دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

الي كل طالب يفكر في القدوم لكندا للدراسة

descriptionالي كل طالب يفكر في القدوم لكندا للدراسة  Emptyالي كل طالب يفكر في القدوم لكندا للدراسة

more_horiz
السلام عليكم:::

بعد تحياتي cheers:

اود ان اقدم بعض النصائح للطلاب الموفدين الجدد واللي حاطين الساحة الكندية من خيارات ساحات الدراسة ، اخوتي اولا ممكن الاجابة ع بعض الاسئلة وهي:
1- هل انت موفد دكتوراء او ماستر؟
2- لو موفد دكتوراء .. ما هي الساحة التي درست فيها الماستر؟
3- اخي الموفد ما وضع انجليزتك ؟ يعني اما مستوي انت ؟ وهل درست دورات قبل في الانجليزي او لا؟؟
4- بالنسبة للدكتوراء ... ما هي مهاراتك وخبرتك في مجال تخصصك؟؟ وخاصة للمجالات التطبيقة!!! هل عندك خبرة في استخدام الاجهزة المتطورة ؟؟؟؟
5- هل لديك معدل عالي يفوق 75% بالنسبة للبكالوريس والماستر3.5 ؟

والآن بعد هذه الاسئلة لذي بعض النصائح تبقي فقد رأي شخصي .... فهي لا تدل علي صعوبة الساحة او اي شي اخر فقد من تجارب الآخرين نستنج الطريق الصحيح من الأول ونسلكه..الي كل طالب يفكر في القدوم لكندا للدراسة  347839 ::
اخي الموفد كما نعرف كلنا ان كندا من الدول المتقدمة في العلم والدليل ان جامعاتها قد تنافس جامعات امريكية في مستوي التعليم . وهناك شي اخر هو ان الجامعات الكندية كلها تتبع الحكومة يعني لا توجد جامعات خاصة كما هو الحال في امريكا وباقي الدول الاخري وكذلك تعتبر محدودة في العدد ومحدودة في التخصص وجميعها دات مستوي عالي في التعليم يعني بالعربي قوية.... وبالتالي تطلب في متطلبات عالية متلا الايلس 6.5 حتي 7 او اكتر في بعض التخصصات وهنا نرجع للسؤال رقم 3؟؟ شن وضع انجليزتك فنصيحتي هنا تكمن .. عند اختيارك للساحة الكندية يجب ان تضع في حسابك انك لازم اطور من مهارتك في الانجليزي قبل ما تمشي لكندا اقل حاجة يكون عندك مستوي الانتر..لان 6.5 او 7 في سنة قد يكون صعب ان تتحصل عليها الا في حالة بتثني ركابك ثنية باهية study  !! اما بالنسبة للسؤال التاني اخي الموفد من الاخير لو قريت الماستر في ليبيا حا تواجه مشاكل عده نبدها بالقبول وما ادراك ما القبول اخي تعرف ان القبول لما تراسل دكاتراء ما دابيك تكتبلهم اقوي نقاط القوي عندك صح؟؟ لكن اقوي نقطة المفروض تكون هي اضعف نقطة كانتالي كل طالب يفكر في القدوم لكندا للدراسة  660451 زيما نعرفو كلنا قلت الامكانيات في معامل ليبيا وقلت الخبرة وضعف اداء اعضاء هئية التدريس الحصيلة ضعف الطالب ومنها عدم قدرته علي استخدام ابسط الاجهزة في معامل كندا !!!!!!
//// السؤال 5 المعدل @@ المعدل يا خوتي ضروري تعرفو الجامعات يطلبو في معدلات قد تصل الي 80% بالنسبة للبكالوريس والماستر 3.5 اقل شي في بعض الجامعات وها المعدلات هادي نادرة في جامعاتنا مع قفاصة الدكاتراء الي كل طالب يفكر في القدوم لكندا للدراسة  650563...ولهذه الاسباب ادرسو الموضوع واوزنوه كويييييس لان تغير الساحة ليس بالآمر الهين ! وارجو منكم ان لا تسيؤ لما كتبته اتمني ان تاخدو الموضوع من جانب الاخوة والصداقة فقط ..... واكرر هذا عن تجارب ......ومع هذا ليس مع الله ومع الاصرار والعزيمة صعب الي كل طالب يفكر في القدوم لكندا للدراسة  637898.. اثمني لكم النجاح والتوفيق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
قالوا شن جبرك ع المر قاله اللي أمر منه.
بارك الله فيك يا خونا ونسأل الله أن يعيننا ويسهللنا

