دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


كل ما يتعلق بمدينة تورنتو بشكل مختصر

descriptionكل ما يتعلق بمدينة تورنتو  بشكل مختصر  Emptyكل ما يتعلق بمدينة تورنتو بشكل مختصر

more_horiz
 الى الاعزاء اخوانى واخواتى الطلبة الجدد  فى الساحة الكندية ( تورنتو ) 
السلام عليكم ورحمة الله وبركاته 
انا طالب جديد لم أبدأ بعد الدراسة نظرا لتأخر التفوبض فأحببت ان أشاركم بعض ما تعلمته خلال الاسبوعين الماضيين فى استكشاف المدينة من حيث كيفية فتح الحساب المصرفى - المواصلات - السكن - اللحم الحلال والمحلات العربية - الاشتراك فى الانترنت والهاتف - الجامعات ومراكز اللغة وكيفية الوصول اليها  وغيرها ,, وهوا مجهود شخصى اتمنى أن يفيدكم ,, أدعولى Smile

نبدأ بعون الله وتوفيقه

1- كيفية فتح حساب مصرفى .
اولا عليك اختيار البنك الذى تود ان تتعامل معه ,, والخيارات عديدة على سبيل المثال 
- TD

- CIBC
RBC Royal Bank


على فكرة كل البنوك تقدم نفس الخدمات تقريبا ,, وبنفس الجودة ما عليك الا أن تقدم على البنك الذى تشعر بأنه قريب من مكان سكنك على الاقل رغم انتشار البنوك فى كل مكان تقريبا 
المستندات المطلوبة :
- جواز السفر - تصريح الدراسة المرفق مع الجواز ( ورقة يعطيهالك ضابط الجمارك فى المطار مدتها سنة )  - تعريف او قبول من المعهد الذى تدرس به لكى لا يحملونك مصاريف زائدة - صورتين شخصيتين . 
تجلس مع الموظف المختص ,, سوف تعبىء نماذج وتوقع عليها ,, عليك بالسؤال على الحساب الذى لا يوجد به فوائد ان كنت لا تريد حساب ربوى لانك مسلم ,, وهم يعرفون مثل هذه المعاملات لن تتعب فى الشرح .

يتم فتح الحساب وتعطى لك بطاقة مصرفية  فيزا  ورقم سرى ويوضح الموظف لك طريقة العمل بها . 
بعد ذلك لو لديك اموال ضعها فى الحساب و اطلب ( بنك ستيتمنت - فويد شك ) لانك سوف تحتاج لهم لاحقا فى عملية الايجار وكذلك معاملات المكتب الكندى .
انتهت عملية فتح الحساب البنكى ,, سوف ارفق بعض الصور لاحقا
كل ما يتعلق بمدينة تورنتو  بشكل مختصر  Z0ngكل ما يتعلق بمدينة تورنتو  بشكل مختصر  0jkl
كل ما يتعلق بمدينة تورنتو  بشكل مختصر  M726كل ما يتعلق بمدينة تورنتو  بشكل مختصر  26h7



وابدأ أسحب الدولار

كل ما يتعلق بمدينة تورنتو  بشكل مختصر  Waok

2- كيفية الايجار :
الايجار هنا يا اخوة يا كرام تحكمه شروط وضوابط معينة اهما العقد فعليك اخى ان تتأكد من العقد وما به ,, مثلا الكهرباء هل ستقوم بدفعه او ( انكلوديد ) يعنى مالك المبنى مسئول عنه
يفضل أن تقوم بالبحث مسبقا عن المكان المناسب لك قبل القدوم ,, لماذا ؟ لان الايجار هنا لمدة سنة . لايوجد ايجار لمدة شهرين او تلاتة تم تنتقل ,, اللهم فى بعض الحالات النادرة التى توافق ان هناك شخص يريد الانتقال ويبحت عن من يريد ان يدخل كبديل ويخلص الفروق ,, وهذه الامور غير شائعة بشكل كبير ,,


* بعض الامور المهمة هنا :
-الايجار يكون بدفع الشهر الاول والشهر الاخير ( بمعنى شهرين مقدم) والعقد كما اسلفنا لمدة سنة .
-يتراوح الايجارلشقة جيدة ( ابارتمنت )  من 1000 الى 1500 شهريا ,, وقد تصل الى 3000 او اكثر على حسب الموقع والمكان . قد تجد ايجارات اقل مثلا 800 دولار او حتى -600 وولكن للذى لديه عائلة فهي غير مناسبة خصوصا من ناحية النظافة والموقع .
-سوف يتم اعطائك مفتاح خارجى بوابة العمارة  - ومفتاح للشقة - مفتاح لصندوق البريد ( اطلب نسختين ) 
-يمكنك البحث فى محركات البحث وما عليك الا أن تدخل كلمة apartment for rent in Toronto او ادخل على موقع  Kijiji وسوف تجد طلبك أن شاء الله اما لو كنت فى تورنتو فسوف تجد امام كل عمارة رقم اتصل به ,, او فى كل مدخل عمارة سوف تجد مكتب الايجار اسئل الموظف او المشرف عن العمارة عن الاسعار الموظف اسمه سوبر تندر .
- المستندات المطلوبة للايجار : 2 تعريف : الجواز السفر وأى تعريف اخر  - كشف مصرفى - ضامن !- رسالة الدعم المالى .
- الايجار يبدأ من بداية كل شهر ,, وفى حالات قد لاتجد الايجار متوفر الا بعد شهر او شهرين  فى المنطقة التى ترغب فى السكن بها عليك بالتنسيق مسبقا ( باش ما يصيرلكش زينى انا ^_^ )
انتهى جزء الايجار .
هذه عينة من العمارات التى سوف تكون بها الشقة - الشقة من غير فرش طبعا لهذا جهز نفسك لشراء اتات بسيط
كل ما يتعلق بمدينة تورنتو  بشكل مختصر  7i2
كل ما يتعلق بمدينة تورنتو  بشكل مختصر  So35

