دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

القبول الاكاديمى فى كندا

descriptionالقبول الاكاديمى فى كندا Emptyالقبول الاكاديمى فى كندا

more_horiz
السلام عليكم,

ياريت يتم التركيز في المنتدى على القبولات الاكاديمية..واى شخص عنده معلومة الى الطلبة الليبيين الدين حاليا يدرسون في اللغة الانجليزية..يقدمه لهم..لان فعلا القبول الاكاديمي عرقلة في كندا...وياريت أي شخص يعرف دكتور في مجال تخصصه..ممكن يقدم تزكيه الى احد الطلبة الليبيين في كندا..لان الدكاترة في الاقسام الاكاديمية ياخد بعملية التوصية..خصوصا لما يعرف انك طالب مجتهدا.

مع العلم... قصة انك تبعت ايميل وتعبى ابليكشن من غير الحصول على مشرف .ليست ناجحة ومعروف الرد بالرفض لان عندهم تنافس في مقاعد الدراسة كل بداية فصل. وايضاً تعاقد وتعاون دولي.

وبالتوفيق الى جميع الطلبة

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم
اشكرك ياخي مصطفي علي الموضوع المهم و الرائع يجب ان يشاركوا فيه جميع الطلبه واعطاء ارائهم واقتراحاتهم حتي علي الجامعات وكيفيه القبول فيها لدراسه الماستر والدكثوراء  وطريقه المراسله وشكرا

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
كيف نقدروا نساعدوا ان شاء الله ؟

descriptionالقبول الاكاديمى فى كندا Emptyرد: القبول الاكاديمى فى كندا

more_horiz

لو تعرفى اى من الطلبة مستواه كويس وجاب درجة في الايلتس 6 ...على سبيل المثال...وقريب من تخصصك..ممكن اتكلمى عليه المشرف متعك..او اى من دكاترة القسم...يعنى نوع من التزكية...

هدا يعتمد على علاقتك بالمشرف...يعنى من يريد ان يساعد...توجد عدة طرق

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم

قَالَ النَّبِيِّ صَلَّى اللَّهُ عَلَيْهِ وَسَلَّمَ:
لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ

موضوع رااااااااااائع جدا الذي طرحته أستاذ مصطفى ونعم نحن بانتظار مثل هذه المساعدات من اخواتنا الطلبه .... شكرا جزيلا

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم
بخصوص التزكية من الصعب شخص يزكي طالب للجامعة أو للبرفسور وهو ميعرفاش شخصياً هذا الواقع بصراحة
أما بخصوص مراسلة الجامعة أو برفسور علي الايميل متعه حني للاسف فقدنا المصدقية لان فيه طلبة سامحهم الله طبعاً مش ليبيين فقط حتى من جنسيات أخرى يراسل أكثر من جامعة في نفس الوقت ويحصل قبول من أكثر من جامعة فيختار واحد ويسيب التاني أحياناً بدون ميقدم أعتدار وهما حاجزينله مقعد هذا الشيء سبب في فقدان المصداقية هذا كلام منقول عن طلبة موجودين يدرسوا حالياً في كندا, لكن حسب كلام الاصدقاء الموجودين في كندا إن الطالب لما يكون موجود شخصياً في كندا عنده فرصة كبيرة في القبول وحوالي 80-85% من الطلبة يتحصلوا على قبول وإن شاء الله ربي يسهل علينا أجمعين

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم
للأسف مش كل المشرفين يعطوا للطلبة فرصة يدخلوا في من يقبلوا بس الحقيقة اني مرة دليت طالبتين على مشرفي واحدة تحصلت ع القبول و الحمد لله و الثانية مازالت ....
و زي ما قال الاخ طارق ( من الصعب شخص يزكي طالب للجامعة أو للبرفسور وهو ميعرفاش شخصياً هذا الواقع بصراحة )
عموما احني بالفعل نحاولوا نساعدوا الطلبة الجدد حتى اللي مش من تخصصنا و ربي يقدرنا و كل الطلبة يحصلوا قبول ان شاء الله

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
ممكن الطالب ايزكي طالب للدكتور،،،زي ماقلت... علي حسب علاقة وشغلك مع المشرف... علي سبيل المثال،،، اتقوله والله في صديق نعرفه اشتغل علي الموضوع هدا... وهو حاليا ايدور في مشرف؟؟؟؟ هدا علي سبيل المثال... طبعا لازم ايكون الشخص الدي تزكي فيه محل التزكية...والدي عنده اي اقتراح او فكرة، ياريت ايشارك،،، لكي تعم الفائدة...
واني انقول اي شخص تخصصه هندسة كيميائية وعنده خبره في مجال biotechnology, biomaterials
وهو حاليا في كندا ومتحصلش علي قبول... ايكلمني ونحاول انساعده بقدر الاستطاعة

