دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

قرار جديد من ادارة البعتات والمكتب الكندى تعجز اللغات عن وصفه

descriptionقرار جديد من ادارة البعتات والمكتب الكندى تعجز اللغات عن وصفه  Emptyقرار جديد من ادارة البعتات والمكتب الكندى تعجز اللغات عن وصفه

more_horiz
قرار جديد من ادارة البعتات والمكتب الكندى تعجز اللغات عن وصفه  3cf7
فى الوقت الذى نشاهد فيه دولا مثل البرازيل والسعودية تعمل على توفير القبولات للطلبة الدارسين فى الساحة الكندية ,, او زيادة فترة اللغة لتصل الى العامين ,, يأتى قرار جديد ينضم الى روائع قرارات ادارة البعتات .
لايكفى ان المنحة تقطع من حين الى اخر واصبحت عادة فى الاعياد والمناسبات
لايكفى ان خدمات التأمين الصحى منعدمة تقريبا
لايكفى عدم توفير قبولات من الجامعات هنا اسوة بباقى الدول
لا يكفى المطالبة بأن يكون الطالب مسئول عن الحصول على قبول اكاديمى وفى نفس الوقت دراسة اللغة التى تعتبر احد متطلبات الحصول على القبول الاكاديمى . ووقت التقديم محدد وينتهى فى وقت محدد .
كل ذلك وغيره غير كافى .
الان من لم يرد عليه مشرف او لم تعبره الجامعات هنا عليه بالرجوع ! ويا خسارة المصاريف وتضيع الوقت وخلاص .
بدل أن يتم دعم الطالب للحصول على قبول فى اى بلاد متقدمة علميا . ما حصلتش قبول روح .
مش مشكلة اهو نحصلو لغة على الاقل نقدرو نتكلمو بالانجليزى مع جماعة الادارة وين نروحو ..
نص رسالة المكتب الكندى للخدمات
December 2nd, 2013

Dear Libyan Students in North America,
Please note, CBIE has received instructions from the Ministry of Higher Education and Scientific Research in Libya to stop processing "Transfer" requests to another country, as the Ministry will no longer accept these requests.

Please click here to find a copy of the received decree.

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
الله أكبر

هم هذا اللي فالحين فيه .. تحطيم الطلبة

لا حول ولا قوة إلا بالله

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
ما فهمتش مضمون النص بشكل كامل؟

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
مضمون الرسالة يا اخى ,, لو ما حالفكش الحظ متلا تراسل فى الجامعات هنا وما يرد عليك حد ,, او يرد عليك دكتور ويقولك ( انا معبى لمدة سنة ما نقدرش نقبل طلبة جدد ) . ما حصلتش قبول هنا , ولكن حصلت قبول فى امريكا او بريطانيا او ماليزيا بعد ان اكملت متطلب اللغة . القرار الجديد يقول لالالالا ممنوع روح طول . قريت اللغة ساد واحمد الله ان حصلت قريت لغة . ما تحلمش انك تقرا دكتوراة او ماجستير مرة تانية

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
لا حول ولا قوة الا بالله

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
قرار جديد من ادارة البعتات والمكتب الكندى تعجز اللغات عن وصفه  3cf7

descriptionقرار جديد من ادارة البعتات والمكتب الكندى تعجز اللغات عن وصفه  Emptyرائي

more_horiz
osama44 كتب:
مضمون الرسالة يا اخى ,, لو ما حالفكش الحظ متلا تراسل فى الجامعات هنا وما يرد عليك حد ,, او يرد عليك دكتور ويقولك ( انا معبى لمدة سنة ما نقدرش نقبل طلبة جدد ) . ما حصلتش قبول هنا , ولكن حصلت قبول فى امريكا او بريطانيا او ماليزيا بعد ان اكملت متطلب اللغة . القرار الجديد يقول لالالالا ممنوع روح طول . قريت اللغة ساد واحمد الله ان حصلت قريت لغة . ما تحلمش انك تقرا دكتوراة او ماجستير مرة تانه


من رائي انه القرار ماطرقش لمواضيع غير انه عدم قبول طلبات النقل اي من ساحه الي اخري ؟؟؟؟؟؟؟؟
هل في حد فهم الموضوع مثلي ؟؟؟؟؟؟؟؟؟؟؟

