دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionما ترجمة .reference  letter Emptyما ترجمة .reference letter

more_horiz
السلام عليكم ...بعبي الابليكيشن متع المكتب الكندي واجهتني هادي الكلمة reference letter ما هي؟

descriptionما ترجمة .reference  letter Emptyرد: ما ترجمة .reference letter

more_horiz
هل المقصود بها رسالة تزكية ؟واذا كانت كذلك هل من الضروري ان ابعتها للمكتب الكندي حتي يفتحولي ملف؟واذا كانت كذلك كيف صيغتها وتفاصيل عنها؟..............سامحوني علي كترة الاسئلة.........بالله ساعدوني اخوتي اخواتي.............

descriptionما ترجمة .reference  letter Emptyرد: ما ترجمة .reference letter

more_horiz
اني كنت قدمت اونلاين قبل وكان خون لوغته مليحه هوا اللي عبالي الابلكيشن وما قاليش جيب لاتزكيه لاشي طبعا اني لغتي مافيش بكل لكن دخلتها عالترجمه طلعت مرجع الكتروني يعني في كل الاحوال ماهياش تزكيه .. وعلي كل ماليك الا اختك الست احلام توا اشويه تطلعلك وتنهيلك الفزوره .

descriptionما ترجمة .reference  letter Emptyرد: ما ترجمة .reference letter

more_horiz
السلام عليكم
reference letter تعنى رسالة تزكية، أو رسالة توصية، يتم الحصول عليها من الدكاترة أو الأساتذة اللى درسوك فى مراحل التعليم الجامعى المختلفة، يفضل أن يكونوا قد قامو بتدريسك فى مادة أو أكثر ولكن ليس بشرط، فرسالة تزكية حتى من دكتور أو أستاذ يعرفك ومش امدرسك تمشى، وفى الأخير بكل لو تعذر الإتصال مع دكاترتك حتى من زملائك فى العمل أو مديرك تمشى، بس يفضل أن تكون من شخص أكاديمى.
رسالة التزكية مهمة جدا عند التقديم على الفيزا وعند التقديم على القبول الجامعى، ففى كل الأحوال هى ضرورية.
للحصول عليها، تمشى للكلية اللى قارية فيها وتطلبى من 3 دكاترة أو أساتذة أن يعطوك رسائل تزكية بالصيغة امتاعتهم هم يعنى المفروض ما عندكش علاقة بصيغتها وتكون على ورق شعار الكلية وفيها اسم الدكتور وبيانات الاتصال به مثل ايميله وتلفونه، وموقعه بتوقيع الدكتور، تاخدى من كل دكتور على الاقل خمس نسخ من الرسالة، وحدة منهم تحتفظى بيها باش اديريلها سكان وتبعثيها مع أوراقيك للفيزا، والاربعة المتبقية اتحطى كل وحدة منهم فى ظرف امتاع فلوس وتسكرى عليه وتخلى الدكتور ايوقعلك عليه من الاعلى ومن الاسفل (منين ما ينفتح الظرف) وتخلى القسم امتاعك يختملك على الظرف بجانب توقيعة الدكتور، وهكذا مع بقية الرسائل من الدكاترة الباقيين، لأن هذه الرسائل اللى فى الاظرف اموصى عليها المكتب الكندى باش اتجيبيهم معاك لمل اتجى ان شاء الله لكندا.
ملاحظة: بعض الجامعات لاتعتد بهذه الرسائل، وانما تطلب من الطالب لما ايعبى الابلكيشن اون لاين انه يعطيهم اسماء الدكاترة (هما ايقولولهم references أو referees )، وايميلاتهم وهما يبعتولهم نماذج خاصة على روابط سرية ايعبوهم الدكاترة وايرجعوهلهم، لذلك لما تاخدى رسائل التزكية من دكاترتك اتقوليلهم ايحطولك فى الرسالة ايميل مؤسسة، يعنى مش ياهو والا جىميل والا هوتميل، يعنى لازم ايكون ايميلهم تبع الجامعة والا مؤسسة، (ان شاء الله حتى ltt ) لأن الجامعات ماتقبلش من الدكاترة فى رسائل التزكية إلا ايميل ايكون تبع مؤسسة، وتقولى للدكاترة بأنه حيوصلوهم على ايميلاتهم بعد فترة طلب من الجامعات اللى حتقدمى عليهم باش ياخدو الامر فى الحسبان.
أرجو أن أكون قد أفدتكم، وآىسف عل الإطالة لان الموضوع مهم!

descriptionما ترجمة .reference  letter Emptyرد: ما ترجمة .reference letter

more_horiz
شكرا يا علي كفيت ووفيت وحقيقة اني كنت في حاجه لشرح زي هكي .

descriptionما ترجمة .reference  letter Emptyرد: ما ترجمة .reference letter

more_horiz
 نعم reference letter تعنى رسالة تزكية

descriptionما ترجمة .reference  letter Emptyرد: ما ترجمة .reference letter

more_horiz
باراك   الله  فيكم    على الموضوع   استفدنا  منه

descriptionما ترجمة .reference  letter Emptyرد: ما ترجمة .reference letter

more_horiz
السلام عليكم، عفوا أنا كل الدكاترة عطوني إيميلات علي الياهو، قصدي كيف الحل؟ و نعرفهم ماعندهمش إيميل تاني

descriptionما ترجمة .reference  letter Emptyرد: ما ترجمة .reference letter

more_horiz
اولا, بارك الله في الاخ علي الشرح المفصل......تانيا مجاوبتنيش .....هل المكتب الكندي ضروري نبعتله 4 رسائل تزكية باش يعطوني ورقة دعم مالي......ومفهمتش خوتي شن الايميل من مؤسسة؟ كيف يعني....جزاكم الله كل خير

descriptionما ترجمة .reference  letter Emptyرد: ما ترجمة .reference letter

more_horiz
السلام عليكم
بالنسبة للأخت مريم، ليس لدى أى فكرة عن تجاوز هذه النقطة، لكنى أقول لك: أما المكتب الكندى فهو ما ايدورش فيهم ايميلات ياهو والا غيرهم، أما لما تبى اتقدمى على الجامعات بعدين فإنهم حيطلبوا منك إيميلات مؤسسية، يعنى مش ياهو وجيميل.
أما الأخت سارة، فالرجاء الاطلاع على الرابط التالى، باش تعرفى شنو اديرى بيهم رسائل التزكية اللى فى الأظرف ولأمور أخرى مهمة تخص الدراسة فى كندا. http://cbie-bcei.ca/ar/student-portal/libya-arabic/
أما شنو يعنى ايميل مؤسسة: فأنت مثلا إذا كان عندك ايميل على الياهو أو جيميل يكون عنوانه مثلا .(gmail.com@~) أو (yahoo.com@~) وهكذا، أما ايميل تبع مؤسسة يعنى تبع جامعة أو شركة أو مستشفى على سبيل المثال (uotripoli.edu.ly@~ )،

descriptionما ترجمة .reference  letter Emptyرد: ما ترجمة .reference letter

more_horiz
بارك الله فيك وارحم والديك ويسر لك امورك
صلاحيات هذا المنتدى:
لاتستطيع الرد على المواضيع في هذا المنتدى