دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

كارثة جديدة تحصل للطلبة الليببين في كندا

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
كلمة حق والله العظيم
كنت في بريتش كولومبيا لمدة ثلاث سنوات ولم اضطر لدفع دولار واحد لان المانيولايف عليها فقط الاسنان والعيون والبقية علي الكير كارد
BC CareCard
وزيك زي اي كندي ما فيش حد يتجمل عليك صحيح فيه اقساط شهرية ولكن يتم استرجاعها من السفارة قبل او من المكتب الكندي لم استلم
ايضا زوجتي انجبت بعملية وبقت في المستشفي 5 ايام ودخلت حجرة خاصة بيها وللعلم اول مراة كانت في هذه الحجرة لان القسم جديد وعندما حكيت مع الدكتور لماذا هذه المعاملة الخاصة ؟ هل ليبيا ستدفع تكاليف هذا قال فقط لمراعاة شعور المراة المسلمة
الله يهديهم للاسلام
صدق من قال رايت اسلام وام اري مسلمين

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
كلمة حق والله العظيم
كنت في بريتش كولومبيا لمدة ثلاث سنوات ولم اضطر لدفع دولار واحد لان المانيولايف عليها فقط الاسنان والعيون والبقية علي الكير كارد
BC CareCard
وزيك زي اي كندي ما فيش حد يتجمل عليك صحيح فيه اقساط شهرية ولكن يتم استرجاعها من السفارة قبل او من المكتب الكندي لم استلم
ايضا زوجتي انجبت بعملية وبقت في المستشفي 5 ايام ودخلت حجرة خاصة بها وللعلم اول مراة كانت في هذه الحجرة لان القسم جديد وعندما حكيت مع الدكتور لماذا هذه المعاملة الخاصة ؟ هل ليبيا ستدفع تكاليف هذا قال فقط لمراعاة شعور المراة المسلمة
الله يهديهم للاسلام
صدق من قال رايت اسلام ولم اري مسلمين

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
السلام عليكم ورحمة الله وبركاته...للاسف واقول للاسف...في وقت الطاغية ما عانوش الطلبة من مشاكل زي هدي..مش معناها انهم ما عاموش لا..عانو مشاكل اخرى كثيرة ومالها حد واولهم التفرقة في معاملة الطلاب...اللي واصل وراقد الريح..وفيه اللي ياخذ في منحة اكبرمن منحة الطالب العادي مرتين.....جت الثورة وفرحنا بيها وقدمنا اللي نقدرو عليه مش لشيء فقط باش يسعد الطالب اليبي والمواطن الليبي ويتهنى..ما عندناش جميل في ذلك هدي بلادنا واللي حيستفيدو ابنائنا وخوتنا..مانبوش اجر على ذلك..بس نتفاجأ ان الخدمات تمشي للاسوأ بعد ثورتنا...لا لا لا...مش حيرضينا..عن نفسي ما يعنينيش تغطية الانجاب لاني من زمااان سكرنا وجاني نصيبي اصغر ابن عندي 12 سنة..بس اللي قاهرني الشباب الليبيين اللي كيف بدو حياتهم..ليش المولود هدا مش ليبي؟؟؟ حرام عليكم يا مسؤولين...يعني بدل ما تصلحو الخلل في السابق وتخلو الصح او تحسنوه..تجو ترجعونا للخلف ليش؟؟ التأمين كان يغطي الولادة بكافة مصاريفها وتوصل حتى 14000 دولار واكثر...ربي ينتقم منكم وياخد الحق..ناهيك على انها شركة مش معترف بيها في معظم مدن كندا..ادفع وبعدين يرجعولك..الله لا تسامحهم اللي خطفو الثورة ونقصو حق الليبيين.. تبونا نقولو العهد السابق خير..مستحييييييل مش حنقولوها بس اللي حنقولوه ربنا ينتقم من الظالم. وبنقوللكم يامسؤولين يلي تحاربو في الثورة والا بتتسلقو على حساب الليبيين وقوتهم وحقوقهم ...الثورة ربي ناصرها غصبا عن انوفكم وحيجي يوم ويحاسبوكم الليبيين على افعالكم واشبحو للطغاة زي المقبور القدافي وتعلمو الدروس.