وكل عمارة بها فى الدورة الارضى مكان لغسيل الملابس وتجفيفها ( اخدم نفسك بنفسك ) عن نفسى لم اجرب هذه الخدمة بعد .
كل ما يتعلق بمدينة تورنتو  بشكل مختصر  X2m1



3- التنقل والمواصلات :
اولا : الباصات (الحافلات ) 
قبل كل شى عليك بشراء ما يعرف بالتوكن وهيا عبارة عن قطع معدنية دائرية  صغيرة الحجم تشبه قطع النقود ( عشرة قروش متلا )  وسعرها من محلات بيع المجلات والجرائد 3 دولار أو تشتريها من المحطات الرئيسية مجموعة بسعر اقل . أو لديك خيار أن تشترى الكرت ( ميترو باص) 128 دولار - او 100 تقريبا للطلبة ,, طبعا انا مش طلبة حتى هذه اللحظة لين يبعتو التفويض ^_^ ,,,,,وهوا يغنيك على شراء التوكن فى كل مرة وكل ما تركب الباص تضع التوكن فى الصندوق الذى امام السائق . والتوكن صغير ومرات ظلام ويطيح منك قصة صراحة 
ما فائدة شراء الكرت مقارنة بالتوكن ؟
الكرت تستطيع الركوب به فى كل الاتجاهات سواء للباص او الميترو لمدة شهر كامل  ما عليك الا ان تريه للسائق( وتحس روحك شخصية مهمة )  والتنقل به كيفما تشاء ولعدة مرات ( يعنى غير محدد بعدد الرحلات اليومية ) أما التوكن فهوا فى اتجاء واحد فقط ,, يعنى لما تركب الباص ماشى من النقطة 1 الى النقطة 2 بتحط التوكن ( 3 دولار ) لو غلطت فى الطريق تبى تولى بالعكس ممنوع بتحط مرة تانية ,, ولكن لو ماشى فى نفس الطريق عادى بس لازم تاخد حاجة يقولولها ( ترانسفير ) ورقة تاخدها من السائق او ما تركب لو بتغير الباص فى كل مرة يمين او يسار المهم فى نفس الاتجاه الى الامام . 

وهذه صور التوكين والكرت والترانسفير
كل ما يتعلق بمدينة تورنتو  بشكل مختصر  Asm3
كل ما يتعلق بمدينة تورنتو  بشكل مختصر  794qكل ما يتعلق بمدينة تورنتو  بشكل مختصر  Mvmc
تمام هاذو اهم أشياء فى المواصلات بالباص .لاحظو انى كتبت الكلام بالعربى يعنى باش النطق يكون ساهل ( ترانسفير - توكن - ميترو باص كرت )
طبعا وين تركب الباص ركز فى المحطات ووين ماشى لان عارف أكيد اللى مسافر اول مرة بتصيرله الصدمة التقافية Smileوراح ينسى هوا وين ماشى ومنين ركب .
أحسن شى فى كل المواصلات أن فى كل محطة توقف تطلعلك مكتوبة وبالصوت يعنى مش راح تسأل المحطة الجاية وين ,, والا انت وين توا .والباص مكتوب عليه رقم ووين ماشى
كل ما يتعلق بمدينة تورنتو  بشكل مختصر  X9o4





شركة المواصلات اسمها TTC على فكرة اختصار لى[b][b][b][b][b]Toronto Transit Commission[/b][/b][/b][/b][/b]
راح تلقى مكان مرش تستنى فيه كانا مطر أو تلقى عمود دليل على مكان التوقف زى اللى فى الصورة الجاية

كل ما يتعلق بمدينة تورنتو  بشكل مختصر  Ztqt
كل ما يتعلق بمدينة تورنتو  بشكل مختصر  Jnkb
ردو بالكم الشمس هنا قوية ,, تضرب على الراس زى شمس نوار الفول 3 ايام وترفع للقبور ( بعيد السوء طبعأ )
طبعا الباصات تهز مع بعضها  تقول فى جبهة ما عجبتنيش بكل خصوصا وين تتفكر روحك انك فى بلاد زى كندا ,, الايفكوات اللى عندنا احسن طبعا فى المتانة  لو زدنا حجمهم شوية ونقصنا الموزيقا شوية وحاجات تانية Smileبس المواعيد هنا ديما فيه باصات كل عشرة دقائق ,, من الساعة 6 حتى الساعة 1:30 وفيه موقع تقدر تشوف كل الخطوط والرحلات ومواعيدها تعبو روحكم شوية دير ttcفى القوقل سيرش وشوف المعلومات .وديما راكم تنسو الترانسفير لو انك بتغير الباص فى نفس الاتجاه او يمين او يسار اول ما تركب خود الورقة باش ما تخلصش مرة تانية .
انتهى جزء الباصات ونمشو لجزء الميترو والصبواى
انتهى جزء الباصات .

