دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

رحلة في إتمام إجراءات الموفدين إلى الخارج

descriptionرحلة في إتمام إجراءات الموفدين إلى الخارج Emptyرحلة في إتمام إجراءات الموفدين إلى الخارج

more_horiz
حبيت انقل هذا الموضوع بدون تغييرمع جزيل الشكر لصاحب الموضوع و انشاء الله يعجبكم
أولا أهني كل المتحصلين علي الإيفاد للدراسة بالخارج
وأقول لهم ( ألف ألف مبروك )

وأتمنى أن يكون فاتحة خير عليهم وبناء مستقبل مشرف
وأهم شي النتيجة

والآن نبدأ في مشوار تجهيز المستندات المطلوبة لتنفيذ قرار الإيفاد

بسم الله

قبل كل شي يجب علي الموفد معرفة مواد لائحة البعثات

1- قرار لائحة البعثات


2- قرار اللجنة الشعبية العامة بشأن تعديل وإضافة بعض الأحكام إلى لائحة الإيفاد

وبعد ما قريت اللائحة وعرفت اللي عليك واللي ليك نتوكلوا علي الله ونبدوا ...
أولا : تمشي لإدارة البعثات الدراسية في منطقة عين زاره – الفرناج وتخش ( السلام عليكم ) وبوجهك طول لنافدة القبول وتقوللهم انك موفد للخارج بقرار رقمه (كدا) ورقمي التسلسلي (كدا) وطبعا انت تكون نبه ومفتح تبدأ مجهز صورة من القرار طبعا مش كله ، الصفحة الأولى والصفحة اللي فيها اسمك وصورة من جواز سفرك العربي + الانجليزية تعطيهملهم ويعطوك نموذج تعبيه وتحددلهم الساحة ( البلاد ) اللي تبي تقرا فيها وتوقع تعطيهولهم ويقولولك راجعنا يوم ( كدا )وإذا كان قرارك صادر عن الجامعات أو جهات عامة يقولولك راجع منذوب الجهة اللي مرشحاتك أو الجامعة اللي مرشحاتك .

المهم خلينا في الجماعة اللي عندهم مندوب نزل النماذج هذي خليها عندك هيا المفروض يعطيهالك المندوب بس أنا مجهزهالكم ديجيتال .

1- نموذج لغرض القبول .

2- نموذج لغرض التأشيرة .


3- طلب الحصول علي تذاكر السفر .

4- التأمين الصحي .

أول حاجة تعبي نموذج لغرض القبول وتوقع عليه وتعطيه للمندوب وترفق معاه صورة من جواز سفرك العربية والانجليزية .
وبعد ما تاخد ورقة الدعم المالي تبدا فيها عاد وينك يا جامعات وهات ما عندك
طبعا جامعات معتمدة مش متع مشي حالك
المهم في الوقت اللي تراسل فيه الجامعات وتستنى في القبول الأكاديمي وقبول اللغة أقرى النقص وجهز المستندات المطلوبة للإيفاد .

نجو للمستندات المطلوبة
أول شي تجهز ملفين
واحد أصلي والثاني صورة من الأوراق الأصلية


والمستندات هي :
1. المؤهل العلمي وكشف الدرجات
2. شهادة الميلاد
3. صور من كتيب العائلة
4. صور من جواز السفر
5. شهادة الوضع العائلي
6. الوضع العسكري
7. قبول لغة وأكاديمي
8. إخلاء طرف
9. عقدكفالة
10. استمار ةبيانات طالب
11. تعهدطالب
12. تأشيرة دخول دراسية

نبدو توا وحدة وحدة

بالنسبة للمؤهل العلمي وكشف الدرجات
أول حاجة تاخد شهادتك وكشف الدرجات وتمشي لمترجم قانوني واترجمهم عنده .
وبعدها تمشي لمركز ضمان الجودة في بن عاشور قريب من مصحة المختار
وتختم علي شهادتك عندهم ( طبعا لازم تكون معتمدة ) .
وبعد ما تختمها تمشي تصدق علي الترجمة في مكتب التصديق في الظهرة في جانب شركة الزويتينة وخلف فندق الودان ( سيدي عيسى )
وبعدها تمشي تختم علي شهاداتك في الخارجية في منطقة النوفليين .
وهكي تكون جهزت النقطة الأولى من مستندات تنفيذ قرار الإيفاد