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
يا خوي كلامك جميل بس مافي حد يبي يسرق الثورة للاسف الخلل في الدين و الاخلاق و التربية و هذه مشكلة ظهرت في مجتمعنا الليبي بشكل كبير و تزامنت مع الحرية و كأن بعض الليبيين سامحهم الله فهموا الحرية على انها فوضى و اكبر دليل الكتائب الغير شرعية قاعدة موجودة و تستلم في المليارت من فلوس ليبيا و كأنهم يقبضوا في ثمن تحرير الوطن كل يوم !!!!!!!!

الحال صعب و حزين و قلوبنا تتقطع كل يوم على الشعب اللي كان بسيط و مسالم وتوا حتى الطفل اللي عمره 3 ايام ينخطف بكل سهولة و بدون رحمة !!!!! 


ربي يفرج و اني نضم صوتي للتظاهر السلمي بدون الاعتصام و تعطيل المصالح لان البلاد مش ناقصة رجوع للوراء

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
hanan_canada كتب:
يا خوي كلامك جميل بس مافي حد يبي يسرق الثورة للاسف الخلل في الدين و الاخلاق و التربية و هذه مشكلة ظهرت في مجتمعنا الليبي بشكل كبير و تزامنت مع الحرية و كأن بعض الليبيين سامحهم الله فهموا الحرية على انها فوضى و اكبر دليل الكتائب الغير شرعية قاعدة موجودة و تستلم في المليارت من فلوس ليبيا و كأنهم يقبضوا في ثمن تحرير الوطن كل يوم !!!!!!!!

الحال صعب و حزين و قلوبنا تتقطع كل يوم على الشعب اللي كان بسيط و مسالم وتوا حتى الطفل اللي عمره 3 ايام ينخطف بكل سهولة و بدون رحمة !!!!! 


ربي يفرج و اني نضم صوتي للتظاهر السلمي بدون الاعتصام و تعطيل المصالح لان البلاد مش ناقصة رجوع للوراء

شكرا اختي الفاضلة..انا ما قلتش يسرقو الثورة..قلت يخطفوها ...المخطوف حيرجع باذن الله وهما يبو الفدية بس مش رح ندفعولهم الفدية وحترجع باذن الله...وبالنسبة لازمة الاخلاق للاسف فعلا كلامك صحيح وتأسفت ان بلد المليون حافظ يطلع فيها مليون مدمن حشيش ومليون سارق..ونصف مليون لاذمة لهم... نسأل الله العفو والعافية ونسأل الله لهم الهداية..وموضوعنا كان تغيير بنود عقد التأمين الصحي من "سيء لاسوأ " نسال الله اللطف بعباده.

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
نفس اللقطة خوي اني مشيت لدكتور و بعثتلهم القيمة قالولي لا الكشف عند دكتور مش مغطيينه في التامين متاعك و مابوش ايرجعوا القيمة.... درت صورة رنين علي راسي لان الدكتور طلبها مني و القيت في حسابي علي موقعهم ان صور الرنين مش مغطيينها الا في الحالات الطارئة... تي باهي الواحد ايراجي لين قريب ايموت و يرفعوه للطواريء بيش يدفعوا عليه ولا كيف بالزبط

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
ان شاء الله ربي يفرج علي الليبين واحد معاش يعرف شنيء بيقول مخلطه من جميع النواحي

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
والله حال الليبين بجد يسخف لو نلقي عزا في كندا والله نمشيله مش معقوله المهزله هذي انا وعائلتي مازلنا من غير تأمين صحي وصدفت انه زوجي صار معاه الم في سنه الم ومادراك ما الم السن طلبوا منه حاجه 850 دولار مصاريف حشو بس معرفتش المنحه علي شنو تبد بس

