دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionوصلنا بعون الله Emptyوصلنا بعون الله

more_horiz
وصلنا بعون الله وتوفيقة الي فانكوفر بعد رحلة شااااقة ابتداااء من  بنغازي - طرابلس-لندن - فانكوفر عالخطوط الانجليزية  ونشهد بالله ان البهدلة في حاجتين الاولي كثرة الحقائب والثانية الاطفال وربي يعين اللي عندة اطفال مع اني غيرت بزنس لاكن تعبوني وااااااااااااااااااجد والحمد لله وصلنا علي خير . مع ان تفويضي 30 مازال بكري عالسفر لان قوائم التفويض لم ترسل بعد للمكتب الكندي لاكن عقدنا العزم وتوكلنا علي الله وربي يجيب اللي فيه الخير 

descriptionوصلنا بعون الله Emptyرد: وصلنا بعون الله

more_horiz
الحند لله ع سلامتك يا وخيي انت وعويلتك...الانجبيزسة فيهم ميزة انهم يعطولك التاشيىرة يوم....مبيت عندك معناها ارتحت شوية ..كم الوزن لكل شخص؟ولما غيرت من اقتصادية لي بزنس كم خلصت علي كل تذكرة لانه فيه موفدة تسال ع تغيير القيمة كم؟وعلي وجبتهم كيف كانت ؟؟قلت انها تعباتك من ناحية طول الرحلة او التعب وجوع والاسباب المالوفة لانه في اللي محتار بين التركية واانجليزية ياريت يا خوي تجربتك في الخطوط والاوراق اللي طلبوها منك ف المطار .تاشيرة المرافقين دراسة؟..خوي الاسئلة هلبة وملخبطة تساعد بيها خوتك باعتبارك جازفت وسافرت قبل التفويض لانه جمانه عييت وتتحلف ماتجوش لين يبعتولها القوائم...الحمد ع سلامتك مرة تانية وربي يوفقك .....

descriptionوصلنا بعون الله Emptyرد: وصلنا بعون الله

more_horiz

الحند لله ع سلامتك يا وخيي انت وعويلتك...الانجبيزسة فيهم ميزة انهم يعطولك التاشيىرة يوم....مبيت عندك معناها ارتحت شوية ..كم الوزن لكل شخص؟ولما غيرت من اقتصادية لي بزنس كم خلصت علي كل تذكرة لانه فيه موفدة تسال ع تغيير القيمة كم؟وعلي وجبتهم كيف كانت ؟؟قلت انها تعباتك من ناحية طول الرحلة او التعب وجوع والاسباب المالوفة لانه في اللي محتار بين التركية واانجليزية ياريت يا خوي تجربتك في الخطوط والاوراق اللي طلبوها منك ف المطار .تاشيرة المرافقين دراسة؟..خوي الاسئلة هلبة وملخبطة تساعد بيها خوتك باعتبارك جازفت وسافرت قبل التفويض لانه جمانه عييت وتتحلف ماتجوش لين يبعتولها القوائم...الحمد ع سلامتك مرة تانية وربي يوفقك .....

