دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionدراسة الطيران فى كندا Emptyدراسة الطيران فى كندا

more_horiz
لقد تكلمت مع عدد من اخوتى الموفدين لدراسة الطيران فى كندا ومعظمهم لا فكره لديه عن الجامعات التى تعطي درجة البكالوريوس فى الطيران لهذا قمت بالبحت عنها وانا اوضحها لهم
1جامعة ترينتى الغربية وهى فى ولاية بريتش كولومبيا  فى مدينة لانغلى وبها بكالوريوس طيران
https://www.twu.ca/academics/calendar/2013-2014/affiliate-institutions/coastal-
pacific-aviation-ufv-aviation-studies/aviation-bsc-2013-14.pdf
2جامعة واترلو وهى فى ولاية وسترن اونتاريو فى مدينة واترلو وتعطى بكالوريوس علوم وطيران او جغرافيا وطيران

https://uwaterloo.ca/aviation/future-undergraduate-students
3 جامعة فريزر فالى فى ولاية بريتش كولومبيا فى مدينة ابوتسفوردوتعطى بكالوريوس فى ادارة الطيران مع رخصة طيار
http://www.ufv.ca/calendar/winter-summer-2014/ProgramsA-B/AV_DEG.htm
4 جامعة وسترن اونتاريو فى ولاية اونتاريو فى مدينة لندن وتعطي بكالوريوسفى ادارة الطيران مع رخصة طيار
http://www.ufv.ca/calendar/winter-summer-2014/ProgramsA-B/AV_DEG.htm
5جامعة نيوبرونزويك فى مدينة فردراكتين وتعطى بكالوريوس فى ادارة الطيران مع رخصة طيار
http://www.unb.ca/cel/programs/undergraduate/aviation/
6 جامعة ماوينت اليسون فى ولاية نيوبرونزويك فى  مدينة ساكفيل  وبها بكالوريوس علوم طيران
http://www.mta.ca/academic_calendar/Aviation.html
7كلية سانيكا فى ولاية اونتاريو فى مدينة تورنتو تعطى بكالوريوس فى تقنية الطيران
http://www.senecac.on.ca/fulltime/FPR.html

descriptionدراسة الطيران فى كندا Emptyرد: دراسة الطيران فى كندا

more_horiz
بارك الله فيك اخى طارق مجهودك وافر وربى يجعلها لك فى ميزان حسناتك وربى يوفقك فى دراستك

descriptionدراسة الطيران فى كندا Emptyرد: دراسة الطيران فى كندا

more_horiz
بارك الله فيك عالتوضيح

descriptionدراسة الطيران فى كندا Emptyرد: دراسة الطيران فى كندا

more_horiz
خوي انس تعرف قلبت عليك المنتدي كله وانا نسال وينه اللي يسال علي هندسة الطيران باش تقولك علي موضوع خونا طارق...اهو انت شفته ..^^...يشكرو في اكاديمية سينيكا اخر واحدة هلبة

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionدراسة الطيران فى كندا Emptyرد: دراسة الطيران فى كندا

more_horiz
بارك الله فيك وجعلها الله في ميزان حسناتك

descriptionدراسة الطيران فى كندا Emptyرد: دراسة الطيران فى كندا

more_horiz
السلام عليكم خوي طارق

اني نوي بأذن الله نقرأ طيران تجاري طيار في كندا تورنتو بعد السنه لغه يعني لو حبذا نبي رأيك اي اكاديميه تعطي جميع الرخص الي ATPL ولو عندهم تيب ريتنج خير وخير ونبي نعرف شن النظام الرخصه هل JAA او FAA بالله مساعدتك ياخوي لاني نبي نختار اكاديمه ممتاز ماعليهاش غبار وتكون من الافضل في كندا كلها وشكرا وبارك الله فيك