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
الله يبارك فيك وانت ذكرت نقاط مهمه

ربي يعينا وبالتوفيق للجميع

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم ورحمة الله وبركاته
مشكور خونا علي الموضوع وأنا معاك في كون الطالب لازم يدرس الساحة كويس ويعرف مستواه وشروط القبول بعدين يتوكل علي الله ؟؟ بس فيه سؤال آخر لم يذكر وهو ماهوا تخصصك ؟؟ يعني كيف ما سمعت والي لقيته بالبحث أن التخصصات الطبية والزراعية قبولها صعب والمنافسة قوية  في كندا لاكن تخصصات زي علوم الكمبيوتر ماجستير متوفرة بكثرة ومش صعبة والله أعلم.

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
بارك الله فيك على النصيحه

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
ربي يبارك فيك

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
اولا : شكرا للجميع وهذا من واجبي وواجب اي طالب يقرا في كندا ان يقدم النصائح للطلاب الجدد حتي لا يقعو في الخطأ الدي ربما وقع فيه من سبقهم.....
تانيا : اخي سلطان صحيح كلامك بالنسبة لنوع التخصص حتي هو يعتبر نقطة اساسية في مدي فرصة قبولك وكما دكرت ان الماستر نسبة قبولهم اكتر من الدكتوراء بصفة عامة لو كانو في ضمن الشروط المطلوبة وبالنسبة لتخصص الكمبيوتر والاتصالات بصفة خاصة ....

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم
سؤالي ليك أو اي أحد يعرف الاجابة
يا أخي اني في حالة اصدار قرار الايفاد فأني افكر في الدراسة في كندا بقوة (تحضير ماجستير) لأن عندي صديق غادي وتخصصي اقتصاد ومعدل جيد 67% فهل يقف عاقب امام قبولي في الجامعات الكندية لان ابحث في الموضوع وادرس فيه أو افكر في ساحة أخرى
وشكرا

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم ,,, مشكور أخي على هذه المعلومات القيمة التي أفدتنا بها ,أنا متحصلة على الماجستير من جامعة طرابلس بالترتيب الأول على كلية الهندسة بمعدل عام 3.87 ومرشحة لدراسة الدكتوراه 
عند التقدم للحصول على قبول أكاديمي هل يتم النظر في معدل البكالوريس أيضاً أو فقط يتم سؤالك على معدل أخر مرحلة دراسية قبل الدكتوراه؟ أرجو الإفادة شكرا

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
اخي شريف بالنسبة لقبول التخصصات زي الاقتصاد بصراحة صعب وقد يكون جدا وانت معدلك جيد يعني فيه من ينافس فيك بمعدلات اعلي منك ممكن تقدر تخش ع الجامعات الكندية وانت قاعد في ليبيا وتشوف قداش طالبين بسيطة جدا صح تاخد منك شوية وقت في البداية لكن بعدين تبدا تلعب فيهم تسعة ... ننصحك انك تفكر كوييييييييس في الساحة وخاصة تخصصك انت من اكتر التخصصات صعوبة في القبول ع مستوي كل الساحات وبالتوفيق..

اختي حيات .. تقديرك ممتاز جدا وضمن متطلبات كل الجامعات في كندا ع ما اعتقد .. لكن معدل البكالوريس حتي هو ضروري جدا لكن ياخدو بس في السنتين الاخيرات في قرايتك البكالوريس ... والنقطة المهمة ان الدرجات تتغير ع حسب معدلاتهم في الجامعة الكندية لان في كندا الجيد جدا يبدا من 70% والممتاز من 80% يعني مرات معدلك يزيد ...... بالنسبة لتخصص الهندسة والكمبيوتر والاتصالات فرصة القبول اكتر من باقي التخصصات ........ لكن نصيحة انك تشوفي الجامعات وانتي في ليبيا وتراسلي الدكاتراة قبل ما ادجي لكندا هكي تضمني مكتنك اكتر في القبول الاكاديمي .......وبالتوفيق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
الي كل طالب يفكر في القدوم لكندا للدراسة  Iksr
مشكور خونا علي تجاوبك معانا  بديت نبحث علي الجامعات ونشوف في المتطلبات بس ماعرفت 3.0 كم تساوي بالنسبة المئوية % أنا بديت بجامعة  Dalhousie University
وبنرفق صورة لمتطلباتهم في المعدل واللغة لتعم الفائدة .

