دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

الجنسية الكندية للطالب الليبي؟؟

descriptionالجنسية الكندية للطالب الليبي؟؟ Emptyالجنسية الكندية للطالب الليبي؟؟

more_horiz
السلام عليكم إخوتي وأخواتي

أود الإستفسار عن الجنسية الكندية هل يمكن للطالب الليبي وأسرته الحصول عليها وكيف يكون ذلك؟
أتمنى منكم الرد لأن ذلك سيحدد وجهة سفري...

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
ههههههه تي انتي موفد وموقعه هقد بالرجوع للبلد وانتي تفكري في الهروب من حقوق الدوله بنيتو ليبيا وصار منها

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
لاحول ولا قوة إلا بالله العظيم,,, معقولة من ألان تريد الجنسية ....وين فضل بلادك عليك

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
NadaShawesh كتب:
السلام عليكم إخوتي وأخواتي

أود الإستفسار عن الجنسية الكندية هل يمكن للطالب الليبي وأسرته الحصول عليها وكيف يكون ذلك؟
أتمنى منكم الرد لأن ذلك سيحدد وجهة سفري...
تنازالى عن جنسيتك وايفادك ومن تم ابحثى فى منتدى من باع وطنه.

_______________________________

اللهم اشغل قلوبنا بحبك ، وألسنتنا بذكرك ، وأبداننا بطاعتك ، وعقولنا بالتفكر في خلقك والتفقه في دينك.


علِم وَلدكَ القُرآنْ ، وَالقُرآنْ سَيعلِّمهُ كُل شَيء


قالوا: مسكين من لا يعرف الانجليزية.. قد يواجه صعوبة في فهم كلام الناس
فرد قائلا: مسكين من لا يعرف العربية.. قد يواجه صعوبة في فهم كلام رب الناس

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz

كملي قرايتك و بعدها روحي لليبيا سكري ملفك و ستفي امورك مع الدولة و قتها ربي ايسهلك وإن شاء الله تحصلي جنسية من كندا .. و أنتم يا شباب كلامها مش عيب و شن المشكلة كان الواحد يسعى باش ايحصل جنسية اخرى بالإضافة لجنسية وطنه الأم ...؟؟؟

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
اتق الله ، وفكر في بلادك ، ورقي بلادك . الله الله الله ياليبيا الحبيبة

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
سؤالها عادي جدا سبحان الله يا كلمة طيبة يا ... ... تسأل على الجنسية اعتبروها حتى من باب الفضول شني المشكلة

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
لا حول ولا قوة إلا بالله

يعني الدولة بتصرف عليكي عشان تفيديها بعد اتحصلي على الشهادة وانتي تفكري في الهروب من توا ؟؟؟ لا حول ولا قوة الا بالله

يا أختي اتق الله إنتي بتوقعي عقد أنك ترجعي إلى ليبيا بعد إكمال الدراسة وهذا الشرط إنتي وافقتي عليه اتق الله في نفسك

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
ايه بجديات منحه وفلوس ودولار وتمنع ؟؟؟ تى شنى افلوس ليبيا حرايميات وا كيف ؟؟؟؟ بعدين هيه بنت ؟؟وهده بلاد كفار يا امه الله

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
مع احترامي لاراء الذين سبقوني ، الا انني اود ان اقول ان العلاج يكمن في سياسات واستراتيجيات الحكومة الليبية عامة ووزارة التعليم العالي والبحث العلمي خاصة .
ان السؤال الذي يطرح نفسه الان هو لماذا يفكر طالب اوطالبة تحصل على قرار ايفاد في مثل هذه الافكار؟

