دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


اعصبوها براسي وقولوا قالها

descriptionاعصبوها براسي وقولوا قالها Emptyاعصبوها براسي وقولوا قالها

more_horiz
الى رئيس الحكومة الموقر : زيدان
الى وزير التعليم العالي والبحث العلمي :محمد ابوبكر
الى الدكتاتور :طاهر بن طاهر
الموضوع ملحق قرار الايفاد 293 الخاص بالجامعات الصادر فى ابريل 2013
هناك طلبة سقطو سهوا من كل مدن ليبيا فى هذا القرار الرائع ولاندري هل سقط سهوا ام اسقط سهوا بفعل فاعل.
هل برقة مازالت منكوبة كحالها ايام المقبور ولا جديد يذكر:
اتدرون ما النكبة:
قرار يصدر فى شهر 4-2013 واسمائنا تسقط سهوا والعبقري طاهر بن طاهر يضحك على الذقون ويراسل الجامعات بان يعلموه بمن سقط اسمه فى غضون شهر من تاريخ المراسلة والتي كان تاريخها 1/5/2015 يعني 1/6/2013 يكون عندهم كشف باسماء كل المسقطين سهوا من الجامعات الليبية.
والنتكبة الثانية بعد مسافة واحيانا والله اقطع مسافات 1000كم لاسال والاستاذ (خالد الزبير يرد باستهزاء) بعد شهر ثم بعد شهر ونصف ثم راجع الجامعة التى انت منها.
يعني نقطع الف كيلو متر باش يقولك ........... برا روح ويضحك عليك.
والله فى البداية كنت ضد جضران وكلامه لاكن بالتراكمات السالف ذكرها فانا ارحب بالسيد جضران ممثل سياسي لبرقة المنكوبة ولا خالد زبير لا طاهر بن طاهر لا غيرهم حسبنا الله ونعم الوكيل فيهم تو نديرو بعثات بروحنا ونزلوا ملحقنا وخليهم يبلطو البحر.
ملحق ليه 6 شهور والله كان ايام القذافي ما يفوت شهرين ويصدر واقسم بالله ماعاد تهمنا ليبيا ريتها والله تتقسم من تو شن وصلنا منها نقعدو ديما تحت رحمة طاهر بن طاهر ورحمة المركزية المقيته والله شي يخليك تتحالف مع جضران كان شارون بنتحالف معاه ..........صبرنا صبرنا وفدينا اقسملكم بالله هذا مش رايي نا بس راي معظم الطلبة الذين اسقطت اسمائهم سهوا من هذا القرار وكلنا مع جضران ومع الرغم من قول جماعة مغرب بانه تشادي وجو شين بس تشادي يحسبنا ولا مصراتي يهمشنا.
ومن لم يعجبه كلامي هذه قناعة وصلت لها بعد صبر بالك تصلح............ بس اكتشفت بانه لم يتغير شي وبرقة مازالت منكوبة وستبقى منكوبة بالوجوه السوداء هذه.

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
السلام عليكم ورحمة الله وبركاته
 و مرحبا بك اخي في المنتدى واسأل الله ان يعود عليك بالخير ..واقولك  
نحن مثلكم اخي في طرابلس نفس المعاملة هل تضن ان امورنا ماشية انما نعاني مثلكم من الفساد,, الفساد الذي فيه ليبيا من قبل والى الان مزال مستشري في اليلاد ,,,,لاكن يجب ان لا نحبط انفسنا ونتعلق في شئ يأ دي الى قسمة البلاد ,,,الوطن الاسلامي كان امة وحدة من المحيط الى الخليج وامورهم ماشية في وقت الخلفاء لانهم متعلقون بالدين ودين الله يحارب الفساد,, الان تقسم المسلمون الى دول فهل بالقسمة امور ليبيا تمام؟؟؟ طبعا لا كما نعرف ,,اذا فما يدريك ان تقسمت ليبيا ان امورها تمشي ؟؟؟صدقني ياأخي مكان الحل في التقسيم انما الحل في تطبيق شرع الله وبالقانون وردع المفسدين في الارض  , فاللهم اصلح حال الامة والوطن

