دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

كارثة جديدة تحصل للطلبة الليببين في كندا

descriptionكارثة جديدة تحصل للطلبة الليببين في كندا Emptyكارثة جديدة تحصل للطلبة الليببين في كندا

more_horiz


السلام عليكم ورحمة الله تعالى وبركاته
انا احد الطلبة الليبين الموجودين في كندا في مدينة مونتريال ولي حوالي 4 اشهور منذ وصولي هنا.
المصيبة الكبيرة التي بدأت الان وهي احد اهم الاشياء التي تهم الطالب قبل الدارسة الا وهي التامين الصحي.
اعلمكم اخوتي الطلبة بان الطلبة يعانون من مشاكل كبيرة مع التامين الصحي وانأ احد هولاء الطلبة.
كما نعلم فان المكتب الكندي CBIE يؤمن الطلبة لدى شركة كندية تدعي المانيو لايف Manulife ومن المفترض ان التامين يغطي الطالب
دون ان يدفع اي درهم في علاج او كشف الخ
ولكنني فوجئت بان المستشفيات لديهم تعليمات بان كل الطلبة الذين لديهم تامين على هذه الشركة
يجب عليهم الدفع نقدا تم مطالبة شركة التامين باسترجاع القيمة وكما تعرفون بان تكلفة العلاج فوق الخيال.

وكمثال حقيقي ذهبت اليوم انا وصديقي لأحد المستشفيات للاستفسار حيث ان زوجته تنتظر مولود خلال الاشهر القادمة . طلب المستشفى رسالة
من شركة التامين تضمن فيها دفع قيمة المستشفى وبعد عناء ارسلوا رسالة بالفاكس تفيد بأنهم سيدفعون فقط قيمة 5000 دولار كتامين في حين
ان المستشفى طلب كأقل قيمة ضمان 10000 دولار وانه يتوجب عليه دفع اي مصاريف اخرى غير مصاريف الولادة بنفسه ثم عليه مطالبة
شركة التامين باسترجاع القيمة.

فبالله من اين له او غيره من الطلبة بان يدفع قيم كبيرة مثل هذه وحيث ان ذلك يتزامن مع تأخر صرف المنحة الشهرية للطالب ,
حيث اننا لم نستلم بعد منحة شهر 10 الى حد الان

اخوتي ارجوكم ساهموا معنا في نشر هذه القضية المهمة لكل الطلبة مع وزارة التعليم الفاشلة لان مثل هذه الموضوع قد يؤثر في مستقبل الطالب

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
كان الله في العووون

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
إنشالله ربي يسهلك أمورك وتنفرج ضيقتك ... والله غالب ...

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
السلام عليكم
الله يعين الطالب بيلاقيها من وين وله وين شىء ايهبط بكل 
فى شركات تامين خاطى الشركة هدى وله لا

descriptionكارثة جديدة تحصل للطلبة الليببين في كندا Emptyالله المستعان

more_horiz
السلام عليكم
انا طالب فى السويد ولى سنتين
ما نعرفش هذا الذي تسمونه تامين طبي
ونخلصو من منحتنا الشهرية واكثر من مرة اضططرت للاستلاف من الناس لاغطي مصاريفي ومصاريف اطفالي  اذا ما دفعت ثمن الدواء والعلاج
والله العظيم يا اخوان لولا موش مملكة السويد تعطي فى اشياء كثيرة للاطفال مجانية والله انا ممكن انكون روحت من زمان
لكن شكرا لمملكة السويد وحفظ الله نفط ليبيا للسراق وشذاذ الافاق لعنة الله عليهم جميعا

الله المستعان

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
إن شـاء الله ربي يفرج همك ويفتح عليك

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
ربي يستر

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz

لا اله الا الله .... وحدا يمشى لجنوب السودان وخالص

_______________________________


إدارة المنتدى قـامت بحظر هذا العضو من المنتدى دائمـا اعتبـارا من تاريخ
23/ 10/ 2013
بسبب أخلاق هـابطـة لا تليق بمستوى الموفد

descriptionكارثة جديدة تحصل للطلبة الليببين في كندا Emptyكان الله في العون...