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
القرار واضح يا أختي هند ممنوع النقل من ساحة لأخرى.....
بس السؤال الطلبة اللي ما حصلوش قبول في ساحة و كملوا فترة اللغة كيف ايديروا ؟؟؟
معقولة هالقرارات الاعتباطية !!! الله المستعان على هالزمرة الفاشلة اللي شغلها تحطيم الطالب و بدل ما يحلوا مشاكل الطلبة في كل الساحات يسعوا بكامل جهدهم لسحق الطلبة و ارجاعهم لليبيا قبل ما حتى يكملوا قرايتهم !!!!!
لن نعود للقيود قد تحررنا و حررنا الوطن

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
واضحة والله ما تبى تفكير ,, الغرض تدمير مستقبل الطلبة وبالتالى تدمير مستقبل البلاد . عارفين كل شى والصعوبات اللى تواجه فينا كاطلبة ليبين . ما هذا القرار ؟ ولماذا لم يتم اخبار الطلبة قبل اختيارهم للساحة ,, وهل الدولة توفر فى قبولات للطلبة ,, هل قريت وفشلت متلا باش تقولى معاش تقرا ,, حنا كيف قولنا بأسم الله ,, كل فترة يديرونا حاجة جديدة ,, الواحد معاش عنده نية فى القراية سبحان الله .

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
السلام عليكم
والله يعجز اللسان عن الكلام المفروض يتم مساعدة الطلبة في المنحة او عدد السنوات مش الوزارة طلعت قرار زيادة المدة الدراسية في الساحات الكندية والامريكية اين هو لم يتم ارساله وتطبيقه على الطلبة لانه قرار ايجابية للطلبة لكن القرارات الاخرى ضد الطلبة يتم تطبيقه والله الطلبة الليبين نعتبركم مجاهدين في العلم من حيت البحت عن القبولات في الجامعات ودراسة اللغه الانكليزية مع صعوباتها وايجاد السكن المناسب في الغربه والببحت عن مدارس للاطفال ووووووو والله قداش منه الطالب وفي نهاية كان محصلتش قبول تروح طول مافيش فرصة اخرى لا حول ول قوة الا بالله البلدان الاخرى منحة افضل منا ويتحصلوا على قبولات من قبل ان يسافرو لماذا لا يتم قبول الطالب في البعتات من الاول من غير قبول الاكاديمى هذا الاجراء صحيح مش تجنى اهنى بعد سنة تقولى روح كان مخصلتش قبول

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
لا حول ولاقوة الا بالله العلي العظيم .. استغفر الله..

_______________________________

**مــــــــ خرج ــــن في سبيل العـــلـــمـ فــهـــو في سـبـيـل الله حتـــــــــــ يعود ـــــــــــــى**

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
انا اطلب من كل الطلبة الموجودين في الخارج الي ارسال رسالة الي جميع وسائل الاعلام العربية والعالمية لقرار الفاشل الصادر عن ادارة البعاث . اي ادارة دور ادارة البعثاث في ايجاد القبول للطلبة . ام انهم متخخصون في اصدار القرارات التي تفشل الطالب . اسمع يا سيد الوزير الطلبة في كندا . يعملون ليلا نهارا من اجل ايجاد القبول وخاصة في ظل غياب دور ادارة البعثاث وما يسمي بالمكتب الكندي المتخصص في صرف المنحه فقط و لا يرد على رسائل الطلبة . الطلبة اللييبين في حالة رجوعهم سيوف يقومون بالثورة جديدة ضد ما يسمي الفاسد الاداري . والقرار انا اعتقد انه سوف يتطبق فقط على الضعفاء فقط . اثق الله يا سيد الوزير هولاء ابناء ليبيا ليبيا يااخ الستم لييبين مثلنا . دعونا نكمل دراستنا والا العودة ستكون مشكلة على ادارة البعاث .