الي كل طالب يفكر في القدوم لكندا للدراسة  Iksr

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz

مشكور خوى , نبي نسئل عن دراسة الدكتوراه تخصص علم الحيوان  فى جامعة تورنتو هل يمكن ان نجرى المقابلة على النت ونحصل القبول سمعت ان اسرع من السفارة   ..............وباراك الله فيكم  



 

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم ورحمة الله وبركاته
بالله نبي أنزيد عليكم خوكم مليات تساؤلات نبي تحويل الدرجات الي في الرابط نفس التحويل للنضام الكندي

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
 جامعةDalhousie من اكتر الجامعات تسهلا في القبول ومع هدا شوف المعدلات اللي طالبينها .. لان الجامعة هادي جاية في مدينة او منطقة بعيدة عن كل المدن الكندية وجوها صقع هلبا هلبا هدا علاش يتسهلو نوعا ما في القبول والمعيشة فيها صعبة نوعا ما.......اما بالنسبة لتحويل الدرجات مش انت اللي بتحولهم انت بتعطيهم الكشف زيما هو وهما يحولو بروحهم بطريقتهم لان كل جامعة عندهم طريقة معينة وخاصة بيهم ..... 

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
اختي سوما بالنسبة لجامعة تورنتو من اقوي الجامعات في كندا وهي موجودة في الداون توان يعني في سنتر البلاد ,, بالنسبة للمعدلات اللي يطلبو فيها عالية هلبا لكن عندهم ميزة بالنسبة للانجليزي لو تكمل عندهم الكورسات ما يطلبوش منك الايلس عندهم 6 كورسات وكل كورس 3 شهور لكن كنا انجليزيتك كويسة تخشي ع الرابع والا الخامس طول ميزة مش عادية بصراحة... كان معدلك ضمن شروطهم تقدري تراسلي دكاترة من وانتي في ليبيا عادي جدا خشي ع الويب سايت متع الجامعة وبعدين خشي ع التخصصات واختاري تخصصك وبعدها خشي ع الستاف يعني الدكاترة في تخصصك واختاري الاقرب لتخصصك وابعتيله ايميل مختصر واهم حاجة تكتبي فيه انك عندك سكولارشب يعني رسالة دعم مالي من الدولة الدولة هي اللي بتخلص عليك وما تكتريش الدوة هلبا ....... وبالتوفيق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
مشكور علي الرد خوي زدت شفت واترلو   University of Waterloo  نفس المطلوب تقريباً 75% في البكالوريوس هدي الدرجة واللغة 7 في الآلتس وفي بعض التخصصات 6.5
بس سؤال هل المكتوب في الموقع يطبقو فيه من غير أسثتناءات !! يعني ماتنفعك سنوات خبرة عمل أو شي آخر ينفع. كترت عليك خونا بارك الله فيك .
وهذا موقع الجامعة https://uwaterloo.ca/graduate-studies/application-admission/review-admission-requirements/international-student-admissions-guide

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
ايووو واترلوو جامعة مليحة ومحترمة ومنطقة هادية وفيها ليبين عدد كويس وناس محترمة ما شاء الله ووترلو قريبة من ترونتو يعني حتي بتهيج مرة مرة تمشي ساعة بالسيارة وساعة ونص بالباص ........ بالنسبة للانجليزي تقدر تكمل عندهم المستويات وخلاص ما يطلبوش منك الايلتس .. والمعدل يتغير ايزيد تقريبا لان هم زيما دكرت سابقا الجيد جدا يبدا من 70 % والممتاز من 80 %

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم
بارك الله فيك اخي عالمعلومات ، سؤالي اخي انا موفد جديد وإن شـاء الله حصلت قبول من معهد لغة جامعة البرتا في ادمونتون وإن شـاء الله  ناوي نكمل في الجامعة ،،،   
اخي شنو معلوماتك عالجامعه يعني من حيث شروط القبول وغيره والمدينة والاجواء بشكل عام  يعني كويسة 
وبارك الله فيك

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
السلام عليكم



أخى الكريم انا واعوذ بالله من كلمة انا  متخرج من جامعة عمر المختار -البيضاء وتخصصي هندسة وعلم المواد بمعدل 72% وانا ان شاء الله  لقد وضعت كندا من الجهات التى قد اتجه اليها . ماهى الجامعات التى تقبل هذا المعدل هو بكالوريوس ...واللغة ضعيفة شوي .... وانا معيد حاليا فبماذا تنصحني بارك الله فيك ......الي كل طالب يفكر في القدوم لكندا للدراسة  660451 الي كل طالب يفكر في القدوم لكندا للدراسة  660451 







