دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionاستفسارات عن دراسة الماجستير في الهند. Emptyاستفسارات عن دراسة الماجستير في الهند.

more_horiz
السلام عليكم,
إخواني, عندي باكالوريس حاسب(علوم), وإن شاء الله نبي نكمل ماجستير هندسة شبكات في الهند, وعندي كم سؤال لعلكم تفيدوني بارك الله فيكم.

كيف نقدر نعرف الجامعات الهندية الي معترف بيها في ليبيا؟؟

لو في جامعات معينة تنصحوني بيها في التخصص هدا؟؟

بالنسبة للأجراءات من اختام وغيره قبل السفر نكون شاكر جداً؟؟

شكراً،،،

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
وعليكم السلام ورحمة الله وبركاته

بالنسبة للجامعات واجد بكل ونظام الهند معقد شوي يعتمد ع الكم وليس الكيف

مثلا في الامتحانات مطلوب انك تكتبي واجد

مثلا يجيك سؤال ماهو قانون اوم 
الاجابة بسيطة التيار= فرق الجهد/المقاومة...هذا الطبيعي عندنا
لكن في الهند مش كافي
لازم تقول اي شي تعرفه عن قانون اوم  يعني مع القانون تقول ان المقاومة تزداد بزيادة الحراارة وطول السلك الكهربائي يسبب في زيادتها ونوع السلك وزيادة المقاومة تسبب في نقص التيار ..المهوم تعبي اكثر ولا الاجابة يعتبوها ناقصة

بالنسبة للاختام... تحتاج توثيق شهادة البكلوريس في الجودة ولو متزوج ترجم عقد الزواج عشان التأشيرة في السفارة الهندية 

فيه حاجة ممكن تكون كويسة هي الكورسات الخارجية في الحاسوب متوفرة و رخيصة بس فيه معاهد نصاابيين يعني يقوك عندي و عندي وهو نص اللي قاله ما عنداش...فا الافضل لما تمشي غادي تاخذ بنصيحة الليبيين اللي غادي ويدلوك على معهد مجرب ويكون فيه فائدة.

على فكرة راام اسم صنم عندهم يعبدوا فيه يعني غير النكنيم متاعك afro

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
بالنسبة للجامعات اظن السفارة غادي عندهم قائمة او معتمدين على موقع الدولة الهندية الالكتروني تلقى فيه قائمة الجامعات المعتمدة وتصنيفها

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
السلام عليكم,
الله يبارك فيك على الرد يا خوي الهندي,
باهي اني نفكر بنمشي لجوا ناخد لغة كم شهر قبل ما نبحت عن القبول في الجامعات, هل النقل من ولاية غوا لولاية تانية عادي بدون مشاكل؟ يعني متلاً من جوا لكرناتكا (بنغلور) والا لازم نختار ولاية كل شيء يكون فيها؟ والتأشيرة شنو نوعها الي نطلبها؟ وقابله للتمديد والا ضروري نرجع لليبيا ونولي تاني؟

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
ram_rom كتب:
السلام عليكم,
الله يبارك فيك على الرد يا خوي الهندي,
باهي اني نفكر بنمشي لجوا ناخد لغة كم شهر قبل ما نبحت عن القبول في الجامعات, هل النقل من ولاية غوا لولاية تانية عادي بدون مشاكل؟ يعني متلاً من جوا لكرناتكا (بنغلور) والا لازم نختار ولاية كل شيء يكون فيها؟ والتأشيرة شنو نوعها الي نطلبها؟ وقابله للتمديد والا ضروري نرجع لليبيا ونولي تاني؟
وعليكم السلام ورحمة الله