بالنسبة للانجليزية عطوني يوم طلعنا من المطار للهوتيل والحمد لله اما بالنسبة للوزن لو الاقتصادية من حق كل واحد 40 كيلو للتذكرة علي ان لا يزيد وزن كل حقيبة عن 23 كيلو المهم الاجمالي 40 كيلو ولاكن لو غيرت بزنس لك الحق في 96 كيلو لكل تذكرة ووزن كل حقيبة لا يتجاوز 30 كيلو والقيمة اللي دفعتها للتغيير من الاقتصادية للبزنس قريب 103 دينار للشخص يعني كيف حالتي انا وزوجتي وثلاث اطفال فيهم واحد رضيع دفعت في الاجمالي 430 دينار في الاجمالي يعني غيرت جميع التذاكر من اقتصادية الي بزنس ودفع 430 بس ونصيحتي للكل انهم يغيرو للبزنس لان الفرق بين الدرجتين بين السماء والارض من الاخير كانك في سرير . طلبت اكل اسلامي تجيك وجبة سمك الحق حلوة حلوة وممتازة وناهيك عن طبق الحلو والمشاريب والمكسرات وغيرة يعني تشبع مية المية  drunken . بالنسبة للتعب كيف ماقلتلكم انا كانت معايا 7 حقائب كبيرة تعبتني في نقلهن من بنغازي لطرابلس وفي طرابلس شلتهم للهوتيل وبتت ليله ورجعت بيهم ثاني يوم من الهوتيل للمطار يعني بهدلة والحاجة الثانية بهدلة الاولاد يعني يبو يجرو ويعيطو ويلعبو مش حيخلوك تستمتع بكرسي البزنس الا لما يرقدو  وصلنا بعون الله 241993  . في المطار الحق وجوههم مشرحة ومن كثرة ضحكهم لين تقول متخريطين ههههههه ماطلبو شي عطيتهم الجوازات والاوراق اللي عبيتهم في الطيارة وتصريح الدخول لكندا اللي يرسلوه لك بعد التاشيرة والقبول وعطيتهم دعم التاشيرة اللي من البعثات لان ماستلمتش دعم المكتب الكندي قلت خلي يعرفو اني مدعوم من الدولة ومشت الامور مسألنيش الا اسالة عادية  هل اهلك بيقعدو معاك طول مدة وجودك في كندا ولا لاقلتلهم يس عطوهم نفس المدة اللي عطوها ليا مع ان تاشيرتهم visitor ويعدها يقول مرحبا بالاجواد  cheers 

descriptionوصلنا بعون الله Emptyرد: وصلنا بعون الله

more_horiz
الحمد لله على السلامة
اختي نحن في فانكوفر أي خدمة تفضلي

descriptionوصلنا بعون الله Emptyرد: وصلنا بعون الله

more_horiz
الحمد لله عالسلامه يا عدنان وماتنساش توافينا بباقي تجربتك فيما يخص فانكوفر قبل تعلق في القرايه لاني باذن الله حنكون عندكم علي منتصف مارس فاي زياده منك فيها افاده وخاصة فيما يتعلق بالسكن والمعهد اللي تبي تقرا فيه .

descriptionوصلنا بعون الله Emptyرد: وصلنا بعون الله

more_horiz
اختي امان نبي بالله نسالك علي معهد ايلك لو عندك عليه معلومه او تقري فيه ..شن امكانياته مقارنة مع معاهد الحامعات ؟

descriptionوصلنا بعون الله Emptyرد: وصلنا بعون الله

more_horiz
خوي علي ربي يقدرني عاللي فيه الخير باذن الله غير نرتب اموري واللي في جهدي نديرة باذن الله

descriptionوصلنا بعون الله Emptyرد: وصلنا بعون الله

more_horiz
aman كتب:
الحمد لله على السلامة
اختي نحن في فانكوفر أي خدمة تفضلي

بارك الله فيك اختي بس انا اخي مش اختي  drunken

descriptionوصلنا بعون الله Emptyرد: وصلنا بعون الله

more_horiz
بارك الله فيك خوي عدنان ومرة تانية ربي يحفظك لعويلتك وكل كلمة تكتبها اجعلها في ميزان حسناتك اجر مضاعف يارب العالمين....نسيت بنسالك الهوتيل علي حساب الخطوط ولا حجزت بروحك من ليبيا؟؟؟وبارك الله فيك وربي يفتحها عليك ...وزي ماقال خوي علي وافينا بالتفاصيل مازال قصقصة الايجارات والرخص والبيئة المحيطة في فانكوفر للي بيقرا فيها بقدرة المولي.... الله يفتحها في وجهك ويسرلك امورك

