دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


الموفد الليبي أول أسبوعين في كندا

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
الاخت سراب الحقيقة رد بخصوص شكل القوابس..هذه نسخة من موضوع شاركت به منذ فترة ستجدين به شكل القوابس وبعض الملاحظات..اتمنى ان تعم الفائدة..

أخوتي اود ان احيطكم علما بان نظام الكهرباء في كندا 110 فولت وليس كما هو في ليبيا 220 فولت..علاوة على ذلك ان المأخذ والقوابس تختلف في شكلها..النظام الدائري في ليبا لا يتوافق مع المأخذ الكهربائية في كندا..فعليه لمن يرغب في احظار اي معدة كهربائية ان يأخذ ذلك في الاعتبار..اجهزة الشحن الكبيوتر او النقال تشتغل فقط تحتاج الى وصلة او تشترون اجهزة لها شكل المأخذ المستطيلة والرفيعة. تجدون في الروابط المرفقة اشكال المأخذ والوصلة... ارجو ان تعم الفائدة.

https://2img.net/r/ihimizer/img59/7128/6lqe.jpg

https://2img.net/r/ihimizer/img18/9499/tpsi.jpg

https://2img.net/r/ihimizer/img9/4513/4q5r.jpg

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
@E. Ahmed كتب:
..عموما بارك الله في الخت حنان ولعلمك فيه اكثر من موضوع طرح في هذا المجال وردينا عليه..ومازلنا نترجو فيكم قولولنا لاي مدينة جايين وحنا نساعدوكم.

اذا كنت تخاطب فيا  ... اني ما قصدت انت يا خوي و لا وجهت الكلام لحضرتك اني تكلمت بشكل عام !!!!!

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
أعتقد جازمة إن السيد أحمد يقصدنا أحنا الموفدين الجدد لأن بدا بـ((يأخت أحلام ...)) ... هو بس لو دار قاطعة كما يلي ((.. عموما بارك الله في الأخت حنان . ولعلمك يا أخت أحلام فيه اكثر من موضوع طرح في هذا المجال وردينا عليه ....))

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
@E. Ahmed كتب:
الاخت سراب الحقيقة رد بخصوص شكل القوابس..هذه نسخة من موضوع شاركت به منذ فترة ستجدين به شكل القوابس وبعض الملاحظات..اتمنى ان تعم الفائدة..

أخوتي اود ان احيطكم علما بان نظام الكهرباء في كندا 110 فولت وليس كما هو في ليبيا 220 فولت..علاوة على ذلك ان المأخذ والقوابس تختلف في شكلها..النظام الدائري في ليبا لا يتوافق مع المأخذ الكهربائية في كندا..فعليه لمن يرغب في احظار اي معدة كهربائية ان يأخذ ذلك في الاعتبار..اجهزة الشحن الكبيوتر او النقال تشتغل فقط تحتاج الى وصلة او تشترون اجهزة لها شكل المأخذ المستطيلة والرفيعة. تجدون في الروابط المرفقة اشكال المأخذ والوصلة... ارجو ان تعم الفائدة.

https://2img.net/r/ihimizer/img59/7128/6lqe.jpg

https://2img.net/r/ihimizer/img18/9499/tpsi.jpg

https://2img.net/r/ihimizer/img9/4513/4q5r.jpg



باش مهندس واستاذي بارك الله فيك وجعلها الله جميع ماتكتب في الموفد في ميزان حسانتك يارب العالمين ..

المشكلة سحبتهم الصور ونوري فيهم بالمحل وماعرفوهم ...حتي خيوط شحن التلفون التلاتي اللي جايات معاه مش زيهم ..من وين نمشي ناخذهم Sad

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم الاخت حنان.
اسف لو كان كلامي مش واضح.  وبارك الله في الاخت احلام اجابت فاصابت. انا فعلا قصدت بالملامة الاخوة الموفدين الجدد..وقصدت حضرتك بالشكر والثناء لما قجمتي من توضيح واجابة..بارك الله في الجميع

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
بالنسبة للقوابس حصلت منهم 2 من سوق الجمعة الفرّاشة اللي بحذا سوق الثلاثاء ...