4 - الصبواى subway
الصبواى يا جماعة الخير هوا للتنقل تحت الارض زى اللى فى اسطنبول للى ماشى لتركيا . المهم لو شريت الكرت ما عليك الا وين تخطم تمرره على المكينة ومرات توريه للموظف اللى مقعمز وتخطم وخلاص ,, ولكن لو ما عندكش الكرت نولو للتوكن ,, فى البوابة تلقى صندوق معدنى فيه فتحة من فوق تحط فيها التوكن وتمر . راح ندرج خريطة للميترو والخطوط ,, وانا شخصيا نفضل التنقل بالميترو لان سريع والخطوط واضحة اكثر من الباص .كل ما تلقى العلامة اللى فى الصورة الجاية يعنى فيه خط تحت الارض كل ما يتعلق بمدينة تورنتو  بشكل مختصر  Rifj
كل ما يتعلق بمدينة تورنتو  بشكل مختصر  0uz3
هذه طبعا محطة ميوزيوم راح نشوفوها بعد شوية على خريطة الميترو ,, وشكلها من الداخل زى الصورة اللى جاية ,, طبعا أعطيتها كمثال لكى توضح الصورة للى يبى يتخايل كيف شكل الصبواى كل ما يتعلق بمدينة تورنتو  بشكل مختصر  Gut5
اوكى تمام تخايلنا الوضع توا ,, الامور تمام والا مليتو ؟
وين تركب الميترو حدد مكانك فى الخريطة واللى تلقاها مجانية فى الباص معلقة فيها خط الميترو ,, ولو بتشريها موجودة ستة دولار ممكن ,, طبعا كل قطار فيه الخريطة موجودة تقابلك وين تقعمز على الكرسى ,, وفيه اللى تحددلك حتى انت وين توا وشن النقطة اللى بعدها ( نقطة المحطة مضاءة ) ,, وكل محطة زى ما قولتلكم راح تسمعها بالصوت وراح تشوفها مكتوبه اول ما يوقف القطار ,, ووين يطلع يقولك المحطة الجاية شن هيا ,, ساهلة العملية .
المهم وين يجى القطار خليك بعد الخط الاصفر ردو بالكم ,,
خطوط القطار كما فى الصورة القادمة


 كل ما يتعلق بمدينة تورنتو  بشكل مختصر  Hwep
لاحظو الخط الازرق فى نهايته محطة سكاربرو تاون سنتر وهو مركز منطقة سكاربرو ,, يعنى اللى يسكن فى سكاربرو يمشى للمكان هدا فيه اسواق كبيرة مثل الول مارت wallmart وفيه سيرس وكدالك فيه سنيما وخدمات اشكال الوان ,, وين توصل بالباص للمكان هدا تركب لمحطة القطار فوق وتاخد القطار لين توصل لنهايته ( محطة كندى ) هنا تنزل وتاخد صابواى تحت الارض على الخط الاخضر وتمشى وين تبى .
لاحظو معاى كل نقطة بالابيض هيا محطة ,, وكل نفطة بيضاء عليها دورة بالابيض هيا نقطة تحويل من خط لخط .
اصدقائنا اللى يبو يجو لساكربرو متلا ( لان فيها محلات عربية هلبى ولحم حلال )  ياخدو احد الخطوط لين يوصلو فى نهاية الخط الاخضر ,, ومنه يركبو فوق للخط الازرق ( محطة كندى  اخر محطة ) ويقعدو لين ينزلو  محطة سكاربرو تاون سنتر ,, محطة باصات الدور الارضى  يشوفو الخط اللى يبوه ويركبو الباص وعلى بركة الله .طبعا المحطة نفسها تفتح على االاسواق اللى قولتلكم عليه ,لكن مجرد الخروج من المحطة للسوق ( منطقة المولات ) عند رجوعك للمحطة ضرورى تدفع ثمن دخولك مرة اخرى ,, الا لو عندك الكرت وهنا تظهر فائدة الكرت .
بعض الصور لمركز سكاربرو :

* القطار اللى فوق فى الدور العلوى من المحطة واللى الخط الازرق و سوف تدهب به الى محطة كاندى ( اخر محطة ) ومن ثم تغير على الخط الاخضر ( تنزل تحت الارض صابواى ) الى باقى المحطات ,, راجعو الخريطة
كل ما يتعلق بمدينة تورنتو  بشكل مختصر  Eddx
هنا محطة الباصات الدور الارضى ,, يعنى تحت القطار ,, تقدر تتنقل بالباص الى أى نقطة تريدها .كل ما يتعلق بمدينة تورنتو  بشكل مختصر  I5pj
كل ما يتعلق بمدينة تورنتو  بشكل مختصر  06q0
وهذه فى الليل
كل ما يتعلق بمدينة تورنتو  بشكل مختصر  95j9
كل ما يتعلق بمدينة تورنتو  بشكل مختصر  Gfjjكل ما يتعلق بمدينة تورنتو  بشكل مختصر  Rold
أهم مراكز التسوق : wallmart -e bay - seres وتجد كل شى بهدا المركز .كذالك شركات الهاتف والانترنت يمكنك ان تشترك من هنا سوف نتحدث عن هذه الشركات لاحقا ان شاء الله .

نتوقف هنا ولنا تكملة ان شاء الله , لنتكلم عن مركز المدينة داون تاون وشركات الانترنت المعروفة واسعارها  والتليفونات- المساجد- المعاهد والجامعات وغيره  ,, , لآى أسئلة تفضلو اخوانى ولا تنسونى بالدعاء فأننى فى أمس الحاجة له ^_^  .

