دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

الموفد الليبي أول أسبوعين في كندا

descriptionالموفد الليبي أول أسبوعين في كندا Emptyالموفد الليبي أول أسبوعين في كندا

more_horiz

الأخوة الأفاضل اللي يدرسوا حاليا في كندا
بعد دعواتنا لكم بالتوفيق نأمل منكم مشاركتنا تجربتكم الشخصية منذ وصولكم مطار كندا وحتى أول أسبوعين في كندا !!!!
من استقبلكم بالمطار؟ مكتب خدمات - صديق - وإلا قعدت تايه وتدور بروحك في الثلج !!!  affraid
كيف تحصلت على السكن؟ بمساعدة مكتب الخدمات - صديق رتبلك الأمور - تعاملت مع موقع kijiji - تدور بشناطيك لين ربي فرجها Rolling Eyes !!!
السكن هل كان مؤثث أو فرشته بروحك وكيف شريت الأثاث؟ وشن وضعك المادي؟؟
وفيما يخص الأكل !!!! عرفت بسهولة منين تشري ؟ رافع معاك حاجات من هنا مشيت بيهم أمورك؟ ولا قعدت صمات وريقك يابس Crying or Very sad !!!
إجراءات الوصول وكل ما يتعلق بيها !!! سالت طلبة أقدم منك ؟؟ تصرفت بروحك ومشى الحال؟؟؟ وإلا قلت شن درت في روحي  Mad ؟؟؟؟ الموضوع للإستفادة من تجاربكم حلوها ومرها .. وليس المقصود القصقصة pirat !! 
تحياتي للجميع
 

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
كل اللي في بالي سالت عليه ابله احلام .. ماخليتيش حتي حاجه ..وياريت خوتنا هنالك اللي عنده وقت منهم يحاول يتواصل معانا ..رغم ان بعض اعضاء الموفد تناولوا بارك الله فيهم في السابق هكذا مواضيع ..لكن المره هادي تتميز بانها 20 في واحد يعني كل اللي شاغله في سؤال واحد ^^ وبالمره في من مر بتجربه جديده حتضاف ...بارك الله فيكم وفعلا نحن القادمون باذن الله اليكم في حاجه لدعمكم وتوجيهاتكم .. واحني اللي يبي يوصي منكم علي بسيسه والا زميته انجيبوهاله معانا نحن بالامر ^^ .

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السيد علي الدين الديب شكله أنا وياك بس اللي حايرين ونبحثوا على الإجابات ؟؟!!!

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
أبدا يا استادة احلام
كلنا نترقب الاجابات بشغف
المشكلة انه من يصل كندا اعتقد انه لا يزور الموفد الا نادرا

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
اني ليا سنتين في كندا و يوميا ع الموفد

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
من استقبلكم بالمطار؟  صديق
كيف تحصلت على السكن؟  تعاملت مع موقع gottarent
السكن فرشته بروحي وشريت الأثاث  من محل اثاث مستعمل بس غرفة النوم كل اثاثها كان من محل صغير للاثاث الجديد و سعرهم كان ممتاز  ....
 وضعي المادي عادي
وفيما يخص الأكل !!!! صديق ساعدنا اول يومين بعدين كل شيء بروحنا بعد التوكل على الله
إجراءات الوصول وكل ما يتعلق بيها !!!اني جيت كندا نتكلم الانجليزية بطلاقة اني و زوجي و الاجراءات خصوصا في مطار تورنتو كانت ساهلة و مافيها مشكلة و مشت الامور بدون ما نستحقوا حد الا الله سبحانه و الحمد لله

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
وانا كذلك اترقب تجارب الاخرين  الموفد الليبي أول أسبوعين في كندا 347839

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
أستاذة حنان دائما مبادرة ... نشكرك على التفاعل  ... وننتظر المزيد من الأخوة في كندا