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
[rtl]السلام عليكم جميعا [/rtl]
[rtl]اخواني رغم انشغالي بالدراسة لكن لما شفت سؤال الاخت و قريت التعليقات اللي معظمها قاسي للأسف حبيت نوضح شيء مهم و زي ما قال الاخ ( قرار ايفاد ) ممكن سؤالها من باب الفضول و العلم بالشيء ..[/rtl]
[rtl]بعدين في نقطة مهمة حضراتكم نسيتوها ليش الموفد أصلا يفكر في هالأفكار؟؟؟ ( حسب كلام الاخ amerabdulla) ... اني مريت بتجربة أليمة في اول شهور ليا في كندا .. انحرقت شقتنا بأكملها بسبب حريق في الشقة اللي فوقنا و للأسف خسرنا كل شيء بس الحمد لله اللي طلعنا على خير .. خسارتنا الكبيرة كان موقف سفارتنا اللي لما كلمناهم سألوا سؤال غبي ( انتم طلبة موفدين او على حسابكم الخاص؟؟ ) تخيلوا السؤال و احني كنا حرفيا في الشارع !!!!!! لما تمروا بموقف زي هذا تتأكدوا من حاجتين أولهم ( " إِنَّ رَحْمَةَ اللَّهِ قَرِيبٌ مِنَ الْمُحْسِنِينَ " ) و الثانية ( الأم مش اللي جابت .. الأم اللي ربت ) ...ليبيا خيرها علينا كلنا بكل تأكيد بس هذا ما يمنع ان الشخص ياخذ جنسية ثانية لأن للأسف ليبيا اللي نعشقوها ديما تربي في اولاد غيرها و اولادها ذوايح... [/rtl]
[rtl]اجابتي للأخت الطالب ما يحقله الجنسية لأن لازم يحصل قبلها الاقامة الدائمة و طبعا الاقائمة اقدري تقدمي عليها اذا كانت طالبة ماستر في اخر سمستر و ما تفكريش تقري دكتورا او اذا كنتي طالبة دكتورا و كملتي سنتين من قرايتك او اذا كنتي تشتغلي ليك سنة كاملة دون انقطاع او آخر حل اللجوء و للأسف في هلبه ليبيين قدموا على اللجوء خصوصا بعد الثورة و بعد مشكلة المنحة ...[/rtl]
[rtl]الله يعين و يفرج على بلادنا و يوفقنا نبنوها [/rtl]

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz

بارك الله فيك أخت حنان هدا الكلام اللي كنا انقولوا فيه الحصول على جنسية أخرى بالاضافة لجنسيتك الاصلية مش جريمة ولا هي خيانة للوطن بس خوتنا الليبيين ربي يهديهم عندهم حساسية مع حكاية الجنسية

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
شكراً لكل الردود مع أن بعضها كان غريب جداً  ...
علاش تتخيلوا إني بنهرب من البلاد!!!! وشنو مشكلة أني تكون عندي جنسية تانية إلى جانب جنسيتي الليبية !!!
صدقوني ما فيش حد قلبه علي ليبيا زيني ... لكن مش قادرة نشوف البلاد علي الحال اللي هي فيه توه ولا قادرة نعيش صغاري فيها .. وما تقولوش أنت حاولي تصلحي حال البلاد !!!!

أني نبي نحصل جنسية لصغاري لأسباب واللي من بينها أنه يكون فيه حكومة تحمي حقوقهم وترد بالها منهم وواضح إن الحكومة الليبية مش قادر عالشي هذا لحد توه... والسبب الثاني أن صغاري لما يكبروا نقدر نبعتهم يقروا برا لو ما حصلوش فرصة للدراسة علي حساب الدولة وانتم تعرفوا التعليم في ليبيا شنو وضعه..
وإن شاء الله ربي يصلح الحال ونرجعوا بشهاداتنا ونعمروها

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
ألف شكر ليك أخت حنان علي المعلومات الوافية اللي قدمتيها ونقدر تعاونك معانا رغم انشغالك ، إن شاء الله ربي يوفقك... وشكر لــ قرار إيفاد و Ghati علي ردودهم المتفهمة ...