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
جزاك الله خيرا ...موضوع مميز ويستحق التثبت Smile ... اللهم يسر له امره واغفر له وارزقه علما نافعا ورزقا واسعا وعملا متقبلا يا ارحم الراحمين ...

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
بارك الله فيك على هذا المجهود وجعله في ميزان حسناتك

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
جزاك الله كل خير جزاك الله كل خير جزاك الله كل خير

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
الله يبارك فيكوفقك الله

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
جزاك الله كل خير ويبارك فيك
و ان شاء الله ربي يفتح عليك ويسهلك كل امورك باذنه تعالي

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
بجد مجهود غبر عادي ان شخصيا استفدة منها واجد 
ان شاء الله في ميزان حسناتك

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
بارك الله فيك وجعله في ميزان حسناتك. اعجبنى جداً انك فكرت تحط تجربتك بالتفصيل برغم انك قاعد على اعصابك في انتظار التفويض.

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
ماسردته دليل على تميزك . وستكون باذن الله ناجح في تحقيق هدفك . واتمنى من الله العلي القدير ان يسهل لك امرك في غربتك

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
السلام عليكم ورحمة الله وبركاته
مبارك عليكم شهر رمضان
بارك الله فيك أخي أسامة ونشكرك على المجهود الرائع ، ونتمنى لك حياة طيبة في مسيرتك العلمية والعملية ، 
 والسلام عليكم ورحمة الله وبركاته

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
السلام عليكم ,, بارك الله فيكم جميعا على الكلام الطيب والدعاء ,وان شاء الله تكون التجربة مفيدة لكم ,,
كملت الموضوع وحطيت معلومات وصور ,, ولكن بعد ما درت ارسال ما طلع شى ,, Sad 
أن شاء الله راح نعاود نرفع الصور والمعلومات مرة اخرى . نستكمل الموضوع وبما أننا فى شهر رمضان نبدو بالمساجد ,, تم المحلات العربية الحلال والتسوق

5 - المساجد القريبة من سكنك
المساجد كثيرة فى تورنتو والحمد لله . منها :
هذا الموقع به أهم المساجد وعناوينها
http://www.salatomatic.com/c/Downtown-Toronto+285


 طبعا فى الداون تاون ,, اى مركز المدينة ,,
توجد مساجد أخرى فى منطقة سكاربرو أهمها :
Islamic Foundation

Jame Abu Bakr Siddique

كنت قد وضعت تفاصيل اكثر فى المشاركة السابقة ولكن لم اجدها فأختصرت الموضوع هذه المرة
هذا مسجد اسلاميك فونديشن :
كل ما يتعلق بمدينة تورنتو  بشكل مختصر  Svvq

كل ما يتعلق بمدينة تورنتو  بشكل مختصر  Svvq
وهذا مسجد أبوبكر الصديق
كل ما يتعلق بمدينة تورنتو  بشكل مختصر  Vx1y
 
ضع أسم المسجد فى القوقل ايرت وسوف تجد المكان بالتحديد .
6- التسوق فى المحلات العربية والاسلامية ( حلال )
منتجات  الحلال متوفرة حتى فى الاسواق الغير عربية ,, طبعا عن نفسى فأننى ادهب إلى شارع تقاطع ورادن مع لورانس والذى به كل ما تحتاجه من ( لحم - توابل - حلويات شرقية - كبدة - لحم مفروم - دواوير ^_^ - لحم راس Smile- رشتة كسكاس ) راح يعجبكم المكان خصوصا وين يكون حد مخوفكم بأن كندا مافيهاش محلات زى ليبيا ,, كل شى موجود .
الخريطة التالية توضح مكان المحلات تحديدا :
كل ما يتعلق بمدينة تورنتو  بشكل مختصر  Azto
شوف موقعك على الخريطة وين ,, وبعدين شوف المواصلات الباص او الميترو ,,  وتوكل على الله .
أهم سوقين عجبونى فى الشارع هدا هما :
Wadi food
ARZ
محلات يحسسوك انك ما طلعتش من بلادك فيهم كل شى حتى الطماطم  المعلب زى اللى يبيعو فيه فى ليبيا ( مرات جايبينه من غادى !! Smile)
بالنسبة للتسوق اليومي مثلا شراء الحليب - عصير - بيض - خضروات توجد مراكز تسوق فى كل منطقة وكل شارع تقريبا وهيا متميزة بتوفر كل ما تحتاجه منها :
- الفود باسيك : مختص بالاغدية واسعاره كويسة وتجد به منتجات حلال مثل الدجاج المجمد والانشون .
كل ما يتعلق بمدينة تورنتو  بشكل مختصر  Cjpv
- الفريشكو : برضو سوق للاغدية والخضروات والمستلزمات اليومية واسعاره كويسة
كل ما يتعلق بمدينة تورنتو  بشكل مختصر  N764
- شوبر درق مارت : هادى من اسمها صيدلية ,, ولكن بها منتجات غذايئة !! وبها مستحضرات تجميل - كذالك تجد بها بريد وتحويل أموال سريع ( فى نفس اليوم ) الخدمة اسمها mony gram
كل ما يتعلق بمدينة تورنتو  بشكل مختصر  A6wl
-الول مارت :
سوق أو بالاحرى مركز تسوق يجمع كل شى ( الاكل - مطاعم - ملابس - مستلزمات الام والطفل - ادوية - الكترونات - اتات ) وهوا مناسب للتسوق وتقضية الوقت به وفيه ميزة ,, هنا وين تشرى حاجة ما عجباتكش تقدر تردها خلال اسبوع . يعنى متلا شريت مروحة كهربائية حسيتها صغيرة فتحتها وشغلتها يوم ,, تانى يوم رديتها وغيرتها بوحدة اكبر ,, ولو ما عجباتكش عاااااااادى ردها ويردولك فلوسك ,, اى حاجة جربتها وما مشتش معاك تقدر تردها ,, اهم شى الواصل .
كل ما يتعلق بمدينة تورنتو  بشكل مختصر  4qyi
بالنسبة للأتات لو تبى تشرى حاجات للشقة ,, ننصحكم ما تبالغوش فى الشراء خصوصا احتمال كبير تنتقل لمدينة تانية ,, تقدر تشرى حتى من الول مارت ,, ولكن انا شريت من الايكيا حاجات بسيطة ,, على فكرة تقدر ادير سيرش على اتات مستعمل ويجيك ارخص هلبى ,, بس انا ما عرفتش الا بعد ما شريت ,, ولكن الجديد احسن خصوصا الفراش مستحيل نشريه مستعمل عن نفسى ,,
الايكيا : طبعا فيه كل شى اللى يخطر عليك واللى ما يخطرش ,, لكن طريقة الشراء به معقدة شوية ,, ( مش متعودين عليها ) يعنى وين تعجبك حاجة تعبى نمودج تلقاه فى كل مكان فى السوق ومعاه قلم رصاص ,, تعبى نوع الصنف ورقمه وبعدين تمشى لموظفة توقع عليه وبعدين تمشى للسكشن اللى فيه البضاعة وتقعد تشوف من الورقة وين المكان بالزبط ,, تقدر تسأل حد من الموظفين ,, بعد ما تلقى حاجتك تمشى للكاشير باش تخلص ,, يديرلك ورقة تمشى للدليفرى التوصيل للشقة ,, راح ياخد عنوانك وبياناتك ويسجلها على الكمبيوتر ,, وبعدين تاخد كدس الاوراق فواتير واوراق المعاملات وتروح تستنى لين تيتصل بيك حد يقولك قريب نوصولو خليك فى الشقة Smile
الموعد يعطيهولك الموظف من اول يوم شريت فيه يقولك متلا اليوم من الساعة 4 الى 9 او غدا من الساعة 10 الى 12 ,, امتى يناسبك انت يا سيد .
وهذا سوق الايكيا للى ما يعرفاش :
كل ما يتعلق بمدينة تورنتو  بشكل مختصر  Pzmu
وزى ما قولتلكم فيه اسواق تانية زى البريك والسيرس ولكن اغلى تقريبا ,, لكن تقدر ادير سيرش على الاتات المستعمل متلا طاولة الاكل من السوق 130 دولار مرات تحصلها بخمسين بس لو مستعملة .