more_horiz
السلام عليكم، انا فقط احاول المساعدة و اعذرني اذا كنت مخطأ، بما أن صاحب المشكلة موفد و يدرس في أي مؤسسة تعليمية ممكن يقدم علي Montreal health card   اللي تغطي هالمصاريف، محتاج بس عقد ايجار ورسالة انك Full time student ، والله لينا قريب ٣ سنوات في كندا و نعالجوا بالطريقة هاذي في المستشفيات العامة وحتى الولادة هكي , Manulife ما تحصل منها شي، وهذا الرابط متع التقديمhttp://www.ramq.gouv.qc.ca/en/citizens/health-insurance/registration/Pages/eligibility.aspx وربي يكون في عونك.

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
الله المستعان

_______________________________

كارثة جديدة تحصل للطلبة الليببين في كندا Q8cj

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
لا حول ولا قوه الا بالله ربي معاهم والله الواحد معاش عرف وين بيقرا الدول كل مره دوله تسمع انها سكرت ودارت ودارت ودارت معاش تبي تقري الليبين مع انه نفطنا ماشيلهم ياليبيا عليك السلااااااااااااام .............

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
حسبي الله و نعم الوكيل....
مكتب الوزير و ديرمكتبه الاربعاء و الخميس امسكرات وينهم مش معروف... 
المفروض يخدم 24/24 و 7 ايام في الاسبوع ايشوف حال الرعيه مش الناس اتعني و حسبنا الله و نعم الوكيل

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
حسبنا الله ونعم الوكيل  والله حتي انا صارت معي  نفس القصه بس المنيولايف رفضوا انهم يدفعوا فرنك واحد وقالولي انتي حملتي في ليبيا نحن مالنش علاقه بيك
طبعا دكتورة الولاده تبي 300الف دولار والمستشفي اقل مستشفي يبي 2999 دولار في تورتنوا وفي مستشفيات تبي 3700 هذا لو كان الولاده طبيعيه وايقامه لمدة يوم واحد في المستشفي فاضطريت اني انسجل في اخر لحظهفي مكتب قابلات تابع للحكومه الكندبه عشن تغطي الحكومه كل التكاليف

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
فيها خيرة وحسبنا الله نعم الوكيل ,, مرت بيا نفس القصة لدرجة تحس روحك أقل من اللاجىء مش طالب ليبيى موفد على حساب بلاده لتفوقه وتميزه ,,, حتى لاجىء عنده مميزات ومعونات .  معاملتهم شركة التأمين هادى زى الزفت ويراوغو .. سبحان الله قداش قدرنا طاح فى هالبلاد هادى وفى امريكا ,, معقولة انا طالب نمشى نعاين انا والعيلة نخلص من المنحة المقطوعة اصلا وبعدين نقعد نتجدى فى شركة التأمين اللى تبدأ تتسهوك عليك وتقولك لا هدا مش مغطى ,, لا هدا مغطى النص بس . حسبنا الله نعم الوكيل وربى يفرج على بلادنا وناسنا يارب

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
Overseas كتب:
السلام عليكم، انا فقط احاول المساعدة و اعذرني اذا كنت مخطأ، بما أن صاحب المشكلة موفد و يدرس في أي مؤسسة تعليمية ممكن يقدم علي Montreal health card   اللي تغطي هالمصاريف، محتاج بس عقد ايجار ورسالة انك Full time student ، والله لينا قريب ٣ سنوات في كندا و نعالجوا بالطريقة هاذي في المستشفيات العامة وحتى الولادة هكي , Manulife ما تحصل منها شي، وهذا الرابط متع التقديمhttp://www.ramq.gouv.qc.ca/en/citizens/health-insurance/registration/Pages/eligibility.aspx وربي يكون في عونك.
السلام عليكم
بالنسبة لبطاقة التامين من مونتريال فى شبيهها فى هاليفاكس علما بان لدى طفل يعانى من مشكلة فى السمع ويحتاج علاج ارجوا الرد ضرورى

