشفى ويعطوك يبرة وتقعد مرات ايام في السرير والامراض الجلدية انتشرت في الطلبة وحتى ابناءهم واللهي مصاريف الدواء اكتر من مصايف الماكلة وفيه جماعه انا نعرفهم ليبيين تخلطت عليهم مياه المجاري مع خط المياه اللي جاي لبيوتهم وتعرضوا لتسمم قريب ماماتوا , شن ابنحكيلكم واللهي الا ليبيا ياجماعه فعلا زين على زين وفل ويسمين


والله يااخي الكريم ربي يكون في عونكم .... لما الانتظار لما لاتعودون وتغيرون الساحة ؟ يعني قذارة ؟ وتدني مستوى الهند في التعليم . والله بخلين بيكم عليهم ... بصراحة صحتكم النفسية والجسمية بالدنيا، لما لاتقدمون طلب جماعي لتغيير الساحة ؟ لا تصبرون على الضيم فالايفاد تجربة حياة هامة، وانتم موفدون لانكم تستحقون الافضل. نسأل الله ان يغير الحال بحال افضل منه

_______________________________

بعض اهم الجامعات الهندية 113

descriptionبعض اهم الجامعات الهندية Emptyرد: بعض اهم الجامعات الهندية

more_horiz
abd_12 كتب:
السلام عليكم ورحمة الله
في البداية نشكر كل الاخوة اللذين ساهمو في هذا الموضوع واعطاء الصورة الحقيقية لساحة الهند الت في الواقع شبة معروفة للعالم كله فانا شخصيا اطلب من الخبير العلمي بالهند ان يخاطب ادارة البعثات بالخصوص لكي لايعتبرون الهند احد الفرص للساحات المفتوحة ولتكن اضافية لمن يريد ذلك كما الاخد في الاعتبار جميع ضروف العائلات الليبية و يضع كل مسؤل نفسة محل الطالب الليبي ومن ذلك يحكم على الساحات المفتوحة حاليا( شروط النسيب الكاره) ناسل الله التوفيق للجميع
ملاحظة عامة على الساحات

1- امريكا شبح القبول + شبح الملحق الثقافي
2- استراليا تعقيد الملحق الثفافي اللذي يشترط قبول اكاديمي مليون ورقة بخصوص التاشيرةطبعا من مصر تمشي بروحك والا عن طريق مكتب+20ساعة طيران+تكللفة الرحلة ياويل الاعنده 6 اطفال
3- نيوزيلاندا(؟؟؟؟؟؟؟؟؟؟؟؟؟؟؟)
4- جنوب افريقيا يعني افريقيا وما ادراك ما افريقيا
5- الهند (تلوث +امراض+ قذاره = الرجوع الى ارض الوطن او الموت

يعني علم تعلم رقي بالتنمية الى مستوى الحياة الهندية

اسف على الاطالة


بالعكس تمنينا ان تسترسل على باقي الساحات ، وكلامك صحيح
يعني الفلوس الليبية حرام على الهند ، الساحات العربية ارحم بكثير
وكذلك اوربا الغربية لما لاتأتي لفرنسا فهي من الساحات المرغوبة في مجال الهندسة، يعني لاتستسلموا ولاتقضوا من اعماركم هذه السنوات راكبين الركشة بعض اهم الجامعات الهندية 420560 ومستنشقين روث البهائم affraid

_______________________________

بعض اهم الجامعات الهندية 113

descriptionبعض اهم الجامعات الهندية Emptyرد: بعض اهم الجامعات الهندية

more_horiz
الافضل ادا كان عندك ايفاد ماتجي للهند لان انا عندي ايفاد وجيت انا واخي للهند بس والله ندمت لاني اخترت الهند مع التحية
صلاحيات هذا المنتدى:
لاتستطيع الرد على المواضيع في هذا المنتدى