جوا يقال انه كويسة بالنسبة للغة انا شخصيا مشيتلها يومين ورجعت يعني ما تفرجت عليها كويس
المهم نعرف واحد قرا اللغـة غادي وصارتله مشكلة تأشيرة ورجع لـ ليبيا وغير تأشيرته وبعدتها مشت اموره
غير هكي لو انت جيت لـ بانقلور وسجلت في بوليس الاجانب تقدر تمشي لاي مكان طالما فيزتك سارية الصلاحية...
بالنسبة لنظام الانتقال من ولاية لولاية ثانية هي اول شي انت بدور قبول لغة بتحصل على حسب الكورس اللي بتاخذه  شهر شهرين 6 شهور سنة على حسب الكورس...بيعطوك تأشيرة على حسب قبول اللغة ..بعدها لما بتنتقل لازم تجيب قبول اكاديمي من الجامعة وتمشي بيه للبوليس وادير طلب انتقال ... يعطوك رسالة في ظرف مقفل تنتقل بيها للولاية الثانية في خلال اسبوع من يوم استلامك ليها شرط التسجيل في بوليس المدينة الثانة قبل نهاية الاسبوع ...يعني امر بسيط مش معقد 
التمديد بسيط........رسالة من الجامعة انك مازال ما كملت الدراسة وتطلب زيادة مدة الاقامة و لو في رسوم تدفع و انتهى
ولو قدرت تحصل مكان فيه كل الطلبات لغة وجامعة بيكون اريح......فقط رسالة من الجامعة للبوليس تغير الكورس وتجدد الاقامة على الجامعة
وبع
 تجدد الاقامة تقدر تمشي لاي مكان في الهند ......يعني في العطلات تقدر تستغل الفرصة وتاخذ كورسات لغة ولا في تخصصك
التأشيرة بما انك ماجستير بيعطوك فيزة طالب
وفي منها 3 انواع
1 single فيزة فردية يعني تقدر تدخل بيها  مرة وحدة للهند وخروج واحد .. يعني انت جيت للهند وختمت وعندك اقامة لكن كان طلعت منها وفيزتك فردية ماتقدر ترجع الا لما تجيب فيزا جديدة
2 double ثنائية تدخل مرتين وتخرج...يعني ختمت دخول اول وعندك اقامة تطلع و بعدها ترجع مرة ثانية الختم الثاني هو الاخير لو طلعت مرة ثاالثة يلزمك تغيير الفيزا
3 multiple فيزا متعددة الدخول والخروج طالما عندك اقامة سارية الصلاحية .
لما تمشي للسفارة عششلهم على قصة متعددة لو كنت تبي تروح لـ ليبيا ... بس اقعد غادي و استفيد من الكورسات في العطلات.

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
يا ودي زايده معاك يا هندي,
باهي بنقولك شنو الي بنديره وقولي صح والا لا,
بناخد قبول لغة من معهد في غوا بندير بيه التأشيرة, بنمشي للهند ونقرا اللغة وقبل شهر من نهاية المدة نجري على قبول من جامعة في بنغلو, ونمشي اندير انتقال من البوليس الي سجلت عنده(جوا), بيعطوني وريقة نمشي بيها لبوليس بنغلور مثلاً لو كانت الجامعة غادي, ومنفوتش 7 ايام الا والامور نكون نظمتها عند البوليس التاني, ونمدد التأشيرة من بوليس بنغلور, فهمت صح؟

الشخص الي تعرفه صارتله مشكلة التأشيرة, شنو سببها زعمك؟ بش نتفاداها؟

باهي الجامعة متقوليش انت جاي على اساس معهد لغة واني منعطيكش القبول لين تروح وتاخد تأشيرة جامعية من بلادك, والبوليس مايديرليش في الرز عظام  زعمك؟؟

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
وعليكم السلام 
والله نسيت بالظبط شن كانت مشكلة صاحبي ..اظن انه لما خذا التأشيرة قعد في ليبيا فترة بعدها جا يعني لو هو واخذ تأشيرة شهرين طول في ليبيا قبل يطلع و زاد اسبوع واطيح .......المهم الصراحة مانتذكر مزبوط لان القصة من2009 معاش نتفكر
وكلامك مزبوط فهمت الخطوات
الفيزا اللي عندك فيزا طالب سواء انجليزي او ماجستير.....لكن لو دكتوراة تختلف ...يلزم تغير التأشيرة لـ فيزا بحث.ع العموم انت ماعندك بيها علاقة ..فيزا طالب تمشي للغة واالماجستير.
موفق ان شاء الله

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
الله يرحم ولديك يا خوي, وسامحني مرات نرجع نسئلك على حاجات تانية لو استجدت معاي حاجة.