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
والله هل الشركه امتعت التامين ادوخ بس لحسن حظي انقدت حياتي وحياة عائلتي في اخر لحظه لولاهم والله ما نعرف شن كنت اندير  في الازمه الي فاتت بسب تعطيل المرتبات من الدوله الموقره , كان كنت نشحت في شارع حاشكم  لولا رحمة الله اولا , لا عندنا شئ ناكله ولا نشربه.
انت دخلت لمستشفي عدة مرات في شهر 10و11 و12 بس اطول مده كانت في شهر11 رقدت اسبوع بسبب حصوه في المراره ولحسن حظي مستشفي كوكس ول في تورنتو قبل باوراق التامين في كلما مره انجيهم فيها في الطورئ و لما درت العمليه في شهر 12 المستشفي لم كل الفواتير مع بعضعهن ودزها لي شركة التأمين وشركه التأمين بدل ما تبعث الفلوس مباشرا للمستشفي بعثهن ليا في شيكات حوالي 17 الف هذا الي انقد حياتي  وتوا بعد حلت مشكلت المرتبات خذيت موعد مع مكتب المالي عشن انردلهم فلوسهم الاسبوع الجاي , بس والله مازلت خايفه من قصة المرتبات لان اسمي مش قاعد في قوائم الربع الاول ومكتب الكندي قال انهم بعثوا اسمي من بداية شهر واحد بس مافيش رد لعند توا وقالت شانا انها حتنزلي مرتب شهر واحد واثنين لانهم محتفظين بي مرتبي شهر 10 و 11 لما سكرت ملفي وحتعطيهن ليا في شهر 1 و2 وقالت بعدها علي وزاره كان بعثت اسمك يمشي موضوعك وكان ما بعثت يتوقف المرتب ويستر الله.هذي قصه مع التامين ومع المكتب الكندي
بعد خطرها حتي صديقتي وصلت من شهرين وجابت الشهر الفات والتامين قايل انه ما يغطيش تكلفه ولادة اي وحده جت من ليبيا وهي حامل هههههههههههه بس لما جابت وبعثت فواتير الدكتوره والمستشفي للشركه الشركه ردتلها الفلوس بدون اي تعليق , تبي تفهم اتدوخ, ممكن انا وصاحبتي من المحظوظين
تقبلي مروري
تحياتي

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
ان شاء الله خير اختي وربي يفرج عليك ان شاء الله ربي يسر لك امورك

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
E. Ahmed كتب:
السلام عليكم ورحمة الله وبركاته...للاسف واقول للاسف...في وقت الطاغية ما عانوش الطلبة من مشاكل زي هدي..مش معناها انهم ما عاموش لا..عانو مشاكل اخرى كثيرة ومالها حد واولهم التفرقة في معاملة الطلاب...اللي واصل وراقد الريح..وفيه اللي ياخذ في منحة اكبرمن منحة الطالب العادي مرتين.....جت الثورة وفرحنا بيها وقدمنا اللي نقدرو عليه مش لشيء فقط باش يسعد الطالب اليبي والمواطن الليبي ويتهنى..ما عندناش جميل في ذلك هدي بلادنا واللي حيستفيدو ابنائنا وخوتنا..مانبوش اجر على ذلك..بس نتفاجأ ان الخدمات تمشي للاسوأ بعد ثورتنا...لا لا لا...مش حيرضينا..عن نفسي ما يعنينيش تغطية الانجاب لاني من زمااان سكرنا وجاني نصيبي اصغر ابن عندي 12 سنة..بس اللي قاهرني الشباب الليبيين اللي كيف بدو حياتهم..ليش المولود هدا مش ليبي؟؟؟ حرام عليكم يا مسؤولين...يعني بدل ما تصلحو الخلل في السابق وتخلو الصح او تحسنوه..تجو ترجعونا للخلف ليش؟؟ التأمين كان يغطي الولادة بكافة مصاريفها وتوصل حتى 14000 دولار واكثر...ربي ينتقم منكم وياخد الحق..ناهيك على انها شركة مش معترف بيها في معظم مدن كندا..ادفع وبعدين يرجعولك..الله لا تسامحهم اللي خطفو الثورة ونقصو حق الليبيين.. تبونا نقولو العهد السابق خير..مستحييييييل مش حنقولوها بس اللي حنقولوه ربنا ينتقم من الظالم. وبنقوللكم يامسؤولين يلي تحاربو في الثورة والا بتتسلقو على حساب الليبيين وقوتهم وحقوقهم ...الثورة ربي ناصرها غصبا عن انوفكم وحيجي يوم ويحاسبوكم الليبيين على افعالكم واشبحو للطغاة زي المقبور القدافي وتعلمو الدروس.

