دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionبخصوص المكتب الثقافي الليبي في اليونان Emptyبخصوص المكتب الثقافي الليبي في اليونان

more_horiz
السلام عليكم و رحمة الله تعالى و بركاته ....

الأ اللي جعلني اكتب الموضوع هو بحثي عن مواضيع بخصوص المكتب الثقافي الليبي في اليونان و من خلال النتائج القليلة لم أصل لموضوع بخصوص الجالية الليبية في اليونان ... و بما اني طالب موفد و تحصلت على قبول مبدئي لدراسة اللغة و الماجستير في ما يعرف "Hellenic American univ " لكن لا اعرف اي شئ عن اليونان و الدراسة فيها و المدارس الليبية هناك و كل شئ بالخصوص .... فيا ريت من حضرتكم لو امكن و يكون لكم الاجر و الشكر و الاحترام لو تكرمتم و تعاونتم معي لمعرفة بعض الامور ..
- شن الوضع الحالي لليونان من جميع النواحي ... لا سيما الامنية و المعيشة و التعليم .
- المدارس او المدرسة الليبية هناك مكانها و الى اي مرحلة تدرس ؟
- لغة الشارع اكيد اليونانية ما وضع اللغة الانجليزية ...
- ممكن نعرف موقع او ارقام للسفارة و المكتب الثقافي الليبي هناك و كذلك المدرسة الليبية شن عنوانها او موقعها و شن وضعها بالزبط ؟


- يا ريت تنصحوني و تعطوني اي شئ يمكن يساعدني بالخصوص و العبدلله موفد دبلوم عالي تقنية المعلومات سنة لغة و 2 ماستر تحصلت على قبول مبدئي من الجامعة المذكورة و اب لاسرة مكونة من 4 اطفال + الزوجة ..... و أسف مجدداً لاني و الله لم اتمكن من الحصول على اية معلومات عن الساحة اليونانية .. .

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
- شن الوضع الحالي لليونان من جميع النواحي ... لا سيما الامنية و المعيشة و التعليم . 


وضعها كويس ,, الوضع الامني فوق التماام وتقدر تأمن على روحك وعلى صغارك ومافيش خوف بكل ,,, المعيشة غالية نوعا ما ,,, 
التعليم المدارس اليونانية الله اعلم بس فيه مدرسة ليبية ,,, 

- المدارس او المدرسة الليبية هناك مكانها و الى اي مرحلة تدرس ؟

المدرسة الليبية في منطقة بسيخيكو قريبة من السفارة ولاصقة في القنصلية الليبية ,,, تدرس للثانوي ,,,

- لغة الشارع اكيد اليونانية ما وضع اللغة الانجليزية ...

معظم الشباب وصغار السن يتكلمو انجليزي ,, ماعتقدش تواجه مشكلة بما ان عندك الانجليزية ,,, 

- ممكن نعرف موقع او ارقام للسفارة و المكتب الثقافي الليبي هناك و كذلك المدرسة الليبية شن عنوانها او موقعها و شن وضعها بالزبط ؟  

هدا عنوان السفارة والمدرسة الليبية زي ماقوتلك قريبة منها هلبه نفس الشارع تقريبا ,, وشن وضعها مافهمتش سؤالك ,,
واي استفسار تاني تفضل ,,
13 Vyronos st .15452 P.Psychico/ Athens-Greece  

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
السلام عليكم,
أختي لو ممكن توضحيلنا الاسعار بالنسبة للسكن والاكل والمواصلات كمتوسط نقدرو ناخدو منه فكرة عن تكاليف المعيشة.

شكراً,,,,

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
اخي بالنسبة للسكن الشقة الصغيرة الكويسة تبدا من 300 يورو الى حسب ماتبي انت ... 
الاكل بالمرتاح للشخص الواحد شهريا من 200الى 300 يورو ,, 
المواصلات تيكت الباص والقطار للطلبة 0.70 سنت ( نص قيمة التذكرة الاساسية ومدتها ساعة ونص ) ,,
فواتير الكهرباء والماء كل شهرين تجي .. ولشخص واحد ماعتقدش تفوت 300 بينهم ,,,
والتدفئة المركزية انت وحظك فيه عمارات غالية لان مش الكل يفتحو فيها وفيه عمارات رخيصة لان الكل يستعمل فيها ,,,
هدا كل اللي في بالي وارقام كلها تقريبية حاولت نوضح ,,  ولو تبي استفسار تاني تفضل ,,,