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
حسبنا الله ونعم الوكيل

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
حسبي الله ونعم الوكيل فيكم يا مسؤولين حسبي الله فيكم ... معقولة بعد التورة وارواح الشهداء والتضحيات مازال نفس النطام الاول واحرف علاش التورة علاش ماتو وتشردو ناس علاش ؟؟؟؟؟؟ مش معقولة قرار زي هذا حا يستمر والله ما راضي عليه واحد يعني حا تنقلب ع روسهم قريبا مش ساهل تطبيق قرار زي هذا وخاصة اللي ما حصلوش قبول اكتر من اللي حصلو في معطم الساحات .... بالنسبة لطلاب الجدد اللي قاعدين في ليبيا ما سافرتوش المفروض ما تسافروش لين اديرو حل لها القرار ..... ما تفرحوش بانكم خلاص بتسافرو وكملتو اجراءاتكم وتقولو بعدين ساهل انتم الخاسرين لانكم حا تنصدمو بالواقع للاسف الشديد ضروري!!! اديرو حل .... وفي النهاية حسب الله ونعم الوكيل فيكم يا مسؤولين

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
والله ما  فهمت حاجه  

 القرار من من صادر ولمن موجه القرار ، صادر من الوزير التعليم وموقع عليه الطاهر بن طاهر في ورقه خاصه بالوزاره وليس ورقة ادارة البعثات وموجه للملحقين الثقافيين بالسفارات لكي لا يقبلو طلبات النقل 

كويس باهي من الذي يدرس الملحق او الطلبه ، من باب اولى ان يكون الطالب على علم بالموضوع ، وبعدين حتى لو الكلام هذا صار شن دخل الملحق فيك ، اي حد يبي يغير الساحه المفروض سيادة الدكتور المحترم الطاهر بن طاهر لا يوافق وما يعطيشي اوراق الدعم المالي ، يعني من الاخير شن دخل الملحق فالنص  ، قرار سطر واحد اسم الملحقين والثقافيين والوزير والطاهر بن طاهر معبي الورقه اكثر من القرار هل هذا استخفاف بالقرار او هزوه على الطلبه 

بالله اللي فهم حاجه يفهمنا دخي راس
وعلى عروق الندي اليوم نتصبحو بيه  حتى القرايه طارت  منها النيه
اخيرا بالله اللي جايه ايفاد ويدور وين يدرس يشوف انجمينا والا مالي لان السادة المسؤولين يبو مستوى التعليم يرتفع ويولي احسن ،اي كندا وامريكا وبريطانيا اللي تحكو عليها

والله ما فهمت حاجه 

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz

السلام عليكم
اخوتي في المنتدى...انا متابع جيد للمنتديات السعودية والله حالهم كيف حالنا في الحصول على القبولات وادخلوا على اي موقع للمبتعتين السعوديين وشوفوا....الميزة اللي عند السعوديين انه الطلبة الموجودين في كندا هم اكبر دعم للطلبة الموجوديين في السعودية وايسعدوا فيهم في كل شي وليس الدولة اما بالنسبة للطلبة الليبيين بعضهم وليس الكل على سبيل المتال اول مايحصل التاشيرة اينزل موضوع "تحصلت على التاشيرة" ويختفي وجرب اسأله كيف درتها او كم اخدت منك...اما بالنسبة للسكن فابسط الطرق هي البحت في الانترنت وهي الطريقة التي اعتقد ان حتى الكنديين نفسهم يستخدموا فاها يعني كيف السوق المفتوح عندنا.
على الطالب ان يتعب وان شاء الله ربي حيسعده والبكاء على الانقاض لا ينفع هذه وجهة نظري والله اعلم.

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
هادوا عندهم الحق عروبيين يشجعوا في مصر والسودان ويخي حتي تشاد يبونا كلنا نقروا عندهم تشجيعا لاقتصاديانهم الناهضه !!! واحني انشالله اقتصادنا ينزل فيه حتي الربي شن يهمهم هما ؟ .. تي معقوله حاجه الطالب مسكين ما عنداش فيها يد تعاقبه عليها اللغه مثلا انت عارف ان نص الليبين كانوا محرومين منها بفعل فاعل علاش تعاقب فيهم توا عليها ..الجماعه اللي انقولوا عليهم جماعة سواري النوم -وبيني وبينكم احني اللي نطبخوا في النوم - يقروا في اللغه من القمّاط وياخدوا زينا في سنه لغه ودولهم يساعدوا فيهم عن طريق الاتفاقيات للحصول علي قبولات واحني كل يوم اسوا من اللي قبله .. فيقوا يا موفدين يللي قاعدين في ليبيا وديروا خطوه ايجابيه في الموضوع .