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
لا حول ولا قوّة إلاّ بالله ،،،

للأسف الشّديد أن نرى هذا يحدث لطلاّب (لــيــــــــــــــبـــــــــــــيـــا) بينما الطّالب السّعودي يحظى بإستقبال من صالة المطار ، ثمّ يذهب إلى سفارته في أفخم سيّارة ، ويتم التّرحيب به وتسكينه في فندق خاص ويستلم منحته الأولى ثمّ يُسافر لولايته ليبدأ دراسته وهو مطمئن القلب والبال بعد أن يتم تلقينه بفكرة عامّة عن الدّولة وكيفيّة العيش فيها  ...

_______________________________

كارثة جديدة تحصل للطلبة الليببين في كندا 158297099
((أُدعو لي ولوالديّ بالرّحمة))

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
ساهرة الليل كتب:
Overseas كتب:
السلام عليكم، انا فقط احاول المساعدة و اعذرني اذا كنت مخطأ، بما أن صاحب المشكلة موفد و يدرس في أي مؤسسة تعليمية ممكن يقدم علي Montreal health card   اللي تغطي هالمصاريف، محتاج بس عقد ايجار ورسالة انك Full time student ، والله لينا قريب ٣ سنوات في كندا و نعالجوا بالطريقة هاذي في المستشفيات العامة وحتى الولادة هكي , Manulife ما تحصل منها شي، وهذا الرابط متع التقديمhttp://www.ramq.gouv.qc.ca/en/citizens/health-insurance/registration/Pages/eligibility.aspx وربي يكون في عونك.

السلام عليكم
بالنسبة لبطاقة التامين من مونتريال فى شبيهها فى هاليفاكس علما بان لدى طفل يعانى من مشكلة فى السمع ويحتاج علاج ارجوا الرد ضرورى

وعليكم السلام، بالله سامحني هدا وين شفت تعليقك، ربي يكون في العون ويشفيه.http://novascotia.ca/dhw/msi/eligibility.asp شوف المكتب القريب وحاول تفهم شروطهم وسجل.

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
الكارد هذا موجود في كل الولايات والمدن ولا ف مونتريال وهاليفكس بس؟ ياريت تجاوبونا وتعطونا رابط لمجموعة من المدن او الولايات؟

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
ساهرة الليل كتب:
Overseas كتب:
السلام عليكم، انا فقط احاول المساعدة و اعذرني اذا كنت مخطأ، بما أن صاحب المشكلة موفد و يدرس في أي مؤسسة تعليمية ممكن يقدم علي Montreal health card   اللي تغطي هالمصاريف، محتاج بس عقد ايجار ورسالة انك Full time student ، والله لينا قريب ٣ سنوات في كندا و نعالجوا بالطريقة هاذي في المستشفيات العامة وحتى الولادة هكي , Manulife ما تحصل منها شي، وهذا الرابط متع التقديمhttp://www.ramq.gouv.qc.ca/en/citizens/health-insurance/registration/Pages/eligibility.aspx وربي يكون في عونك.

السلام عليكم
بالنسبة لبطاقة التامين من مونتريال فى شبيهها فى هاليفاكس علما بان لدى طفل يعانى من مشكلة فى السمع ويحتاج علاج ارجوا الرد ضرورى

فيه اسمها msi  لكن المرافق لازم يكون عنده تاشيرة زائر باش يعطوه تصريح عمل ويقدر يدير هدا النوع من التامين فى هاليفاكس

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
ربي. يكون في عونك ياخوي ويسرلك امورك والله خساره اللي يحصل للطلبه الليبين في كندا وامريكا ويبواالطلبه يقروء كيف هي حتي أفراحه النفسيه غير موجوده اللي هي اهم شيء يتوفر ليه مش الغرين بس زيد المنحه والتامين والله الا حكومه فاشله وحتي احني في كندا متريحين مثل أهلنا في ليبيا يفترض ياخوتي المفروض هناك وقفن جاده. سواء في كندا او اهلنا في ليبيا

