دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionان كنت كذلك فأنت بالتأكيد موفد ليبي  Emptyان كنت كذلك فأنت بالتأكيد موفد ليبي

more_horiz
ان كنت كذلك فأنت بالتأكيد موفد ليبي


أن كنت ممن تعرف عذة الاماكن ودوماااااا تراجعها فانت موفد ليبي

ادارة البعثات -السفارات -ورزارات التعليم والمالية - الخزينه
ليس فقط تعرفها بل تكاد تذهب اليها وانت مغمض العينين فقد اعتدت الذهاب اليها وزيارتها ومن الممكن ان تكون زياراتك لها اكثر من زيارة اقاربك


ان كان مقاس رجلك في الزيادة وحذائك قد اصبح بالي  من كثر المشى فأكيد انت موفد ليبي

ان كان لديك من الاوراق والنسخ من الشهادات يفوق ماكنت تدرسه ايام الجامعة اكيد انت موفد ليبي

ان كان هاتفك به من الارقام ما يفوق مدير الاعمال فاكيد انت موفد ليبي

ان كان موظفين المطار خاصة ان كنت من خارج طرابلس حفظوك فاكيد انت موفد ليبي

ان كانت عيناك محلقااااات من كثر القعاااد علي الكمبيوتر فاكيد ان موفد ليبي

اذا وجهك مصفر من كثر ماتسمع في الفجايه فاكيد انت ليبي

واذا وجهك برئ لكي تنهي معاملتك في البعثات فاكيد انت موفد ليبي

اذا جاك السكر والضغط فانت موفد ليبي وليبي اصلي

اذا كنت تهرب من اقاربك خوفا من اسئلتهم امتي السفر وشكله ماصارش منها المشية اكيد انت موفد ليبي

اذا كان موقع الموفد هو صفحتك الرئسية فاكيد انت موفد ليبي 

كم انت مكاااااافح ايها الموفد الليبي

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
كلمات في الصميم بارك الله فيك اللي عبرتيلنا على اللي  انحسوا فيه ومش قادرين انطلعوه والله حلقوا عيوننا من كثر التقعميز على الكمبيوتر واللي حارقني اكثر مافيش موقع حكومي تقدر تتجاوب معاه تشكيله همك ويعطيك الرد الشافي على كل شئ قبل ما تطلع احني الله غالب عليا ما نسافروش كان لتونس والله حتى تونس ما مشيتلها كان عليا السفر صعب علينا وفلوسنا محدودة لا صحاب برا ولا حد يعني الواحد يدوخ باش يوصل لمعلومة الله يعيننا وخلاص

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
صدقت ,,,,,,,,,, والله تعبنا من االاجراءات والاوراق والمشى والجى ان كنت كذلك فأنت بالتأكيد موفد ليبي  241993 ان كنت كذلك فأنت بالتأكيد موفد ليبي  241993 .... واحنى قاعدين زى قبل ورق ورق ورقstudy study study  ..لين كرهت نشوف الورق ... ومن كتر الاسئلة شن صار فيك امتى بتمشى امتى السفر ان كنت كذلك فأنت بالتأكيد موفد ليبي  637898 ان كنت كذلك فأنت بالتأكيد موفد ليبي  637898 ... ومن الاشاعات والقرارت المفاجئة القرا بيوقفوه السفارة مسكرةان كنت كذلك فأنت بالتأكيد موفد ليبي  660451 ان كنت كذلك فأنت بالتأكيد موفد ليبي  660451 affraid affraid ........ ربي يعينا الحق ويسهل امور كل طالب موفد والله ياموفدين ديما ندعيلكم ربي يوفق كل طالب علم .cheers cheers ...

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
ان كنت كذلك فأنت بالتأكيد موفد ليبي  957420 واقع مريـــــــــــــر جداً  
 سلمت يداك منتدى الموفد

_______________________________

كل لحظة وأنتم في أجمل احتمالاتكم ان كنت كذلك فأنت بالتأكيد موفد ليبي  347839

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
هههه والله فعلا .. هدا يلي صاير وخاصة سؤال الاهل امتا السفر ..

