الحصول على التأشيرة الكندية في ظرف 45 يوم بدون اجراء مقابلة

بعد السلام عليكم
ما المثصود بهذا السؤال
Does your family member want to apply for a Parent and Grandparent Supervisa

ما المقصود
Is your family member travelling with a parent who does not have full legal custody of them?

جزاك الله كل خير و يسيرلا امرك . فائق الاحترام

بارك الله فيك اخت احلام

السلام عليكم ورحمة الله وبركاته
سبق لي التقدم أون لاين لي ولزوجتي ولأبنائي الثلاثة وقمنا بالبصمة والكشف الطبي الذي تم ارساله واستلامه في بريطانيا.
تم تحديث حسابي وبأنه تم استلام البصمة لي ولزوجتي والكشف الطبي passed للجميع ماعدا أكبر أبنائي تظهر رسالة تخبرني بأنهم يحتاجون للكشف الطبي يعني كأنه ماوصلهمش؟؟!! مع أنني تأكدت من أن الكشوفات الطبية لنا جميعاً تم وضعها في ظرف ال DHL والذي تم تأكيد استلامه في high commission of canada london، بدليل تحديث خانة الكشف الطبي للجميع عدا ابني الأكبر.
راسلت السفارة الكندية بطرابلس وتونس والإيميل الموجود بالحساب question@cic.gc.ca ولكن للأسف ما فيش رد لعند توا.
فهل فيه حد صارت معاه نفس القصة هذه؟ وشنو دار بالزبط.
بارك الله فيكم، وبالتوفيق للجميع إن شاء الله.

Is your family member currently, or will they be, living in Canada with a parent or legal guardian for their entire stay?
بالنسبة للاولاد هل اجيب بنعم او لا

@saleh moh. ali كتب:

Is your family member currently, or will they be, living in Canada with a parent or legal guardian for their entire stay?
بالنسبة للاولاد هل اجيب بنعم او لا

المقصود بالسؤال هو: هل فرد العائلة حالياً أو سوف يعيش في كندا مع الوالد أو الوالدة أو مع وصي قانوني طيلة فترة الإقامة؟
الإجابة إن شاء الله ستكون بنعم.

@prof_taha كتب:

أنا عندي نفس المشكلة قدمت أون لاين و درت البصمة و توا ليا تلاتة أيام امداير البصمة و مافيش تحديث علي حسابي و قعدة قدامها (We need the applicant's biometrics ),, ووصديقي قالي في نفس اليوم درت فيه البصمة جاه تحديث إنهم استلموها في حد مر بنفس المشكلة ؟

السلام عليكم ورحمة الله وبركاته
فيه حاجة ممكن تشوفها -ماجربتهش من قبل- ألا وهي أنك تخش علي الموقع http://www.vfsglobal.ca/canada/libya/track_your_application.html
وتحط رقم الTracking No اللي موجود في الريسيت اللي عطوها لك يوم درت البصمة وتحط تاريخ الميلاد بتاعك وتشوف شنو الرد.

حاجة أخري ممكن تجربها إنك ترسل إيميل للمكتب اللي درت فيه البصمة تستفسر منهم عن السبب.

بالتوفيق إن شاء الله.

مكور خوي

جربتها يا خوي توا و اعطاني النتيجة هادي شن معناها ؟
Visa application, tracking ID No.201406 Your processed passport has been forwarded to the Canada Visa Offlice, EMTU on 03/06/2014.To know more, please call VAC helpline number or visit VAC website.

@prof_taha كتب:

جربتها يا خوي توا و اعطاني النتيجة هادي شن معناها ؟
Visa application, tracking ID No.201406 Your processed passport has been forwarded to the Canada Visa Offlice, EMTU on 03/06/2014.To know more, please call VAC helpline number or visit VAC website.

أهلين خويا طه،

حسب ما فهمت أن اجراؤك تم تحويله لمكتب التأشيرات الكندية يوم 03/06/2014 أي اليوم، لطلب المساعدة الرجاء الاتصال برقم أو زيارة موقع VAC -اللي هو الموقع الإلكتروني للمكتب اللي درت فيه البصمة.

تره جرب خش علي الأكاونت بتاعك ودير تشك من جديد بالك داروا تحديث بخصوص استلام البصمة؟؟

@سند محمد كتب:

@prof_taha كتب:

جربتها يا خوي توا و اعطاني النتيجة هادي شن معناها ؟
Visa application, tracking ID No.201406 Your processed passport has been forwarded to the Canada Visa Offlice, EMTU on 03/06/2014.To know more, please call VAC helpline number or visit VAC website.

أهلين خويا طه،

حسب ما فهمت أن اجراؤك تم تحويله لمكتب التأشيرات الكندية يوم 03/06/2014 أي اليوم، لطلب المساعدة الرجاء الاتصال برقم أو زيارة موقع VAC -اللي هو الموقع الإلكتروني للمكتب اللي درت فيه البصمة.