نجو توا للباقي
تمشي تاخد كتيب العائلة وتمشي لمصلحة الأحوال المدنية ( السجل المدني لمنطقتك ) وتقدم في طلب شهادة بالوضع العائلي وشهادة إدارية إذا كان الكتيب ازرق ( القديم ) وبعد ما تاخدهم تطلع بوشك للمصور عدل تصور صورتين صورتين من ( كتيب العائلة شهادة الميلاد وجواز السفر والوضع العائلي والاقامة ) وبعدين تصور صور شخصية لوجهك الجميل .

وبعدين تعبي نماذج عقد الكفالة واستمارة بيانات موفد ونموذج التعهد

وتمشي لجهة العمل اللي تشتغل فيها تختم عندها استمارة بيانات موفد وبعدين تمشي لأمين المؤتمر لمنطقتك تختم عنده استمارة بيانات موفد ونموذج التعهد وعقد الكفالة وبعدين شوف أول محرر عقود معتمد تصدق عنده عقد الكفالة .
دوشة ووجع راس صح
الله غالب معليش هانت
يلا انكملوا .... يلا

بعد ما تجهز الملفين وتكون كملت موضوع القبول الأكاديمي وقبول اللغة
تعبي نموذج الدعم المالي لغرض التأشيرة وتوقع عليه وبعدين طول لعند المندوب وترفق معاه صورة من القبول الأكاديمي وقبول اللغة وصورة من جواز السفر العربية والانجليزية والوضع العائلي .
وبعدين تستنى وبعد ما تاخد رسالة الدعم المالي طول بوجهك لسفارة البلاد اللي بتمشيلها تقدم للتأشيرة وتراجي التأشيرة لين تصدرلك .
وتوا أبدى جهز في شناطيك للسفر

مازال مش من توا تمشي للمطار مازااااااااااااال

وبعد ما تصدر التأشيرة تقدم في التفويض وتعبي الطلب للحصول علي تذكرة سفر وتوقع عليه وتعطيه للمندوب وترفق معاه صورة من جواز السفر العربية والانجليزية وصورة من التأشيرة وما تنساش تعبي نموذج التأمين الصحي حتى هوا وتعطيه للمندوب
وبعدين تراجي حوالي مدة من شهر الى شهرين حسب الظروف وحضك
لما يوصل التفويض للمالية تقدملهم صورة من جواز السفر والتاشيرة ويعطوك الإبراق يسموا فيه 3نسخ
نسخة تقعد عندهم
نسختين يعطوهملك وحدة تخليها عندك والثانية تعطيهالجماعة البعثات ويقولولك راجعنا يوم ( كدا )
وبعدين تمشي ويعطوك مجموعةصور أوراق ( تعريف طالب ، إبراق من البعثات ، رسالة ربع المرتب إذا كنت من جهة عامة أو من الجامعات ) .
وبعدين تمشي للمحفوظات تعطيعم الأوراق يعطوك النسخ الأصلية من ( تعريف طالب ، إبراق من البعثات ، رسالة ربع المرتب )
وتوا هكي كملنا برنامج أوراق البعثات .
بعد ما تلقى اسمك في المالية تمشي تشري كندرة جديدة وتقعد ماشي جاي علي مبنى الوكالات وهو في نفس مبنى البعثات تشوف اسمك في القوائم المعلقة ولما تلقى اسمك تمشي للوكالة وتقوللهم لقيت اسمي في القوائم يشوفوا اسمك ويتأكدوا منه وعلي طول يعطوك نموذج تعبيه وبعدين يقولولك راجعنا يوم ( كدا ) لين يصدرولك التذكرة
وووووووووووووو بعدين تاخد تذكرة السفر
وعلي طول لم قشيشك وشناطيك وبوجهك للمطار
وماتنساش إدعي لي دعوة خير
ما تنساش ايوة ( دعوة خير )