_______________________________


***سبحان الله وبحمده سبحان الله العظيم***

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
بالرغم اني ضد حاجه اسمها فيدراليه والمسميات الاخره 
الا اني اتمن ان يحدث هذا الانقسام وتكون اجراءات برقة وحدة ليس لسبب فقط كي نزيل هذة الحجة ونرى هل المشكله سوف تنحل او لا 
المشكله مشكله نفوس لاترقب الله في عملها الذي وجدته من ظلم من ادارة البعثات بطرابلس والمحسوبيات والواسطه ليس مستبعد ان تجده في برقة لان الناس نفسها ونفس الضمائر 
هل ياتري كل طلبه طرابلس متريحين وماعندهم مشاكل زينا لا اعتقد وكما في من استفاد بطرابلس واجراءاته تمام في منهم متبهدل ياتري شنو الحل يقسموا حتي هم والا الحل  في شئ واااحد وهو ان يخاف كل مسؤل الله فينا

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
 إزالة 

تمت الإزالـــة بسبب مخالفـة قوانين المنتدى 



descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
وسترون كم سيلقى هذا البوست من الصدى الاعلامي وسترون ان مثل الوزير الحالى للتعليم العالي ومثل الطاهر وعصابته هم سبب الفرقة وشق الصف.
الناس الى معانا فيهم من سافر ونحن كما نحن نتفرج ومع العلم باننا متفوقين اكثر من جلهم الا ان مثل الدكتلتور بن طاهر مشى جماعته وفاتنا بالطويل.
وكلامهم فى هالسبوعين وان لم يصدر فقناة (ليبيا اولا) و(ليبيا الاشرار) (والقاسمة) تنتظر مثل هذه التصريحات والايام بيننا).

descriptionاعصبوها براسي وقولوا قالها Emptyادراة البعثات ترد على مواطن غاضب

more_horiz
والله عندك الحق والف حق اكثر من 150 اسم سقط سهوا من جامعة الزاوية والوعود كثيرة والكذب اكثر وربي معاكم فيما انتم مقبلون عليه يا اخي نزيدك من الشعر بيت تحصلت على ارقام الطاهر بن طاهر واتصلت عدة مرات ودزيت مسجات والله كانك تتصل بمعمر القذافى فى التسعينات 1995 لا يرد وبعثت مسجات ايح خرف ولا حياة لمن تنادي ملحق 6 اشهر فعلا والحكومة شكلها أيلة الى السقوط وستشكل حكومة ازمة ليس من ضمنها وزارة تعليم عالى وليكم الله يا خونااااااااااااااااااااااااااااااااااااااااااااااااااااااااا وانتهت على كده كما كانت ايام القذافي بل اسواء بكثير فقد نظلمه ان قلنا ذلك.
والله يجازي من يشق صف ووحدة التراب الليبي.

عدل سابقا من قبل عبدالمولى المحمودي في الإثنين 09 سبتمبر 2013, 1:59 pm عدل 1 مرات (السبب : فدينا فعلا)

descriptionاعصبوها براسي وقولوا قالها Emptyخليه ما يرد

more_horiz
الا ان غدا لناظره قريب وقريب جدا وسيعلم الاستاذ طاهر وغيره اى منقلب يبقلبون

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
نعم من حقكم ان تحاسبوهم على الظلم ,,لاكن الظلم الاكبر هو ان تنادي بتقسيم الوطن ,ان كانو هم من المفسدين فلا نكون نحن من خائنين الوطن الغالي ليبيا ,انا اعتبر كل من ينادي بقسمة ليبيا خائن للوطن والامة الاسلامية وايضا عميل للصهيونية طبعا اخوتي مع احترامي الشديد لكم ,الله عز وجل قال ((ان هذه امتكم امة واحدة وانا ربكم فعبدوه))صدق الله العظيم ,,,العالم الذي تريدون الايفاد اليه يتحد مع بعضه ويسمي الاتحاد الاروبي و الولايات المتحدة وغيره ونحن نريد ان نقسم ,انا ادعو للتفكير بعين العقل وحب ليبيا والذي يحب ليبيا لاينادي بشئ يضرها ....لا حول ولا قوة الا بالله العلي العظيم

