دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

استفسار بخصوص التأمين الصحي

descriptionاستفسار بخصوص التأمين الصحي Emptyاستفسار بخصوص التأمين الصحي

more_horiz
اريد ان اعرف هل التأمين الطبي المقدم من شركة Manulife يغطي تكاليف الولادة تامة او لا سواء كانت بداية الحمل في كندا او خارج كندا.....وكدلك هل يتم يجبر المؤمن له بالدفع نقدا للمستشفى ثم تعويضة من من CBIE او يكفي استخدام بطاقة التأمين.
ولكم جزيل الشكر

_______________________________

SMAZ84

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
والله مش اكيد انهم يخلصو لان هما ما يخلصوش حتى الحالات العادية زى البردة و الزكمة و الله اى موفد يفكلر ايجى لكندا لازم انه يكون عنده رصيد فى ليبيا باش يخلص بيه اموره

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
السلام عليكم ورحمة الله وبركاته 

اختي الفاضلة بالنسبة لتأمين الولادة لو كان الحمل داخل كندا يغطى تاما وهذه عن تجربة شخصية منذ شهرين اما اذا كان الحمل خارج كندا فالتأمين لا يغطي اى مصاريف سواء للمتابعة او الولادة.

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
قصدي الحمل داخل كندا كيف؟ يعني الواحد مرات مايكتشفش الحمل الا في كندا بس ع حساب الدكتور الحمل صاير قبل السفر لكندا في هده الحالة كيف يعني؟! هل التأمين بيحسب الفرق في المدة من الحمل وحتى السفر وكان لقي الحمل صاير في ليبيا بيقولك مافيش تأمين؟؟؟؟؟؟؟؟؟؟؟؟؟
ولا الحكاية هدي الا في مراحل الحمل المتقدمة؟؟
المعيار متع داخل كندا او خارجها شن هو؟؟؟

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
التأمين يغطي مصاريف الولادة بس أنتي تدفعي وبعد ذلك يعرضك التأمين

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
كيف لو كان الحمل خارج كندا ؟؟؟؟
سامحوني بس الكلام مش منطقي
التأمين ملزم يغطي كل التكاليف طالما الموفدة ملفها فعال و تستلم في منحتها معناها حتى لو جت في الشهر الاخير لازم يدفع عليها التأمين  و اني شخصيا نعرف اكثر من موفدة جت قبل اسابيع من ولادتها و غطى التأمين كل شي من ضمنهم اني
نقطة ثانية مهمة ...  الطالب المفروض ما يدفع شي للمستشفى لان المستشفيات اصلا عندهم قانون ما ياخذوا مقدم يعني اذا ما اعترفو بكرت التامين خوذ الفواتير و ارسلهم بروحك للشركة و هما يدفعوا للمستشفى بروحهم 
اختي سيدرا الباين عندك مشكلة مع شركة التأمين بس ننصحك تمشيلهم او تتصلي بيهم لانهم مزودينها معاك الحق ...

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
البرهمي كتب:
السلام عليكم ورحمة الله وبركاته 

اختي الفاضلة بالنسبة لتأمين الولادة لو كان الحمل داخل كندا يغطى تاما وهذه عن تجربة شخصية منذ شهرين اما اذا كان الحمل خارج كندا فالتأمين لا يغطي اى مصاريف سواء للمتابعة او الولادة.

كيف خارج كندا ؟؟؟ اني جيت حامل لكندا و عادي دفعوا كل شي عني متابعة وولادة

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
i.thesecret كتب:
قصدي الحمل داخل كندا كيف؟ يعني الواحد مرات مايكتشفش الحمل الا في كندا بس ع حساب الدكتور الحمل صاير قبل السفر لكندا في هده الحالة كيف يعني؟! هل التأمين بيحسب الفرق في المدة من الحمل وحتى السفر وكان لقي الحمل صاير في ليبيا بيقولك مافيش تأمين؟؟؟؟؟؟؟؟؟؟؟؟؟
ولا الحكاية هدي الا في مراحل الحمل المتقدمة؟؟
المعيار متع داخل كندا او خارجها شن هو؟؟؟

مافيش داخل كندا و خارجها المعيار الوحيد اذا الطالبة او المرافقة ملفها فعال او ملف زوجها اذا هو الموفد فعال يدفعوا عليها كل شيء و اذا كان غير فعال تدفع بروحها

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
سيدرا طارق كتب:
والله مش اكيد انهم يخلصو لان هما ما يخلصوش حتى الحالات العادية زى البردة و الزكمة و الله اى موفد يفكلر ايجى لكندا لازم انه يكون عنده رصيد فى ليبيا باش يخلص بيه اموره

سيدرا لازم تكلمي شركة التأمين الحق احني يخلصوا في كل شيء حتى الدواء اللي بوصفة طبعا و الحمد لله