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
Mustafa76 كتب:
ممكن الطالب ايزكي طالب للدكتور،،،زي ماقلت... علي حسب علاقة وشغلك مع المشرف... علي سبيل المثال،،، اتقوله والله في صديق نعرفه اشتغل علي الموضوع هدا... وهو حاليا ايدور في مشرف؟؟؟؟ هدا علي سبيل المثال... طبعا لازم ايكون الشخص الدي تزكي فيه محل التزكية...والدي عنده اي اقتراح او فكرة، ياريت ايشارك،،، لكي تعم الفائدة...
واني انقول اي شخص تخصصه هندسة كيميائية وعنده خبره في مجال biotechnology, biomaterials
وهو حاليا في كندا ومتحصلش علي قبول... ايكلمني ونحاول انساعده بقدر الاستطاعة

بارك الله فيك يأستاذ مصطفي وجعله الله في ميزان حسناتك والله الواحد يفرح لما يلقي ناس زيك ، أني عن نفسي تمنيت أنه تخصصي زي تخصصك لاكن فيها خيرة ربي يسخرلنا أمورنا ونحصلوا قبول أكاديمي حتى حنى، ربي يوفقك ويفتح عليك وأكيد حتلقى ناس هلبة محتاجة للمساعدة وتربح فيهم الأجر إن شاء الله.

_______________________________

اللهم اجعل هذا البلد آمناً مطمئناً سخاءً رخاءً وسائر بلاد المسلمين اللهم من ارادنا بشر فأشغله في نفسه ورد كيده في نحره

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
أنا تخصصي هندسة كهربية ( power ) وموفد للدكتوراه .. لو فيه حد يدرس دكتوراه في الهندسة الكهربية ياريت نتواصل معاه وجزاه الله خيرا .. أنا بنقدم علي التفويض في البعثات الاسبوع القادم ومتلخبط ونفكر في القبول الاكاديمي .. ومن سعي في حاجة أخيه سعي الله في حاجته

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم,,,اني ندرس حاليا في ماستر تخصص هندسة كمبيوتر في كندا,,,اذا في امكانية نقدر نساعد ما عنديش مشكلة

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
أنا مش معاكم في نقطة أن الموجود في كندا عنده فرصة في القبول اكثر من اللي في ليبيا ...

وننصح الجميع أن يبدو المراسلة بخصوص القبول الاكاديمي قبل ما ايجو لكندا لأن الموضوع يأخذ وقت ، على الأقل الطالب يكون قاعد قريب من الدكاترة امتاعه علشان يضغط عليهم ايعبو رسائل التزكية عند التقديم -أغلب الجامعات لاتقبل رسائل التزكية التي يحضرها الطالب معه  القبول الاكاديمى فى كندا 660451 ...

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
fatma's mother كتب:
أنا مش معاكم في نقطة أن الموجود في كندا عنده فرصة في القبول اكثر من اللي في ليبيا ...

وننصح الجميع أن يبدو المراسلة بخصوص القبول الاكاديمي قبل ما ايجو لكندا لأن الموضوع يأخذ وقت ، على الأقل الطالب يكون قاعد قريب من الدكاترة امتاعه علشان يضغط عليهم ايعبو رسائل التزكية عند التقديم -أغلب الجامعات لاتقبل رسائل التزكية التي يحضرها الطالب معه  القبول الاكاديمى فى كندا 660451 ...

اني معاك ضروري الطالب يبدأ يبحث في قبول اكاديمي من البداية حتى من غير ما يكون عنده لغة يحصل قبول مشروط ولم يجي يكمل شرط اللغة

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
Hodaifa Al Mansory كتب:
أنا تخصصي هندسة كهربية ( power ) وموفد للدكتوراه .. لو فيه حد يدرس دكتوراه في الهندسة الكهربية ياريت نتواصل معاه وجزاه الله خيرا .. أنا بنقدم علي التفويض في البعثات الاسبوع القادم ومتلخبط ونفكر في القبول الاكاديمي .. ومن سعي في حاجة أخيه سعي الله في حاجته

خوي حديفة انا ادرسالهندسة الكهربية وان شا الله تخصصك موجود والمشرف امتاع تخصصك ان شا الله موافق وكلمنى باش نوصلك مع المشرف هنا فى جامعة دالهاوسي

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم ورحمة الله وبركاتة 
اخي طارق الحال من بعضه اني ايضا تخصصي هندسة كهربائية شعبة اتصالات ولو تقدر تساعدني تربح فيا اجر إن شـاء الله .

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
fakroon كتب:
السلام عليكم ورحمة الله وبركاتة 
اخي طارق الحال من بعضه اني ايضا تخصصي هندسة كهربائية شعبة اتصالات ولو تقدر تساعدني تربح فيا اجر إن شـاء الله .