_______________________________

**مــــــــ خرج ــــن في سبيل العـــلـــمـ فــهـــو في سـبـيـل الله حتـــــــــــ يعود ـــــــــــــى**

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
انا من الحشمه مقلت لحد ان عندي ايفاد حتى اهلي مايعلموش.ان كنت كذلك فأنت بالتأكيد موفد ليبي  347839

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
إذا عرف المؤمن حقيقة الدنيا وفهم المراد من وجوده فيها فإنّه يحيا حياة طيبة ولا تضرّه تقلبات الدنيا وحوادثها بل ينتفع بحلوها ومرّها ، فعَنْ صُهَيْبٍ قَالَ قَالَ رَسُولُ اللَّهِ -صلى الله عليه وسلم: عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلاَّ لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ. رواه مسلم .
(منقول للفائدة)

وفق الله الجميع وأصلح لنا إداراتنا ومسئولينا، وبما أننا في طور بنا هذا البلد الطيب فأنا متفائل بأنه عندما يرجع الموفدين للدراسة لبلدهم ويمسكوا مناصب سوف تتغير الامور الى الفضل إن شاء الله ولن يعاني الجيل القادم بما مررنا به نحن..

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
مايكتسبه الموفد الليبي 
الطيبه تجده طيب لابعد الحدود 
الصبر تعلم الصبر والانتظار 
متواضع يرضئ بالقليل المهم يطلع ايفاد 
اللغات اكتسب اللغه من مجرد استخدام الترجمه والكتابه 
تعلم فنون استخدام الكمبيوتر فهو يقضي اغلب الوقت علي الكمبيوتر 
حنون يتفاعل ويساعد كل من مر بتجربه مثله 
لين ويتحمل كل الاهانات ومعامله الموظفين بالبعثات وعفو ويصفح عن الجميع 
خبير بجميع الدول من ناحية اسماء مدنها طقسها اقتصادها اشهر جامعاتها 
لم شمل عيلته فتجدهم كلهم منشغولون بموضوع ايفاده 
اكتسب العديد من الاصدقاء (المصلحة ) اللذين يساعدونه ويساعدهم 
خبير بالمطارات وطرق الحجز والالغاء مواعيد سفره 
لديه درايه بهيكليه عمل الوزارات ومواعيد عملها 

كل هذا والعديد 
كلها من ايجابيات ان تكون موفد ليبي 



فأفتخر انك موفد ليبي

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
والله هذا الواقع المر

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
السلام عليكم
كلام فى عن الصميم

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
صدقتي وفي الصميم أصبتي

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz

niceday كتب:
ان كنت كذلك فأنت بالتأكيد موفد ليبي 
ومن منا ليس كـــذلك ..!!  وأظن والله أعلم سيبقى هذا الحال إلى أن يرحمنا الله ..
:
سامحكِ الله ياأختي .. نكأتِ الجراح ..  وقلبتي علينا المواجع .. 
فعلًا الموفد الليبي .. إنسان مكافح بل مكافح من الدرجة الأولى .. وفي رحلة كفاحه يجد نفسه يدفع في ضريبة باهظة الثمن من جهده ووقته وصحته وماله ..
:
بالنسبة لزياراتنا لتلك الأماكن المشهورة .. عندي إنطباع إننا زوار ثقال الظل على أهل تلك الأماكن .. فلا نجد إلا التكشيرات والعبسات إلا ما رحم ربي  .. ومع ذلك لا يمر اسبوع إلا ونرجع لهم .. 
على العموم 

بالنسبة لي أحيانًا أشعر إن الطرقات لو تكلمت .. لصرخت قائلة " تعبنا منكِ .. ألم تتعبي بعد
والضغط والسكر .. أسأل الله أن يحفظ الجميع منهما .. هما نهاية حزينة لموفد مكافح .. ليبي أصلي 

Abdo_ask
إذا عرف المؤمن حقيقة الدنيا وفهم المراد من وجوده فيها فإنّه يحيا حياة طيبة ولا تضرّه تقلبات الدنيا وحوادثها بل ينتفع بحلوها ومرّها ، فعَنْ صُهَيْبٍ قَالَ قَالَ رَسُولُ اللَّهِ -صلى الله عليه وسلم: عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلاَّ لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ. رواه مسلم .
بارك الله فيك لهذه التذكرة .. ولا نقول سوى الحمد لله ..
حتى ولو كنا موفدين ولكن إلى حين إشعار آخر ..