descriptionبخصوص المكتب الثقافي الليبي في اليونان Emptyالدراسة في اليونان

more_horiz
@sammor2009 كتب:
اخي بالنسبة للسكن الشقة الصغيرة الكويسة تبدا من 300 يورو الى حسب ماتبي انت ... 
الاكل بالمرتاح للشخص الواحد شهريا من 200الى 300 يورو ,, 
المواصلات تيكت الباص والقطار للطلبة 0.70 سنت ( نص قيمة التذكرة الاساسية ومدتها ساعة ونص ) ,,
فواتير الكهرباء والماء كل شهرين تجي .. ولشخص واحد ماعتقدش تفوت 300 بينهم ,,,
والتدفئة المركزية انت وحظك فيه عمارات غالية لان مش الكل يفتحو فيها وفيه عمارات رخيصة لان الكل يستعمل فيها ,,,
هدا كل اللي في بالي وارقام كلها تقريبية حاولت نوضح ,,  ولو تبي استفسار تاني تفضل ,,,

 اختي الكريمة بم انك طالبة في الساحة اليونانية و انا شخصياً تحصلت على قبول من الجامعة الامريكية تخصص تقنية المعلومات و لديا اصدقاء لا توجد تخصصاتهم في الجامعة الامريكية باليونان يا ريت نقدر نعرف من حضرتك شنو الجامعات اللي تدرس بالانجليزية باليونان ماستر و حتى دكتورا في الاحصاء  هذا اولاَ ...
 ثانياً : بالنسبة للي وضعه من وضعي صاحب عائلة مكونة من 6 افراد انا و زوجتي و 4 اطفال بنت و 3 اولاد ... ما هي ظروف المعيشة هناك هل المنحة اللي حسب ما شفت و اللي هي تقريباً 2420 يورو تكفي يا ريت تقدري تعطينا تفاصيل اكثر عن المصاريف هناك .....
بالنسبة للدراسة من ناحية صعوبتها و سهولتها  بما انك نخصص علوم الحاسوب شن في رأيك وضعها بالنسبة لينا كاليبيين و خاصةً انا دبلوم عالي و الحمد لله عندي اشويه انجليزي و شهادة ايلتس 5.0 اوفر اوول .... كيفيتها محاضرات او بحوث ...by touch or by search  افيدنا افدك الله ...
طبعاً لدي اطفال في المدرسة و ناوي انخلي زوجتي اتكمل دراستها ان شاء الله شن الظروف تسمح اتخليها اتكمل و لدينا اطفال في سن العام و طالع هل فيه حضانات و روضة للاطفال ... ؟؟؟؟ بارك الله فيك و ان شاء الله في ميزان حسناتك ...

