قرار الضم تم توقيعه هدا اليوم

خبر اكيد مليون في المئه وكيف مانشوف قيكم ومن مصادرى الخاصه انها اليوم الوزير وقع قرار الضم وتجاوز العدد ال15الف طالب وطالبه ...
طبعا وكلامى زاد اكده السيد عبد المعز بانون عبر صفحته الشخصيه في التويتر وفي الفيس بوك..

بارك الله فيك يا خوي وياريت لو تشوفلنا هل في منحة والا مصاريف الدراسة فقط

حسب كﻹمهم هو انها الدوله متكفله بمصاريف الدراسه فقط والبعض يقول انها المنحه دراسيا ومعيشيا فقك يعنى بي يخلصو عنك الدراسه والمعيشه حتكون السفاره هيا تخلص في صاحب الشقه يعنى فلوس في ايدك ما في ..
وإن شاء الله يطلع لا .. لانها مصاريف المعيشه في الدول الاوربيه مكلفه جدا ..

قرارات الضم غالبا لا تشمل المصاريف والننحة بس اللي قاله الوزير في لقاءاته واعتمده طاهر بن طاهر قال القرار لي بنوقعوه حيكون شامل الدراسة والمصاريف للي ماقدنين...بس اسؤال هو لانه العدد تبارك الرحمن هل حيقعدو عند وعدهم وحيغطو مصاريف الدراسة والمنحة والمصاريف او لا؟؟؟ بس للعلم انه اي طالب ينضم للدولة من قبل وتوافق الدولة علي ضمه تكون متكفلته بالدراسة فقط....وان شاء الله خير

سراب الحقيقه فعلا تابعت كﻵم الطاهر بن طاهر ولكن هو قال لم نحدد بعد الاليآ الدي قد نتبعته ولكن قال انها سيدرسون تقليص المنحه الدي ستمنح للطلبه وقد تشكل لجنه لدفع رسوم السكن واعطى مبلغ رمزي كمنحه للطالب .

اول حاجه ..انا مليت من الدوه الفارغه حشاكم وللمره المليون والله نعرف واحد بدا في الباكلوريس وتوا في اخر سمسمتر ... فديناا ..ناهيك عن الاسماء اللي سقطت سهواا ...فا نحب نقولللكم احمدو ربكم ..اللي تجي من الدوله بركه ...

السلام عليكم اريد ان استفسر اين قوائم الضم ادا القرار توقع يوم الثلاثاء 23/1/2014  وقالوا سوف يتعمم فى خلال اسبوع لليوم لا نعلم اين قوائم الضم وهل بالفعل توقع القرار ام هيا اضحوكة مثل السابق بالتوفيق للجميع

انا سمعت من مصادر خاصه في الوزاره ان القرار توقع رسمي لكن ...مفيش حاجه رسمي حتي الان  ..بالتوفيق للجميع

القرار متوقع والحمد لله مافيش منه خوف بس العدد فات 16000 طالب فيها اسماء تقرا ع حسابها الشحصي وعليها اشاراا ت استفهام فواضح مايبوش يربكو الموضوع وحيعالجوه بطريقة دبلوماسية انسانية ..تعميم الاسماء مازاااال ممكن بيبعتوهم للسفارات قوائم كل واحدة بروحها ...والله اعلم مجرد تجميع معلومات...وع اي حال سواء خلصو جزء من المنحة للسكن او لا راهو والله بررررررررركة ونعمةما تتبطروش عليها احمدو ربي سرا وعلانية وربي حيزيد يوفقكم ويسهلكم طريقكم دامكم ف حمده وشكره ...لانه العدد هاااائل ووينها ميزانية الدولة؟؟؟؟فلهذا الحمد لله الف مرة اع تسهيل الامور..وموفقين

مفيش اخبار جديده يا هوووو بارك الله فيك

التكوليس تكوليس تكوليس ..سمعه خبر وقالي الشخص موكد انه في قائمه عند السفير الليبي في كندا ويراسل فيهم بالايميل ..وقد راسل شخص نعرفه ..ضم بالدكنوني ..اتفووووووووووووه عليك بلاد خاربه

السلام عليكم بالله اي حد من ادارت  الموفد يتصل بيا 00218927881644

السلام عليكم 
انى انقوللكم كلام رسمى قرار الضم توقع وامس عندى واحد صديق كلمته على القوائم قالى مازال شويا يبعتوهم للسفارات ولما يكون فيه دليل كامل سوف اخبركم زوبارك الله فيكم وربى يوفقكم جميعا للعلم انى ماعندى قرار ايفاد

النبض انت قاعد في توا اتوقع تي هو تعممو الاسماء بس في ساحات ما بعتوهمش وتقولى امس توقع صح النوم

هذا لايعتبر قرار فية فايدة أبدا , ياراجل فيه بعض الدول تعادل فيها مصاريف السكن والمعيشة مصاريف الدراسة كان مش أكتر.
الله المستعان.....
لكن السؤال اللي يطرح نفسه هل فيه أمل بالضم في المنحة أو حتى في السكن بس؟

IT STUDENT
كلام الطاهر بن طاهر جميل في الايام الاوله ولكن الان مع تاخير ميزانية ال2014 الي شهر 8 أعتقد ان الآمر سيكون مكلف بعض الشي وخاصا في دول اوروبا فمصاريف المعيشه تتجاوز مبالغ هائل يستر الله ...
وكذلك خروجهم علينا بقرار عدم تسديد المده الدراسيه التي مرت سابقا ودفعه الطالب من ماله الشخصي هدا قرار هزيل ويثبت ان الدوله في حالة تقشف مالي فلا تتطمعو بالمنحه والسكن فدعوه لله ...