فيه سوق تانى عملى وكويس أسمه دولاراما ,, هدا السوق كل شى فيه رخيص بدولار - 3 دلار - 10 دولار ,, يعنى زى ما تقولو محلات فرصة عندنا ,, تقدر تشرى منه حاجات المطبخ - مستلزمات الصحية لدورات المياه اكرمكم الله - الحقيقة فيه كل شى تقريبا ورخيص
كل ما يتعلق بمدينة تورنتو  بشكل مختصر  Am9b

اخيرا بعض المحلات فى الداون تاون العربية معروفة مثل : raba - وفيه محلات افغانية وعراقية  تقدر تشرى منهم نواقصك لو ما تبيش تمشى لسكاربرو وانت تسكن فى مركز المدينة .
ولاحظ الكلمة hlal دائما موجودة .
انتهى هذا الجزء ,, ونكملو ان شاء الله قصة الانترنت والتليفون والتلفزيون والشركات الرائدة فى هذا المجال .
دعواتكم يا جماعة الخير  Smile

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
مشكور وجزاك الله كل خير

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
الله يبارك فيك ويرحم والديك ويفتح عليك ويفرج همك باذنه تعالي

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
السلام عليكم ,, شكرا لجميع من تواصل ^_^ 

 7- الاتصالات والانترنت :
حسب ما لاحظت أن شركات الاتصال المعروفة واللى يشهدولها الناس بالكفاءة والخدمات هى : بيل - روجرز - فايدو ( Bell - Rogers- Fido ) هادو حتى فى مكان السكن تلقى مرات عندهم مندوب أو تلقى الكرت الخاص بهم مع موظفى العمارة ,, كذلك فى الاغلب راح توصلك نشرة الخدمات على البريد اول ما تستقر فى العمار ,, دير تشك على صندوق البريد أسفل العمارة ( اللوبى ) راح تلقى مجموعة اوراق ودعايات منهم تلقى شركات الاتصال .
بالنسبة لتجربتى الخاصة ,, أشتركت مع الروجرز فى الانترنت وأشتركت مع شركة Public Mobil فى التليفون وراح نتكلم بإختصار على فوائد كل شركة وعلاش درت هكى Smile
- الببليك موبيل حسب ما شوفت أرخص شركة تعطيك مميزات منها :
- مش لازم عقد .
- الانترنت فى الموبايل غير محدد ( unlimited )
- فويس ميل 
- لونق ديستانس ( الاتصال بالاماكن البعيدة فى كندا ) لان الاتصال حتى داخل كندا يكلف .
- مكالمات غير محددة داخل تورنتو (call s unlimited )
وتخفيض لمدة سنة وتخلص شهريا 30 دولار . وتقدر تنحى بعض المميزات ليصل الى 20 دولار فقط
ولكن : ضرورى تشرى منهم الجهاز يتراوح حسب النوع من 90 الى 140 دولار .

