دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionبنبدو نشحتو  Emptyبنبدو نشحتو

more_horiz
change any change sir, do have any coin. for Libyan students, please sir, I'm hungry.
كويس هكي والا نزيد نتدرب اكثر
http://burl.co/328D5E8 silent 


descriptionبنبدو نشحتو  Emptyرد: بنبدو نشحتو

more_horiz
لحق على سمافروا ولا تقاطع باهي راه معا اتحصل

descriptionبنبدو نشحتو  Emptyرد: بنبدو نشحتو

more_horiz
هو شحتنا وفات توه نستنوا في الإغاثة من الصليب الأحمر الكندي ربي يصبرنا علي الايفاد ومشاكله وربي يكون في عونا

descriptionبنبدو نشحتو  Emptyرد: بنبدو نشحتو

more_horiz
ما تخوفوناش عاد ... تي احنا حاسدينكم انتم غادي وتقولو بشحتوا

descriptionبنبدو نشحتو  Emptyرد: بنبدو نشحتو

more_horiz
كلام فاضي هاالايفاد..الواحد كان حاط توقعات اكبر من الحقيقة... الحلم شكل والحقيقة شكل ...تاخر المنحة والقبول الاكاديمي اكتر مواضيع مرهقة في الايفاد ، تقعد عائلات تراجي في المنحة كل شهر وان شاء الله تلحق علي التزاماتها  ..تتفاجئ ان المنحة مرات تقعد بالشهرين ماتنزلش واكتر... والمشكلة التزامات الايجار والمية والضي والنت والموبايل والتلفزيون والله اعلم كل مرة تطلع قصة جديدة...الحق احني اللي حاسدينكم في ليبيا الواحد فات فيه حط رجله في مستنقع للرمال متحركة ماعادش عرف يولي والا يكمل والحمد لله علي كل حال  Neutral

descriptionبنبدو نشحتو  Emptyرد: بنبدو نشحتو

more_horiz
السلام عليكم
اللي فلس ومعرفش يتصرف ف منحته يروح خير من يشحت
الله يعين الجميع وعليكم بالصبر او المرواح راكم تحشمونا
دس قرشك الابيض ليومك الاسود
لكن مع التعطيل هذا دسه لايامك السود
الله يعينكم عالتاخير هذا واصبروا راكم تروحوا  جاييييينكمممممممممممم
احنا ليبيييييييين اعزاززززز ديما مرفوعييييييييين الراسسسسسسسسسس

descriptionبنبدو نشحتو  Emptyرد: بنبدو نشحتو

more_horiz
والله صدقت ياخوي علي الايفاد وكندا يلفرحه ماتمت واللي يقول دس القرش الأبيض لليوم الأسود وينه القرش الابيض شوفناه مره وحده لين اريعه شهور في كندا خدينا المنحه مره بس والواحد يقول الحمد لله لما يتصل باهله ومايقصروش هما حتي غادي ربي يعلم بحالهم ومن وين بتجيك راحه البال اللي ديما نفكروا يا في المنحه يا في التامين وكل شيء نار ربي يسترنا

descriptionبنبدو نشحتو  Emptyرد: بنبدو نشحتو

more_horiz
الله يكون فى عوننا مش حابين نعطو صورة سلبية لكن الله غالب هذا هو الواقع اللي عايشين فيه قبل.قبل ماما نوصلو كندا كنت نقول غر خليني نوصل بس و كل شئ حيكون 100%لكن للأسف الواقع مختلف تماما تاخير منح و تأمين مش نافع و الدنيا غالية نار ما عندنا ما نقولو غير ربي يصلح الحال .

descriptionبنبدو نشحتو  Emptyرد: بنبدو نشحتو

more_horiz
سيدرا طارق كتب:
الله يكون فى عوننا مش حابين نعطو صورة سلبية لكن الله غالب هذا هو الواقع اللي عايشين فيه قبل.قبل ماما نوصلو كندا كنت نقول غر خليني نوصل بس و كل شئ حيكون 100%لكن للأسف الواقع مختلف تماما تاخير منح و تأمين مش نافع و الدنيا غالية نار ما عندنا ما نقولو غير ربي يصلح الحال .

السلام عليكم
هل المصاريف تزيد عن 3000 الى 4000 دولار شهريا
ارجو الافادة حني ماشين على حسابنا الخاص والسنة الاولى انجليزي طبعا

descriptionبنبدو نشحتو  Emptyرد: بنبدو نشحتو

more_horiz
يام طه توصلي بالسلامه ان شاء الله وإنني قلتي بتقري علي حسابك والمبلغ الذي دكرته يسد بزياده 4000$ شهريا هي تقريبا نفس المنحه اللي نتحدى فيها بس اقل بشيء بسيط وشكرا وربي يوفقك

descriptionبنبدو نشحتو  Emptyرد: بنبدو نشحتو

more_horiz
4000 يسدو الحمدالله بس منغير مصاريف الدراسه ﻻن حتى معاهد اللغه غاليه ولو صغارك في عمر المدرسة معناها بتدفعي ﻻنكم من موفدين وربي يعينكم اختي

descriptionبنبدو نشحتو  Emptyرد: بنبدو نشحتو

more_horiz
4000 يسدو الحمدالله بس منغير مصاريف الدراسه ﻻن حتى معاهد اللغه غاليه ولو صغارك في عمر المدرسة معناها بتدفعي ﻻنكم مش موفدين وربي يعينكم اختي

descriptionبنبدو نشحتو  Emptyرد: بنبدو نشحتو

more_horiz
tark gharab كتب:
يام طه توصلي بالسلامه ان شاء الله وإنني قلتي بتقري علي حسابك والمبلغ الذي دكرته يسد بزياده 4000$ شهريا هي تقريبا نفس المنحه اللي نتحدى فيها بس اقل بشيء بسيط  وشكرا وربي يوفقك


