دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionقريبا ان شاء الله انقولوا وداعا CBIE Emptyقريبا ان شاء الله انقولوا وداعا CBIE

more_horiz
السلام عليكم

كل ردود الاخوة المبررة  لتقصير المكتب الكندي لم تقنعني وخاصة المتعلقة بكثرة الايميلات والبعت اكثر من مرة وووو الى ان تحصلت عالمعلومة من شخص موثوق فيه يشتغل في الوزارة
 الموضوع كالاتي قبل الثورة المجيدة ابان النظام السابق الامانة ارسلت مبلغ كبير للمكتب الكندي على اساس انه للطلبة وبعد الثورة المبلغ اختفى يعني زي ما صار في عدة جهات والمكتب الكندي برر بأن صرف المبلغ كاملا على الطلبة والان الوزارة طالبتهم بالفواتير ولكن دون جدوى فشكلت الوزارة لجنة امريكية للجرد. وهذه هي المشاكل المادية اللي احنا فهمناها على انها تقصير من وزارتنا  وقريبا سيلغوا التعامل معاهم ويصبح التعامل مع السفارة مباشرة زي باقي الساحات يا رب

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
اني مش عارف انت في كندا والا لا يا ام محمود .. اللي نسمعوا فيه علي السفاره والموظفين اللي فيها ما يبشرش بالاصلاح .. واني وجهة نظري الكندي مؤسسه عريقه في مجالها وعدد من الدول زي الكويت والبرازيل والسعوديه وغيرها يتعاملوا معاها ما تقدرش اضحي بسمعتها علي خاطر كم مليون ..طبعا اني ما نبيش انشكك في مصادر معلوماتك لكن مجرد تحليل ... ولو تبث فعلا ضلوع عدد من مسؤوليها في مخالفة ما ..فان القانون سياخد مجراه وما اعتقدش حد يشكك في نزاهة القضاء الكندي ... والخلاصه لو انصلحوا احني روحنا من الداخل تصلح معانا كل الدنيا من الخارج .

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
السلام عليكم اخي علي الدين شكرا على الرد

بالضبط زي  ما قلت لو انصلحوا نفسنا من الداخل يحترمنا الجميع الكويتيين والسعوديين مش ما عندهمش فساد لا هذا في كل الدول وخاصة العربية  لكن مش زيينا الان صنفت ليبيا من العشر دول الاكثر فسادا في العالم وزي ما يقولوا المال السايب ايعلم الناس السرقة والمبلغ حسب علمي والله اعلم اكثر من كم مليون وما نستبقوش الاحداث فالتحقيق مستمر وربي يظهر الحق.

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
ام محمود كتب:
السلام عليكم

كل ردود الاخوة المبررة  لتقصير المكتب الكندي لم تقنعني وخاصة المتعلقة بكثرة الايميلات والبعت اكثر من مرة وووو الى ان تحصلت عالمعلومة من شخص موثوق فيه يشتغل في الوزارة
 الموضوع كالاتي قبل الثورة المجيدة ابان النظام السابق الامانة ارسلت مبلغ كبير للمكتب الكندي على اساس انه للطلبة وبعد الثورة المبلغ اختفى يعني زي ما صار في عدة جهات والمكتب الكندي برر بأن صرف المبلغ كاملا على الطلبة والان الوزارة طالبتهم بالفواتير ولكن دون جدوى فشكلت الوزارة لجنة امريكية للجرد. وهذه هي المشاكل المادية اللي احنا فهمناها على انها تقصير من وزارتنا  وقريبا سيلغوا التعامل معاهم ويصبح التعامل مع السفارة مباشرة زي باقي الساحات يا رب
احترم وجهة نظرك و مصدر معلوماتك لكن اني عن نفسي و هذا رأيي الشخصي ( ما عندي مشكلة يسرقوني موظفي المكتب الكندي و يخدموني و لا يسرقوني موظفي السفارة و ما يقدموش اي خدمة ... اني في كندا و تعاملت مع السفارة اكثر من مرة للأسف خدمات مافيش موقعهم الالكتروني يحشم و فوقها ما يردوش ع الهاتف و الايميل الباين ما يعرفوه ... شي مؤسف سفارة في كندا بس يخدموك بامكانيات ليبيا ... ان شاء الله ما يلغوا التعامل مع المكتب الكندي لانه قبل شهر 4 اللي فات اللي بدات فيه المشكلة كانت المنحة تنزل في وقتها بالدقيقة و المرافقين يقروا يا سلام وترسل ايميل يجيك الرد في نفس اليوم او في اليوم اللي بعده
الله يهلك الفاسدين اللي يبوا يلحقوا الفلوس السايبة على قولتك حتى في كندا بحجج واهية
)
تقبلي رأيي و مروري
تحياتي

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
السلام عليكم
شكرا على الرد وكل له وجهة نظره بالنسبة لكم انتم ياللي عايشين في وسط الحدث وجربتوا الطرفين لا حول ولا قوة الا بالله نطلبوا من الله االامور تمشي على خير وبالتوفيق للجميع

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
مع احترامي لكل الاراء ، ومع احترامي لكل فريق العمل بالمكتب الكندي ، ولكن اذا ثبت صحة ما ذكرته الاخت ام محمد ، فان الامر بالنسبة لي يختلف كثيرا ،فالسارق سارق سواء خدمنا او لم يفعل .

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
السلام عليكم ... ممكن انا مازلت جديده وماعندش خبره سابقه بس بحكم تجربتي مع المكتب الكندي انهم صح يعطلوا في الرد فأول مره راسلتهم بعتولي بعد ثلاث اسابيع والمره الثانيه بعد  ثلاث ايام والردود متاعهم كانت مفيده جدا لي بس لو كان الموضوع زي ماتحكوا كان الاولي بيهم انهم يبعتو فواتير لقطع الشك باليقين ... ربي يصلح الحال وخلاص

descriptionقريبا ان شاء الله انقولوا وداعا CBIE Emptyرد: قريبا ان شاء الله انقولوا وداعا CBIE

more_horiz
أسوأ قرار يمكن أن تتخذه الوزارة

يا أخي المكتب صحيح أنه بيعطل اشوي ولكن الأمور ماشية والمنحة منتظمة

واذا موضوع الطلبة استلموه الليبيين فحتشوف التعب والتعطيل على أصوله
صلاحيات هذا المنتدى:
لاتستطيع الرد على المواضيع في هذا المنتدى