دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionنماذج المكتب الكندي المطلوب تعبئتها قبيل السفر لكندا Emptyنماذج المكتب الكندي المطلوب تعبئتها قبيل السفر لكندا

more_horiz
السلام عليكم

في هذا الرابط يوجد العديد من النماذج المطلوب تعبيئتها 


هل انعبيها كلها و لا كيف؟؟

http://www.cbie-bcei.ca/what-we-do/student-portal/libya/forms/

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
في اعتقادي انه هذا هو صفحة الموقع ومش مطلوب انك تعبيها فمراسلة المكتب الكندي ليها خطوات يعني تعبئة النماذج حسب المرحلة اللي موجود بها الموفد

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
هذي اللي بعتتهالك جمانة بعد فتح الملف صح؟؟ انا معلوماتي عليها انها تتعبا بعد ماتوصلي كندا وترفعيلها باقي الاوراق اللي مقايله عليهم في نفس الايميل .... ان شاء الله واحد عنده معلومة يفيدنا.

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionنماذج المكتب الكندي المطلوب تعبئتها قبيل السفر لكندا Emptyنماذج المكتب الكندي المطلوب تعبئتها قبيل السفر لكندا

more_horiz
السلام عليكم.
الرجاء الإطلاع على الرابط التالى لمعرفة أى من النماذج هو المطلوب
http://cbie-bcei.ca/ar/student-portal/libya-arabic/

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
هذه الرابط وصلني بعد فترة طوبلة كرد لايميل 


كان حد سافر قريب يقولنا شنو دار بالظبط

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
انا من سنة 2009 في كندا..بس المدة الاخيرة نساعد في الطلبة الجدد اللي جونا يعني تقريبا ملم بالمطلوب...النماذج اللي تبيهم جمانة تعبوهم بعد ما توصلو لان ليهم صلة مباشرة ببعض البيانات في كندا
مثلا  فتح الحساب..يعني حسابكم في كندا
بيانات شخصية تتضمن وسائل الاتصال وعنوان الاقامة يعني عنوانكم في كندا..ولو سكنتو مؤقت اكتبو مؤقت ولو ما سكنتوش وكنتو في فندق ممكن اديرو عنوان عد تعرفوه مؤقتا لعند ما تسكنو وبعدين غيرو عنوانكم يعد السكن
اقرار بالسماح بخصم القرض الممنوح واللي كان قيمة شهرين..اعتقد ان هذا لم يعد مطلوب لان القرض وقفو منحه للاسف.

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
E. Ahmed اخى السلام عليكم ...من فضلك نبى نسالك باعتبارك موجود فى كندا من قبل ... انا راغب فى دراسة ماجستىر طب بشرى فى كندا او امريكا وتحصلت ع البكالوريوس بتقدير جيد نسبة 70%  فهل باستطاعتى فتح ملف ف المكتب الكندى لانى راسلت جمانة ع ايميلها وماردتش عليا بالله لو سمحت عندك اجابة لسؤالى ومشكور مسبقا

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
للاسف اختي بالنسبة لكندا ما اعتقدش..مش بسبب المعدل لا..الموضوع موقوف من البعثات اصلا..فيه مشكلة حصلت 2008 بين الدولة الليبية والميديسن كوليج في كندا..وما انحلتش لعند اليوم..زيدي تأكدي من البعثات بخصوص كندا..اما في امريكا فنعم تستطيعي باذن الله شوي بتاخد منك وقت للتوفل لانهم يطلبو في سكور عالي..ربي يوفقك

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
E. Ahmed    معليشى اتحملنى شوية لانه معلوماتى ع قدها ... خوى زى ماتعرف الانجليزى اللى فى ليبيا نتعلموا فيه من قرايتنا وانى الحمد لله معدلى متوسط لانى مادخلتش كورس فى حياتى لكن اتقنتها من الطب يعنى اغلبية انجليزيتى طبية وليست عامية ... والامتحان اللى حضرتك قلت عليه لازم انديره فى ليبيا او ندرس لغة لما انسافر ان شاء الله وبعدين انخش للامتحان  قبل مانلتحق بالجامعة .. وسامحنى

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
مافيش حد يرد ع سؤالى لو سمحتوا

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
ماعنديش اجابه لهذا قريت سؤالك بس .. استني شويه توا يخش عالموضوع ولد ولا بنت حلال يديرلك راي .