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
رحم الله الجميع

موشكل نهي هيه بهايWink 

يعني مافيش مشكل خوي

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
س ع
شنو اتقول تى اين هند تى ريح جمالك واعصابك سلم خوى راهى دفنقى انكلم فيك من الهند
بوبلى فاضى والله جدياااااااات
وسخ وبقر وكلاب حاشاك
وكدب ونصابه والله مافى علم الى حد الان ماقابلنى حد يقرا من الاخير
لاكن ممكن اتجى لجامعه الله اباد والنجاح مضمون والهدرزه الليبيه متوفره والكوره والجو امليح مويدن معارضين

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
السلفى كتب:
س ع
شنو اتقول تى اين هند تى ريح جمالك واعصابك سلم خوى راهى دفنقى انكلم فيك من الهند
بوبلى فاضى والله جدياااااااات
وسخ وبقر وكلاب حاشاك
وكدب ونصابه والله مافى علم الى حد الان ماقابلنى حد يقرا من الاخير
لاكن ممكن اتجى لجامعه الله اباد والنجاح مضمون والهدرزه الليبيه متوفره والكوره والجو امليح مويدن معارضين
عليكم السلام ورحمة الله,
خوي انا قريت مشاركاتك بخصوص الهند في المواضيع التانية, وفهمت وجهت نظرك. سمعت ايضاً غيرك يذمو في الهند وايضاً هنالك من يمدح. المهم, مادمت في الهند وتقريباً لك شهور؟, فنبي نستفيد من تجربتك. يا ليت لو توضحلي البرنامج الي درته بخصوص فيزتك والتسجيل في معهد اللغة والجامعة؟ هل اخدت قبول لغة درت بيه الفيزا والا سياحية وبعدين اخترت المعهد وانت غادي؟؟ والا كيف؟

شكراً

descriptionاستفسارات عن دراسة الماجستير في الهند. Emptyأسئلة أخرى.

more_horiz

السلام عليكم,
خوي الهندي و كل من عنده معلومة, نبي رأيك في جامعة أميتي Amity University, عندهم البرنامج التالي: M.Sc. - Network Technology & Management
 
http://www.amity.edu/admission/programoffered.asp?stream=PG&campus1=Both&discipline=5#
 
البرنامج عجبني والجامعة لقيت تصنيفها كويس, يا ريت لو تأكدلي الكلام هدا, انتو غادي وتعرفو اكثر, بلكي فاهم غلط؟

حاجة تانية خوي, واني نقلب في الطلبات لقيت انهم يطلبو في التالي:
 
Admission Application Form of Foreign / NRI
students must have an Equivalence Certificate from
the Association of Indian Universities (AIU),

 
شنو الــ Equivalence Certificate هادي بالظبط؟ طلبوها منكم انتو في الجامعات التانية؟؟

 

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
اظن يقصد بالايكوفيلنت يعني كفاءة ..ممكن زي شهادة تزكية عندنا ..والله اعلم اظن انها مش مهمة عادي تقدر تسجل حتى بدونها .
قبل كل شي يا رام الصور خداعة في الهند..ماتصدقش كل اللي تشوفه في الموقع متاعهم لان الواقع يختلف تماما عن الحقيقة ..في الصور يتم اختيار اماكن محددة لتصويرها بشكل خاص لموقع الجامعة . شخصيا مانعرف شي عن الجامعة ..
من موقعها يوجد لها فرع في نيودلهي في نويدا تحديدا ونويدا مكان كويس في دلهي بيعد عن قلب العاصمة واقل زحمة 
فرع ثاني للجامعة في مدينة لاكناو تبعد عن دلهي بحوالي 400 كيلومتر مدينة بسيطة و ليست كبيرة مقارنة بدلهي .طبعا في ولاية اترا براديش
ايظا فرع في جيبور ولاية راجستان..تبعد عن دلهي حوالي 200 كيلو ما زرتهاش الصراحة بس مدينة سياحية على حسب كلام من درس فيها ومن زارها
وفي ولاية هاريانا لا اعرف شي عنها سوى انها تبعد عن دلهي مبين 150 او 170 كيلو على ما اظن 
ممكن يا رام تكون قريت ردود ليا في بعض المواضيع الثانية ..كنت نسب في جد جد الهند .. اول ما توصل ماتحسش نفسك تقدمت تحس كأنك وخرت 
لو كنت على حساب الدولة تقدر تستغل اي وقت فراغ وتاخذ كورسات عملي خصوصا انت كمبوتر وهما عندهم واجد ...لكن مش كل المعاهد صادقة يعني مرة تجي عليك و مرة تشد لين تتعلم 
انا شخصيا خذيت كورس تقريبا 3 مرات كل مرة نكون احسن من اللي قبلها ..الحمدلله استفدت استفادة معقولة ..الكورسات رخيصة جدا ... بالنسبة ليك اانت كمبيوتر تقريبا في دورة اسمها سيسكو اظن ..تلقاها في كل مكان و بأسعار رخيصة مقانة بالدول الثانية ... يعني ممكن 500 دينار بالنسبة للكمبيوتر خيرات واجد في المعاهد للكورسات .
لو كنت على حسابك انت ومادياتك 
المهم اللي نبيك تفهمه ان ماتحطش في بالك انك ماشي لاوروبا الهند عالم ثاني ..شي مش مفهوم ..حياة الافلام مش موجودة ع الطبيعة نهائي .. لكن مع الوقت تتأقلم ويمشي حالك....نقنها تبي صبر يا خوي 
بانسبة لشمال الهند الجو ساخن في اغلب فصول السنة من شهر 3 لين شهر 10 وهيا تطبخ موسم الامطار يبدا من 6 وتبدا ماه الرطوية العالية  . زي دلهي لاكناو الله اباد جيبور اجرا .............الجنوب مناخ استوائي يسخن في شهر 4 و 5 وفي نهاية 5 يبدا موسم الامطار والبرودة طووووووول السنة ماعدا 4 زي حيدراباد بانقلور بونا جوا
المهم ربي يوفقك يا راس

