بعد غدوه بأذن الله مسافر لكندا اتاوا بالتحديد يوم يوم 17/2/2014

بعد التحيه والسلام لجميع اعضاء منتدانا 

بأذن الله وبتسخير الله بنسافر بعد غدوه يوم الاثنين الموافق 17/2/2014 الي كندا بالتحديد الي اوتاوا   

وطبعا وراقي كامل بادن الله يلي هو صوره من التفويض وبرقيه بدايه صرف وتعريف طالب وتصريح الدخول لكندا 

ورافع معاي الشهاده التانويه الاصليه ومترجمه ومصدقه من الخارجيه والقضائيه وشهاده ميلاد واقامه و وضع عائلي مترجمات 

ورافع معاي شنظه مرصوصه بالحوايج   

وبالله ما تبخلوش عليا بالنصائح والنقاش وادعولي بالتوفيق

ان شاء الله مؤفق فى رحلتك وربى يسهلك
بالله استفسار انت فى تفويض 1 ؟

anes o azzabi كتب:

ان شاء الله مؤفق فى رحلتك وربى يسهلك
بالله استفسار انت فى تفويض 1 ؟

الله يبارك فيك

الشهادة التانوية زوز اصليات وكل واحدة  ظرف مسكر واختمها من اللي طلعتهم منها ومعاها دير وريقة صغيرة فيها عناوين اقرب هوتيلات وارخصهم مادامك في ليبيا علي المعهد اللي بتقرا فيه...وارفع فلوس معاك ع الاقل علي الاقل مش اقل من خمسة الالاف دولار يا وخيي وصور شخصية ليك ارفع من هني 16 صورة بازائد وصور ع اباسورت والتاشيرة وديرلهم سكان في فلاش والفلاش دسه راهو يريح وخودلهم شنطة صغيرة باش تقيمهم فيا مش تبدا في ايديك ...الشتاء ماتقلش لانه اصلا اجو تعدل عندهم هنوان المكتب الكندي طلعه من توة وقعمز ان شاء الله 10 ساعات صمها صمان الخريطة من القوقل شوف كل شيء فيها وارفع متلا قرطاسية صغيرة بيىوات ومذكرات خير ماتبدا تشري من غادي ..توةنزيد نولي لو ربي راد كل مانتفكر حويجة..وربي يوصلك سالم..وبالله يا وخيي ماتنسي تصلي ركعتين قبل ماتطلع بنيةربي يوفقك في مقصدك خلييباركلم في اللي تبيه

توصل بالسلامة انشاءالله نصيحة نعاودهالك زى ما قالك خونا سراب الحقيقة ارفع فلوس معاك على قد ما تقدر انى مانبيش نسكرها فى وجهك من توة المنحة واقفة ليها ثلاثة شهور وخاشين على الرابع يعنى مضروفك انت عازب مش اقل من 1200 دولار فى الشهر

بالتوفيق إن اشاء الله ^_^

بالتوفيق ياخونا محمد وان شاء الله ربي يسدد خطاك ومتنساش أنك مسافر في يوم الذكري الثالثة لثورة الاحرار واليوم اللي إنكسر فيه جدار الصمت وهذا فال خير ان شاء الله عليك

الله يبارك فيك اختي سراب الحقيقة بس انا ماعنديش الا نسخه وحده من الشهاده التانويه اصليه بس مدايرلها كوبي يعني 


هل فيه اشكاليه ؟؟


ومشكورين اخوتي  الشعاع  Ahlam Ramadan بلادي حرة Hodaifa Al Mansory  shefsha

رد بالك تجيب معاك عملة ليبية .مافيش تصريف لها ابدا هنا ...جيب دولارات... وخلي اوراقك كلها منظمة في ملف مقسم لأن أحيانا يطلبوا فيها حتى في الترانزيت ، وجيب معاك مصحف 
جدد جواز سفرك لسنتين لقدام لو مش مجدد ، لأن هنا معش تجدد فيهن السفارة 
ولا تنسى دعاء السفر

رديت عليك برسالة ....ونقولك تاني هني ... مش مشكلة المهم يكون مسكر ومختوم الظرف الل يفيه التانوية المترجمة ومختومة بالخارجية والجودة هكي توة طلبتها جمانة من اكتر من واحد وصلو توة لكندا ..باش بعدين يفتجوها عنهم ويردوهالك نسخ معتمدة من كندا

ربي يفتحها قدامك و يساعدك ويسخرلك من يساعدك والاخت سراب ما سيبتش شي كل شي تكلمت عليه يعطيها الصحة.

