دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionموضوع المنحــــــــــــــــــــــــــــــــه السوده  Emptyموضوع المنحــــــــــــــــــــــــــــــــه السوده

more_horiz
موضوع المنحـــــــــــــــــــــــــــــــــــــــه السوده
هذا الموضوع اللى عنده معلومه يضيفها خلونا نعرفو شن صاير وامتى ناويين ينزلزها

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
ياخوي الليبي الموضوع هذا عيينا من الكتابه فيه حتي خوتنا الطلبه يقرا الخبر ويمشي للي بعده تقول ماتهمهمش غير كان نشوفوا الطلبه السعوديين تموت بالقهره كيف متعاونين في السراء والضراء لاحول ولا قوه الا بالله

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
ان شا الله خير...........

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
tark gharab كتب:
ياخوي الليبي الموضوع هذا عيينا من الكتابه فيه حتي خوتنا الطلبه يقرا الخبر ويمشي للي بعده تقول ماتهمهمش غير كان نشوفوا الطلبه السعوديين تموت بالقهره كيف متعاونين في السراء والضراء لاحول ولا قوه الا بالله


lاخي الموضوع مش موضوع انه بنعلق علي طلبة السعوديين .... بس الحمد لله اللخير اللي في قلوبنا الليبيين بصفة خاصة ماريته عند حد البرة ... الله غالب كل حد يدير اللي عليه وفي النهاية يدعي بقلبه وانت ماتشوفش فيه خلي كلمة طيبة تطلع منك وما تستقلش بحد حتي لو ماردش في موضوعك ولا كتب كلمتين ولا وقف في صفك قدام البعتات ع موضوع المنحة اللي مانزلتش .... هذا كله مايعنيش انه غيرك مش حاس بيك وانه السعوديين او او او حاسيين ببعضهم خير وعندهم اتحاد وعندهم هلبة حاجات ومزيانات ومليون حاجة كان بنعددوها مابداها من اهتمام الدةولة اللي تشجع .... ونوقف عند كلمتين اخي ماتزعلش لو ما رد حد ..ماتزعلش لو ماوقف حد ....ماتزعلش لو ما ثأثر حد وساهم وجري معاك في سبيل شيء ليك لانه مرات ليه دعوة لا ترد .....

الحمد لله علي كل حال وما التوفيق والتسهيل الا من عند الوهاب ...ما تحرجشش من حد ..بالعكس ادعيلهم حتي لو غيرك مقصر في حقك ...

ربي يسهل علي كل طالب ويفتحله باب العلم ويجازيه علي عمله ويزرقه من حيث لا يعلم.

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
العبدلله أوراقي كاملات وتحصلت على قبول في أمريكا..وسبق ان نزلت أكثر من موضوع وشاركت في أكثر من رد..خايف منه موضوع المنحه بعد الحصول على التأشيرة يقولولك مافيش ميزانيه يعني التعب والجري مشي عالفاضي عندي صديق موعده يوم 9فبراير في الأردن مفروض كنت نمشي معاه شرحتله الموضوع وقلتله ماتستعجلش يوميا نمشي لوزارة العمل والتأهيل ونشوف في الطلبه بعد مايتحصلوا على التأشيره مايحثلوش مستحقاتهم المالية يراجعوا في الوزارة يقولولهم موضوعكم مش عندنا !! محتاجين تفاعل في الموضوع واللي عنده خلفيه على جماعة المالية يرد علينا..لأن أغلب الساحات يعانوا من تأخر المنحه بالشهور..

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
ربى  يسهل عليكم وييسر اموركم ويكون في عونكم يالله
نحنا في الساحة المصرية ماتتأخرش واجد الحق
لكن لكل مكان ميزات وعيوب وربى يقلل من عيوب المكان الى انتوا  فيه

descriptionموضوع المنحــــــــــــــــــــــــــــــــه السوده  Emptyرد: موضوع المنحــــــــــــــــــــــــــــــــه السوده

more_horiz
freelibya_1983 كتب:
موضوع المنحـــــــــــــــــــــــــــــــــــــــه السوده
هذا الموضوع اللى عنده معلومه يضيفها خلونا نعرفو شن صاير وامتى ناويين ينزلزها

ربي يفرج عليكم ويفرج على ليبيا كلها ياااااااااااااااااااااااااااارب
صلاحيات هذا المنتدى:
لاتستطيع الرد على المواضيع في هذا المنتدى