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
tark772001 كتب:
ساهرة الليل كتب:
Overseas كتب:
السلام عليكم، انا فقط احاول المساعدة و اعذرني اذا كنت مخطأ، بما أن صاحب المشكلة موفد و يدرس في أي مؤسسة تعليمية ممكن يقدم علي Montreal health card   اللي تغطي هالمصاريف، محتاج بس عقد ايجار ورسالة انك Full time student ، والله لينا قريب ٣ سنوات في كندا و نعالجوا بالطريقة هاذي في المستشفيات العامة وحتى الولادة هكي , Manulife ما تحصل منها شي، وهذا الرابط متع التقديمhttp://www.ramq.gouv.qc.ca/en/citizens/health-insurance/registration/Pages/eligibility.aspx وربي يكون في عونك.

السلام عليكم
بالنسبة لبطاقة التامين من مونتريال فى شبيهها فى هاليفاكس علما بان لدى طفل يعانى من مشكلة فى السمع ويحتاج علاج ارجوا الرد ضرورى

فيه اسمها msi  لكن المرافق لازم يكون عنده تاشيرة زائر باش يعطوه تصريح عمل ويقدر يدير هدا النوع من التامين فى هاليفاكس

الwork permit ساهل ياخوي من دام فيه طالب يقرا ، كندا مساعدة في الموضوع هدا….ان شاء الله ربي يستر و ما يغيروش قانونهم.

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
لاحول ولا قوة الا بالله
نسأل الله ان يسهل الحال

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
السلام عليكم
                           ( سامحمني نبي انعبر علي شعوري)  Embarassed 
الجمل والادعية والانتظار والاسف كله في محله يعني (جائز ومباح) لكن اين الافعال الدالة على الاقوال مش مفروض تنظيم مظاهرات واضرابات وووو راهو زي مايقولوا الجمل الا بالكرشة هيا انتوا من غادي واحنا من هنا ونديروا مظاهرات واحتجاجات معقولة فلوسنا يخنبوا فيهم واحنا علاج بالشروط مرهون وزيده بونية  انا بإذن الله تعالى مقررين السفر لكندا في شهر 4 لكن الحال لايعجب ولا يشجع وكل ساحة احرف من التانية الحاصل ما يبوش من يقرا وميعرفوش قيمة العلم والمفروض اللي ايقول نبي نسافر باش نقرا ايجيه كل شي لعنده وبالزايد مش حتى المنحة شوية وونتحشم انقول المبلغ قدام الخليجيين والسعوديين  king  queen  هيا حددوا يوم للتظاهر كارثة جديدة تحصل للطلبة الليببين في كندا 157701

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
الله يبارك فيك ياختي علي الكلام الجميل والله احني ملينا حتي من الكتابه في هذا الموضوع لان فيه مثل شعبي ايد وحده ماتصفقش يعني لازم الجميع تكون عنده وجه نظر ومشاركه فعليه ليس اقول بل افعال

descriptionكارثة جديدة تحصل للطلبة الليببين في كندا Emptyرد: كارثة جديدة تحصل للطلبة الليببين في كندا

more_horiz
والله ياريت لان سكتنالهم هلبببببببااااااااااا وقاعدين يتمادو عليك حالة وحسبنا الله ونعم الوكيل فيهم يااااارب فعلا ان لم تستح فافعل ماشئت لى امتا الظلم ولما تقول نقدم على  جنسية يقولولك خاين وبلا بلا بلا بالله دولة بالاحرى نااس اللى فى الدولة ماتقدر ولا تقيم المتعلم من ارضه وهدا سياسة التجهيل قاعدين فيها........
صلاحيات هذا المنتدى:
لاتستطيع الرد على المواضيع في هذا المنتدى