_______________________________


***سبحان الله وبحمده سبحان الله العظيم***

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
معقولة من اجل اسامي سقطت سهوا تطالب بالتقسيم ومع من يطالب بالتقسيم
عيب يا خوي والله عيب والتاريخ يسجل للأسف
تعرف جامعة الزاوية عدد كبير جدا اللي اساميهم سقطت سهوا
هل تعلم مثلا انه اكثر مدينة بها نسبة عقم في ليبيا هي الزاوية باسباب تلوثية بمحطة الكهرباء اللي تغيب ع الزاوية اكثر من غيرها
ولا خود هذه علي سبيل المثال :: هل تعلم مثلا مثلا انه في منطقة وازن هناك فتاة مغتصبة امازيغية اغتصبت لان عائلتها نادت ببنغازي والشرق في الثورة اوك الآن انظر لحال اهلنا في وازن قسما بالله يقطنون في تريلات وبيت من الصفيح
..
والله في مناطق في غرب ليبيا وحنوبها حالها أسوأ من السوء نفسه
المركزية هي تركة قدافية واغلب متقلدي السطة في ليبيا الحاليين بما فيهم من شرقنا الحبيب نفسه لايريد اللامركزية لأن في المركزية هناك اكثر سرقة واكثر نهش لأن كل الامور تحتهم ..
لما التفكير هكذا وكأن اهل الغرب يعيشون اوضاعا سويسرية بربكم هل هذا كلام
وربي يسامحك يا خوي
زي حضران زي القدافي مافيش فرق ذلك الجيفة قتل وشرد باش يحكم وحضران او جطران الله اعلم باسمه يقسم باش يحكم !!
سلاميا خوي العزيز يا ولد بلادي اللي نتمنالك كل الخير

عدل سابقا من قبل C.P في الإثنين 09 سبتمبر 2013, 4:07 pm عدل 1 مرات

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
فيه مشكلة صارت بين بعض الشباب من الزاوية وبعض الشباب من ورشفانة وناس ماتت والدولة لم تتحدث بأي حرف
ويوم اللي انخطفت العنود بنت المجرم السنوسي قبح الله وجهه كل وزارات الحكومة تحدثت حتي زيدان نفسه
..
صنفلي ذلك ارجوك وانا معاك .. ربما مازلنا طبقة دنيئة حقيرة اقل من المستوي في نظر الدولة الحالية
>>

عدل سابقا من قبل C.P في الأربعاء 11 سبتمبر 2013, 9:27 am عدل 1 مرات

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
السلام عليكم تو ياجماعة مازال طاهر بن طاهر قاعد هو والله حتى المنقوش اللي نحسابوه طول اهو طار شكله الكرسي اللي قاعد عليه سي طاهر هذا مكرش فيه واللصقة متاعه قويه. والله ياجماعة مانحسابه إلا حطو واحد ثاني في مكانه ،،،،، كان غيره بوشفشوفة ما يكرش في الكرسي

descriptionاعصبوها براسي وقولوا قالها Emptyسئمنا من التجاهل

more_horiz
ملحق ليه 6 اشهر وتحكوا على الوطن والجو الزايد مثل بن طاهر وبأفعاله هذي يقسم قارة مش بلاد

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
نشهد بالله معاك حق  ،، ثانياً اللي يطالب بالفيدرالية هذا مش كافر ولا كفر بما انزل على محمد صلى الله عليه وسلم ..
واللي يقول منكم انه نفس الحال .. لا .. مش نفس الحال ..
انت تركب تاكسي ومسافة 10 دقائق تسأل وترد ..
اما هذا يقطع مسافة 1000 كم ومصاريف ومبيت وغيرها ..
وعشان تتأكد تعال قارن بين طبرق وطرابلس وانت تعرف عليش هو كتب هكي ..
ولما يوصل يلقى واحد يتكلم معاه من رأس خشمة وكأنه يشحت منه ، وهو نسي انه هذه حقه
، لتفوقه واللي يقول اصبر نحن  صبرنا .. لا .. ليش نصبر كيفكم .. يعني لازم ننظلم كيفك عشان ناخذ حقي .. انا معيد خريج 2010 ،، و وقعت في 2012 وعارف انه الملحق مش حيشملني .. بالله عليكم اي ظلم بعد هذا .. 5 سنوات بعد التخرج عشان نحصل قرار ايفاد بالرغم اني كنت من المتفوقين .. لا لسبب الا عصابة ماسكة البلاد ويتحكموا فينا نفس قطع الشطرنج ،، لا حول لاو قوة الا بالله ... وحسبنا الله كل دقيقة تأخرنا فيه بسبب عصابة تسيطر علينا

