دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالمنحة والمكتب الكندي (الشبعان مايندري على الجيعان) Emptyالمنحة والمكتب الكندي (الشبعان مايندري على الجيعان)

more_horiz
السلام عليكم
اذا كان في مسئول (يخاف ربي) في التعامل مع المكتب الكندي نود ان نبلغه ان الطلبة القادمون شهر 11 و 12 2013 الجدد لم تصرف لهم المنحة الى هذه اللحظة ونحن نعاني مع اسرنا الكبيرة فارجو منكم التكرم بالحل السريع والعاجل والنهائي...المكتب الكندي لا يعرف غير مصلحته فقط . نحن امانة في اعناقكم ايها المسئولون..وحسبنا الله ونعم الوكيل

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
لا حول ولاقوة إلا بالله العلي العظيم 
يعجز اللسان عن التعبير على هذه المهزلة الليبيين قريب يشحتوا في الغربة

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
يا شباب ديروا دعوه لتشكيل اتحاد ثم طالبوا بالغاء التعامل مع المكتب

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
المشكلة ليست في المكتب الكندي،،، المشكلة في الطريقة القديمة التي يتبعه القسم المالي في ليبيا  لعملية تحويل الاموال

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
dhnos كتب:
يا شباب ديروا دعوه لتشكيل اتحاد ثم طالبوا بالغاء التعامل مع المكتب

المشكلة في الفلوس اللي ما وصلوا من ليبيا و ليست المشكلة في اللي بيوزع الفلوس لانهم عارفين شغلهم في المكتب الكندي
للأسف المسؤولين في ليبيا رخصونا هلبه

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
لا حول ولا قوة الا بالله وان شاء الله نسمعو اخبار مطمنه باذن الله والله يفرجها على كل الليبيين

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
الحمد لله علي كل حال مرات واحد يفرح لما يجيه الايفاد لاكن وقت يسافر ويشوف كل شيء بعيونه يقول المفروض واحد مايسافر لين تصبح عندنا دولهتفكر في راحتك مش ناسين الليبين اهنيء قريب يمدوا ايديهم الشكوه من غير الله مذله والحمد لله

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
إن شاء الله ربي يفرج على عباده

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
اللهم امين يارب العالمين والطف بعبادك

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
Mustafa76 كتب:
المشكلة ليست في المكتب الكندي،،، المشكلة في الطريقة القديمة التي يتبعه القسم المالي في ليبيا  لعملية تحويل الاموال

نعم العله ليست المكتب الكندي.. المكتب الكندي ميقدرش يدفع للطالب فلوس من جيبه !! لازم يتم تحويل الفلوس من ليبيا للمكتب الكندي .. صدقوني المكتب هذا نعمه للطالب الليبي انا جربت ايام المكتب الشعبي كانن الفلوس يندزن من ليبيا و ما تنزلش منحة الطالب نين يستثمروهن السراقه و يبزنسوا من وراك و انت ترجى فالمنحه و فلوس الامتحانات من ايلس و غيره ياكلو فيهن بلا حشم لكن المكتب الكندي الله يسامحهم حقك يوصلك على داير مليم الا اذا الدوله الليبيه مابعثتش الفلوس " التقصير من دولتك مش من المكتب الكندي" و الله اعلم ربي يفرج عليكم و علينا

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
الله يبارك فيك يا اختي كلامك في الصميم و السراقة مازلوا الظاهر ورانا

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
ميزة المكتب الكندي انه ما يعرفش هدا ولد فلان والا علان والا هدا من قبيلة كذا او كذا..ويخاف على سمعته لانه ما يخدمش في الليبيين بس... والحق انا مع العدل ولو في الظلم..لانه قبل المكتب الكندي كنا نشوفو في القهاير بعيونا غيرنا واخد حقه وحق غيره ويخش على الملحق الثقافي ويدف في الباب برجله وحنا من الباب هدا كان سمحولنا نخشو مرات يقولك مش فاضي عندي اجتماع...نذكر وحدة من المرات كنت نطالب ببدل كتب سنة 2009 ..ما عطوهاليش..جى واحد من جماعة.... ما نبيش نقول لاي قبيلة ينتمي المهم من القبائل اللي كانت واصلة وقت المقبور..قالي انا جاي بناخد فلوس متع مرتي من حقها تقرى لغة وانا بناخدهم كاش وما نبيهاش تقرا..تعرفو!! خداهم 13700 دولار كاش ..من قبل ما يدفع وبفاتورة مبدئية ومرته لا قرت ولا دخلت لغة ولا حسيب ولا رقيب..لذلك العدل مهم الحق حتى في الظلم..المهم كلنا سواسية وكلنا ليبيين..وهدي مش حنلقوها الا بالمكتب الكندي وفق معطيات ثقافة واساليب رؤوس الدولة في الوقت الحالي..وتبقى وجهة نظر شخصية....سامحوني طولت عليكم

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
يا ريت اﻻخ ابو الحسن اللي يتهم فينا بعقدة الغرب وان احني ندافعو عن المكتب الكندي يجي يشوف التعليقات الموجوده بارك الله فيكم

descriptionالمنحة والمكتب الكندي (الشبعان مايندري على الجيعان) Emptyرد: المنحة والمكتب الكندي (الشبعان مايندري على الجيعان)

more_horiz
مهما سارقو ومهما نهبو ومهما زورو ومهما ومهما ومهما

فهم غافلون على وجود رقيب وحسيب لهم ... ربي في الوجود يا جماعه وربي يأخذ بالحق

اللهم أجرنا ^_^
صلاحيات هذا المنتدى:
لاتستطيع الرد على المواضيع في هذا المنتدى