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
يوميات موفد ليبي 

عايش علي اعصابك وانت تراجي في ورقه من البعثات باش تلحق الموعد وخصوصا كانك من خارج طرابلس ومعتمد علي الله ثم مندوبين جامعتك 
وايام الاسبوع كلهن ناسيهن الايوم الخميس طبعاااا الخميس هذا يوم مرواح المندوب من طرابلس 
قدامك الجمعه والسبت عطلة ونايض من فجور بس علشان تمشي جري للبعثات وانت فرحان واخيرا ورقتي اكيد وصلت هما قالولي انها حتكون جاهزة وحيروح بيها المندوب 
في هذا الوقت انت تكون احدى الحالتين 
الاولى يردوا عليك ويقولولك راهو مازال ماجت الورقه 
والثانيه ان كنت محظوظ بس ماتفرحش مش محظوظ واجد يقولولك الورقه وصلت وتبدا انت في جو التزمزيك لجماعه البعثات بارك الله فيك وشكرا وربي يحفظكم ووووووو
ومروح تجهز اوراقك لموعد السفارة اللي بعد بكرة واللي ماحصلته الا بطلوع الروح وردوا فيك الروح انك حصلت الورقه قبل الموعد 





ولحظة الصدمه وانت توتي في اوراقك للموعد اللي هو بكرة 
تلقي رساله الدعم الخاصة بالتاشيرة 
اما غلط في اسم المرافق او اسمك او تخصصك او الدرجه الموفد اليها او صلة المرافق بك ولدك ايديروه زوجك ووزوجك خوك وخوك راجلك وووووو
او الختم الحراري مش قاعد علي الورقه 


لحظتها يتلون وجهك بجميع الالوان ويخفق قلبك بجميع النغمات وتهتز انامك كل درجات الاهتزاز ويخطر في بالك فقط ياريت المندوب توا قدامي وياريتني نقدر نسحب كلمات الشكر اللي مستعجل وقلتهم له ويااااريت يخلوا كل موفد يطبع ورقته بروحه وخلاص 

اذا مررت بهذا الموقف فأنت بالتأكيد موفد ليبي

descriptionان كنت كذلك فأنت بالتأكيد موفد ليبي  Emptyمرحبه

more_horiz
فعلا بس الحق بعد تمشو لبلد الدراسه وتدرسو وتتبهدلو في القرايه والاجراءات وووووووووووووووووووووووو وفي الاخير تروح مرفوع الراس
تحس ان تعب اجرءات البعثات والسفر والدراسه واجرءات التخرج كان متعه وتتمنى لو تكرر
تعرفو انا نبي نعاودها من جديد ونعاود الذكريات الحلوه
وربييوفق الجميع يارب

_______________________________

ربى أبعدني عن من يُظهرون لي حبهم
وفي باطنهم [ خـبث لا ينتهي ] ..!!

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
اااااااكيد انتِ موفدة ليبية 


جائها قرار الايفااد وتحساب الموضوع حاجه كويسه فرحانه بطير من الفرحه وفي بالها 
بنطلع بنكمل مشواري ومفتخرة ومافي حد في العيله والاقارب والجيران والاصدقاء الا وقالتلهم 
وامها وبوها وخواتها وخوتها مايهدرزوا مع الناس الا بنتنا جاءها ايفاد وبتطلع وبتقرا بره 

باهي زعمك من بيمشي معاي 
امها توا العرساااان طوابير ايجوك غير استني 
وتراجي واهم ايجو اهم يدقوا الباب 
وجوا تبدا هي تحط في معايير للعريس وشروط 
يكون متعلم  ومش اي تعليم ضروري عالي 
ايكون. كبير في السن وقد المسؤوليه 
يكون متفهم ويتحمل يبدل نفسه ويتمم الاجراءات الايفاد متاعها 
وكان طلعوا لبره يتحمل غذاء مافيش عشاء متاخر او يدير بروحه او ياكل بره 
ويمد وجهه في الشقة لوحدة لين  تروح  من جامعتها وووو يتحمل يمسك العيال ووووووووو
هذا اذا حصلت عريس بالمواصفات هذة 
وتلقاها قاعدة تراجي وبنات عيلتهم كلها ومن غير ايفاد جاهم العرسان وعندهم حتي صغار 
وانتي خليك في خيبه الايفاد 

جاء دور الاخ يقعد خوها توا هدفها باش يطلع معاها
وتبدا في جو التزمزيك واللي يبيها باهي وحاضر غير تربح اطلع معاي 
وتبدا تنسج له الاحلام انه هذة فرصه لك تقرا علي حساب الدوله وتطلع معاي بره 


والمسكين غير يوصل يراجي امتي تحن عليه البعثات بقرار انه يضموه لاخته ويقرا 
هذا اذا طلع ووافق 




مجاهدة انتِ ايتها الموفدة الليبيه

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
بالرغم من شدة الظروف  وصعوبة المعاناة ،الا ان المثل الليبي يقول ( الي يستنى  خير من الي يتمنى) !!!