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
لاحولا ولا قوة الابالله

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
والله القرار هذا صدمني بيه اليوم الصبح زميلي في العمل قالي عليه علي الخوا علي عروق الندي حسبنا الله ونعم الوكيل

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
عبدالسلام الفلاح كتب:

السلام عليكم
اخوتي في المنتدى...انا متابع جيد للمنتديات السعودية والله حالهم كيف حالنا في الحصول على القبولات وادخلوا على اي موقع للمبتعتين السعوديين وشوفوا....الميزة اللي عند السعوديين انه الطلبة الموجودين في كندا هم اكبر دعم للطلبة الموجوديين في السعودية وايسعدوا فيهم في كل شي وليس الدولة اما بالنسبة للطلبة الليبيين بعضهم وليس الكل على سبيل المتال اول مايحصل التاشيرة اينزل موضوع "تحصلت على التاشيرة" ويختفي وجرب اسأله كيف درتها او كم اخدت منك...اما بالنسبة للسكن فابسط الطرق هي البحت في الانترنت وهي الطريقة التي اعتقد ان حتى الكنديين نفسهم يستخدموا فاها يعني كيف السوق المفتوح عندنا.
على الطالب ان يتعب وان شاء الله ربي حيسعده والبكاء على الانقاض لا ينفع هذه وجهة نظري والله اعلم.
شكرا يا اخى على رايك بارك الله فيك ,, وكلامك صح ولكن زى ما قولت البعض , تقدر تراجع مواضيع المنتدى وكل واحد وقدرته على أن يفيد غيره وليس فرض ,, بس معليشى كأنك ما فهمتش الموضوع المعروض هنا ,, كونك متابع جيد للمنتدى السعودية ما يلغيش ان القرار هذا ضد مصلحة الطالب اللى انت ما دكرتاش الكلام هذا فى مشاركتك ولم تشر له بكلمة ! مع احترامى لك الباين انك غير معايش لواقع الطلبة هنا وفى امريكا . عموما انا متابع للواقع وليس المنتديات فقط ,, السعوديين فتحولهم مطعم خاص بيهم حلال هنا ,, السعودين اللغة سنتين ,,, السعودين اوفات العطلات فى المنتزهات وفى الحدائق ومدن الالعاب مستمتعين بالقراية وبالحياة ,, وغيره من الميزات , اما الليبين من يوصلو وهما فى المشاكل والتخميم نرجع لكلامك ان فى بعض الليبين للاسف وين يحصل حاجة خلاص معاش دخله فى التانين ,, فيه سلبية ,, فمتلا القرار هذا قد لا يؤثر على المنتظمين فى الدراسة الاكادمية ,, ادا مالى ومالهم يوقفوهم ولا يمنعوهم المهم انا امورى ماشية ,, والله تفتقد حتى الكلمة الطيبة فى بعض الحالات متلا يقولك انشط روحك ! رغم ان عارف ان الموضوع ماليشى علاقة بالنشاطة ولكن اهو تجريح وخلاص مادام مش واصل فيه .
بالنسبة االبرازيليين عندهم اتفاقية مع الجامعات وقبولهم موجود قبل ما يجو ,, الليبين يبعتو فيهم تاريخ بداية الصرف 1-5- متلا ,, والصرف الفعلى 1-7 ,, ومرات شهرين على حسب الظروف والحالات ,, نهيك على ان المكتب الكندى اصبح مجرد وسيلة توزيع المنحة فقط ,, تبى تقرأ فى معهد باهى ,, تبى تقرأ فى جامعة باهى ,, بتغير بعد شهر من معهد لمدرسة اوكى ,, وفى الاخير بدير امتحان الايلس يطلع ما ليشى علاقة بكل اللى قريته , المهم الاتفاقية ماشية وفلوسهم وصلوهم وفخار يكسر بعضه , بينما الطلبة الاخرين يديرولهم فى استبيان ونصائح وتوجيهات ووين مفروض يقرأ وعلى شن يركز , الكثير من العراقيل التى لا يسع الان دكرها يعانى منها الطلبة هنا يبدو انها غائبة عنك , وهذا واقع اخى الكريم وليس كلام منتديات فقط والله على ما اقوله شهيد .
شكرا مرة تانية على رايك بارك الله فيك .