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
smaz84 كتب:
اريد ان اعرف هل التأمين الطبي المقدم من شركة Manulife يغطي تكاليف الولادة تامة او لا سواء كانت بداية الحمل في كندا او خارج كندا.....وكدلك هل يتم يجبر المؤمن له بالدفع نقدا للمستشفى ثم تعويضة من من CBIE او يكفي استخدام بطاقة التأمين.
ولكم جزيل الشكر

لما تقرب الولادة في كندا لازم تسجلي في المستشفى اللي تنوي الولادة فيه و هذا حسب القانون علشان يكون عندك ملف جاهز .. المهم لما تسجلي راح يسألوك من راح يغطي التكاليف اعطيهم كرت التامين و حتى لو قالولك شن هذا قوليلهم تواصلوا مع الشركة و هما اللي راح تدفع و هما لما يتواصلوا مع الشركة و اذا ما دفعت لا سمح الله ( و الحق غالبا يدفعوا اذا ملفك فعال ) راح يرسلوا الفواتير لعنوانك و انتي عاودي ارسليهم للشركة او شوفي وين المشكلة
و علشان تتأكدي من كلامي و اذا كنتي وصلتي كندا راجعي الكتيب اللي ارسلتهولك شركة التأمين و راح تلقي الحاجات اللي تغطيها الشركة و كم الحد الاقصى

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
إيه هكي تمام،قصدي داخل كندا وخارجها هذا واضح حاجة مش منطقية،بس عموما الموضوع هذا ديما يتداول والباين ان فيه مشكلة،ياريت تتأكدولنا من الموضوع بالأتصال بشركة التأمين والمكتب الكندي وتستفسروا بالضبط وتعطونا الجواب الكافي،وجزاكم الله كل خير

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
خوي اني ولدت في كندا و جيت حامل من ليبيا و ما دفعت قرش و بعدين عندي صديقة وصلت ليها شهر و ولادتها بعد شهر و نص ان شاء الله و بدأت في المتابعة و الشركة تدفع ان شاء الله يعني مش محتاجة فتوى
التأمين يوقف في حالتين ان
ليبيا ما ارسلوا للشركة فلوس التأمين
او الموفدة ملفها مش فعال

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
اختي حنان الكلام هذا من قبل انهم يدفعولك حتى لو جيتى فى اخر شهر لكن حاليا لو جيتى وانت حامل شركة التأمين ماتدفعش ولا قرش وانا متأكدة من الكلام هذا لانه مؤخرا فى اكثر من اخت وصلت حامل ورفضت شركة التأمين تغطي المصاريف ويقدرو يتصلو بالمكتب الكندي ويسألوه على هالموضوع 
الحاجة الثانية اكيد بتعرف الوحد انها حامل او لا من خلال الكشف الطبي اللي بديره قبل ماتجى وكذلك وصالات المعاينة اللي حتبعثهم للشركة فى كندا

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
يا اختي كلامك على عيني و راسي بس الاخوات اللي نعرفهم وصلوا قبل شهر و شهرين لكندا و موعد ولادتهم قريب و في اللي ولدت اصلا و امورهم تمام مع الشركة

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
يا اخت حنان ...الامر مرات يختلف من مقاطعه لمقاطعة اني زمان كنت في انتاريو فكان التامين اوكي لكن لما مشيت الي نوفلاناد -سنجونس ما قبلوش التامين الي عطياته السفارة ايام الملحق الثقافي

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
السلام عليكم،يا اختي بين الكشف الطبي والسفر تقريبا 3 شهور وانت ست الفاهمين!، بس أنا اكرر ان الموضوع فيه مشكلة لذلك بالله اسألولنا ع الموضوع لأن القصة أثيرت أكثر من مرة.

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
dhnos كتب:
يا اخت حنان ...الامر مرات يختلف من مقاطعه لمقاطعة اني زمان كنت في انتاريو فكان التامين اوكي لكن لما مشيت الي نوفلاناد -سنجونس ما قبلوش التامين الي عطياته السفارة ايام الملحق الثقافي

عارفة يا خوي بس الاخت اللي تكلمت في جويلف يعني معاي في اونتاريو

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
i.thesecret كتب:
السلام عليكم،يا اختي بين الكشف الطبي والسفر تقريبا 3 شهور وانت ست الفاهمين!، بس أنا اكرر ان الموضوع فيه مشكلة لذلك بالله اسألولنا ع الموضوع لأن القصة أثيرت أكثر من مرة.