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السلام عليكم..ربي يوفقكم..ليا قريب 5 سنوات ونستقبل في مش اقل من 5 طلبة في السنة..نقدمو اللي نقدرو عليه من مساعدة...اولا انصحكم لو عندكم حد يساعدكم افضل..لان حتوفرو وقت وفلوس من خلال خبرته..الخبرة قد تختلف قليلا من مدينة لمدينة..انا خبرتي في كنجستون اونتاريو وفي مونتريال كيباك..اي سؤال بخصوص ولاية اونتاريو او كيباك نجاوبكم عليه باذن الله..ويمكن نبدو من وصولكم للمطار الى عند ما تبدو في الدراسة..المهم من جديد نأكد لو عندكم حد يساعدكم افضل...لو ما عندكم حد ان شاء الله ربي يسخرلكم حد..والا حتعبو عبى روحكم في السكن بما في ذلك التاثيث..فتح الحساب..مراسلة المكتب الكندي الالتحاق بالجامعة تسجيل الصغار في المدارس..لو انتم جايين لاحدى المدن الكبيرة يستحسن تقولولنا وين جايين باش ننصحوكم وين تسكنو ويمكن نقدرو نساعدوكم باكثر. انا جديد عالموقع وقديم في كندا ربي يوفقكم اسألو واللي نقدرو نجاوبو عليه حنديروه باذن الله.

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
بحكم نتردد علي كندا من 2007 ،،،لما طلعلي الايفاد اخترت كندا،،،وبعد الاجراءات كله سافرت بروحي احجزت هوتيل ارخيص لمدة عشرة ايام ونفس الوقت نسجل في الجامعة والعشية شاد موقع kijiji ونتصل ونشوف في العروض... قبل مانروح الي ليبيا حصلت حوش لشخص مسلم وتفهمت معاه بالايجار وراحت لي ليبيا ورجعت مع زوجتي وقعدنا 4 ايام في هوتيل رخيص. 
حتي نستطيع شرا الاثاث الضروري وحولت بعد اربع ايام
والاكل في البداية كان مع المطاعم العربية والشورما هه

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
هههههه أخي مصطفى.. صحة ليك حصلت مطاعم عربية.. كنجستون لما جينا ما فيهاش مطاعم حلال ..السنة اللي فاتت بس فتحو فيها 2 وغلاء ما نحكيلكش..شديناها عالبيتزا 8 ايام .

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
اعتقد اننا وبحكم قلة الخبرة لدينا خوف من اي شي ملامحه غير واضحة لنا. اعتقد ان ومع النت والمابز الواحد يقدر بنسبة كبيرة يتصرف بروحه حتى ولو كان كليا جديد ع المكان. طبعا لغة متوسطة مطلوبة. ومع ان بالتأكيد الاستفادة من الناس الي خبرة قدامك اتقصر عليك الطريق.

بالنسبة ليا بصراحة اخترت اني انسق كل اموري بروحي بدون ما انكدر حد معاي. رغم ان كان عندي اصدقاء ف المدينة الي جايها وعرضوا على المساعدة. ولاكن ان نبي نتعلم ونصطدم بمشاكلي بروحي. فالحاصل قلتلهم بارك الله فيكم وانا تلفوناتكم عندي ولو احتجت شي مش حنشوف غيركم.

توكلت ع الله وحجزت فندق قريب من الهدف ومن المطار اول تكسي ليا واعطيته عنوان الفندق. استقريت في الفندق وكان محرك البحث قوقل هو نقطة البداية. انهيت اجراءاتي وحجزت سكني وبقيت لمدة اكتر من شهر لما التقي باي ليبي.

طبعا وضع العايلة يختلف حيث يفضل ان تختصر الطريق بمساعدة اصدقاء ولاكن بالنسبة ليا الوضع مختلف.

قصدي حشومة كان الواحد ف عمر زي هدا ومازال مايعرفش ايرتب اموره وايحس ان بيحط رجلة ع ارض موقوته بتنفجر تحته..... وحدة وحدة تتضح الامور وتصبح ليك تجربة وخبرة شخصية.