تره جرب خش علي الأكاونت بتاعك ودير تشك من جديد بالك داروا تحديث بخصوص استلام البصمة؟؟

بارك الله فيك علي اجابتك ,وشفت حسابي ومافيش أي تحديث صارله وحتي الكشف الطبي وصل إلي لندن لكن ما فيش أي تغيير في حساب MY CIC أخر تحديث وصلني بتاريخ 26/5 وبعد البصمة و الكشف معش وصل شي وان شاء الله خير و خلاص

التقديم اون لاين يعنى حتستخدم بطاقة الفزا نت لدفع رسوم التاشيرة وهده البطاقات حرام تداولها نظرا لانها رباوية فالاحسن التقديم مباشرة باوراقك للسفارة والدفع كاش,والله اعلم.

السلام عليكم . نبي انقدم على تأشيرة كنديه بس نبي نعرف هل الجواز الجديد هوا بس اللي يمشي والا حتى القديم اﻻخضر؟ وكم سنه ﻻزم ايكون فيه بيش نقدر انقدم بيه . افيدوني وبارك الله فيكم.

@alialnour كتب:

السلام عليكم . نبي انقدم على تأشيرة كنديه بس نبي نعرف هل الجواز الجديد هوا بس اللي يمشي والا حتى القديم اﻻخضر؟ وكم سنه ﻻزم ايكون فيه بيش نقدر انقدم بيه . افيدوني وبارك الله فيكم.

و عليكم السلام 

عندي صديقي أخذ التاشيرة شهر 4 و كان الجواز الأخضر ، نصيحة لو تغير الجواز قبل ما تقدم على التاشيرة يكون أفضل بيش تستريح و هما كل يوم بقرار ، ربي يوفقك .

@prof_taha كتب:

@سند محمد كتب:

@prof_taha كتب:

جربتها يا خوي توا و اعطاني النتيجة هادي شن معناها ؟
Visa application, tracking ID No.201406 Your processed passport has been forwarded to the Canada Visa Offlice, EMTU on 03/06/2014.To know more, please call VAC helpline number or visit VAC website.

أهلين خويا طه،

حسب ما فهمت أن اجراؤك تم تحويله لمكتب التأشيرات الكندية يوم 03/06/2014 أي اليوم، لطلب المساعدة الرجاء الاتصال برقم أو زيارة موقع VAC -اللي هو الموقع الإلكتروني للمكتب اللي درت فيه البصمة.

تره جرب خش علي الأكاونت بتاعك ودير تشك من جديد بالك داروا تحديث بخصوص استلام البصمة؟؟

بارك الله فيك علي اجابتك ,وشفت حسابي ومافيش أي تحديث صارله وحتي الكشف الطبي وصل إلي لندن لكن ما فيش أي تغيير في حساب MY CIC أخر تحديث وصلني بتاريخ 26/5 وبعد البصمة و الكشف معش وصل شي وان شاء الله خير و خلاص

السلام عليكم , أخي التحديث يكون تقريباً اسبوعياً , يعني تبي حوالي اسبوع , ننصحك اتشوف اكاونتك يوم الاربعاء , لان حسب معرفتي انهم اديروا التحديث يوم الاربعاء.

السلام عليكم
شباب ضروري انا مشيت لمكتب عل شان يعبيلي اون لاين قالي حاليا التقديم اون لاين مسكرينه لصيانه الموقع مزبوط الكلام هذا
واذا كان مزبوط امتى يفتح الموقع

السلام عليكم، أنا مقدمة أون لاين و أخر تحديث كان بتاريخ 2014/04/24 و الملف مازال مفتوح ، نبي نسأل هل فيه من يستلم التأشيرة هذه الأيام؟ و هل التحديث مستمر في الملف؟ طبعا بالنسبة للمقدمين أون لاين.

انا  موفد مدينة بنغازي الي نيوزلندا  لاتمام رسالة الماجستير واقوم الان بتجهيز اوراقي للحصول علي التاشيرة ومن ضمن المتطلبات الكشف الطبي  الذي يتطلب الحضور شخصيا الي طرابلس  ولمدي صعوبة السفر  في الوقت الحالي للاحداث التي تمر بها المدينة و لغلق مطار بنينة وخطورة السفر بالسيارة خصوصا معي عائلتي (زوجتي وابنتي اللتي تبلغ 5 اشهر
     
فهل بالامكان ان اقوم بهذا الكشف الطبي في اي عيادة اومستشفي  في بنغازي
ومن ثم ارسل النتائج في طرابلس مع كامل المصاريف ليتم ارسالها الي السفارة النيوزلندية

تم فتح كندا ونحلت المشكله والله مازال

@smbeak كتب:

السلام عليكم،  أنا مقدمة أون لاين و أخر تحديث كان بتاريخ 2014/04/24 و الملف مازال مفتوح ، نبي نسأل هل فيه من يستلم التأشيرة هذه الأيام؟ و هل التحديث مستمر في الملف؟ طبعا بالنسبة للمقدمين أون لاين.

عليك السلام
كل عام وانتي ابخير
انا خذيت التأشيره يوم 14/4
وفي وحد خذاها بعدي بفتره