الاخت سراب الحقيقة ....قلتي الظرف من برة مختوم.....سؤالي مختوم من قبل من ؟؟؟مع العلم ان اخر شهادة ليا ماستر....وشكرا........

سارة فارس كتب:

الاخت سراب الحقيقة ....قلتي الظرف من برة مختوم.....سؤالي مختوم من قبل من ؟؟؟مع العلم ان اخر شهادة ليا ماستر....وشكرا........

هي تقصد ع الشهاده التانويه وترفعيها للتانويه يلي قاريه فيها و ويحطوهالك في ظرف ويختمولك عليها

fakroon كتب:

ربي يفتحها قدامك و يساعدك ويسخرلك من يساعدك والاخت سراب ما سيبتش شي كل شي تكلمت عليه يعطيها الصحة.

 الله يبارك فيك خوي فكرون ويفتح عليك ان شاء الله

اني وصلت يوم الخميس وبنزيد عليك شويه حاجات ياريت تقدر ادير الفيزا في اي مصرف وثانيا الفيشه بتع الضي النوع الامريكي وزي ما قالك خونا ياريت تجيب معاك اكثر فلوس علي الاقل الفترة الاولي وعلي فكرة اني نكلم فيك مش علي حساب التعليم واي استفسار تفضل علي الخاص نحن في الخدمه baha_6600@yahoo.com

بالنسبة للبطاقة مصرف التجارة والتنمية يطلب رسالة عمل وكان ماتخدمش رسالة لمجلس المحلي بفتح حساب وصور شخصية ةمبلغ اللي عندك 100/200/400 دينار وانت واقف يفتحولك وتممل الفيزا....حتي الامان بس ماتمشيش وما طمنش البرة في هلبة دول....
اختي سارة الماستر تختميها من برة من الجامعة اللي خديتي منعا الماستر طان جامعة طرابلي تمشي للشؤون الادارية اللي تخصصك فيها وتاخذي منهم ظرف وتحطيها هيا وترجمتعا المختومة قبل من الخبرة والخارجية ورسائل التزكية راك تنسي ويختمولك بختم الجامعة من برة...هكي فالت جمانة بالحرف الاسبوع اللب فات لاكتر من طالب...وتوقعي لانه فيه طلبة مايديروش هكي حتبعت ايميل تجري باللي تبيه علي الطلبة كلهم..^^

في طالب ماشي نهاية 2 بعون الله ولعند توة يشري ويخزن في الكبابيط ؟؟؟؟؟ بالله تركز في الحوايج راه تقل وزن وتخليص في المطار وخلاص نرفع المهم المهم اللي نلبس فيه تركيبة كاملة ومعاها شالها كان مازال فيه صقع يخي في كندا....القاموس عربي انجليزي نستحقه ...

بالتوفيق ياربي للجميع الدال على الخير كافعله

سراب الحقيقة كتب:

بالنسبة للبطاقة مصرف التجارة والتنمية  يطلب رسالة عمل وكان ماتخدمش رسالة لمجلس المحلي بفتح حساب وصور شخصية ةمبلغ اللي عندك 100/200/400 دينار وانت واقف يفتحولك وتممل الفيزا....حتي الامان بس ماتمشيش وما طمنش البرة في هلبة دول....
اختي سارة الماستر تختميها من برة من الجامعة اللي خديتي منعا الماستر طان جامعة طرابلي تمشي للشؤون الادارية اللي تخصصك فيها وتاخذي منهم ظرف وتحطيها هيا وترجمتعا المختومة قبل من الخبرة والخارجية ورسائل التزكية راك تنسي ويختمولك بختم الجامعة من برة...هكي فالت جمانة بالحرف الاسبوع اللب فات لاكتر من طالب...وتوقعي لانه  فيه طلبة مايديروش هكي حتبعت ايميل تجري باللي تبيه علي الطلبة كلهم..^^

في طالب ماشي نهاية 2 بعون الله ولعند توة يشري ويخزن في الكبابيط ؟؟؟؟؟ بالله تركز في الحوايج راه تقل وزن وتخليص في المطار وخلاص نرفع المهم المهم اللي نلبس فيه تركيبة كاملة ومعاها شالها كان مازال فيه صقع يخي في كندا....القاموس عربي انجليزي نستحقه ...

أخت سراب أنتي عكستيها فيزا مصرف التجارة والتنمية متخدمش في كندا وفيزا مصرف الامان تخدم هذا عن تجربة