_______________________________

اعصبوها براسي وقولوا قالها Oricaigos

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
هي مش مسألة كفر او ايمان ,,لاكن لو كان الرسول صلى الله عليه وسلم بيننا هل تضن انه سيوافق على قسمة الامة الاسلامية لا والله لانه ضعف للامة ,,انا لااقول ان الظلم جيد ,,يمكن ان تطالب بحقك ,مثلا بان تطالب باتمام معاملاتكم من غير ان تأتي لطرابلس لاكن لاتطالب بقسمة البلاد ,,المسلمون الاوائل كانو يقطعون الاميال والاف الكيلو مترات لكي يوسعو من الامة السلامية واليوم نحن نقول بان فلان ظلمني قسم البلاد,,,والله وان قسمت ليبيا الى عشر قطع ان لم يكن هنا اصلاح ومحاربة للفساد لن تصلح فلهاذا يجب ان نتكاتف معا لشئ واحد وهي ليبيا ونحارب من يفسدون في البلاد ونستقصيهم من البلاد ....ملاحظة النظام الفدرالي يصلح للبلدان لكي يجمعها مثل ان تجمع الدول العربية بنظام فدرالي وليس ان يطبق على دولة متحدة,,,,, دولة قسمها الاستعمار ثم وحدها ادريس فلا تقسمها انت

_______________________________


***سبحان الله وبحمده سبحان الله العظيم***

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
@king of libya كتب:
ملحق ليه 6 اشهر وتحكوا على الوطن والجو الزايد مثل بن طاهر وبأفعاله هذي يقسم قارة مش بلاد

اذهب يااخي وطالب بنزعه من المنصب وحارب الفساد الذي يفعله بن طاهر لاكن كلمة الوطن كلمة كبيرة لمن يعرفها,,, ايام الثورة كنا نقول ((ليبيا وحدة وطنية لاشرقية ولاغربية )) ومازلنا نقولها ان شاء الله واللهم اصلح حالنا وحال الامة

_______________________________


***سبحان الله وبحمده سبحان الله العظيم***

descriptionاعصبوها براسي وقولوا قالها Emptyبدل ماتقول لي هالكلام

more_horiz
ولماذا لايسأل طاهر بن طاهر وإلا ما قدرتو عليه تلومو فيا.

descriptionاعصبوها براسي وقولوا قالها Emptyعلى الناس تحمل المسؤلية

more_horiz
بالله عليكم الى كل من يقرأ هذا البوست ان يبلغ ادارة البعثات وكل مسؤول عن تذمر خوتنا فى الشرق من موضوع هالملحق ارجوووووووووووووووووووووكم من اجل ليبيا ودماء الشهداء التي روتها فو الله ان كل النعرات القبلية والانقسمات قد بدات بشرارة بسيطة وكبرت النار حتى التهمت كل شيئ.
بالله عليكم بلغوا العصابة الحالية بان ليبيا فى خطر وان عليهم عمل شيئ لهذا الملحق المزعوم.
اما نفيه او الاسراع بتوقيعه.
لانه مع كل ما قيل والوطن وما ادراك ولاكن والله والله والله يضل مع خوتنا فى الشرق الف الف الف الف الف حق.

descriptionاعصبوها براسي وقولوا قالها Emptyارجوكم

more_horiz
بالله عليكم حد يطقس الاخبار ويطمنهم على ملحقهم جزاكم الله الف خير.
اى حد عنده معلومة او يعرف حد فى البعثات ينزلها .
1-على من يشمل الملحق.
2-موعد اصداره.
واطفاء نار هالفتنة التى قد لا تحمد عواقبها...................................................