الله يسلمك وشكرا للرد

descriptionبنبدو نشحتو  Emptyرد: بنبدو نشحتو

more_horiz
beba89 كتب:
4000 يسدو الحمدالله بس منغير مصاريف الدراسه ﻻن حتى معاهد اللغه غاليه ولو صغارك في عمر المدرسة معناها بتدفعي ﻻنكم من موفدين وربي يعينكم اختي

بارك الله فيك ولكن دراسة الاطفال مجانية حسب ماسمعت من صديق لنا هناك

descriptionبنبدو نشحتو  Emptyرد: بنبدو نشحتو

more_horiz
والله كلام في الصميم الحلم شي والواقع شي يعني بدل مانفكروا
في الدراسه وا كيف بنتفوقوا  قاعدين نحرقوا
 عالمنحه وكيف نمشوا الامور... ربي يصبرنا ويسهل علينا وخلاص

descriptionبنبدو نشحتو  Emptyرد: بنبدو نشحتو

more_horiz
اختي الدراسة مجانيه للطلبة الموفدين على حساب الجولة بس اللي حسابهم ﻻ للعلم المعلومة هادي خديتها من جارتي كندية وزيدي تأكدي اختي

descriptionبنبدو نشحتو  Emptyرد: بنبدو نشحتو

more_horiz
beba89 كتب:
اختي الدراسة مجانيه للطلبة الموفدين على حساب الجولة بس اللي حسابهم ﻻ للعلم المعلومة هادي خديتها من جارتي كندية وزيدي تأكدي اختي



السلام عليكم

دراسة مجانية !!!!!ما في شي مجاني في كندا يا اختي  

اولا في بعض المقاطعات مثل اونتاريو الدراسة لابناء طلبة اللغة غير مجانية في المدارس الكندية و المكتب الكندي يدفع لدراسة الابناء لمدة سنة يعني لحد ما يحصل الموفد قبول اكاديمي بعدين تصبح الدراسة مجانية حسب القانون الكندي بس اذا ما حصل الموفد قبول معناها راح يدفع على دراسة ابناءه بروحه.... بس في بعض المقاطعات الاخرى مثل البريتا الدراسة مجانية للجميع
ثانيا المكتب الكندي يدفع فقط تكاليف يوم واحد في المدرسة العربية وتكون في يومي السبت و الاحد يعني اذا الموفد يبي اولاده يقروا عربي طول الاسبوع معناها راح يدفع المبلغ بروحه حسب ما نعرف ان تكاليف لمدرسة العربية في مدينتي تتراوح بين 300-350 دولار في الشهر للطفل بحيث يقرأ 5 ايام في الاسبوع

descriptionبنبدو نشحتو  Emptyرد: بنبدو نشحتو

more_horiz
اختي اني اخطأت القصد هوا لو انها طالبة ف مش مظطرة تدفع مصاريف دراسة ﻻوﻻدها اما لو كانت زي حالة الاخت انهم جايين على حسابهم ف مش حتكون مجانية هدا اللي قصدته

descriptionبنبدو نشحتو  Emptyرد: بنبدو نشحتو

more_horiz
ضاقت فلما استحكمت حلقاتها ...............فرجت  وكنت  أظنها لا تفرجُ

descriptionبنبدو نشحتو  Emptyرد: بنبدو نشحتو

more_horiz
لا يا اختى انا عندى بنت عمرها 5 سنوات و حاتطتها فى مدرسة اسلامية الاسبوع كله و المكتب الكندى ايخلص فيها و انا من موجودة فى تورونتو

descriptionبنبدو نشحتو  Emptyرد: بنبدو نشحتو

more_horiz
سيدرا طارق كتب:
لا يا اختى انا عندى بنت عمرها 5 سنوات و حاتطتها فى مدرسة اسلامية الاسبوع كله و المكتب الكندى ايخلص فيها و انا من موجودة فى تورونتو

اختي سيدرا
المكتب الكندي يخلص عنك توا مصاريف المدرسة الاسلامية لسبب بسيط انك طالبة لغة و هو دافع دافع سواء للمدرسة الاسلامية او الكندية بس بمجرد ما تحصلي قبول اكاديمي ان شاء الله راح يوقف يخلص المدرسة الاسلامية الا يوم واحد في الاسبوع
ان شاء الله فهمتي وجهة نظري

descriptionبنبدو نشحتو  Emptyرد: بنبدو نشحتو

more_horiz
beba89 كتب:
اختي اني اخطأت القصد هوا لو انها طالبة ف مش مظطرة تدفع مصاريف دراسة ﻻوﻻدها اما لو كانت زي حالة الاخت انهم جايين  على حسابهم ف مش حتكون مجانية هدا اللي قصدته

الطلبة اذا عندهم قبول اكاديمي و حابين يدرسوا ابناءهم في المدرسة العربية دوام كامل مسؤولين عن دفع رسوم الدراسة يا اختي
صلاحيات هذا المنتدى:
لاتستطيع الرد على المواضيع في هذا المنتدى