وعليكم السلام
الاستاذ احمد, حاولت ان افهم ماهو الفرق بين سرقة الثورة او خطف الثورة و لاكن لم اعرف. كل هذه المصطلحات و المفاهيم هي نتاج الفكر اليساري و الماركسي و ليس لها اي دليل او سند في الكتاب و السنة.
الان في ليبيا لايوجد ثورة و انما يوجد فوضى و غياب للقانون و مؤسسات الدولة. فباسم الثورة و الحرية تنتهك الاعراض و الحرومات و يتم قطع الطرقات و يتم قفل المواني النفطية و غلق محطات توليد الكهرباء. 
كل هدا الخراب و الفساد في ليبيا ماهو الا عقاب من الله, فهو نتجة طبيعية لمن يستعين بالناتو و الغرب لاسقاط حاكم حتى و لو كان الحاكم ظالما او كافرا قال الله عز وجل في كتابه: {يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ}
فما حدث في العراق و افغانستان و ليبيا .. ليس استعانة بالناتو على إزالة حاكم، بل هو إعانة للغرب على تحقيق أهدافه في بلادنا .. وهي تقسيم البلد الى دويلات صغيرة (برقة, فزان و طرابلس) و زرع الفتنة بين القبائل و الاعراق.

عدل سابقا من قبل أبو ذر الغفاري في الأحد 16 فبراير 2014, 6:28 am عدل 2 مرات

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
اني نحترم كلامك خوي أبو ذر الغفاري بس اني علقت على كلام الاخ احمد و كلامه عن خطف الثورة ... و بالفعل اللي قاعد يصير في ليبيا فوضى عارمة و الناس اللي مستفيدة من هالفوضى هي اللي ماتبي الوضع يستقر في ليبيا .... ان شاء الله ربي يصلح الحال و يلطف من عنده

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
 اقتباس
""كل هدا الخراب و الفساد في ليبيا ماهو الا عقاب من الله, فهو نتجة طبيعية لمن يستعين بالناتو و الغرب لاسقاط حاكم حتى و لو كان الحاكم ظالما او كافرا قال الله عز وجل في كتابه: {يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ}


فما حدث في العراق و افغانستان و ليبيا .. ليس استعانة بالناتو على إزالة حاكم، بل هو إعانة للغرب على تحقيق أهدافه في بلادنا .. وهي تقسيم البلد الى دويلات صغيرة (برقة, فزان و طرابلس) و زرع الفتنة بين القبائل و الاعراق.""عن  الاخ ( ابوذر الغفاري  موفد جديد)




أختي حنان لا تنجري وراء كلام الاخ ابوذر الغفاري سامحه الله..فكلامه مبطن وقد اقتبست جزء منه هو كلا م حق اريد به باطل..فقد بطن فهمه للوضع الحالي في ليبيا واهان الثورة بانها ليست ثورة وان هذا عقاب من الله لاستعانتنا بالناتو ...لا احب ان اكمل ولا ان ادخل في مجادلات ومتاهات لاتنتهي..احترم رايك وواجب علي ان اسمعه اخي حتى وان كنت من مؤيدي المقبور ولا اضنك كذلك واعتقد انك من جماعة الفكر السلفي ولا ضير في ذلك...نحن اخوة في الاسلام وشركاء في الوطن..هدانا وهداكم الله

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
باشمهندس احمد شكرا على المرور, ارد عليك ببيت لطرفة بن العبد يقول فيه:

سَتُبْدِيْ لَكَ الأيَّامُ ما كُنْتَ جاهِلا  ***  وَيَأْتِيْكَ بِالأخْبارِ مَنْ لَمْ تُزَوِّدِ

عدل سابقا من قبل أبو ذر الغفاري في الإثنين 17 فبراير 2014, 4:29 pm عدل 13 مرات

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
السلام عليكم
الكلام الصراحه لم يعجبني يفترض ان يكون هذا المنتدي بعيد عن السياسه الذي قاله ابودر الغفاري بخصوص الناتو والغرب سامحك الله وربي يهديك معك يمكن مايحدث في ليبيا يمكن يكون الله غير راضي علينا بسبب ترك الساحه للمتسلقين والفاسدين الطامعين يمكن اللهم احفظ بلادنا من الفتن ماظهر منها ومابطن وشكرا