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
وتستمر معاناة المواطن الليبي ... حسبنا الله ونعم الوكيل ...

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
وتستمر يوميات الموفد والموفدة

علي اعصابك في كل شئ تتبع الاخبار وانت خايف كتيبة مسكره شارع او مشكله بينها وبين كتيبه ثانيه
والسفارات مايصدقوا يسمعوا طلقه رصاص دغرررررررري يسكر السفارة
والبعثات ابسط مشكله مع مراجع يديروا اعتصام ويسكروا
والموظفة اللي تغيب يوم او اثنين مايحطوا بديل لها
ركزوا معاي الموظفه مش الموظف وانتم عارفين قصدي من

وووووووووو
انت اكيد موفد ليبي لو مريت بهذة المواقف

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
اذا كنت من دوله لايحكمها الا من يعرف القتل واساله الدماء بدون اسباب والحريه لها معني اخر مختلف عن معناها الحقيقي

فأنت اكيد موفد ليبي

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
عصيان عصيان عصيان
يعني اغلاق كل المصالح وخااااااصة تلك التي هي البيت الثاني للموفد لان اغلب وقته فيها



واقعد ياموفد بدال ماتراجي اسبوع تقعد في اسبوعين
والحكاية تطول

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
أنا صارلي زي الأخ accountant مزال ماقلتش لحد .... حتى زوجي لو مش إن الإجراءات تتتطلب مني نمشي لأماكن مش متعودة عليها زي البعثات والداخلية والخبرة القضائية وووووو..... راني ماقلتلاش .... علاش ؟ لأني ما نبيش النقان متى وكيف ووين وانا بروحي تايهة وماعارفة راسي من رجلية  

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
اذا كنت موفد ليبي فبأتاكيد مريت بهذة الظروف
اعصاب مشدودة عن اقتراب موعد السفر
ووجه البراءه لديك كي تحاول كسب رضى الجميع كي يدعو لك بالتوفيق
اله حاسبه اصبحت فالان من الضروري ان تحسب لكل قرش اين ستصرفه وكم هي المصاريف
تبدا في تجهيز الحقائب واخذ التذاكر لان بالتأكيد البعثات مازال ماطلعوا التفويض وماراح تستني حق التذاكر لان اكيد كورس الدراسه قريب يبدا وتبدا في الشحته من فلان وعلان خوك اللي من قبل كنت تتنرفز لو طلب منك حاجه اديرها تلقي روحك توا حمل وديع غير شنو تبي ياسويدي

لانك بعد يومين حتجي تطلب منه مبلغ وطبعا ضروري تكون مرطب قلبه عليك قبلها
تجي تبي تجهز الشنطه
الموديلات القديمه اللي من قبل كانت مش عاجبتك من لبسك وكنت اتقول  من ضربني علي راسي وخلاني نشريها قبل
توا عندك وووووووين حاجه ولا اي ماركه وستايل المهم توفي بالغرض لان ماعندك حق تشري حاجه جديدة
الكنادر اللي كنت عازقهم في دار الخزين والعنكبوت عاش فيها وسكن اعياله الدور الثاني فيها توا تقعد ادور فيهن وتلمعهم وتقول كني هبل وعازقهن
رصيد الهاتف اللي قبل يكمل في يومين توا متعدل بالضبط انه يكمل علي قصاد المشيه
وخلي عنك اللبسات االلي حتاخذهن من خوتك ليله المشيه ولامن شاف ولامن دري
ووووووووو
علمك الايفاد حاجات واااااجده
وان شاء الله ايصير منك في الاخر ^^

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
انه الواقع المرير .. بالفعل الموفد الليبي يواجه المصاعب
سلمت يداك

descriptionان كنت كذلك فأنت بالتأكيد موفد ليبي  Emptyرد: ان كنت كذلك فأنت بالتأكيد موفد ليبي

more_horiz
طبعاً مازلت حاجه مهمه لآزم اديرها وهي السيارة متاعك وعاد كيف حالك وشن يبي ايبيعها

خصوصاً اذا كنت ماشي لدراسة اللغه وتبي تعقب اقريشات للعائله الي رفضوا اعطائها التأشيرة
صلاحيات هذا المنتدى:
لاتستطيع الرد على المواضيع في هذا المنتدى