descriptionدراسة الطيران فى كندا Emptyرد: دراسة الطيران فى كندا

more_horiz
اخى العزيز
أولا انصحك بدراسة اللغة وين بتقرا الاكاديمى وتانيا شوف جامعة وسترن اونتايو في لندن وهى اكفأ الجامعلت في كندا بالنسبة للطيران التجاري وتالتا بالنسبه للرخصة فان الجامعة تمنح الاتى
◾Bachelor of Management and Organizational Studies Degree (BMOS)
◾Private Pilot’s Licence (PPL)
◾Integrated Commercial Pilot’s Licence (ICPL)
◾Night Rating
◾Multi-Engine Rating
◾Group 1 Instrument Rating
◾260 hours of flight and simulator time
◾400 hours in integrated pilot ground school
بعد ماتتحرج منها

descriptionدراسة الطيران فى كندا Emptyرد: دراسة الطيران فى كندا

more_horiz
خوي اللي سأل علي ااطيران التجارب... الرخصة اللي بتاخدها رخصة كندية تبي تحويل بعدين للرخصة الليبية بالمعادلة بمادة قانون وطيران واختبار للمهارة ياعني عنلي تقريبا 20 دقيقة غلي السمليتر في الئطيران المئحني فء المطار ... علي فكرة قرارك بتاع المواصلات مش مترشحله التايبريتينق حتي ولو قالو انه من ضمن الكورس..المكتب الكندي لما تراسلهم من الاول يقواوك الدرجة الموفد ليها cpl هذي حدها للاسف .. ولو بتاع اي تي بي ال باكيج من البداية لازم تراسل اكاديمية علي التكلفة وتاخذ منهم رسالة وترفعها للمكتؤ الكندي ياعني ممكن يوافق ممكن لا لانه مايغطيش المبلغ والتكلفة المتحددة لقرارك... لو تاخذها خطوة بخطوة افضلك بي بي ال بعدها سي بي ال بعدها تكمل IR و مالتي انجن لانه الكورس بايكيج كامل بيحكملك بعدين في الساعات المئطلولة بالكامل مع توقيت محدد لازم تكملهم فيه باش يديرولك release للرخصة .. شرح اكتر من موجز ... غير حبيت نقولك لازم تاخذ الابروفل من المكتب الكندي انه التكلفة متغطية ..او انك تقرا بكالوريوس طيران وداخل في نظامها رخصة طيار تجاري مدتها اربعسنين ع الاقل تكسب البكالوريوس ياخوي لانه الطيار مش درجة بل رخصة

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionدراسة الطيران فى كندا Emptyرد: دراسة الطيران فى كندا

more_horiz
شكرا خوي طارق علي الاجابه بس مكان الاكاديميه هذي وين بزبط وهل تعطي في رخصة ATPL او لا , وبنسبا ليك يا خوي سرب الحقيقه حسب علمي والكلام شبه متأكد منه 100% انه التايب ريتنغ من الوزاره ياريت وضحلي كيف المكتب الكندي مايدفعش الرسوم الدراسه تامه وحق التايب ريتنغ ؟؟؟ وبارك الله فيك يا خوي

descriptionدراسة الطيران فى كندا Emptyرد: دراسة الطيران فى كندا

more_horiz
pilot183 كتب:
السلام عليكم خوي طارق

اني نوي بأذن الله نقرأ طيران تجاري طيار في كندا تورنتو بعد السنه لغه يعني لو حبذا نبي رأيك اي اكاديميه تعطي جميع الرخص الي ATPL  ولو عندهم تيب ريتنج خير وخير ونبي نعرف شن النظام الرخصه هل JAA او FAA بالله مساعدتك ياخوي لاني نبي نختار اكاديمه ممتاز ماعليهاش غبار وتكون من الافضل في كندا كلها وشكرا وبارك الله فيك