والسلام عليكم ورحمتة الله وبركاته

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
اخي senrand1972  بالنسب لجامعة البرتا كويسة ما داما تخصصك فيها توكل علي ربي بالنسب للمعدلات اللي يبوها خش علي الويب سايت متع الجامعة وتلقي كل المعلومات عليها ومادابيك تراسل دكاترة من توا خير ما يضيع عليك الوقت بالنسبة للجامعة البرتا واي جامعة في كندا تقدر تخش عليهم من المنشور المتبث في المواضيع الاولي ... وتقدر تخش علي صفحة اتحاد الطلبة في كندا في الفيس بووك تعرض سؤالك باذن الله فيه من يجاوب بكل دقة من الناس الموجودة في الصفحة...... ربي يوفق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
اخي عبدالرحمن عبدالواحد طبعا قبل كل شي انت تخصصك هندسة وتخصصك موجود في معطم الجامعات وبصراحة معطم الجامعات يقبلو فوق 75%... لكن معدلك قريب ما تندريش مرات تحصل عادي لو انجليزتك كويسة مرات يتغاطو علي المعدل وخاصة مش فرق كبير!!! لكن انت قلت الانجليزية بلهون بصراحة خوذ بالنصيحة لازم تقرا انجليزي كويس في ليبيا وتضغط علي نفسك باش تكون مستريح هنا يعني الغربة صعبة ونفسيتك مش حا توفرلك الجو الملائم للقراية هلبا كلنا ليبين ونعرفو بعضنا يعني مش متعين قراية ونحبو نقرو هلبا هلبا ... فحاول انك تضغط ع نفسك وانت في ليبيا افضل بهلبا وانت في كندا وان شاء الله وصلت هههه....... شوف الجامعات خش ع مواقعهم لازم تتعلم لان هادي خدمتك لما توصل لكندا 24 ساعة وانت تفتش لازم تعتمد ع نفسك من توا تعلم بالوسع ما دامك فاضي الوقت في كندا مفيشي فضوي بكل ..... بالتوفيق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
مشكور خونا علي رحابت صدرك وأنشاء الله ربي أيعاونك ويعطيك ما تتمني ::. بعد دوارة وبحث لقيت جامعة McGill الي في مونتريال هي الوحيدة الي تعتبر الدرجة من ليبيا 65% الي 74% تعادل B  يعني 3 يعني أكيد يقبلوني مع أنها جامعة عالمية معروفة ويستر الله والبحث لازال جاري ........؟

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
ما شاء الله ناشط كويس احسن حاجة اديرها .... لان لما توصل لكندا مش حا تفضي القراية ضغط هلبا !! جامعة ميغيل جامعة عريقة من افضل الجامعات في كندا والاحسن اللي فيها تقبل من 65 لطلبة الليبين ..مشكلتها جاية في مونتريال ومدينة مونتريال ناطقة باللغة الفرنسية اللغة الاولي والانجليزية اللغة التانية يعني الناس يتكلمو باللغتين لكن الفرنسية هي الشعبية !!!!!! هكي تبقي مشكلة اللغة لان لازم بدير براكتس في الشارع والسوق وحتي بالسمع .... انا بصراحة ما مشيتلهاش لكن يحكو عليها من ناحية المعيشة ممتازة جدا رخص وراحة طبعا فيها عرب هلبا هلبا !!! ممكن انا بنمشيلها شهر واحد بنقرا في نفس الجامعة ميغيل .......... بالتوفيق

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
 [السلام عليكم ورحمة اللة وبركاته ]
اولا شكرا اخى على المعلومات
لو سمحت نبى نستفسر انا طالب اكديمى فى الاكادمية االليبية جنزور وتحصلت على افاد واخترت الساحة الكندية فهل من الممكن ان يتم تعديل المواد التى تم درساتها فى الاكادمية الليبية مع العلم انى متحصل على دبلوم عالى فى هندسة الطرق ودرست مواد استدراكية حتى تم قبولى فى الاكدمية الليبية وشكرا
الرجاء الافادة

descriptionالي كل طالب يفكر في القدوم لكندا للدراسة  Emptyرد: الي كل طالب يفكر في القدوم لكندا للدراسة

more_horiz
جزاك الله خيرا على هذه الملاحظات وبالتوفيق لك ولكل الطلبة باذن الله
صلاحيات هذا المنتدى:
لاتستطيع الرد على المواضيع في هذا المنتدى