*********************************************************************************
شركة الفيدو او البيل أو الروجرز فى التليفون شعرت انها غالية شوية خصوصا للى كيف واصل والمنحة مازال ما وصلاتاش ومش عارف شن بيصير يعنى الشركات هادو عيوبهم بالنسبة ليا :
- العقد لازم منه لمدة سنة . ( وصلت المنحة او ما وصلتش ضرورى تشترك معاهم وتخلص ) 
- السعر 45 شهريا ومرات اكثر .
- الانترنت محدود حسب العقد - 256 ميقا بيت - 500 ميقا - 2 قيقا 
- الفويس ميل تقريبا تخلص عليه ,, وكدالك المكالمات بعيدة المدى . 
هذا بالنسبة للتليفون والنت فى التليفون ,, اما لو بتشترك فى نت المنزل يعطوك خيارات وتخفيضات 
- تقدر تشترك فى النت - وتلفزيون ( كابل ) - وتليفون ارضى 
- تقدر تشترك فى تليفون ارضى فقط 
- تقدر تشترك فى النت فقط 
ولكل خيار أسعاره وخياراته . 
على سبيل المثال : خدمة الانترنت اكسبرس مع الروجرز 80 قيقا شهريا تكلف 60 دولار شهرى ,, ولكن يعطو تخفيض لمدة 6 أشهر اتصبح 40 دولار شهرى . وطبعا تحصل خيارات أرخص واحسن يعنى زى ما يقولو دييييل ( كابل تلفزيون - نت - تليفون ارضى ) مع بعض نسمى الخدمة باندل وتحصله بسعر مناسب .

الاشتراك :
 شوف أحد الفروع متوفرة فى مراكز التسوق ,, او تتصل بيهم من الكروت اللى موزعينهم ترفع جواز السفر واى مستند تانى يتبت هويتك مثل قبول اللغة او حتى رسالة الدعم المالى ثم تختار الخدمة التى تناسبك من ناحية السرعة وكمية الحصة الشهرية وغيره . يعبى الموظف النموذج والعقد . ويعطيك موعد التركيب . وخلاص تمت .
( مش راح تخلص شى لين يركبو النت ) 
بعد اسبوعين توصلك فاتورة بقيمة اول شهر فى بريدك .
وهذه اللينكات للشركات اللى تكلمنا عليهم لمزيد من الاطلاع :
http://www.publicmobile.ca/pmconsumer/?lang=en

[url=http://www.fido.ca/web/Fido.portal?_nfpb=true&_pageLabel=StoreLocator&cm_mmc_o=mH4j7BBTkwCjCdbpBjHWCjCdbpB aByBEfB C H0zgfCjCdbpB aByBEfB C h0zgf&gclid=CNX5ybL-qrgCFY1DMgodWB4Asg]http://www.fido.ca/web/Fido.portal?_nfpb=true&_pageLabel=StoreLocator&cm_mmc_o=mH4j7BBTkwCjCdbpBjHWCjCdbpB%20aByBEfB%20C%20H0zgfCjCdbpB%20aByBEfB%20C%20H0zgf&gclid=CNX5ybL-qrgCFY1DMgodWB4Asg[/url]

http://www.rogers.com/web/Rogers.portal

http://www.bell.ca/Bell_Internet

وعلى فكرة احسن زوز شركات هما ( بيل - روجرز ) وكل موسم يكون فيه خطط جديدة سواء رفع الاسعار او خفضها مميزات وعيوب .

8 - معاهد اللغة والجامعات :
دائما او أغلب الطلبة بما فيهم انا وين كنا فى ليبيا ما نعرفو شى عن المعاهد والجامعات . ونحصلو فى قبول لغة لمجرد الحصول على التأشيرة لا أعمم ولكن الاغلبية . طبعا قبول اللغة يكون فى اغلب الحالات معاهد تجارية رغم انها معتمدة . ( توا اعطينا اى قبول غير باش نحصلو التأشيرة وبعدين ساهل ) وهذا كله من وجهة نظرى فى القصور التى تعانى منه ادارة البعتات فى توجيهنا ومساعدتنا فى الحصول على قبول من الجامعة التى سوف ندرس بها الاكاديمى ,, البعض قد يقول المكتب الكندى يساعد !! صدقونى حتى المكتب الكندى وين تراسله وتسأله على أى معهد يقولك كويس ,و تمام ,و مافيش اى معهد متلا يقولك لا هدا ما يصلحش او متلا ننصحك بمعهد كدا التابع لجامعة كدا . 
عموما ننصح اللى عنده وقت ومش مستعجل ينتسب للمعاهد الجامعية  او الجامعة نفسها عندها برنامج لغة وابتعد على المعاهد التجارية ,لماذا ؟
- امكانيات الجامعة افضل بكثير من المدارس والمعاهد التجارية وتلاحظها حتى من المبنى والملحقات 
- طريقة الدراسة تختلف عن الجامعة ,, ففى المعاهد التجارية يركزو على اللغة من ناحية المحادتة وجو ضحك وبريك ولكن الجامعة تركز اكثر على الجانب الاكاديمى مثل اعداد البحوت الكتابة والمنهج اكثر تعمق . وهذا راح تلاحظه حتى فى أسئلة تحدبد المستوى ( فيه فرق كبير بين الجامعة والمعاهد التجارية ) 
اللى يتسال من الاخوة أو الاخوات متلا ما فهمناش شن تقصد بالمعاهد التجارية والجامعية : المعاهد التجارية مثل ILAC - global village - English School of Canada
ولكن المعاهد الجامعية مثل : University of Toronto - McGill University - المعهد التابع لى جامعة برتش كولمبيا UBC
وعلى أى حال يبقى مجوهدك الذى تبدله هوا العامل الاكبر فى تعلم اللغة ,, حتى المعاهد التجارية تعتبر جيدة ولكن عن نفسى لاحظن الفرق عندما دهبت زيارة للقلوبال فيلج و جامعة تورنتو .

