دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionالمعاهد العليا نريد وقفة رجل واحد Emptyالمعاهد العليا نريد وقفة رجل واحد

more_horiz
-هل وقع الوزير قرار 325 بإرادته ام وقع نيابة عنه!
-هل الهيئة الوطنية للتعليم التقني والفني مع الطالب او ضده!
-هل ادارة المعاهد جسم فعال وادارة كإدارة البعثات الدراسية ام انها مجرد عبد مأمور فقط!
-هل الحل هو اعتصام وتسكيرة الهيئة باش يستيقض النائم ويهابنا الصاحى!
حسب علمي بان معضم موفدين القرار 325 هم ثوار وهم هلها زي ما يقولو البادية وعندما ينفذ صبرنا فنحن هلها وصدقونا بانا لو اعتصمنا فسنرفع سقف مطالبنا باستقالة الكثيرون ممن بينهم مديري ادارات.
اخوتى في الله اصحاب القرار 325 هل تعلم ما معنى بان يقولوا راجعونا بعد رمضان.
معناها العام الدراسي الذي يبدا في شهر 9 في كل انحاء العالم فات ومستحيل حد يلحق عليه ومعناها تصبر الى العام القادم وللاسف القرار في 20\5\2014 يصبع ملغي بحكم الائحة المنظمة لقرارات الايفاد.
((والله لست متشائم ولكنها الحقيقة المرة التى قالها لي احد المسؤولين والذي قال ايضا بان رئيس الهيئة ما يحبش الطاهر بن طاهر وطايرتله من الوزير فلهذا اعصابه تعبانة مسكين ولن ينفذ ايعاز ادارة البعثات الى مديرها الطاهر اب طاهر))
من سيدفع الثمن واقولها وانا مسؤول يا فرحة ماتمت..................................................
والله بانها الحقيقة وياريت نتواصل ونضربوه اعتصام شامل ويطيح كل الخمخام الذي يقف عثرة امام كل طالب ليبي
والله بان الجموع اذا اعتصمت فلن يقف امامها الا قدرة الله سبحانه ولا طائل لمدير عليها............................
اردت ان اقول لاخوتي في الشرق والله باني معكم في الفيدرالية قلبا وقالبا بعد الشبر الى شافاته عيوني مركزية مقيته وملعونة وقبلية ما يتصورها عقل يعنى باش ناخد حقي ونتم اوراقي فلابد من ان اكون من طرابلس وهذا ما شاهدته بام عيني ناس من مناطق محسوبة على الثورة فعلولها ومشت لتركيا والدول التى بدون تاشيرة وناس مازالت تترقب في الاخبار من 1700 كيلو متر بالانترنت يالها من حكومة الكترونية مبدعة ويالها من مركزية مقيته ويالنا من شعب منكوب!
قيلت من قبل
يا ام الغثيث مسافي من الترك الى الطليان الى القذافي عليك فاقرة
اتمنى ان لا اضيف عهد جديد لمقطع الشعر هذا.....................................
 

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
أخي   eni.abdolmola

حدد موعد للاعتصام على أن كون قبل شهر رمضان

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz



 السلام عليكم ورحمة الله تعالي وبركاتة 
أحسنت أخي الكريم في طريقة سردك للموضوع وأهنك علي دلك .... ولكن للاسف يد بروحها ما تصفق اللى صاير وبكل جدية أن الموفدين ما يملكو الشجاعة الكافية لتتحقيق هدة المطالب وكل واحد منهم متكل علي الاخر 
سؤال .ليش ما تتقدم مجموعة من الجنوب والشرق والغرب  للتحقيق مصالحهم ؟
وحتي لو لقيت ناس مستعدين أنهم يعتصموا تلقاهم ينعدواعلي الاصابع 
عاشو اربعين عام خافين وتوا بيعشوا تسعين عام لاهم حيين ولاميتين 
   

                                                                   والسلام عليسكم ورحمة الله تعالى وبركاتة

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
كل انسان شجاع يراسلني على الخاص ويكتب تلفونه وسوف نجتمع لاشيئ مستحيل ولا خوف

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
اسمع مطالبك صح والتاخير شاملنا كلنا لكن جو طرابلس ومركزية فكنا منه انا من طرابلس ونفس المشكلة عندى

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
سبحان الله عندكم عقدة من قول الحق
والله مركزية وام المركزية

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
المشكلة ان الجهاز الادراى فى ليبيا كلها فاشل لكن فى اللى عنده اجندة بس وفى اللى يدور فى شماعة باهة انت شنى خاسر لو حطيت مطالبك من غير كلام الفتن

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
السلام عليكم اخي الكريم

المشكله في ليبيا مش مركزيه بل قبليه وجهويه شد عندك اي مسؤل من المنطقة الشرقيه اول مستلم وزارة او منصب شن درا انسميلك وزير التعليم العالي مثلا او عاشور شوايل يا اخي حتي المثحدث جابه من الشرق للعلم انا معنديش فرق بس انقول انه المشكله في العقول يا اخي الي يمسك منصب ايجب ولد عمه ولد قبيلته فدينا منها القصه هدي

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
لينا الله يا خوتنا

descriptionالمعاهد العليا نريد وقفة رجل واحد Emptyرد: المعاهد العليا نريد وقفة رجل واحد

more_horiz
 لينا الله ياخوي وربي معانا
صلاحيات هذا المنتدى:
لاتستطيع الرد على المواضيع في هذا المنتدى