أخت حنان لما قلتي: 
"..الاقائمة اقدري تقدمي عليها اذا كانت طالبة ماستر في اخر سمستر و ما تفكريش تقري دكتورا ..."
هل يعني هذا أني ممكن انحصل عليها حتى بعد سنة بس من وصولي لكندا لو بديت قرايتي مباشرة من غير دراسة اللغة؟ وهل نحصل عليها على طول بمجرد ما انقدم فيها وقداش نحتاج لوقت باش انحصل بعدها على الجنسية..
نبي نراسلك عالخاص لكن نقاطي ما تسمحليش ياريت لو تبعتيلي إيميلك عالخاص مع الشكر

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
شكرا الاخت (حنان- كندا ) على ردودك التى دائما تزودنا بمعلومات جديدة ومفيدة ، لذا تستحقي ان تكوني مشرفة فسم كندا وانت كذلك فعلا.

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
فيه ردود قاسية بجديات ,, بس السؤال هوا علاش الطالب يفكر بالطريقة هادى ,, هل من حقه والا لا ؟ يعنى توقعنى على تعهد وعقد كفالة وكفيل ,, والدولة مش متكفلة بتعهداتها لطلبتها ,, علاش ما يكونش فيه اتستراتجيات تخلى الطالب يستنى فى لحظة تخرجه باش يروح لبلاده ويبنيها ,,, 
بصراحة ما نلومش حد ,, انا كرهت كندا من كثر المصاعب اللى واجهتنى فيها ونستنى امتى نروح نبى نستريح فى بلادى ,, ولكن وين نهدرز على اخوة ليهم 5 او ستة سنوات يقولولى توا تروح المرواحة الاولى معاش تقدر تقعد ولا دقيقة  فى ليبيا لانك تعودت على النظام وعلى القانون والتسهيلات , وتبدأ تفكر فى صغارك وتعليمهم ومعيشتهم , 
أن شاء الله البلاد تتصلح وتتعدل لان بجديات بلادك بلادك مهما صار .

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
المشترك سأل عن الحصول على الجنسية الكندية... اللى عنده اجابه فالشكر له... اما عادة التدخل فى شؤون الآخرين و قراراتهم الشخصية امر غريب جدا... علينا ان نبدأ بأصلاح انفسنا اولا. وهل ان تحمل جنسية أخرى مع الليبية خيانة و عدم وطنية. الكثير من الليبيين المقيمين فى الخارج و لديهم جنسيات أخرى و الله أكثر حبا و طنية لليبيا من الكثير من الليبيين الذين لم يُغادروا ليبيا ابدا..
--------
الحصول على الجنسية الكندية اصبح صعب بعض الشئ فى السنوات الأخيرة.. اولا يجب ان يكون لديك مؤهلات لغرض الحصول على الآقامة الدائمة و التى قد تأخد من سنة الى خمس سنوات للحصول عليها حسب الحالة. وبعد الحصول على الآقامة الدائمة يجب ان تقيم فى كندا لمدة سنتين الى ثلاثة ومن تم تؤهل للتقديم على الجنسية. و للحصول على الجنسية قد يأخد من سنة الى ثلاث سنوات حسب الحالة

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
اذا صلحت البلد وصارت عزة فهى بلدنا ,واذا خربت وهدمت فلنا بلدان اخرى وسنبكى عليها من بعيد ,نعم والله نحبها وسنبكى عليها ولكن من بعيد. .

لا ادرى من سيبنيها؟ومن سيعيد لها مجدا حلمت به طوال سنين عطائها؟
متى نفهم ان خروج المتعلم سينشئ فارغا لجاهل يحتل مكانه؟
وحينها لن تبى البلد ولن يبنى لها مجد .

اذا كان بقائك فيها بشرط عطائها لك وحياتك السعيدة فيها ,والتنعم بكل ما تحب , فبئس الحب هذا وبئس البقاء.
انظرو لمن تريدون  التجنس بجنسايتهم كيف بنو اوطانهم واقرؤ كم صبرو وكم ذاقو من مر حتى وصلو >
ومن منا لا يبحث عن حكومة تحميه وتحمى ابنائه؟وبلد يعلم فيها ويتعلم ؟
وبلد يعالج فيها وووووووووووووووووووو
!!!!!!!!!!!!!!!!!!!!!!!!!