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionوصلنا بعون الله Emptyرد: وصلنا بعون الله

more_horiz

الحمدلله على سلامتك أخي عدنان وربي يحفظ الصغار ... وإن شاء الله تتحمل قصقصتنا !!!! بصراحة 7 شناطي!!!! شن رفعت معاك وحسيت انه مهم جدا باهي اللي رفعته؟؟؟؟ وشن الحاجات الممنوعة في المطار؟؟
والأسئلة هلبة لو صدرك يتسع ليها!!
تحياتي لك ودعواتنا بالتوفيق

descriptionوصلنا بعون الله Emptyرد: وصلنا بعون الله

more_horiz
اختي امان نبي بالله نسالك علي معهد ايلك لو عندك عليه معلومه او تقري فيه ..شن امكانياته مقارنة مع معاهد الحامعات ؟

السلام عليكم بصراحة هذا المعهدليس لدى أي فكرة عليه.. لكن شخصيا أرى انBCIT هو من أفضل المعاهد

descriptionوصلنا بعون الله Emptyرد: وصلنا بعون الله

more_horiz
أختي إيمان اللي جاي كندا بيحضر ماستر او دكتوره ننصحه يدرس لغه في معاهد تابعه الجامعه الحكومية لكي يكون عندك القبول اسهل من المعاهد الخاصه او التجارية لان المعاهد الحكوميه تكون كورس أكاديمي ليس مثل المعاهد الخاصه لتعلم اللغه فقط هذا من وجهه نظري والحمد لله علي سلامتك الأخ عدنان هو وأسرته وربي يوفقك

descriptionوصلنا بعون الله Emptyرد: وصلنا بعون الله

more_horiz
الحمد لله ع السلامه وان شاء الله موفقين ونبي ننشدك ع التغير من الاقتصاديه للبزنس معقوله الفرق 103 ديناار ؟؟

descriptionوصلنا بعون الله Emptyرد: وصلنا بعون الله

more_horiz
BCIT معهد حكومي تبع لجامعة

descriptionوصلنا بعون الله Emptyرد: وصلنا بعون الله

more_horiz
الحمد لله علي السلامة والبركة في الصغيويرة وانشاء ترجع لليبيا بالشهادة الكبيرة

descriptionوصلنا بعون الله Emptyرد: وصلنا بعون الله

more_horiz
معهد ilac يعتبر من المعاهد التجارية و الترفيهية. كويس للأشخاص اللي يبو يتعلمو اللغة كمحادثة مش انهم يحضرو ماستر أو دكتوراه و أنا شخصيا درسة فيه مدة اسبوعين و غيرت على معهد تابع جامعة تورونتو والفرق زي أالسما ء و الأرض و ربي يوفقك .

descriptionوصلنا بعون الله Emptyرد: وصلنا بعون الله

more_horiz
الحمد لله على السلامة عقبال باقي الطلبة بس مفروض انتظرت التفويض و ربي يعينكم

descriptionوصلنا بعون الله Emptyرد: وصلنا بعون الله

more_horiz
الحمدلله علي السلامه وربي يزفقكم ...الحق درتنا هاجس من السفرة ....شن تنصح بيها الحطوط الانجليزيه؟

descriptionوصلنا بعون الله Emptyرد: وصلنا بعون الله

more_horiz
شكرا سيدرا علي الاهتمام .

descriptionوصلنا بعون الله Emptyرد: وصلنا بعون الله

more_horiz
حمد لله علي السلامه،،، عقبالنا،،بنسأل هل سهل أني نغير لمعهد جامعهubc مع العلم أني مسجله ٌفي ilac

descriptionوصلنا بعون الله Emptyرد: وصلنا بعون الله

more_horiz
الحمد لله على سلامتك أخي عدنان بالتوفيق إن شاء الله

descriptionوصلنا بعون الله Emptyرد: وصلنا بعون الله

more_horiz
السلام عليكم خوي عدنان والحمد لله علي سلامتك وربي يوفقك يارب خوك صلاح ابوجناح
صلاحيات هذا المنتدى:
لاتستطيع الرد على المواضيع في هذا المنتدى