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz

السلام عليكم ورحمة الله وبركاته ،،
إذا كان الكذب ينجي فإن الصدق أنجى وأنجي 
لعـل هذا ما أفتتح به هذه الكلمـات ،، وللعلم فإن مؤسسـة الموفد للتعـاون العلمي (ممثلة في منتدى الموفد ) كانت من أول من أثـار موضوع تفتيت البعثـات وإذابتهـا وذلك بمراسـلة لإدارة البعثـات الدراسيـة كانت تلك المراسلة في شهر 11 سنة 2011  هذه المراسلـة بهـا حل عملي وعلمي لما يعـانيه المترددون على إدارة البعثـات . وحتى لا ينقطع ارتبـاط الموضوع بالمقدمـة فإني أقـــول: وللأسف الشديد : لايوجد هنـاك ملحق ، والقصة ومـا فيهـا هي إسكـات للنـاس وامتصـاص للفوضـى (دون اعتبـار لمـا يتسبب فيه الموضوع من نتـائج )
في 2012 عقدت إدارة البعثـات ملتقـاها السنوي الأول مع الجامعـات كان ذلك الاجتماع بمدينة البيضـاء وتم فيه الاتفـاق على آلية إصدار قرارات الإيفـاد ، بحيث تصدر قرارات الأيفـاد في حدود أشهر  (3، 4، 5 ) من كل سنة ،، وتبدأ الترشيحـات من بداية العـام الجامعي في (9 ، 10) هذا الامر كان من نتـائج الاجتمـاعـات
وأنـا إذ أذكر هذا الأمر (بكل أسف لما يحدث) فإنني أُعْلِم به الموفدين ممن ينتظرون صدور ملحق ،، أقول لهم لا تنتظروا ،، وتــاكدوا من جامعـاتكم ومعـاهدكم بأنه قد تم ترشيحكم لهذا العـام ،، فقد بدأت إجراءات الفرز في الجامعـات تمهيدا لترشيحهـا وإرسالهـا إلى إدارة البعثـات
وإجراءات البعثـات ، عن نفسي أتــألم كثيرا في اليوم الذي أذهب فيه للبعثـات وأجد الكثير من اهلنـا في الشرق والجنوب والغرب يراجعون وينتظرون موظفـا لم يـأت أو آخر لم تسمح له حالته النفسيـة باستقبـال المراجعين ،،
وللأمـانة فالجهـاز الإداري في ليبيـا بصفـة عـامة يحتـاج إلى علاج قوي ونـاجح لأن (بعض )أفراد هذا الجهـاز يمـارسون السلطة الدكتاتورية على من يـأتيهم
قصة المردوم القدافي وملاحقه ،، هذه لا توجد يــا أخي الكريم ، انـا من المتابعين لاجراءات الإيفـاد منذ 2005 وأصعب شيء هو أن يتحصل الشخص إيفـادا ، وقد بدأت هذه المشكلة في التقلص اعتبـارا من صدور قرار 700 لسنة 2007 الذي شمل الآلاف من الليبيين ، وقصة الملاحق هذه لم توجد في عهد المردوم إلا لحاشيته وزبانيته ومرتزقتهم ،،    

وبالنسبـة لموضوع الفيدراليـة ، قد نختلف ونتفق في أمور ، ولكن  وحدة وطني وسلامته أكبر من كل شيء ،، وطني الذي ضحي من أجله شبابنـا في الشرق والغرب والشمـال والجنوب ، لا نأتي اليوم ونبيع دمائهم رخيصة من إجل إدارة لم تشتغـل بالشكل المطلوب ،،

وعمومـــا فإننـا كإدارة مؤسسـة الموفد للتعـاون العلمي سنسعى للوصول إلى مدير إدارة البعثـات الدراسيـة
وإلى وزير التعليم العـالي والبحث العلمي
وأعضـــاء لجنة التعليم العالي بالمؤتمر الوطني


وسننقـل إليهم هذه المشكلة التي تعد من أكبر المشـاكل التي تواجه الموفدين وسنعرض عيهم أيضـا مقترح مؤسسة الموفد ونــــأمل خيرا ،، 

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
هذا يسمي الهروب للأمام
بدلا من التوحد لتغيير سياسات ادارة البعتات وتغيير الموجودين فيه لازلنا نقفز للامام وكان قارب النجاة هو جضران او غيره مع انهم لن يقدمو اي اضافة

يجب ان نتعامل مع الوقائع وايجاد حل لما يحدت في هذه الادارة من تأخير وبطيء واخطاء .. لانه لو نظرنا سنجد انه المتضررين من قبل جميع ابناء الشعب وعليهم التوحد لرسم سياسات واضحة ولو وصل الامر لاسقاط ادارة البعتات.........