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz

السلام عليكم,
خوي الهندي منور على متابعتك.
بالنسبة للهند والجوانب المزرية فيها فرسالتك وصلت خوي, كون مطمن. اني اصلاً لا متاع سياحة وهياجة لا اي شيء, حتى تونس الي خطوتين منشمشيلهاش, يعني وخيك سقف توقعاتي واطي.
 
بالنسبة للدراسة, بندرس على حسابي لو ربي سهل.
 
لكن في حاجة مركزتش فيها الا توا وخايف منها تفركس الموضوع, ونبي رايك. بالنسبة للمؤهل المتوسط عندي دبلوم متوسط(3 سنوات) مش ثانوي. في ليبيا مكافئ للثانوي لكن مش عارف غادي شنو. ولاحظت ان الهنود مركزين على الــ 10+2 فمش عارف لو الحاجة هادي بتسببلي مشكلة؟؟

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
وعليكم السلام ورحمة الله

اهم شي شهادة الجامعة وحتى لو قاري معهد عالي ممكن يعطوك مواد استدراكية اضافية لتكافئ شهادة البكلوريوس . 
اظن تلقى جامعة تقبل المعاهد العليا ولكن في منهم من يفرض عليك سمستر او ثنين زيادة او تاخذ مواد زيادة تدرسها في نفس الوقت مع الماجستير .

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
السلام عليكم,
خوي الهندي شهادتي باكالوريوس مش معهد عالي, لكن قبل الجامعة درست سنة ثانوي بعدين عادلتها وكملت السنة التانية والثالتة في معهد حاسوب, وخديت دبلوم متوسط(معهد متوسط), وبعدين كملت الباكالوريوس(4 سنوات).

الي فهمته والي بانلي هو ان بعض الجامعات يطلبو في معادلة الشهادات الاجنبية للأجانب من جهة الاختصاص في الهند, ومعرفتش منو جهة الاختصاص ولا كيف نقدر نتأكد من معادلتهم لشهادات المعاهد المتوسطة الليبية. وخايف بعد نسافر يقولولي شهادتك منعادلوهاش!!؟

أي حد يفهمني كيف ندير؟؟

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
شهادة الجامعة ترجمها بالانجليزي و اعتمدها في االجودة بعدها تمشي للسفارة لهندية يختمولك عليها للاعتماد ..انا هذا اللي درته . 
وماسمعت حد طلبوا منه معادلة الشهادة الثانوية 


زيد اسأل الناس اللي تعرفهم غادي يمكن يفيدوك

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
انا سجلت في جامعة النمس في عام 2011 في مدينة جيبور وهي معتمدة بس بصراحة ما قريت بسبب الثورة

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
السلام عليكم,
خوي انت قريت دبلوم متوسط والا ثانوي؟

descriptionاستفسارات عن دراسة الماجستير في الهند. Emptyرد: استفسارات عن دراسة الماجستير في الهند.

more_horiz
وستدكرون ما اقول لكم
صلاحيات هذا المنتدى:
لاتستطيع الرد على المواضيع في هذا المنتدى