دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionرخصة القيادة وأمتلاك سيارة بكندا  Emptyرخصة القيادة وأمتلاك سيارة بكندا

more_horiz
أخوتي الطلبة المقيمين بكندا .. ماذا عن رخصة القيادة لمن أراد أن يشتري سيارة ؟ هل يسمح لنا بالقيادة بالرخصة الليبية لو تم تغييرها هنا في ليبيا الي دولية أم لا ؟ وأيضا بخصوص أمتلاك سيارة هناك .. هل يفضل أن نشتري سيارة أم أن الموصلات العامة أفضل ؟ وهل هي مكلفة أم أنه بالامكان أقتناء سيارة ؟

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
ياخوي مبدئيا مافيش خير من الموصلات العامه علي الاقل تتعرف علي الطريق وتشوف ظروف المعيشه ويمكن تجيب معاك رخصه دوليه ماتخسر شيء من وجه نظري وشكرا

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
شكرا لك أخي طارق علي الرد وأنا فقط من باب الفضول طرحت هذا السؤال وبالتأكيد وحتي وإن كانت السيارة أفضل فلا يمكن شرؤاها من البداية الا بعد مرور أشهر علي وجود الطالب هناك وبالاضافة كما قلت مجرد فضول لكن عن رخصة القيادة نتمني ان نعرف هل نحضر معنا رخصة دولية أم أنه لا فائدة منها هناك ؟

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
السلام عليكم ..لا يسمح ان تقودة السيارة في كندا بالرخصه الليبيه ضروري من ظهور الرخصه القيادة الكنديه في الاول تاخذ موعدة ويعطوك كتاب الدراسه فيه تقدم بيه الامتحان في باللغتين العربيه او الانجليزيه انت تختار الامتحان بالعربي او الانجليزيه ..اما السيارة تستطيع شرائها بتقصيد مش راح ياخذو المبلغ كامله او الاجار والافضل السيارة احسن من المواصلات العامه الان تكلفه هلبه المواصلات العامه..

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
بارك الله فيك وجزاك خيرا .. كفيت ووفيت

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
السلام عليكم.
الموضوع فيه تفصيل.
بالنسبة للرخصة الليبية حسب علمي (وأنا متأكد منه إن شاء الله) لايمكنك القيادة بها في مقاطعة اونتاريو (أوتاوا وتورونتو وغيرهما) وتحتاج إلى استخراج رخصة كندية لأن الرخصة الدولية تقبل لمدة شهرين فقط، ولكن عليك أن تحضر مايفيد بعدد سنوات خبرتك في القيادة لتترجمها من السفارة وتقدمها عند تقديم الطلب. أما بالنسبة لمقاطعة كيبك (مونتريال) فالطلبة الليبيين يقودون بالرخصة الليبية بعد ترجمتها في مكتب معتمد في مونتريال ويشترون بها سيارة.
العائلة تحتاج لسيارة ولكن التأمين في اونتاريو غالي جداً مقارنة بكيبك (في تورونتو تدفع ما لايقل عن 250 دولار شهرياً ولكن في مونتريال لا يزيد عن 40 دولار شهرياً) وهذا عامل مهم في شراء سيارة من عدمها. 
أرجو أن أكون أفدت.
والسلام عليكم

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
السلام عليك اخوتي الموضوع  في الرخصة الليبية يختلف من مقاطعة االى اخر ولكن عامتا يمكن تقود السيارة بالرخصة الليبية من مدة دخولك لكندا اي منذ ختم دخولك لكندا في مدة لا تتجاوز 20الى 30 يوم زي ما قلتلك الموضوع على حسب المقاطعة اللي انت نازل فيه وننصحك نصحية مهمة جدا جدا وهي انك بعد ما تاخد الرخصة الدولية وموضوعها ساهل ورخيص انك تمشي لشركة التامي زي ليبيا للتأمين والافريقية او الليبو المهم الشركة اللي انت امنت فيها سيارتك باش يعطوك رسالة باللغة الانجليزية مافدها انككنت تسوق في ليبيا ومادبيك المدة تكون طويلة كل ما احسن طبعا بتقول شن فيدتها في كندا انقولك تنقص عليك قسط شركة التامين في كندا هلبة وخاصتاً اذا كنت ماعندكش حاودث وطبعا ساهل انك ادير الموضوع هذا في ليبيا لان من غير هكي قسط التامين يبدا غالي  عليك و لان المعيشة غالية هلبة اهنا لازم تفكر في الخطوة هذي وشد روحك بعدين في البنزينة هي صح موجودة ديما هههههههههه لكن من اسعارها الغالية وكل يوم السعر يختلف عن اليوم اللي قبله على البورصة يا خوي وحتى لو فكرت في سيارة حاول تاخد سيارة كويسة وموديل قديم والسبب في هذا على خاطر الضرايب امتاعهم  وهي تختلف من مقاطعة لاخرة وتوصل تقريبا 15% يعني سيارة 4000 $ بتزيد عليه 600$ +رسوم التسجيل باش يعطوك لوحة واحدة فقط للسيارة وتركب في خلف السيارة ويوم تبي تروح تمشي للمواصلا ت امتاعهم  ,وقبلها اسم المقاطعة access تعبي application  للاسترداد الرسوم وهم في العادة يعطوك نصف القيمة اللي دفعتها والله اعلم واي خدمة تفضل ان شاء الله ان كون وحت الصورة ملاحظة لو معاك عائلة انت محتاج السيارة على خاطر الظروف المناخية عندهم جو متعرفاش شني يبي

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
السلام عليكم ورحمة الله وبركاته...الشباب كفو ووفو بارك الله فيهم...أهم شي جيب رخصتك الليبية معاك با اترجمها والغاية منها هو التالي...يحقلك مادام عمرك اكبر من 17 سنة انك ادير امتحان نظري خاص بالاشارات والقوانين...مازال ما وصلناش للغرض من الرخصة الليبية
الامتحان النظري يعطوك بيه رخصة تقدر تتعلم بيها او تسوق بيها ومعاك على اليمين شخص حامل رخصة G3 في اونتاريو او 15 pointst في كويباك..وما يحقلكش ادير رخصة تسوق بيها بروحك الا اذا:
1- مرت فترة 8 شهور على حيازتك رخصة اجتياز الامتحان النظري وخديت دروس في القيادة
2- مرت فترة 12 شهر على حيازتك رخصة اجتياز الامتحان النظري بدون دروس قيادة
3- لديك ما يفيد بان عندك خبرة سنتين في امريكا الشمالية او بريطانيا او 4 سنوات فيما عداها..وهنا يجي دور الرخصة الليبية والتي يجب ان تترجم ويصدق على الترجمة من السفارة الليبية في كندا
يعني بامكانك ان تتقدم لامتحان القيادة مباشرة بعد حصولك على رخصة اجتياز الامتحان النظري ومعاه الرخصة الليبية..  وربي يوفقك

descriptionرخصة القيادة وأمتلاك سيارة بكندا  Emptyرد: رخصة القيادة وأمتلاك سيارة بكندا

more_horiz
بارك الله فيكم جميعا .... بارك الله في من طرح الموضوع ومن أجاب بالجواب الكافي وهذا ليس بغريب عن أعضاء الموفد ... دعواتنا لكم بالتوفيق
صلاحيات هذا المنتدى:
لاتستطيع الرد على المواضيع في هذا المنتدى