* الرابط هذا فيه جميع  المدارس والمعاهد والجامعات المعتمدة فى اللغة :
http://www.languagescanada.ca/en/study

* الرابط هذا فيه الجامعات الكندية وطريقة انك تشوف الجامعة اللى فيها  تخصصك والمدينة اللى فيها الجامعة .
http://www.aucc.ca/canadian-universities/study-programs/

وتوا السلام عليكم ولنا عودة  ويا ريت اللى عنده معلومة او أضافة يساهمنا ويشاركنا وصحة فطوركم للفطر ,, واللى مازال زينى ان شاء الله عن قريب صحة فطورك مسبقا .

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
ماشاء الله
          سلمت يداك

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
 بااارك الله فيكم على هدا الموضوع القيم والاكتر من رااااائع .. انتم اختصرتوا هلبه تساؤلات ليا بخصوص تورنتو .. جزاكم الله كل خير ..

_______________________________

**مــــــــ خرج ــــن في سبيل العـــلـــمـ فــهـــو في سـبـيـل الله حتـــــــــــ يعود ـــــــــــــى**

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
سلمت يداك أخونا أسامة بارك الله فيك أبدعت بصدق فالكل لديه المعلومة ولاكن قليل من يستطيع أيصال المعلومة  بهده التفاصيل والدقة موفق والله أيوفقك في حياتك :: في أنتظار المزيد

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
شكرا اخى ة موفق بعون الله وان شاء نسمع بتفويضك وصلك

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
سوال اخى لو تكرمت ماذا على الشخص يلى معه عائلة لو يبى يااجر موقت شنو انسب خيار غير الفنادق
واذا لايوجد خيار ماهى انسب الفنادق

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
سوال اخى لو تكرمت ماذا على الشخص يلى معه عائلة لو يبى يااجر موقت شنو انسب خيار غير الفنادق
واذا لايوجد خيار ماهى انسب الفنادق

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz


الله يرحم ولديك بجد موضوعك متميز و شيق و تعلمنا منه هلبا حاجات ,,بارك الله فيك 

_______________________________



 لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
بارك الله فيك مجهود يذكر فيشكر ....اضافة على الايجار لازم ادير بالك ما تضيّعش مفاتيح الشقة و باب العمارة لانك لو ضيعتهم راح تدفع غرامة على المفتاح الخاص بالعمارة تقريبا 150 دولار و يمكن اكثر و المفتاح لا يمكن عمل نسخة عليه لانه منحوت عليه ممنوع النسخ ...و شكرا كل ما يتعلق بمدينة تورنتو  بشكل مختصر  347269

_______________________________

لقد تعلمت الصمت من الثرثار ، والتساهل من المتعصِّب ، واللطف من الغليظ، والأغرب من كل هذا أنني
لا أعترف بجميل هؤلاء المعلِّمين.

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
اهلا اختنا ميار ,,والله الحق الحق خيار غير الفنادق ما نعرفش الا اللى يقولولها الشقق الفندقية ,, طبعا تقدرى تخشى على موقع مثل : booking 
http://www.booking.com/index.html?aid=306395;label=Booking-En-II-g52dOWxV4BrAybRYE7fWlAS21487681949🇵🇱ta:p1:p2300,000🇦🇨ap1t1:neg;ws=&gclid=CIjk2pGOrrgCFWJqMgodHBQArQ
 تشوفى الخيارات ,, تقدرى تغيرى اللغة وين تلقى العلم وتخليها بالعربى لو اللغة الانجليزية مش ولا بد ,, تختارى المدينة ,, الموقع ,, الاسعار ,, نجمة - نجمتين - تلاتة - 5 - تقدرى تشوفى حتى الخدمات متلا فيه نت او مافيشى ,, وهكدا ,, وهذا تقدرى تحجزى على من ليبيا من احد المكاتب ,, خلى الحجز اسبوع متلا لان لا أعتفد ان الحصول على شقة متلا ياخد يومين خصوصا لو جيتو فى وقت مش مناسب نص الشهر .والاحسن ان تشوفى الشقق ومواقعها وتحاولى تتصلى بيهم قبل ما تجو ,, على الاقل تعرفى المكان اللى بتأجرى فيه لمدة سنة ,, اسبوع فى الفندق وخلال الاسبوع هدا تنظمو الامور للانتقال للشقة . 
وان شاء الله لو جيت عائلة وقدرنا نخدموها بما نقدرو مش راح نقصرو ان شاء الله . ربى يوفق.



اهلا بيك Hana . نوافقك النسخة لازم منها ضرورى ,, بس انا الحق درت نسخة منى ليا Smile  لان وين طلبت نسخة قالتلى الموظفة ما عندناش الا نسخة وحدة توا نديرولك ,, وكل ما نمشيلها تقولى غدوة ,, فى الاخير درت انا نسخة وقولتلها . حسيتها فرحت رغم ان النسخة تمنها 6 دولار بس ,, شكلها مريحة النسخة وما تبيش تخلص حقها Smile . عموما ممكن يختلف شوية من مكان لاخر . موفقة ان شاء الله 

شكرا لكل من مر ووجهة كلمة طيبة لى من غير ذكر الاسماء بالك ننسى حد ويزعل ,, مشكورين على الدعاء وهذا من ذوقكم بارك الله فيكم اخوانى واخواتى .