كلامي واحد يا خوي طالما الموفدة ملفها او ملف زوجها فعال لما وصلوا كندا و قبل ولادتها معناها مافيش مشكلة ان شاء الله لأن التأمين ماشي لتوا و ماجاني اي ايميل يقول انه راح يوقف لا سمح الله
اذا وصلني جديد راح انبهكم ان شاء الله

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
اوكي أخت حنان بارك الله فيك،بس أنا شديت ف الموضوع لأن الأراء متباينة هلبا، وأنا شخصيا مرة من المرات قريت هنا ف الموفد عن موضوع شبيه بهذا وكان نفس التباين وانزيدك ع الطين بلة ان واحدة من الموفدات اتصلت بمكتب التأمين او المكتب الكندي معش ندكر اتصلت بيهم وقالها نفس القصة متع الحمل خارج كندا لا

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
hanan_canada كتب:
i.thesecret كتب:
السلام عليكم،يا اختي بين الكشف الطبي والسفر تقريبا 3 شهور وانت ست الفاهمين!، بس أنا اكرر ان الموضوع فيه مشكلة لذلك بالله اسألولنا ع الموضوع لأن القصة أثيرت أكثر من مرة.

كلامي واحد يا خوي طالما الموفدة ملفها او ملف زوجها فعال لما وصلوا كندا و قبل ولادتها معناها مافيش مشكلة ان شاء الله لأن التأمين ماشي لتوا و ماجاني اي ايميل يقول انه راح يوقف لا سمح الله
اذا وصلني جديد راح انبهكم ان شاء الله

نعم اخت  حنان  موضوع اذا كان الحمل خارج كندا  يعني تجي  حامل  التامين ما يغطيش   ،  هذه طبعا لما تفتح ملف توة في المكتب الكندي  يدزولك على ايميلك  ملاحظة بالشكل  هذا 
[rtl]"عزيزي الطالب/ـة،[/rtl]
[rtl] [/rtl]
[rtl]يرجى ملاحظة أنه إذا كنتي أو كانت زوجتك حامل وتخططون لولادة طفلكم في كندا، شركة التأمين الطبي المقدم للطلاب الليبيين في كندا لن تغطي بالضرورة جميع رسوم المستشفى و الرعاية الطبية المتكبدة خلال أو بعد ولادة طفلكم. يرجى التواصل مع شركة التأمين الطبي في كندا بشأن التكاليف المغطاه. في حالة أن التكاليف غير مغطاه من شركة التأمين، سوف تكون مسؤول عن دفع النفقات التي لا تغطيها شركة التأمين الخاصة بك"[/rtl]
“Dear student,
Please note that if you/your spouse is pregnant and plan to deliver your baby in Canada, Manulife (the provider of the medical coverage for Libyan students in Canada) will not necessarily cover all hospital/medical care fees incurred during or after the delivery of your baby. Please consult with Manulife regarding the approved costs.  You will have to pay for the expenses that are not covered by your insurance plan.”
 
وهذا  والله قمة المهزلة   لا ادري على اي اساس  هذه القوانين الاجتهادية الظالمة  ,  انا نقول لازم يكون  للطلبة موقف  اتجاه هذه المهزلة 
تحياتي للجميع 

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
شفتوا؟ يعني الموضوع فيه إن؟ يا إما التأمين ينصب ع الطلبة،يا إما اللي امداير العقد مع التأمين خانب يا إما الدولة تتلاعب بالطلبة، لأن التأمين يخلص مقدما ماليهش دخل بتعثر الميزانية، الا ف حالة ان الطلبة الجدد مادفعوش عليهم ف التأمين وبالتالي التأمين يخدم فيهم بأقل خدمة الى أن يدفعوله،عموما كل هذا تكهنات ونستنوا لحد ما حد يفهم الأمر من الأطراف المعنية ويفهمنا

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
senrand1972 كتب:
hanan_canada كتب:
i.thesecret كتب:
السلام عليكم،يا اختي بين الكشف الطبي والسفر تقريبا 3 شهور وانت ست الفاهمين!، بس أنا اكرر ان الموضوع فيه مشكلة لذلك بالله اسألولنا ع الموضوع لأن القصة أثيرت أكثر من مرة.

كلامي واحد يا خوي طالما الموفدة ملفها او ملف زوجها فعال لما وصلوا كندا و قبل ولادتها معناها مافيش مشكلة ان شاء الله لأن التأمين ماشي لتوا و ماجاني اي ايميل يقول انه راح يوقف لا سمح الله
اذا وصلني جديد راح انبهكم ان شاء الله

نعم اخت  حنان  موضوع اذا كان الحمل خارج كندا  يعني تجي  حامل  التامين ما يغطيش   ،  هذه طبعا لما تفتح ملف توة في المكتب الكندي  يدزولك على ايميلك  ملاحظة بالشكل  هذا 
[rtl]"عزيزي الطالب/ـة،[/rtl]


[rtl] [/rtl]