السؤال هو لو قمنا مثلا بوضع جضران بدلا من الطاهر بن طاهر هل ستحل جميع المشاكل؟

المشكلة لربما تكون في اشخاص ولكن ايضا هناك مشكلة اكبر وهي قوانين والمؤسسة البعتات ووزارة التعليم العالي بحد ذاتها.. طبعا الامر مرتبط ايضا باقتصاد البلد... فكلما ازدهرت البلد اقتصاديا زاد مستوي الابتعات وكلما يزيد مستوي الايفاد للخارج قلت الاخطاء.. لانه لايوجد شي اسمه سقط سهوا.. يوجد شي اسمه فرز وتقليل من عدد الموفدين قدر الامكان... والامر مرتبط بالميزانية واقتصاد البلد فمثلا جضران قد ساهم بشكل غير مباشر في تقليل مستوي الايفاد للخارج بسبب عجز الميزانية......


الامر مشتبك ببعضه ويتطلب دراسة معمقة........

لو كان الحل في الفدرالية والاقاليم وهي من ستحل المشكلة فأنا سأكون اول المطالب بها ولكن لا اعتقد ذالك


للعلم حتي لانخلط المواضيع في بعضها فهناك فرق بين مركزية ادارة البعتات وبين الايفاد

فمثلا من يقوم بالترشيح ليس ادارة البعتات بل الجامعات؟؟؟؟؟؟؟؟ حل المشكلة تتطلب حل جذري انا شخصيا اراه مرتبط بميزانية الدولة... يجب رفع من ميزانية الايفاد للخارج حتي تنتهي قصة تاخير الايفادات وتقليص من عدد الموفدين الذي دائما مايكون فيه الضحايا الغالبية العظمي من الطلبة والخريجين

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
السلام عليكم ورحمة الله وبركاته 
لللأسف الشديد أكثر من يشتكي من ادارة البعثات هما  الناس يلي عايشة بعيد عن العاصمة  ... بالفعل هي معاناه ومأساه بكل ماتعينه الكلمة ممكن تعتبر أسوه ادارة علي مستوي ليبيا , وللأسف مازالت نفس الوجوه فيها حتي الآن ,, صراحة لا ندعو الي التقسيم لكن لا بد من وجود حل جدري وسريع لهذا الوضع ..حالات التدمر من الطلبة كل يوم في ازدياد .... لماذا لا يكون مقر يعادل ادارة البعثات في كل من الشرق والجنوب تعنبا من التشحوير والمصاريف اعصبوها براسي وقولوا قالها 44597 
وفقكـــــــــــــــم الله جميعاً

_______________________________

كل لحظة وأنتم في أجمل احتمالاتكم اعصبوها براسي وقولوا قالها 347839

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
السلام عليكم والله عندك حق كله من الفساد الاداري وعصابة ومش معدلين علي الناس ...

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
السلام عليكم
خوتي الليبين انا واحد منكم وفيكم وللعلم من عائله بسيطه وبسيطه جدا والحمد لله.
عندي رايي المتواضع ونحب نقوله وندلي بيه وعندي تجربه حياتيه نبي نقولها

أما بخصوص الفدراليه , فلا يمكن ان تعرف الشئ الا عندما تملكه في ثلاثة أحرف (ملك) م : ما هية الشئ؟ ل: لماذا الشئ  ك: كيف الشي
الفدرالية: هو نظام حكم  اتحادي وسط يجمع بين المتفرقين بخصوصيات محدده لكل طرف في الاتحاد  وهو عباره عن مرحلة انتقاليه تضمن للمتفرقين على حد زعمهم المضي قدما  نحو الاتحاد الكامل (دولة موحده)
لكن نحن عندما كنا متفرقين واصبحنا دولة واحده لماذا نرجع إلى التجزيئ مرة اخري
والنبي صلى الله عليه وسلم يقول (يد الله مع الجماعة) ولو نتطرقنا لموضوع الجماعه في الشرع لا يسعنا دواوين لكتابة هذا الموضوع لعظم شأنه في الدين
وهذا التفرق تفرق حكم مما نهى عنه الشرع لانه يقزم ويصغر