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: لو سامحتم انا عندي استفسار بخصوص السكن هل فيه صعوبة الواحد ايحصل سكن مفروش ام ان الفرق في الايجار كبير بينه وبين السكن بدون فرش، كذلك بخصوص فرق الفولت كيف يعني هل هناك وصلة نشريها من ليبيا يعني الاجهزة اللي بناخدها معاي كيف بندير. وشكرا

عدل سابقا من قبل Rana-$-Ca في الثلاثاء 11 مارس 2014, 1:02 am عدل 1 مرات

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
الاخت رنا..بالنسبة للسكن فيه فرق كبير بين المفروش واللي من  غير فرش بالتأكيد ..يصل احيانا للضعف
اما بالنسبة لفرق الجهد
اي اجهزة تشتغل 220 ما تشتغلش هنا ..طبعا هذا لا يشمل الكمبيوتر النقال او اي اجهزة مزودة بجهاز شحن ( ادابتر). من جديد نأكد ..الكمبيوتر والنقالات وما على شاكلتها تشتغل عاااااااادي.بس المشكلة تحتاج الى وصلة باش تركبو الخيط في البريزة.

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: شكرا لك اخ احمد على التوضيح، بالنسبة للأجهزة اني بنجيب معاي اللاب و التاب اما الاجهزة التانية مافكرتش فيها لأني نبي ايجار مفروش ولو ممكن تعطيني فكرة بسيطة عن السكن المفروش يعني هل ادوات المطبخ متوفرة واجهزة المايكرويف وغيرها من فرش وحوالي كم ايكلف لو نبيها مطبخ وغرفة نوم او غرفتين، ولأن تخصصي علوم أغذية وهو مش متوفر بكل الجامعات لكن اللي متأكدة منهم جامعة ميجل بمونتريال وجامعة منيتوبا وجامعة ساسكتشيوان لوفي من يعرف عن تخصصي ياريت النصيحة. وشكـــرااا

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: من خلال تتبعي للصفحة لاحظت ان الطلبة بارك الله فيهم ايقدموا في يد العون بعضهم لبعض، خاصة الطلبة المتواجدون بالخارج، فالشكر لكل من لم يبخل بالمعلومة والنصح وجعله الله في ميزان حسناتكم

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
@Ahlam Ramadan كتب:
بالنسبة للقوابس حصلت منهم 2 من سوق الجمعة الفرّاشة اللي بحذا سوق الثلاثاء ...


خيرك ماخديتيليش معااااااااااااااااك زويز ..مش عارفتيني ندور عليهم شهرين Sad Sad Sad

شن الحل مازال مالقيتهمش يا وخيتي

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
شكرا جزيلا للجميع ، وخصوصا للاخ E. Ahmed .

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
@Ahlam Ramadan كتب:

الأخوة الأفاضل اللي يدرسوا حاليا في كندا
بعد دعواتنا لكم بالتوفيق نأمل منكم مشاركتنا تجربتكم الشخصية منذ وصولكم مطار كندا وحتى أول أسبوعين في كندا !!!!
من استقبلكم بالمطار؟ مكتب خدمات - صديق - وإلا قعدت تايه وتدور بروحك في الثلج !!!  affraid
كيف تحصلت على السكن؟ بمساعدة مكتب الخدمات - صديق رتبلك الأمور - تعاملت مع موقع kijiji - تدور بشناطيك لين ربي فرجها Rolling Eyes !!!
السكن هل كان مؤثث أو فرشته بروحك وكيف شريت الأثاث؟ وشن وضعك المادي؟؟
وفيما يخص الأكل !!!! عرفت بسهولة منين تشري ؟ رافع معاك حاجات من هنا مشيت بيهم أمورك؟ ولا قعدت صمات وريقك يابس Crying or Very sad !!!
إجراءات الوصول وكل ما يتعلق بيها !!! سالت طلبة أقدم منك ؟؟ تصرفت بروحك ومشى الحال؟؟؟ وإلا قلت شن درت في روحي  Mad ؟؟؟؟ الموضوع للإستفادة من تجاربكم حلوها ومرها .. وليس المقصود القصقصة pirat !! 
تحياتي للجميع
 