[rtl]يرجى ملاحظة أنه إذا كنتي أو كانت زوجتك حامل وتخططون لولادة طفلكم في كندا، شركة التأمين الطبي المقدم للطلاب الليبيين في كندا لن تغطي بالضرورة جميع رسوم المستشفى و الرعاية الطبية المتكبدة خلال أو بعد ولادة طفلكم. يرجى التواصل مع شركة التأمين الطبي في كندا بشأن التكاليف المغطاه. في حالة أن التكاليف غير مغطاه من شركة التأمين، سوف تكون مسؤول عن دفع النفقات التي لا تغطيها شركة التأمين الخاصة بك"[/rtl]


“Dear student,
Please note that if you/your spouse is pregnant and plan to deliver your baby in Canada, Manulife (the provider of the medical coverage for Libyan students in Canada) will not necessarily cover all hospital/medical care fees incurred during or after the delivery of your baby. Please consult with Manulife regarding the approved costs.  You will have to pay for the expenses that are not covered by your insurance plan.”
 
وهذا  والله قمة المهزلة   لا ادري على اي اساس  هذه القوانين الاجتهادية الظالمة  ,  انا نقول لازم يكون  للطلبة موقف  اتجاه هذه المهزلة 
تحياتي للجميع 

السلام عليكم يا خوي
كلامك على عيني و راسي و الايميل هذا وصلتني نسخة منه من اخدى الطالبات لكن للأسف المكتب يحاول يخوف الطلبة و طبعا عنده نوع من الحق لان الدولة الليبية ما ارسلت فلوس التأمين لتوا هذا علاش المكتب متوقعين ان التأمني في اي لحظة يوقف بس اني مازلت متأكدة من كلامي ان الشركة لليوم تغطي في المصاريف و مش من حقهم يقولوا للطالبة انتي جيتي لكندا حامل و مش راح ندفعوا و النقطة الثانية المهمة هما كاتبين توصلوا مع شركة التامين يعني قصة ان الشركة ما تغطي هذا احتمال و ليس يالضرورة الواقع
ان شاء الله كلامي واضح و تأكدوا اني مش راح نقول كلام و اني مش متاكدة و مش راح نضلل حد لا سمح الله
بالتوفيق

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
i.thesecret كتب:
شفتوا؟ يعني الموضوع فيه إن؟ يا إما التأمين ينصب ع الطلبة،يا إما اللي امداير العقد مع التأمين خانب يا إما الدولة تتلاعب بالطلبة، لأن التأمين يخلص مقدما ماليهش دخل بتعثر الميزانية، الا ف حالة ان الطلبة الجدد مادفعوش عليهم ف التأمين وبالتالي التأمين يخدم فيهم بأقل خدمة الى أن يدفعوله،عموما كل هذا تكهنات ونستنوا لحد ما حد يفهم الأمر من الأطراف المعنية ويفهمنا

اني سكنت في كندا سنة كاملة قبل مشكلة المنحة و شهادة احاسب عليها ان التامين و المكتب الكندي كان خدماتهم كويسة و يدفعوا في كل شيء المنحة تنزل في وقتها بالساعة و التامين شامل كل شيء و مافيش مشكلة بس الله غالب المشكلة الان اصبحت عدم مصداقية من ليبيا و عدم السرعة في تحويل المصاريف اللازمة للتامين و المرافقين و غيره

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
انا معاك اخت حنان  ان شركة التأمين خدماتها اكويسة وانا ماتعرضتش لاى مشكلة معاهم لكن الكلام اللي قلته متأكدة منه لانه حصل مع صديقاتى في شهر سبتمبر واكتوبر الماضي وبالفعل رفضت شركة التأمين دفع اى رسوم سواء متابعة او ولادة ولما اتصلوا بالمكتب الكندي قالولهم نفس الكلام وهن مقيمات فى تورونتو واوتاوا يعنى بمقاطعة اونتاريوا. 
انا بس انحب ننصح الاخوات اللي جايات ويتوقعن موعد ولادة قريب يتأكدن من المكتب الكندي والا حيضطروا يدفعوا المبلغ من حسابهم.
بالتوفيق للجميع

descriptionاستفسار بخصوص التأمين الصحي Emptyرد: استفسار بخصوص التأمين الصحي

more_horiz
التأمين حسب فكرتي يغطي كل شيء..في اونتاريو ما تدفعش الطالبة او الطالب اي شي من المستشفى تجيك فواتير تحوليها للمانيولايف وهما يدفعو سواء مصاريف متابعة قبل الولادة او مصاريف الولادة او بعدها..بس نسمع انه في كيبياك الطالب يدفع في بعض المصاريف تقريبا مصاريف الدكتور مش المستشفى وبعدين يكالب الشركة بيها..وما تفرقش لو جيتي حامل او الحمل صار هنا في كندا. ربي يسهل عليكم ويباركلكم في ذريتكم
صلاحيات هذا المنتدى:
لاتستطيع الرد على المواضيع في هذا المنتدى