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
شكرا خوى على الدين

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
السلام عليكم..أختي بالنسبة لامتحان التوفل والايلتس مهمة بالنسبة للقبول..بس امتى اديريهم؟؟ يعتمد على امكانياتك وقدراتك..معظم الطلبة يديرو فيهم بعد او اثناء سنة اللغة في بلد الدراسة..علاوة على ذلك فيه دورات اعداد مش لغة ولكن لمعرفة استراتيجية الامتحان لانه تريكي شوي. الدورات هدي مدفوعة من البعثات في بلد الدراسة..يعني لو جيتي تدرسي لغة وتاخدي الدورة هدي في نفس الوقت عادي لانها مسائية عادة..لو انجليزيتك قوية كفاية بامكانك اديري الامتحان في بنغازي او طرابلس..وهكي تختصري على روحك الوقت وممكن حتى اديريه تجربة مش خاسرة شي.. الله ولي التوفيق

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
بارك الله فيك خوى وربى يفتح غليك .انا لقيتك زى الجنة بالنسبة ليا ومازال بنسالك اكتر لو ماكنتش امضايقاتك ..انا حاليا طروفى ماتسمحش باخد كورس انجليزى فهل نقدر نخش الامتجان بدون كورس ...كيف ووين بالله قوللى ولو تحصلت ع درجة كويسة نقدر انقدم بيها والا نستنى لحين سفرى وناخد الكورس مع سنة اللغة افضل ومش حيضيع عليا شئ  .....سامحنى والله يرحم والديك

عدل سابقا من قبل rido suliman في الأحد 05 يناير 2014, 6:19 pm عدل 1 مرات

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
بارك الله فيك خوى وربى يفتح غليك ..وانا لقيتك زى الجنة بالنسبة ليا ومازال بنسالك اكتر لو ماكنتش امضايقاتك ..انا حاليا طروفى ماتسمحش باخد كورس انجليزى فهل نقدر نخش الامتجان بدون كورس ...كيف ووين بالله قوللى ولو تحصلت ع درجة كويسة نقدر انقدم بيها والا نستنى لحين سفرى وناخد الكورس مع سنة اللغة افضل ومش حيضيع عليا شئ  .....سامحنى والله يرحم والديك

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
اكيد تقدري اديري امتحان في اي وقت..بس اول مرة مش حتكون النتيجة مرضية...بس بامكانك تخشي اون لاين فيه امتحانات تجريبية على الاقل تعطيك انطباع على طبيعة الامتحان..في طرابلس الامتحان كانو يديرو فيه في الاكاديمية ما نعرفش مازال في نفس المكان او لا..وتقدري تتأكدي اون لاين كذلك..اعطيني شوي نبعثلك روابط تهمك..امتحانات تجريبية ونعطيك حتى موقع يحددمواعيد ومكان الامتحانات في ليبيا..بس ياريت تقوليلي في مكان تبي اديري الامتحان..طرابلس او بنغازي

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
الروابط هدي يخدموك باش تعرفي الامتحان ومكانه ومواعيده
http://www.masterstudies.com/TOEFL/Libya/
هدا مواعيد الامتحان في طرابلس وبنغازي..فقط شوفي قدام ليبيا
https://www.ets.org/Media/Tests/TOEFL/tclists/BOTH_l.html
امتحانات تجريبية فري
http://www.stuff.co.uk/toefl.htm

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
أختي rido Sulaiman بعثتلك الاجابة والرد عالخاص من مدة طويلة وواضح انك ما قريتهمش..فيهم روابط وين وامتى الامتحانات في ليبيا بنغازي وطرابلس وفيهم مواقع لامتحانات تجريبية وفيهم معلومات تهمك بخصوص اللغة..ارجو انك تتطلعي عليهم في الرسائل الواردة عندك..ربي يوفقك

descriptionنماذج المكتب الكندي المطلوب تعبئتها قبيل السفر لكندا Emptyرد: نماذج المكتب الكندي المطلوب تعبئتها قبيل السفر لكندا

more_horiz
E. Ahmed كتب:
أختي rido Sulaiman بعثتلك الاجابة والرد عالخاص من مدة طويلة وواضح انك ما قريتهمش..فيهم روابط وين وامتى الامتحانات في ليبيا بنغازي وطرابلس وفيهم مواقع لامتحانات تجريبية وفيهم معلومات تهمك بخصوص اللغة..ارجو انك تتطلعي عليهم في الرسائل الواردة عندك..ربي يوفقك

السلام عليكم 
بارك الله فيك يا  اخي ممكن تبعثلي نفس الروابط على الخاص الله يبارك فيك لاني راح نستفيد منهم 
وسؤال لو سمحت  بالنسبة للنماذج المراد تعبئتها عند الوصول لكندا  نطبعها ونعبيها باليد  عادي  او  نعبيها عالكمبيوتر  وبعدين  نطبعها  
وبارك الله فيك وجزاك الف خير
صلاحيات هذا المنتدى:
لاتستطيع الرد على المواضيع في هذا المنتدى