فما أجمل الأخوة باالله ..نباتها <<< الصدق و أرضها<<< الإخلاص

موفقين بإذن الله تعالى
وسامحوني إذا كان طولت عليكم أو نقصت عليكم حاجة نسيتها
( جل من لا يسهوا )

نصيحة : راجع إدارة البعثات ديما لأن مرات يغيروا في اجرائاتهم .
sunny bounce

عدل سابقا من قبل اكليل الجبل في الثلاثاء 09 مارس 2010, 5:16 pm عدل 1 مرات

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم:
بارك الله فيك أختي الكريمة على المساهمة الرائعة والمصورة من الواقع بمنتهى الدقة فكل هذا أني عشته وجربته معايا وقاعدة توه في النص التاني من المسلسل الدرامي أقصد التفويض المالي وسريبه الطويــــــــــــــــــــــل ربي يصبرنا .
ولكن عندي ملاحظة سبق وان اشرت لها وهي ان التأمين الطبي تم الغائه ولكن ليس نهائيا ولكن المكتب الشعبي يتكفل به بمجرد وصول الطالب الي البلد الموفد اليها وهذا الذي صار معايا فلم املاء اي ورقة تخصه .
والله أعلم في باقي الساحات فربما الغي لساحة استراليا فقط وللحيطة كل واحد موفد لغير استراليا يراجع مكتب البعتات

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
بارك الله فيك اختي لهذا النقل المفيد جدا.
موضوع في وقته فعلا.

جزاكِ الله وصاحب الموضوع خيرا .

_______________________________

مابي مرض غير كسْر الخواطر .. ودموعي قُوَاطرْ .. وَشْنَاتْ مادونهن من ايسَاطِر
الرَّاعي معقّل جمال القناطر .. فحولة كحيله .. وطالق قعَادِين فوق الخَويله


descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
شكرا علي المرور الطيب شكر

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
بارك الله فيك. هي رحلة للمناطق المحيطة بطرابلس و لكنها سفر طويييييييل بالنسبة للمناطق الشرقية و الجنوبية. نتمني أن تكون هناك فروع للبعثات في المناطق الأخري لتسهيل الإجراءات. قولوا أمين!!!!!!

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
شكرا لكي يا أكليل الجبل لهذا الإختيار

والشكر أيضا لصاحب هذا الموضوع الذي هو بالفعل مميز

وبصراحة معك حق يا أخي إبراهيم في وجهة نضرك التي أوئيدك فيها

_______________________________

أخي لا تنسى أن تقرأ
قوانين وضوابط المنتدى (أضغط هنا)

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
بارك الله فيكٍ اختي اكليل الجبل على النقل المفيد ... جعلة الله في ميزان حسناتك ان شاء الله

_______________________________

رحلة في إتمام إجراءات الموفدين إلى الخارج Fighter

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم

موضوع رائع وبالفعل يحكي الواقع الصعب

وانا ايضا اقترح ان يعملوا افرع لادارة البعثاث في مناطق الشرق والجنوب في ليبيا

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
ماك عاديييييييييييييييييييييييييييييي

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
الله ايبارك فيك راائعة فعلا

لكن نحنا في المنطقة الشرقية ...ربي ايساعدنا

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
شكرا على المعلومات المفيدة لكن عندي استفسار

1-المندوب موجود في الجامعة نفسها ولا في ادارة البعثاث، وين مكانه (ترشيحي من الجامعة)
2- جواز سفري منهي الصلاحية، والفنرة هذه تجديد الجوازات موقوف ،ولازم من الرقم الوطني ، والله احترنا كيف بنبدو ، تمشي حتى صورة من الجواز القديم بالنسبة للاجراءات الاولية وبعدين ساهل.
3- هل تنطبق هذه الاجراءات على كل الساحات ( مصر )

لاهمية نامل الرد ...لكم مني جزيل الشكر

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم
علي حسب علمي بأن مندوب الجامعة هو المسؤؤل علي الدراسات العليا داخل الجامعة
أما بالنسبة لجواز السفر فيجب تجديده اولا لانه عند مراسلة الجامعات سيطلبون صورة عن جواز السفر ويجب علي الاقل انه يكون صالح لمدة 6 شهور
بالتوفيق

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
إلى أخي المجهر:
المندوب يكون من الجامعة الأم لو كانت لها فروع و يوجد في قسم الدراسات العليا و التدريب والمعيدين بالجامعة.
أما بخصوص الجوازات فأنا أيضا إنتهت صلاحية جواز سفري من مدة قريبة و لكن جددته لأن في إستتناءات للتجديد لما تخبرهم أنك موفد و تجيبلهم صورة من قرار الإيفاد.
كما أود أن أفهم مالمقصود بالضبط بالإجراءات الأولية.