السلام  عليكم  .
اولا ما تصعبوش الامور علي روحكم يعني الحكايه مش معقده وبالصعوبه اللي انتو متصورينها ,,,
حتى لو كانت لغتك ضعيفه واجد تقدر تسلك امورك و زي ماقال احد الاخوة ان القوقل موجود والناس هنا بصفه عامه يساعدو ,,
بالنسبه لسؤال الاخت Ahlam Ramadan  
عن نفسي ماكنتش نعرف حد في كندا ولا في حد استقبلني ولغتي ضعيفه جدا كان اعتمدي علي الله اولا وثم اني نستخدم في القوقل ماب ونطلع ونتبع في الخريطه .... سكنت مؤقت وبديت الدراسه وبعد حوالي شهرين شفت اول ليبي,,,, القصد ان الامور مش صعبه ومعقده وتقدر تعتمد علي روحك وراح تستفيد واجد ويقل اعتمادك علي الناس.
بالنسبه للاخ اللي قال اللي يمشي لكندا معاش يفتح في المنتدى اعتقد ان الردود علي هدا الموضوع فقط تثبتلك العكس وياريت نبطلو سوء الضن ,,
الي عجبني في سؤال الاخت Ahlam Ramadan انه نقاط محدده ,,, ياريت اي حد جديد قبل لا يكتب سؤاله يدير بحث ولو في المنتدى بس تجنبا لتكرار المواضيع.بحث بسيط في المنتدى ومتاكد انك بتلقى الموضوع موجود ومطروح من قبل عدة مرات ,,, في رآي تكرار نفس الاساله وخاصة الاساله العامه ((زي بعض الاخوة اللي يتصلو بيا ويقولولي احكيلنا علي كندا ولا اما احسن كندا ولا بريطانيه )) مش راح تفيدك لان كل شخص عنده وجه نظر وقناعات تختلف .

بخصوص مدينة كنقستون فهيا مدينه صغيره وهادئه وخاصة في الصيف بعد ما يروحو طلبة الباكلوريوس تصبح  خاليه  ولا يوجد بها اي وسيله  ترفيه يعني المدينه عايشه علي الجامعه ومدارس اللغه تكاد لا تذكر ,,,,, الجاليه الليبيه عددهم صغير جدا.
لا انصح بدراسة اللغه فيها بما فيها مدرسة اللغه التابعه للجامعة بعض المدارس الخاصه في اوتاوا وتورنتو افضل بكثير .

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم:
الصراحة اني جيت لمطار تورونتو و كانت عندي رحلة داخلية للمدينة لندن , من التعب و الالم فوت الرحلة الداخلية و نزلنا ليلة في الشيراتون غالي جدا و تاني يوم جي زوج صديقتي و هو اخذنا للمدينة و ساعدنا في كل شيء الله يفتح عليه

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم ورحمة الله وبركاته
بحكم إن فيه مجموعة من الطلبة مشوا لكندا الفترة الأخيرة حبيت يشاركونا تجربتهم واللي صار معاهم .... وخصوصا إن احنا ماشيين الفترة القريبة القادمة بإذن الله ... نبي نسأل سؤال ... بخصوص درجة الحرارة في فصل الشتاء في ((المنازل)) ومع التدفئة المركزية هل يحتاج الأمر لملابس ((غليظة)) وخصوصا للأطفال؟؟


عدل سابقا من قبل Ahlam Ramadan في الأحد 07 سبتمبر 2014, 6:27 pm عدل 1 مرات (السبب : خطأ إملائي)