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
9 - العلاج والعيادات :
بالنسبة لطريقة العلاج يجب عليك أولا الاتصال بطبيب العائلة !! طبعا فيه اللى بيستغرب شن طبيب العائلة ,, باهى اهو بنقوللكم شن هوا طبيب العائلة باش ما تمشيش لمستشفى وبعد توصل يقولوك نبو ( ريفير ) يعنى تحويلة من دكتور العائلة . 
طبيب العائلة هوا الدكتور العام اللى لازم تمر عليه لو مثلا مزكوم - بردة بسيطة ,, ولكن لو مثلا لا سمح الله عيونك فيهم مشكلة ( جليلجلو متلا Smile  ) هنا لازم تمشى لدكتور العائلة وبعدين يديرلك تحويل . 
هذا الموقع فيه كيف تتحصل على دكتور عائلة مثال فقط وفيه عدة خيارات , لان طبعا انا ما نبيش نحكى قصتى بالتفصيل باش و كيف تحصلت على  دكتور عائلة لزوجتى Sad 
http://www.queenstreetmedical.ca/accepting-new-patients.php

طبعا مرات تبدأ ماشى فى الطرق وتلقى لافتات فامليى دكتور وقريب من سكنك ,, ايوة هما هدوكا طول خشلهم وقوللهم انا جديد ونبى فامليى دكتور .
مصاريف العلاج هنا نااااااااار ومسمار زى ما يقولو . الدواء ما تقدرش تاخده من غير وصفة طبية . الا حبوب الراس انواع معينة او مساج عضلات - بعض المسكنات ولكن متلا مضاد حيوى مستحيل تحصله من غير وصفة. لهدا جيبو معاكم الاقمانتين والاوماكسيل وكولد اند فلو - فيكس - بنادول يعنى شوية ادوية على الخفيف باش من اول يوم تلقى روحك ادور فى صيدلية .
كل ما يتعلق بمدينة تورنتو  بشكل مختصر  A9nt

التأمين الصحى ما عنديش عليه اى فكرة يعنى بعد ما نحصل تأمين كانا حنو علينا اخوانا فى البعتات والوزارة توا نكتبلكم شن صار ومرات حد تانى يكمل الفصة ,, ولكن للى جاى من غير تأمين وعنده زوجته حامل مثلا مثلا مثلا = ( بيق بروبلم ) . 
ادا كانت فى الشهور الاخيرة لن تتحصل على دكتورة تتابع حالتها  ,, وان تحصلت فسوف تطلب مبلغ خيالى وضمان .. حسبنا الله نعم الوكيل فى وزرائنا ومسئولي الدولة الليبية .
على سبيل المثال : دكتور العائلة راح ياخد 40 دولار اول زيارة ,ومش راح يدير شى الا يقيس الضغط والوزن ويقولك توا نتصلو بيك كانا حصلنا حد يتابع حالتك . وبعد التحويل الدكتورة المختصة تاخد 400 دولار اول مرة ,, وفى كل زيارة 100 دولار .  
لن يعترفو بتحاليل مثلا جبتها من ليبيا ,, وابسط سبب ( وين فصيلة الدم !! ) مفروض اول حاجة مكتوبة على نتيجة التحليل اللى جايبها من ليبيا . لهذا سوف يطلب منك اعادة كافة التحاليل . 
سعر كشف الألترا صاوند ultra sound  بمية وستون دولار ( مثال ) وشوف باقى  التحاليل .
ملاحظة : كل شى هنا بالموعد ما اديرش روحك فالح وتمشى فى نفس اليوم وبدير تحاليل وكشوفات Smile ,, اتصل قبل ودير موعد وسجل اسمك باش وين تمشى ما يردوكش ,, تانى حاجة ديرو ديما تحتكم كاااااااش ( مبلغ نقدى ) لان اغلب العيادات ما عندهمش مكينة اللى تحط فيها الكرت ويسحبو منك . بعد ما توصل تقعد اودور فى مكينة صرف الفلوس وتتبهدل .

الجزء الجاى عندى نية بنكتب على الاماكن اللى تستحق الزيارة فى تورنتو ( قاعدين ما شوفنا شى ولا ادهورنا ) ولكن بالك المدة الجاية تنزل المنحة والتفويض ونحصلو ادهويرة كويسة ان شاء الله والا شن رايكم Smile 
السلام عليكم الان وصحة فطوركم وتقبل الله صيامكم 
أخوكم أسامة .

descriptionكل ما يتعلق بمدينة تورنتو  بشكل مختصر  Emptyرد: كل ما يتعلق بمدينة تورنتو بشكل مختصر

more_horiz
جزاك الله خيرا أخي وفي ميزان حسانتك إن شاء الله.

_______________________________

قل إنّ صلاتي ونسكي ومحياي ومماتي لله رب العالمين

شروط الكتابة في منتدى  المملكة المتحدة وآيرلندا
https://www.almofad.com/t9385-topic

تنبيه هام لكل الأعضاء في المنتدى
https://www.almofad.com/t19008-topic#146383


مشروع خيري

https://www.almofad.com/t29454-topic
صلاحيات هذا المنتدى:
لاتستطيع الرد على المواضيع في هذا المنتدى