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم
بالنسبة الى موضوع تجديد الجواز
فانهم يقومون بتجديد جوازك حتى ولو احتاج الى جواز جديد
وذلك كما قالت الاخت الكريمة عليك برفع معك نسخة من القرار
بالنسبة الى مصر سمعت انه يشترط عليك تصوير جواز السفر كله
ليس باقي الدول تحتاج لتصوير الصفحة العربية و الانجليزية فقط
بالنسبة الى المندوب فانه يكون في قسم شئون الدراسات العليا للجامعة وهم يحضرون لك التفويض المالي

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم
مشكور على هدا التوضيح والله يبارك فيك ويفتح عليك فى كل خطوه وفى كل دقيقه والله كنت حايره شنى اندير لكن انت ساعدتنى هلبه
لك شكر كبيييييييييييييييييييييير من المسلاتيه
سلام

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم
مشكور على هدا التوضيح والله يبارك فيك ويفتح عليك مع كل خطوه وفى كل دقيقه
لك سلام وشكر كبيييييييييييييييييييير من

المسلاتيه

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
جزاك الله خير على التوضيح

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
بارك الله فيكي على هذا التوضيح

ضغط هنا الطلبة الليبين في استراليا على facebook

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
اجراءات الموفد الجديد حسب ما وردت في موقع البعثات :

انقر على الصورة للتكبير ..

رحلة في إتمام إجراءات الموفدين إلى الخارج YuUg9

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
@اكليل الجبل كتب:
حبيت انقل هذا الموضوع بدون تغييرمع جزيل الشكر لصاحب الموضوع و انشاء الله يعجبكم
أولا أهني كل المتحصلين علي الإيفاد للدراسة بالخارج
وأقول لهم ( ألف ألف مبروك )

وأتمنى أن يكون فاتحة خير عليهم وبناء مستقبل مشرف
وأهم شي النتيجة

والآن نبدأ في مشوار تجهيز المستندات المطلوبة لتنفيذ قرار الإيفاد

بسم الله

قبل كل شي يجب علي الموفد معرفة مواد لائحة البعثات

1- قرار لائحة البعثات


2- قرار اللجنة الشعبية العامة بشأن تعديل وإضافة بعض الأحكام إلى لائحة الإيفاد

وبعد ما قريت اللائحة وعرفت اللي عليك واللي ليك نتوكلوا علي الله ونبدوا ...
أولا : تمشي لإدارة البعثات الدراسية في منطقة عين زاره – الفرناج وتخش ( السلام عليكم ) وبوجهك طول لنافدة القبول وتقوللهم انك موفد للخارج بقرار رقمه (كدا) ورقمي التسلسلي (كدا) وطبعا انت تكون نبه ومفتح تبدأ مجهز صورة من القرار طبعا مش كله ، الصفحة الأولى والصفحة اللي فيها اسمك وصورة من جواز سفرك العربي + الانجليزية تعطيهملهم ويعطوك نموذج تعبيه وتحددلهم الساحة ( البلاد ) اللي تبي تقرا فيها وتوقع تعطيهولهم ويقولولك راجعنا يوم ( كدا )وإذا كان قرارك صادر عن الجامعات أو جهات عامة يقولولك راجع منذوب الجهة اللي مرشحاتك أو الجامعة اللي مرشحاتك .

المهم خلينا في الجماعة اللي عندهم مندوب نزل النماذج هذي خليها عندك هيا المفروض يعطيهالك المندوب بس أنا مجهزهالكم ديجيتال .