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
@Rana-$-Ca كتب:
السلام عليكم: شكرا لك اخ احمد على التوضيح، بالنسبة للأجهزة اني بنجيب معاي اللاب و التاب اما الاجهزة التانية مافكرتش فيها لأني نبي ايجار مفروش ولو ممكن تعطيني فكرة بسيطة عن السكن المفروش يعني هل ادوات المطبخ متوفرة واجهزة المايكرويف وغيرها من فرش وحوالي كم ايكلف لو نبيها مطبخ وغرفة نوم او غرفتين، ولأن تخصصي علوم أغذية وهو مش متوفر بكل الجامعات لكن اللي متأكدة منهم جامعة ميجل بمونتريال وجامعة منيتوبا وجامعة ساسكتشيوان لوفي من يعرف عن تخصصي ياريت النصيحة. وشكـــرااا



تخصصك موجود فى جامعه دالهاوسي والبير تا وغويلف

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
موضوع استفدت منه مشكورين ....وخاصتا قوابس الكهرباء

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: شكرا اخ طارق انا حاليا في ساسكاتون وبها اكبر كلية للزراعة وبنحاول انحصل منها القبول وان شاء الله انحصل. بارك الله فيك

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
اختى العزيزة
انا انصحك انك تبعتى لاكتر من دكتور فى اكتر من جامعه وعلى الاقل خمس جامعات وان يكون لديك اكتر من خيار باش ما تنصدميش لو انك ماحصلتيش فى ساسكشوين وان شا الله ربي يوفقك

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
ان شاء الله هذا هو بنبدا انراسل الجامعات. شكرا لك وبارك الله فيك

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: اخت احلام بالنسبة للشتاء في كندا فأكيد انك على علم بأنه ثلج الموفد الليبي أول أسبوعين في كندا - صفحة 2 35609 ، ولكن بالنسبة للمباني والباصات كلها بالتدفئة المركزية والناس هنا تلبس في اللبس العادي معندهمش صوف كله ملابس قطنية ويلبسوا في البالطوا الخاص بالشتا واللي طبعا لازم تشريه من هنايا. هو اني قاعدة ما جربتش الشتا في كندا بس من كثر ما حكولي عليه متحمسة نعيش تجربة التجمد تخيلي لما اتكون درجة الحرارة -45 affraid Shocked لكن متخافيش والله عائلات ليبية بصغارهم يطلعوا وعايشين حياتهم اه واهم شيء طاقية الثلج اللي تغطي الاذن. ان شاء الله اتنوروا كندا عن قريب

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
ههههههههههه اختي رينا زيك تماما متحمسة لين مرعوشة كيف بيكون الشتاء كان نلقي حد يقارنلي علي الاقل شتا ء اوربا بشتي كندا متلا شن الفرق وكل يوم نقول توة نشري كبوط ومرات نقول لا مازال مات ماينقعش قاعدة نرعش علي قد ماوسوسلنا برودةه الشتي هني وقعدتلي تقول هاجس الله يستر

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم: بالنسبة للبالطوا الحمد لله اشريته من كم يوم استعدادا للشتا اهم شيء انه ايكون مش اقل من 65 فيلير والافضل 70 مكتوبة (down) وهما يستخدموا في ريش البط (Duck) كحشوة للبالطوا وان شاء الله يؤدي الغرض.

descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
السلام عليكم ورحمة الله وبركاته
إخوتي الكرام:
بعد تأخير مبرروغير مقصود .... أشارككم تجربتي لأول أسبوعين في كندا ... وسأبدا من رحلة السفر الطوييييييلة ....
حجزت الرحلة من مكتب سفر وسياحة على الخطوط المصرية Egyptair لـ 5 أشخاص الإربعاء بتاريخ 17-9-2014 بحيث كانت تونس – القاهرة – تورونتو .... على هذه الخطوط يسمح بعدد 2 حقيبة لكل تذكرة بحيث لا يزيد وزن الحقيبة عن 23 كيلو جرام ... من المفترض أن موعد دراستي في جامعة كوينز كينغستون تبدأ يوم 11 سبتمبر وآخر موعد للإلتحاق 18 سبتمبر ..... ولهذا السبب قدمت على قبول لغة في معهد آخر يسمى KLI بعد أخذ الإذن من المكتب الكندي حيث تبدأ الدراسة به يوم 29 سبتمبر.
توكلنا على الله فجر الإثنين براً من طرابلس إلى تونس عبر منفذ رأس جدير ..... ولأسباب أمنية بالمنفذ بشكل عام اضطررنا لمغادرته صباح الثلاثاء .... استغرقت الرحلة 14 ساعة (متعبة) إلى مدينة بنزرت أقصى شمال تونس حوالي الساعة 8 مساء ونزلنا عند أحد أقاربي .... كان أبي في مدينة سوسة بتونس للمراجعة ... وأتى إلى بنزرت لوداعنا .... تعشينا وسهرنا .... وتوجهنا للمطار بتونس العاصمة صباح الإربعاء ..... كان معي عدد 8 حقائب بين متوسطة وكبيرة للشحن وعدد 3 حقائب صغيرة بالعجلات بحيث ستكون معنا بالطائرة .... عند وزن الحقائب وجدنا عدم توازن في التوزيع مع إمكانية إضافة حقيبتين أضطررت لشراء (ساكو) من المطار وأعدنا توزيع الأحمال ... وللأمانة تغاضت الموظفة المسؤولة عن بعض الوزن الزائد .... رافقني أبي طوال الوقت .... وكنت أنظر إليه وأقول في سري (ربي يحفظه) .... ودعنا حتى صالة الركاب ..... أقلعت الطائرة الساعة 12:30 ظهرا لمدة 3 ساعات وزيادة طيران وصلنا بحمد الله إلى مطار القاهرة أنهينا إجراءات الوصول (ترانزيت) وأخدنا التذاكر وأقمنا في فندق المريديان 5 نجوم يتبع للمطار لساعات ... تقريبا حتى الساعة الواحدة ليلا ... توجهنا للمطار مرة أخرى وأقلعت الطائرة الساعة 3 صباحا باتجاه تورونتو واستغرقت الرحلة حوالي 11 ساعة طيران وصلنا لمطار تورونتو كندا بحمد الله ... أنهينا إجراءات الوصول ... وتأكدنا من وجود ختم الدخول وتصاريح الدراسة ..... وغادرنا المطار باتجاه وسط البلاد (داون تاون) بالباص إلى محطة الباصات الرئيسية .... واخدنا باص أخرى إلى مدينة كينجستون .... كان باستقبالنا السيد E. Ahmed أحد أعضاء الموفد وزوجته الفاضلة.... أوصلونا إلى جناح بموتيل كانوا قد حجزوه لنا مسبقا حوالي السابعة مساء بتوقيت كندا.... وأحضروا لنا العشاء مشكورين.
صباح الجمعة ....
ألزمني السيد E.Ahmed بالذهاب إلى معهد كوينز لأنه مشكور جدا ولا يقارن بـمعهد KLI اتممت إجراءات التسجيل وأجريت امتحان تحديد المستوى وبانتظار النتيجة يوم الاثنين ... عدت للموتي وكان زوجي وأبنائي في صلاة الجمعة ولسبب مجهول أحسست بمشاعر حزن رهيب وتوتر غير مبرر ... اتصلت بأخي .... وبعد أخذ ورد .... إنا لله وإنا إليه راجعون ..... مات العزيز على قلبي ... مات الذي كان في وداعي ... مات أبي.....
لا حول ولا قوة إلا بالله العلي العظيم



descriptionالموفد الليبي أول أسبوعين في كندا - صفحة 2 Emptyرد: الموفد الليبي أول أسبوعين في كندا

more_horiz
عظم الله لك الاجر ولله ما اخد وما اعطى ولا نقول الا ما يرضى ربنا وان شا الله ربي يلهمك الصبر
صلاحيات هذا المنتدى:
لاتستطيع الرد على المواضيع في هذا المنتدى