الكل ينتقم منها وكأنها ولددتكم عبيدا .
الحق افلج فمن شاء فليرضى ومن شاء فليلعن.

اعذرونى ما ودت المشاركة بهذه الحدة ولكن مُرّ ريقى على بلدى افقدنى صوابى.









لك الله يا ليبيا

_______________________________

اللهم اشغل قلوبنا بحبك ، وألسنتنا بذكرك ، وأبداننا بطاعتك ، وعقولنا بالتفكر في خلقك والتفقه في دينك.


علِم وَلدكَ القُرآنْ ، وَالقُرآنْ سَيعلِّمهُ كُل شَيء


قالوا: مسكين من لا يعرف الانجليزية.. قد يواجه صعوبة في فهم كلام الناس
فرد قائلا: مسكين من لا يعرف العربية.. قد يواجه صعوبة في فهم كلام رب الناس

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
NadaShawesh كتب:
ألف شكر ليك أخت حنان علي المعلومات الوافية اللي قدمتيها ونقدر تعاونك معانا رغم انشغالك ، إن شاء الله ربي يوفقك... وشكر لــ قرار إيفاد و Ghati علي ردودهم المتفهمة ...

أخت حنان لما قلتي: 
"..الاقائمة اقدري تقدمي عليها اذا كانت طالبة ماستر في اخر سمستر و ما تفكريش تقري دكتورا ..."
هل يعني هذا أني ممكن انحصل عليها حتى بعد سنة بس من وصولي لكندا لو بديت قرايتي مباشرة من غير دراسة اللغة؟ وهل نحصل عليها على طول بمجرد ما انقدم فيها وقداش نحتاج لوقت باش انحصل بعدها على الجنسية..
نبي نراسلك عالخاص لكن نقاطي ما تسمحليش ياريت لو تبعتيلي إيميلك عالخاص مع الشكر
الله يبارك فيك يا اختي ...زي ما قال خوي حسان الحصول ع الاقامة صار صعب و ما تقدرش تحصليها بعد سنة و بمجرد التقديم
حطي اي موضوع ع العام يا اختي بيش الكل يستفيد و خاصية الرسائل الخاصة راح تنفتح لما توصلي لعدد معين من المشاركات

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
amerabdulla كتب:
شكرا الاخت (حنان- كندا ) على ردودك التى دائما تزودنا بمعلومات جديدة ومفيدة ، لذا تستحقي ان تكوني مشرفة فسم كندا وانت كذلك فعلا.
الله يبارك فيك يا خوي كلامك في منتهى الرقي و يسعدني جدا أن تكون ردودي مفيدة... و الله من وراء القصد 

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
ﻻحول وﻻ قوة اﻻ بالله .. ماجزاء اﻻحسان اﻻ اﻻحسان. معقوله ليبيا تصرف عليك وتبي تاخد جنسيه في كندا حسبنا الله ونعم الوكيل ..

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
dannnna كتب:
ﻻحول وﻻ قوة اﻻ بالله .. ماجزاء اﻻحسان اﻻ اﻻحسان. معقوله ليبيا تصرف عليك وتبي تاخد جنسيه في كندا حسبنا الله ونعم الوكيل ..

تصحيح
( هل جزاء الإحسان إلا الإحسان ) الرحمن(60)

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
زعما يعطو جنسية

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
ربي يثبت العقل والدين

descriptionالجنسية الكندية للطالب الليبي؟؟ Emptyرد: الجنسية الكندية للطالب الليبي؟؟

more_horiz
لو سمحتوا يا خوتي اللي عنده اجابة يجاوب و اللي ما عنداش مافيش داعي للكلام القاسي ..الاخت سألت سؤال و يا ريت نحترموا رغبتها في أن تعرف الاجابة  و مشكورين
صلاحيات هذا المنتدى:
لاتستطيع الرد على المواضيع في هذا المنتدى