1- نموذج لغرض القبول .

2- نموذج لغرض التأشيرة .


3- طلب الحصول علي تذاكر السفر .

4- التأمين الصحي .

أول حاجة تعبي نموذج لغرض القبول وتوقع عليه وتعطيه للمندوب وترفق معاه صورة من جواز سفرك العربية والانجليزية .
وبعد ما تاخد ورقة الدعم المالي تبدا فيها عاد وينك يا جامعات وهات ما عندك
طبعا جامعات معتمدة مش متع مشي حالك
المهم في الوقت اللي تراسل فيه الجامعات وتستنى في القبول الأكاديمي وقبول اللغة أقرى النقص وجهز المستندات المطلوبة للإيفاد .

نجو للمستندات المطلوبة
أول شي تجهز ملفين
واحد أصلي والثاني صورة من الأوراق الأصلية


والمستندات هي :
1. المؤهل العلمي وكشف الدرجات
2. شهادة الميلاد
3. صور من كتيب العائلة
4. صور من جواز السفر
5. شهادة الوضع العائلي
6. الوضع العسكري
7. قبول لغة وأكاديمي
8. إخلاء طرف
9. عقدكفالة
10. استمار ةبيانات طالب
11. تعهدطالب
12. تأشيرة دخول دراسية

نبدو توا وحدة وحدة

بالنسبة للمؤهل العلمي وكشف الدرجات
أول حاجة تاخد شهادتك وكشف الدرجات وتمشي لمترجم قانوني واترجمهم عنده .
وبعدها تمشي لمركز ضمان الجودة في بن عاشور قريب من مصحة المختار
وتختم علي شهادتك عندهم ( طبعا لازم تكون معتمدة ) .
وبعد ما تختمها تمشي تصدق علي الترجمة في مكتب التصديق في الظهرة في جانب شركة الزويتينة وخلف فندق الودان ( سيدي عيسى )
وبعدها تمشي تختم علي شهاداتك في الخارجية في منطقة النوفليين .
وهكي تكون جهزت النقطة الأولى من مستندات تنفيذ قرار الإيفاد

نجو توا للباقي
تمشي تاخد كتيب العائلة وتمشي لمصلحة الأحوال المدنية ( السجل المدني لمنطقتك ) وتقدم في طلب شهادة بالوضع العائلي وشهادة إدارية إذا كان الكتيب ازرق ( القديم ) وبعد ما تاخدهم تطلع بوشك للمصور عدل تصور صورتين صورتين من ( كتيب العائلة شهادة الميلاد وجواز السفر والوضع العائلي والاقامة ) وبعدين تصور صور شخصية لوجهك الجميل .

وبعدين تعبي نماذج عقد الكفالة واستمارة بيانات موفد ونموذج التعهد

وتمشي لجهة العمل اللي تشتغل فيها تختم عندها استمارة بيانات موفد وبعدين تمشي لأمين المؤتمر لمنطقتك تختم عنده استمارة بيانات موفد ونموذج التعهد وعقد الكفالة وبعدين شوف أول محرر عقود معتمد تصدق عنده عقد الكفالة .
دوشة ووجع راس صح
الله غالب معليش هانت
يلا انكملوا .... يلا

بعد ما تجهز الملفين وتكون كملت موضوع القبول الأكاديمي وقبول اللغة
تعبي نموذج الدعم المالي لغرض التأشيرة وتوقع عليه وبعدين طول لعند المندوب وترفق معاه صورة من القبول الأكاديمي وقبول اللغة وصورة من جواز السفر العربية والانجليزية والوضع العائلي .
وبعدين تستنى وبعد ما تاخد رسالة الدعم المالي طول بوجهك لسفارة البلاد اللي بتمشيلها تقدم للتأشيرة وتراجي التأشيرة لين تصدرلك .
وتوا أبدى جهز في شناطيك للسفر