اما التفرق الاداري ( اللامركزيه ) هذا ليس له تأثير سلبي بل بالعكس له فوائد ويقضى مصالح جمه للمواطن , وعنده حق العضو اللي قال 1000 كيلو وتشحوير وتاكسي وطياره وقصه

انا شخصيا مع اللامركزيه يعني ليش البعيد يتعب ويصرف ويشقى والقريب لا؟ ليش!!!!!
هذا ليس بعدل.

واما بخصوص من سقط سهوا , فعندهم حق يبو يقروا اسوة بزملائهم

لكن بالاخد بالاسباب والسعي بصوره قانونيه والتوكل على الله اولا واخيرا

اما بالقذف والسب والاهانه والاعتصامات انا بصراحه لا ارى مبررا لمثل هذه المواضيع
الحق الذي ورائه مطالب بعون الله لا يضيع لكن بما يرضي الله
مش تقولي شيخ والا خطبة جمعة!

هذا حق و الحق احق ان يتبع
وبخصوص قصتي

فانا من يرفني جيدا يعرف قصتي:

في ايامات الطاغيه : ضاع عليا قرار ايفاد ناتج من خطا في حسباب المعدل بيني وبين زميلي وطلع زميلي وانا قعدت
قلت الخيره في اختاره الله مع العلم زميلي يستاهل ,

وبعدها طلعلي قرار 395 اللي كان قبل قرار 67 فلما قالو نبو نصوفواا القرار مشيت رحت مع الجماعة اللي تصفت لان في ورقه ناقه وما قالي عليها حد
وقلت الحمد لله قضاء الله سعينا وربي لم يشأ
(أنت تريد و انا اريد والله يفعل ما يريد)

واخيرا الحمد لله طلعلي قرار 337 لسنة 2013 والان بادي في الاجراءات وربي يوفق ويسخر ان شاء الله

نبي نقول شئ
فيه قاعده علميه لاهل العلم الشرعي
اللي تقول (ذرأ المفاسد مقدم على جلب المصالح)
وكلما كان الضرر على مجموعة اقل كان الخير اعم

يعني الضرر الواقع على مجوعه بسيطه مش لازم يكبر ووينتقل لمجوعات اكبر و اكبر

زي اللي صار في عدة مواضيع جعلت بعض الناس الجهله في الدين يعتصمو ويسكرو النفط قوت الليبين واللي سكرو الميه طرابلس تختظر من قلت الماء , انتشر الضرر والظلم وهذا خلاف القاعده

ليس بالاعتصامات وتسكير الطرق والعصيا المدني وترك الاعمال , ياخذ الحق

بل بالمثابره والثبات والحكمه والقانون (ورق رسمي) مع الصبر والدعاء لله بالتوفيق

والله الموفق
وسامحوني على االاطاله

وكل حرف كتبته يعبر عن رأيي

_______________________________

ذُو العَقْلِ يَشْقَى فِي النّعِيمِ بِعَقْلِهِ ... وَأخُو الجَهَالَةِ فِي الشّقَاوَةِ يَنْعَمُ

descriptionاعصبوها براسي وقولوا قالها Emptyرد: اعصبوها براسي وقولوا قالها

more_horiz
الديمقراطية ماتمشي مع ليبيا لان الديمقراطية تفتح ابواب السرقة والكذب ليبيا لازم يكون النظام فيها دكتاتوري مع العلم انا لست من مؤيدي النظام السابق وبعد هلي ريته اصبحت من كارهي النظام الحالي

descriptionاعصبوها براسي وقولوا قالها Emptyنريد شخص من ادارة البعثات

more_horiz
تمت إزالة المشاركـــة
مؤسسـة الموفد للتعـاون العلمي


عدل سابقا من قبل الوحيشي في الأربعاء 11 سبتمبر 2013, 8:17 pm عدل 1 مرات (السبب : مخالفة القوانين)
صلاحيات هذا المنتدى:
لاتستطيع الرد على المواضيع في هذا المنتدى