هدا رأي مع اقتناعي التام بالاستفادة من دوي الخبرة بحكم وجودهم قبلنا في مكان معين

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
حتى pizza pizza يشكرو فيه ههههه
لكن اللحم الحلال مع الكسكسى مش عادي خير من الف شاورما ههه...على فكرة في محلات سوريين ولبنانين...كل شي موجود عندهم....حتى تبى ادير عصيدة بالروب موجوده هه

فى موضوع الرخصة وموضوع الاستفادة من الدراسة فى جامعات كندا
انشالله حنتكلم عليه من ناحية المنحه التى تعطيها الجامعات وايضا
invigilators and Graduate Assistance
Teaching Assistanceship

فيها مساعده ماليه للطلبه كويسه

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
Ahlam Ramadan كتب:
أستاذة حنان دائما مبادرة ... نشكرك على التفاعل  ... وننتظر المزيد من الأخوة في كندا
الله يبارك فيك اختي احلام و بلاش كلمة استاذة احني اهل في الموفد

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
شكرا لكل من ساهم في إثراء الموضوع ..... وننتظر المزيد من التفاصيل 

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
Mustafa76 كتب:
فى موضوع الرخصة وموضوع الاستفادة من الدراسة فى جامعات كندا
انشالله حنتكلم عليه من ناحية المنحه التى تعطيها الجامعات وايضا
invigilators and Graduate Assistance
Teaching Assistanceship
فيها مساعده ماليه للطلبه كويسه

بانتظار هذا الموضوع

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz

الأخوة اللي في كندا وشافوا الموضوع وماعدلوش عليه واحد من اثنين ...
يا إما أمورهم مشت على خير مايرام ومش حاسين بينا  الموفد الليبي أول أسبوعين في كندا 347839 
أو إنهم ذكرناهم بأيامات نكد ما خاطرهمش يسترجعوها  الموفد الليبي أول أسبوعين في كندا 548714  What a Face 

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السلام عليكم ورحمة الله وبركاته
الموضوع هذا فتحته ليه أكثر من شهرين ومازال ماكتفيتش من الإجابات.
أنا شخصيا ناوية نحجز بإذن الله على درجة رجال الأعمال .... علاش؟؟؟ على خاطر مسموح بوزن اكثر من السياحية ... ونحس في روحي بنرفع الحوش كله !!! ....  من ناحية عارفة إن أكييييييد كل شي موجود غادي ... لكن من تعليقات المقيمين في كندا بصفة عامة إن تواجه فيهم مشاكل مالية تتعلق بتأخر المنحة .... وبالذات خفت لما قريت المدة اللي فاتت موضوع عنوانه (بنبدوا نشحتوا ) يعني اللي بنرفعه نقول بالك ينقص عليا شوية مصاريف !! شن رأيكم يا أهل الخبرة.
  https://www.almofad.com/t24827p15-topic

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
للأسف زي التفاعل مع الموضوع خجول !!!!

اختي اني معاك ارفعي اللي تقدري عليه خصوصا الحاجات اللي تعتبر غالية في كندا زي البهارات و الكسكساس و الطنجرة هذا اذا لقيتيهم  و اللي مش موجودة اصلا زي ماء العطر و ملابس الصيف للمحجبات غالبا ما تلاقيها بسهولة و تكون غالية
و تقدري تجيبي معاك حتى شوية اكل تفوتي بيه الايام الاولى اني نعرف صديقة جابت معاها الزميتة و البسيسة و غيرها و الايام الاولى فوتت بيهم علشان ترتاحي من قصة الاكل
 جيب معاك كمبيوتر محمول يساعدك لان الهوتيلات فيهم وايرلس و تقدري تستخدمي جهازك و في اللي جاب حتى الطابعة معاه ههه

في الاخير اللي توفريه توفريه و ربي يوفقك ِ

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
أخت احلام ..ربي يجيبك بالسالم وتوصلو وتستريحو من اول ما توصلو ...عموما بارك الله في الخت حنان ولعلمك فيه اكثر من موضوع طرح في هذا المجال وردينا عليه..ومازلنا نترجو فيكم قولولنا لاي مدينة جايين وحنا نساعدوكم..من نزولكم للمطار لعند ما تسكنو وتقرو باذن الله..لو ما تبوش تعلنو على مدينتكم للكل ابعثولنا على الخاص..انا ساكن في كنجستون ونقرا في مونتريال..يعني عندي خبرة في مدينتين على الاقل..
بخصوص جهاز الكمبيوتر او اي اجهزة كهربائية سبق ونزلت موضوع بالخصوص وفيه صور تبين شكل القابس وشكل كوابل اجهزة الشحن ..بخصوص الطنجرة بكسكاسها اللي نوهت عليهم الاخت حنان سبق وقلنا عليهم وكذلك ملابس الحجاب...المهم اعتق ان توصيات الاخت حنان كافية مبدئيا بخصوص الاكل في اول اسابيع..وياريت تخلو اسئلتكم محددة للي فيبالكم هكي تسهلو علينا الاجابة.. ربي معاكم والكلام موجه للجميع حنا في الخدمة طالما نقدرو نساعدو وربي يقدرنا..