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
لو سمحتوا يا اخواني الاخ أبو ذر الغفاري عبر عن رايه  (و لو ان المنتدى مش للسياسة ) بس في اعتقادي كلامه كان عام و هو مسؤول عليه و أول حاجة كنا نبوها من ثورتنا احترام كل الاراء حتى اللي مختلفة معانا و ممكن هذي مشكلة ليبيا الان عدم تقبل النقد و وصف الاخر بالازلام و الطحالب و المتسلقين و غيرهم ... يعني لو سمعناهم و سمعونا ممكن نوصلوا لبر الامان باذن الله
عموما كلامي عام و مش موجه لشخص بعينه بالعكس احني كلنا خوت في هالمنتدى و ليبيا للجميع و بالجميع من دون استثناء
و يا ريت نركزوا على اللي يهم الطلبة و هذا هدف المنتدى

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
زيد اميه زيد دقيق ما فيش داعي ليه..فقط انا قلت ولازلت اقول..((نحن اخوة في الاسلام وشركاء في الوطن)). هدانا وهداكم الله.

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
هههههه

descriptionكارثة جديدة تحصل للطلبة الليببين في كندا - صفحة 2 Emptyرد: كارثة جديدة تحصل للطلبة الليببين في كندا

more_horiz
السلام عليكم انا حصل معي نفس المشكلة حيث كانت المدام بتدخل للمستشفى للوﻻدة طلب منى المكتب الخاص بدخول المرضى بدفع المبلغ قبل الدخول يعنى حوالي 10000 الف دوﻻر كندي وعد جدال معهم قالو لي يجب احضار ورقة من الضامن الي هي شركة المانو ﻻيف تتكفل بي المصريف و اتصلت بي الشركة و قالو سوف نرسل فاكس للمكتب في المستشفى مع ﻻسم و في اليوم التانى لم ادهب للمكتب و درت روحي احول المهم انزاد عليا المولود و الحمد لله وبعد يوم خرجنا من المستشفي و تم التوقيع علي بعض الاوراق و خرجنا و بعد فترة تصل فوتير من المستشفي تبي التخليص و هي 9800 دوﻻر و فتورة اخري 1200 دوﻻر كندي انا ما فهمت شي المهم عبيت النمادج التسديد المانو ﻻيف و ارسلت اﻻوراق ولم استلم شئ بعد مرور شهر اتصلت بالشركة قالو لم نستلم شئ ارسل الفوتير من جديد و ارسلت الفوتير مع الطلب و بعد مرور زمن اتصلت من جديد لم يصل شئ لم افهم شئ احكيت لي احد الشباب ابقدامة ممكن يكون العنوان غلط و اعطاني طلب قديم و نفس العنوان عبيت الطلب و ارسلتة مع الفوتير للعلم كل عملة اﻻرسل سريع اكس برس مش عادة لظمان وصول الاوراق المهم بعد معناة طويلة و اتصال و اعادة اﻻرسل 4 مرات وصلو اﻻوراق و جانى شيك بالقيمة الكبيرة الي هي 9800 و الفتورة التانية 1200 قالولي هده اقامتك في المستشفى ليس لنا بها دخل المهم دهبت الي القصم المالي و معي صديق قديم في مونتريال نستفسر علي الفاتورة فالو هده مصاريف العناية بالطفل
المهم ارسلت الفاتورة من جديد موضحا انة فاتورة العناية بالطفل وبعد مرور15 يوم جانى رد منهم بانة الطفل ليس مضاف في التامين شكشكي بر عاد شني مزال ايحزها كلم المكتب الكندي باش يضفو المولود حتى هما بدو يلعبو المولود انزاد يوم 24 شهر 8 و توا لما نحكي باش يضفو المولو نحن في شهر 12 كل ما نتصل يقولو دز شهادة الميلاد و طلب اضافة مولو حتى هما اخدو فيا حصة 5 مرات اندز في اﻻوراق المهم ما يبوش يدفعو التامين السنة بتكمل يوم 25 شهر 12 تم تسجيله في التأمين و بعد دالك ارسلت الفاتورة من جديد و في شهر 1 ممكن يوم 15 او اكثر جاني الشيك و الحمد لله و للعلم المستشفى اتصل بيا عددة مرات اخر مرة يوم الي و صل فية الشيك اﻻخير 1200 اتقول ايشمو فيهم و الحمدلله علي كل شئ قصة مريرة و تمرميد حشاكم و السلام عليكم
صلاحيات هذا المنتدى:
لاتستطيع الرد على المواضيع في هذا المنتدى