بالنسبة لنوع الرخصة التي تعطى فيها كل الجامعات ى امريك الشمالية هي من نوع FAA
حيث ان الحاصل على شهادة JAAلا يستطيع العمل في الشركات الامريكية والكندية وبالنسبة للرخصة فهى تعطى مع شهادة البكالوريوس وعندهم الرايتنج اكيد

descriptionدراسة الطيران فى كندا Emptyرد: دراسة الطيران فى كندا

more_horiz
معليش نبي جامعات هندسة الطيران بي معنى صيانة

descriptionدراسة الطيران فى كندا Emptyرد: دراسة الطيران فى كندا

more_horiz
pilot183 كتب:
شكرا خوي طارق علي الاجابه بس مكان الاكاديميه هذي وين بزبط وهل تعطي في رخصة ATPL او لا , وبنسبا ليك يا خوي سرب الحقيقه حسب علمي والكلام شبه متأكد منه 100% انه التايب ريتنغ من الوزاره ياريت وضحلي كيف المكتب الكندي مايدفعش الرسوم الدراسه تامه وحق التايب ريتنغ ؟؟؟ وبارك الله فيك يا خوي


أخي طارق حتى انا عندى نفس السؤال
هل الجامعات الكندية تعطي في رخصة ATPL frozen ؟


وان شاء الله راح نتوكل علي ربي بعد الحصول علي التأشيرة ونقرا في معهد culture-work التابع لجامعة ويسترن

descriptionدراسة الطيران فى كندا Emptyيا خوي سراب ممكن نتواصل معك لو سمحت

more_horiz
سراب الحقيقة كتب:
خوي اللي سأل علي ااطيران التجارب... الرخصة اللي بتاخدها رخصة كندية تبي تحويل بعدين للرخصة الليبية بالمعادلة بمادة قانون وطيران واختبار للمهارة ياعني عنلي تقريبا 20 دقيقة غلي السمليتر في الئطيران المئحني فء المطار ... علي فكرة قرارك بتاع المواصلات مش مترشحله التايبريتينق حتي ولو قالو انه من ضمن الكورس..المكتب الكندي لما تراسلهم من الاول يقواوك الدرجة الموفد ليها cpl هذي حدها للاسف .. ولو بتاع اي تي بي ال باكيج من البداية لازم تراسل اكاديمية علي التكلفة وتاخذ منهم رسالة وترفعها للمكتؤ الكندي ياعني ممكن يوافق ممكن لا لانه مايغطيش المبلغ والتكلفة المتحددة لقرارك... لو تاخذها خطوة بخطوة افضلك بي بي ال بعدها سي بي ال بعدها تكمل IR و مالتي انجن  لانه الكورس بايكيج كامل بيحكملك بعدين في الساعات المئطلولة بالكامل مع توقيت محدد لازم تكملهم فيه باش يديرولك release للرخصة .. شرح اكتر من موجز ... غير حبيت نقولك لازم تاخذ الابروفل من المكتب الكندي انه التكلفة متغطية ..او انك تقرا بكالوريوس طيران وداخل في نظامها رخصة طيار تجاري مدتها اربعسنين  ع الاقل تكسب البكالوريوس ياخوي لانه الطيار مش درجة بل رخصة

descriptionدراسة الطيران فى كندا Emptyرد: دراسة الطيران فى كندا

more_horiz
shefsha كتب:
pilot183 كتب:
شكرا خوي طارق علي الاجابه بس مكان الاكاديميه هذي وين بزبط وهل تعطي في رخصة ATPL او لا , وبنسبا ليك يا خوي سرب الحقيقه حسب علمي والكلام شبه متأكد منه 100% انه التايب ريتنغ من الوزاره ياريت وضحلي كيف المكتب الكندي مايدفعش الرسوم الدراسه تامه وحق التايب ريتنغ ؟؟؟ وبارك الله فيك يا خوي


أخي طارق حتى انا عندى نفس السؤال
هل الجامعات الكندية تعطي في رخصة ATPL frozen ؟


وان شاء الله راح نتوكل علي ربي بعد الحصول علي التأشيرة ونقرا في معهد culture-work التابع لجامعة ويسترن