مازال مش من توا تمشي للمطار مازااااااااااااال

وبعد ما تصدر التأشيرة تقدم في التفويض وتعبي الطلب للحصول علي تذكرة سفر وتوقع عليه وتعطيه للمندوب وترفق معاه صورة من جواز السفر العربية والانجليزية وصورة من التأشيرة وما تنساش تعبي نموذج التأمين الصحي حتى هوا وتعطيه للمندوب
وبعدين تراجي حوالي مدة من شهر الى شهرين حسب الظروف وحضك
لما يوصل التفويض للمالية تقدملهم صورة من جواز السفر والتاشيرة ويعطوك الإبراق يسموا فيه 3نسخ
نسخة تقعد عندهم
نسختين يعطوهملك وحدة تخليها عندك والثانية تعطيهالجماعة البعثات ويقولولك راجعنا يوم ( كدا )
وبعدين تمشي ويعطوك مجموعةصور أوراق ( تعريف طالب ، إبراق من البعثات ، رسالة ربع المرتب إذا كنت من جهة عامة أو من الجامعات ) .
وبعدين تمشي للمحفوظات تعطيعم الأوراق يعطوك النسخ الأصلية من ( تعريف طالب ، إبراق من البعثات ، رسالة ربع المرتب )
وتوا هكي كملنا برنامج أوراق البعثات .
بعد ما تلقى اسمك في المالية تمشي تشري كندرة جديدة وتقعد ماشي جاي علي مبنى الوكالات وهو في نفس مبنى البعثات تشوف اسمك في القوائم المعلقة ولما تلقى اسمك تمشي للوكالة وتقوللهم لقيت اسمي في القوائم يشوفوا اسمك ويتأكدوا منه وعلي طول يعطوك نموذج تعبيه وبعدين يقولولك راجعنا يوم ( كدا ) لين يصدرولك التذكرة
وووووووووووووو بعدين تاخد تذكرة السفر
وعلي طول لم قشيشك وشناطيك وبوجهك للمطار
وماتنساش إدعي لي دعوة خير
ما تنساش ايوة ( دعوة خير )

فما أجمل الأخوة باالله ..نباتها <<< الصدق و أرضها<<< الإخلاص

موفقين بإذن الله تعالى
وسامحوني إذا كان طولت عليكم أو نقصت عليكم حاجة نسيتها
( جل من لا يسهوا )

نصيحة : راجع إدارة البعثات ديما لأن مرات يغيروا في اجرائاتهم .
sunny bounce

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
@Salah كتب:
اجراءات الموفد الجديد حسب ما وردت في موقع البعثات :

انقر على الصورة للتكبير ..

رحلة في إتمام إجراءات الموفدين إلى الخارج YuUg9

جزاك الله خيرا

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم
معليشى انى توا بنعدى للبعثات فى عين زاره ضرورى نرفع النمادج معى او هما يعطوهولى ومنين اصلا نحصلهم لو هما معندهمش نمادج ارجو التوضيح.... وضرورى نختار الساحه وبتكون اختيار نهائى وإلا عادى بعديين نقدر نغير الساحه لو فتحو ساحات اقرب من استراليا ارجو الرد والسلام

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
السلام عليكم ارجو من عندها خلفيها عن طريقة تحميل عقد الكفاله و استمارات بيانات موفد يفيدنى او اى اخبار على قرار ايفاد 318 ولكم جزيل الشكر

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
وعليكم السلام ورحمة الله وبركاته

في هذا الرابط تجد النماذج المطلوبة :

http://www.higheredu.gov.ly/content/view/39/16/

descriptionرحلة في إتمام إجراءات الموفدين إلى الخارج Emptyرد: رحلة في إتمام إجراءات الموفدين إلى الخارج

more_horiz
بسم الله
شكرا أخي الكريم على نقل الموضوع
وهو موضوعي وأتمنى أن ينال استحسان الجميع
وأن يكون قد استفاد منه ولو شخص واحد

ولكن أخي العزيز نقلك غير متكامل حيث هناك وصلات لم تضعها
ولقد قمت بوضع هذا الموضوع في المنتدى
وهو في هذه الصفحة
https://www.almofad.com/montada-f9/topic-t928.htm#5759

تقبل مني فائق الاحترام والتقدير
وتحياتي للجميع
صلاحيات هذا المنتدى:
لاتستطيع الرد على المواضيع في هذا المنتدى