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
 اختي الكريمة بم انك طالبة في الساحة اليونانية و انا شخصياً تحصلت على قبول من الجامعة الامريكية تخصص تقنية المعلومات و لديا اصدقاء لا توجد تخصصاتهم في الجامعة الامريكية باليونان يا ريت نقدر نعرف من حضرتك شنو الجامعات اللي تدرس بالانجليزية باليونان ماستر و حتى دكتورا في الاحصاء  هذا اولاَ ... 
الجامعات نعرف city unity college ونعرف new York college هادو الاتنين نعرف ان شهادتهم معتمده في ليبيا ,,, وفيه deree و AUA هادو مش معتمدات في ليبيا ,,
 ثانياً : بالنسبة للي وضعه من وضعي صاحب عائلة مكونة من 6 افراد انا و زوجتي و 4 اطفال بنت و 3 اولاد ... ما هي ظروف المعيشة هناك هل المنحة اللي حسب ما شفت و اللي هي تقريباً 2420 يورو تكفي يا ريت تقدري تعطينا تفاصيل اكثر عن المصاريف هناك .....
 والله ياخوي ان شاء الله تكيفك لكن مرات تحتاج دعم  ,, المعيشة غالية شوية لبس مثلا وصاريف الصغار يعتبر غالي بالنسبة للمنحة ,, وفواتير الماء والكهرباء تعتبر غالية عندك الايجار بس يعتبر رخيص 
بالنسبة للدراسة من ناحية صعوبتها و سهولتها  بما انك نخصص علوم الحاسوب شن في رأيك وضعها بالنسبة لينا كاليبيين و خاصةً انا دبلوم عالي و الحمد لله عندي اشويه انجليزي و شهادة ايلتس 5.0 اوفر اوول .... كيفيتها محاضرات او بحوث ...by touch or by search  افيدنا افدك الله ... 
الدراسة ساهلة مش صعبة والانجليزي مش حيكون مشكلة لان الجامعة نفسها تعطي في كورسات يعني تاخد مواد وتاخد كورس مش مشكلة ,,, بالنسبة للجامعة اللي نقرا فيها city unity حسب فيه محاضرات ان كلاس وفيه ع النت زي ماتبي ,,والمواد فيه اللي تكون المادة كلها عبارة على اسايمنتس وبريزينتيش وفيه اللي ميد تيرم وفاينل ,, مدة المحاضرة 3 ساعات مرة في الاسبوع  مواعيد المحاضرات تبدا من ال9 الصبح لل9 في الليل ,, بس ساهلة ماتخوفش تبي اهتمام والتزام بالحضور ,, 
طبعاً لدي اطفال في المدرسة و ناوي انخلي زوجتي اتكمل دراستها ان شاء الله شن الظروف تسمح اتخليها اتكمل و لدينا اطفال في سن العام و طالع هل فيه حضانات و روضة للاطفال ... ؟؟؟؟ بارك الله فيك و ان شاء الله في ميزان حسناتك ...   
بالنسبة للأطفال ,, فيه حضانات اكيد  بالساعات والدفع حسب عمر الطفل وعدد الساعات والمدرسة الليبية فيها اقساط مش عارفة كم الحق لو تبي نسألك .. واكيد تقدر تكمل زوجتك لو عندها رغبة حتقدر توفق بين القراية والحوش ,,
ويستحسن ياخوي تجي بروحك قبل تشوف وضع البلاد وبعدين تجيب الاهل ... نتمنى نكون قدرت نفيدك ,, موفق ان شاء الله

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
السلام عليكم و رحمة الله بارك الله فيك اختي الكريمة 
sammor2009  و جزاك الله عني كل الخير ...


اولاً : بالنسبة للغة الدراسة للجامعات اللي ذكرتيهم هل هي الانجليزية ولا اليونانية  و موقع الجامعات وين بالزبط اثينا ولا مدينة غيرها ...
 ثانياً و بصراحة خوفتيني من قصة المعيشة ..... معقول ممكن نحتاج لدعم " والله ياخوي ان شاء الله تكيفك لكن مرات تحتاج دعم " يعني الغلا الى هذا الحد في اليونان .... 
نسأل الله ان يكون في ميزان حسناتك ... شكـــراً جزيلاً .

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
الجامعات الاتنين يدرسو باللغة الانجليزية ويعطو في كورسات ,,, وفي اثينا في سنتر اثينا ,, 
نتوقع يا خوي مرات مرات تحتاج دعم بما انك رب عاائلة واطفال اكيد حيكون فيه صرف واحتياجات لزوجتك وصغارك مش زي لما تكون بروحك  ,, انت زيد اسأل Smile 

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
لو لديك رغبة بالتسجيل قي احد البرامج الأكاديمية التي تقدمها الجامعة اليونانية الامريكية فلا حاجة لانتظار الفصل القادم , حيث تقوم الجامعة بتشكيل صفوف جديدة كل شهر بمجرد ان يكمل 10 طلاب عملية تسجيلهم .


اضغط الرابط التالي



https://www.facebook.com/TheHellenicAmericanExperience



http://www.hauniv.edu/

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
السلام عليكم ممكن تسعدون اني من فترة ندور في قبول لغة من اليونان وسئلت عدة مكاتب والكل لا يعمل علي الساحة اليونانية ومش عارفة كيف الري

descriptionبخصوص المكتب الثقافي الليبي في اليونان Emptyرد: بخصوص المكتب الثقافي الليبي في اليونان

more_horiz
علي حد علمي الساحة اليونانية مغلقه !!

هل تم فتحها ؟
صلاحيات هذا المنتدى:
لاتستطيع الرد على المواضيع في هذا المنتدى