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السيد E .Ahmed بارك الله فيك كلك ذوق .... والحق احنا مش شاكين في وقفتكم ومساعدتكم لينا ... لكن على الأقل نديروا اللي علينا ونساعدوا روحنا ومانتعبوكمش هلبة .....  وأنا إن شاء الله بنمشي نهاية شهر 8 لكنجستون وبنقرا في كوينز. 
شكرا للجميع

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
اهلا وسهلا بيكم أختي..ان شاء الله ما نقصروش معاكم..وتو نفرغلك زوجتي وبناتي يساعدوك لعند ما توقفو على رجليكم..عدد العائلات في كنجستون مش كبير حوالي 13 عائلة..فيه الموفدات منهم والموفدين.. وخمس طلبة عزاب..وان شاء الله يزيدو بيكم وبالاخرين..ربي يوصلكم بالسالم.

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السلام عليكم
مادا عن البيرتا وعن جامعة كالجاري هل من معلومات حولها

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
السلام عليكم اخي محمد..البيرتا ولاية نفطية مستوى المعيشة فيها عالي يعني غالية شوي..مع ان ادمنتون هي عاصمة البيرتا الا ان كالجاري حاليا تعتبر من اكثر المدن التي تتوفر فيها مواطن الشغل بسب الشركات النفطية والنهظة الاقتصادية.ومن المتوقع ان تكون كالغاري اجمل مدينة في كندا بعد 5 سنوات...الجالية المسلمة كبيرة فيها وكذلك الاخوة الليبيين..بها من الليبيين اطباء ومهندسو نفط وكذلك اصحاب شاحنات كبيرة.. سمعت مؤخرا انه تم افتتاح مدرسة ليبية بالمجهود الذاتي..التخصصات الغالب دراستها في جامعة كالغاري
الصيدلة ..الكيمياء..هندسة الكمبيوتر وهندسة النفط بانواعها. وعلم مواد جيوتكنيكال و جيولوجيا.  كما اسلفت غالية مقارنة باونتاريو وكيباك..درجة الحرارة منخفظة جدا في الشتاء..وفي الصيف ساخنة والنهار اطول ما يكون صيفا يعني في رمضان يصل طول اليوم الى 18 ساعة ونصف..
ان كان لديك اي استفسار محدد ارجو ان لا تتردد في السؤال. وفقكم الله

descriptionالموفد الليبي أول أسبوعين في كندا Emptyرد: الموفد الليبي أول أسبوعين في كندا

more_horiz
باهي عادي واحد بيرفع بطانيته ؟؟؟ ولا يحسبوها وزن في المطار ليش نشري فيها حتي هيا ^_^ 

والقوابس لحد الان ماعرفتهمش الحق كيف شكلهم .. هما المحولات اللي عندنا وين نلقوهم هني .

توة عندي لاب توبي لكن شبه منتهية صلاحيته هل من الاحسن اني نشري معاي لابتوب من هني او حتي نشريهه من غادي نخافه مش رخيص ..ياعني اللي نجيبه نجيبه من هني علي قولتكم ^_^

والاجهزة متلا خطرلي جهاز البيلا المتطور يخدم علي شفراتهم ^_6 وكان يريحولي اجهزتي لازم نضطر نشري من غادي باهي مرات مافيش فلوس علي الاقل الاحتياطي اللي عندي يخدم علي شفراتهم ..متلا البيلا ماباش يخدملي في فرنسا كل لما يريحلي جهاز لازم نشري من غادي مفتوحه علي شفرتهم الفرنسية ..@_@

واقل اقل اقل مبلغ ممكن ينجاب معاه مع العلم متلا التفويض مازال ماتحول لكندا ... ياعني متلا شهر قاعد ونص بيصرف من جيبه ومرات اكثر ..

الشكر موصل لاختي احلام سبب الموضوع ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "
صلاحيات هذا المنتدى:
لاتستطيع الرد على المواضيع في هذا المنتدى