وعليكم افضل السلام

خوي بايلوت اللي فهمته انه صح الطاهر بن الطاهر في القرار موقعين علي التايبيرييتنق هو وفوزي بن التمر ...بس المكتب الكندي مازال مش مأكدين الخبر علي حد علمي الي وقتنا الحالي .. التايبيريتينق بحد داتها مش اقل من 35 الف دولار ..فـ نقولك تسهل في اللغة قبل وجيب درجة كويسة ماتعادل 6.5 في الايلتس باش تغطي المستوي الرابع طيران ..والاكاديمية ماتلزمكش في امتحان وريفيرش لغة تاني وابدا علي بركة الله شوف شن تبي

الاكاديميات في كندا حيقروك بنظام كندي caa وانت بتحولها فيدرالي وبعدين لما بترجع لي ليبيا بقدرة الله حتدير امتحان معاددلة للرخصى الليبية الي فيها اير لو وskill test علي السيميلتر...

عندك نوعين يا بتقرا الكورس متجزا ياعني بمراجل ppl بعدين cpl بعدين بتاخد ir و ME ياعني تاخد الكوميرشال بحوالي 220 ساعة طيران هكي حيكون عندك ناقص التايب ريتينق اللي تاخده بعده ماتكمل حوالي شهرين تقريبياع النوع اللي تبيه ووالاحسن الاير باص بعد علي البوينق حتي لو طراز جديد ممكن يكون في كندا وممكن يكون لا ..تاكد بس انه المكتب بعدين يغطيلك وان شاء الله والله انا اود ذلك ليكم الحق ...وكمل

والنوع التاني انك تاخد الكورس مكتف بالكامل من البداية ياعني بتقرا من اول ساعة 14 مادة علي مرحلة سنة وتمانية شهور نظري وعملي وهدي مايسمي ATPL FROZEN ياما تكون حتي هيا مجزئة او علي مرحلبلة واحدة وساعاتها تختلف توصل 750 ساعة وبعدين لازم توصل لعند 1500 ساعة ياعني تقعد تطير تطير تطير مع شركة كمساعد مستمع بس لين تسكر 1500 ساعة مش اقل من سنتين لازم بعدها يرخصولك ويدرولك RELEASE لرخصتك وتطير كمساعد (كو بايلوت) ولو فتت الستنين حتاخد رفرش كورس تاني علي 14 مادة


نقولك حاجة من وجهة نظري اني الاي تي بي ال مش حتفيدك وماتقولش هكي قالت موفدة هني ..لو تقدرها كاملة واستيعابك يقدر فتوكل علي الله بس نقولك في الي طاقته بالمرحلة ياخدها وهدا مش عيب علي فكرة في سي بي ال متجزأ بعدين لو تبي اATPL يديرولك امتحان حتي في ليبيا معاها كورس شهرين تدير امتحاناتك ومرات تقول معاش نبي ندير امتحانات فخودها من الاول

هدي كل واحد وشن يبي واي طريقة تساعده واسهله وحتي الخطوط متطلباتها المهم تدير في بالك انه CPL/IR/ME بروحهم زي قلتهم ومعاش في ولا شركة طيران في العالم قاعدة تطلب فيها
قوي قلبك امالا من الاول وخود ATPL - TYPE RATING AIRBUS FROM UK
وربي حيوفقك

اسفة الشرح كان ملخبط بس حاولت نقول المعلومات كلها من غير تسلسل لاني حنزيد نريح ومش حتفهمو مني حاجة كان زدت تشعبت


كان عمرك صغير نقولك حاجة تانية حتي هيا ممكن تكون من ضمن خياراتك في جامعات من المذكورات في واحدة من المشاركات في الموضوع تعطيك درحة بكالوريوس طيران ومعاها CPL ياعني كسبت درجة ورخصة ومدتها كاملة 4 سنين ياعني تقرا مواد نظام سنة وخلال المواد يحطولك طيران ورحلات عملية ..

وربي يوفقك خوي

اي ائيلة نقدر نساعدك بيها باللي نعرفه اتفضل يا وخيي

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "
صلاحيات هذا المنتدى:
لاتستطيع الرد على المواضيع في هذا المنتدى