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
السلام عليكم
القرار مخالف للائحة مش فيه لائحة للايفاد يشتغلوا بيها؟ ولا هي الائحة ماتطلعش الا في المواد اللي ضد الطالب اوتضغط عليه, اتمام اللغة خلال سنة هذه موجودة في الائحة(المادة 12 د) وتغيير الساحة موجود في الائحة (المادة 13).يعنى لو تبي تلغي تغيير الساحة علاش ماتلغيش المدة المحددة لدراسة اللغة في بريطانيا مثلا مدة الماستر 12 شهر والايفاد 36 شهر يعني الطالب يقدر يقرا لغة  حتى 18 شهر ويقرا ماستر 12 شهر ومازال 6 شهور في ايفاده وبعدين اول الملتزمين باللوائح المفروض هم المسئولين مش لما يخطرله يطلع لافي قانون ولا لائحة.

عدل سابقا من قبل ALBELAZI في الخميس 05 ديسمبر 2013, 4:29 am عدل 1 مرات

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
بارك الله فيك اخى اسامة على الكلمات التى اعتبرها من كل طالب ليبي موجود الان في كندا او امريكا مع احترامى من بعض الاشخاص الذين يوافقون على هذا القرار بالمدح او السكوت....

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
السلام عليكم ورحمة الله وبركاته
معقولة ياسيادة يامحترمين . يصدر قرار بايقاف تغير الساحة . كيف الحل . ياسيادة يامحترمين ابناء ليبيا في خطر حقيقي هناك من يحارب الطلبة اللييبين في الخارج . ان ادعوا كل الطلبة في جميع الساحات الدراسية بالوقوف صفا واحدة في ايقاف المهزلة . الطلب كان ينتظر في توفير القبولات من قبل ادراة البعثات بوضع اتفاقيات مع الجامعات . لا يوجد فرق بينكم بين النظام السابق . نفس الظلم ربما اكثر .

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
الله المستعان والله حالة وخلاص
بس اقوى جاحة فى الا القرار هدا " بناء على تعليمات الوزير!!!!!! تريحنا من توجيهات الاخ القائد ودخلنا فى تعليمات الوزير لك الله يا ليبيا كرهو الناس فى البلاد حسبى الله ونعم الوكيل فيهم

descriptionقرار جديد من ادارة البعتات والمكتب الكندى تعجز اللغات عن وصفه  Emptyرد: قرار جديد من ادارة البعتات والمكتب الكندى تعجز اللغات عن وصفه

more_horiz
من خلال معرفتي المتواضعة اود ان افيد بان رسالة مدير البعثات اتت بناء على تعليمات وليس قرار ، والتعليمات لا تلغي الاجراءات المقدمة بما فيها البند الذي يجيز للطالب الموفد تغيير بلد الدراسة اذا لم تتجاوز المدة سنة ، ومع ذلك كانت ولا زالت حتى يوم امس الاربعاء الموافق 4- 12 - 2013  اجراءات النقل سارية المفعول . واعتقد ان الفلسفة من الرسالة هو تقليل حالات النقل من بلد الى بلد لانها اصبحت كثيرة ْ لدرجة ان بعض الطالبة يفكر في تغيير البلد حتى قبل الوصول لذلك البلد !!!!.
وعموما كل شئ  ممكن فالرسالة تلغيها رسالة . وكما يقول علماء الادارة "الثابت الوحيد هو التغيير "
وفي نهاية المطاف لا يصح الا الصحيح ، والذكي هو من يعمل لخدمة الطالب من خلال تبسيط الاجراءات وتسهيل الخدمات وتذليل الصعوبات لان ذالك هو الصحيح .
صلاحيات هذا المنتدى:
لاتستطيع الرد على المواضيع في هذا المنتدى