خوي فكرون كلمنى على الخاص باش نعطيك وسيلة الاتصال بي

descriptionالقبول الاكاديمى فى كندا Emptyرد: القبول الاكاديمى فى كندا

more_horiz

 السلام عليكم ورحمة الله وبركاته
أخوتي الكرام .... أنا عندي قبول لغة من جامعة ألبرتا ... ويبدأ الكورس في شهر 9 2014 ..... من شهر 10 2013 وانا نراسل في دكاترة بغرض الحصول على قبول أكاديمي .... تفاجأت أول أمس برد من دكتورة من جامعة Queen's قالتلي إنها موافقة إني نكون طالبة عندها ومن ضمن مجموعتها البحثية اللي بتبدأ عملها شهر 9 2014 ... السؤال أنا في شهر 9 بنمشي للغة في إدمنتون .... أول حاجة هل نغير معهد اللغة ونخليه في جامعة كوين؟ وهل نقول للدكتورة تأجل الموضوع لشهر 9 2015 ... ((هل نراسل الجامعة ونحصل قبول وندير روحي مش فاهمة المواعيد!!!!)) وفرصة زي هادي ما تتعوضش أو كيف نتصرف؟!!! 

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم بالله من فضلكم كيف الواحد يعبى الابليكيشن متع قبول اللغة وكيف لو يبى مشرف اكاديمى فى الاقتصاد كيف يوصل فيه من فضلكم الخطوات لان كيف مانخش على مواقع الجامعات ماعرفتش وهل كلهم لازم بالفلوس وانا عندى رسالة الدعم لغرض القبول كيف الراى وشكراااااا مقدماا

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
Ahlam Ramadan كتب:

 السلام عليكم ورحمة الله وبركاته
أخوتي الكرام .... أنا عندي قبول لغة من جامعة ألبرتا ... ويبدأ الكورس في شهر 9 2014 ..... من شهر 10 2013 وانا نراسل في دكاترة بغرض الحصول على قبول أكاديمي .... تفاجأت أول أمس برد من دكتورة من جامعة Queen's قالتلي إنها موافقة إني نكون طالبة عندها ومن ضمن مجموعتها البحثية اللي بتبدأ عملها شهر 9 2014 ... السؤال أنا في شهر 9 بنمشي للغة في إدمنتون .... أول حاجة هل نغير معهد اللغة ونخليه في جامعة كوين؟ وهل نقول للدكتورة تأجل الموضوع لشهر 9 2015 ... ((هل نراسل الجامعة ونحصل قبول وندير روحي مش فاهمة المواعيد!!!!)) وفرصة زي هادي ما تتعوضش أو كيف نتصرف؟!!! 

راسلى الدكتورة فى جامعة كوين كان وافقت على التاجيل توكلى على الله واقري اللغة فى كوين وكان ما وافقتش امشي لادمنتون العملية بسيطه ان شا الله

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم
فكرة حلوة وربي يعين الجميع على فعل الخير عندي استفسارات انا متحصلة على قبول من Algonquin college في اتاوا والحقيقة نبي انغير الى ولاية British colombia  هل هذا ممكن والا زي ما سمعت انه لازم نقرا سمستر واحد على الاقل في الكلية اللي اخدت منها القبول والطلب الثاني انا تخصصي لغة انجليزية ونحس في روحي دايخة شوية نبي توجيه وسفري ان شاء الله حيكون في شهر ابريل على اقل تقدير هل انجيب معاي رسائل التزكية والا انخليهم upon request ونبي لو سمحتوا شن هي التخصصات بالنسبة لمرحلة الماستر في دراسة االغة الانجليزية وشكرا جزيلا.

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
ع ما أعتقد ان التغير من مكان الي مكان عادي راسلي المكتب الكندي وقلليهم شنو تبي

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
tark772001 كتب:
fakroon كتب:
السلام عليكم ورحمة الله وبركاتة 
اخي طارق الحال من بعضه اني ايضا تخصصي هندسة كهربائية شعبة اتصالات ولو تقدر تساعدني تربح فيا اجر إن شـاء الله .

خوي فكرون كلمنى على الخاص باش نعطيك وسيلة الاتصال بي

السلام عليكم 
اخي طارق اعطيني موعد نقدر نتواصل فيه معك ويا ريت انت تكلمني علي الخاص لاني الحق منعرفش كيف نقدر نكلمك عالخاص وبارك الله فيك

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
fakroon كتب:
tark772001 كتب:
fakroon كتب:
السلام عليكم ورحمة الله وبركاتة 
اخي طارق الحال من بعضه اني ايضا تخصصي هندسة كهربائية شعبة اتصالات ولو تقدر تساعدني تربح فيا اجر إن شـاء الله .

خوي فكرون كلمنى على الخاص باش نعطيك وسيلة الاتصال بي

السلام عليكم 
اخي طارق اعطيني موعد نقدر نتواصل فيه معك ويا ريت انت تكلمني علي الخاص لاني الحق منعرفش كيف نقدر نكلمك عالخاص وبارك الله فيك


خوي فكرون انا بعتلك وسيلة الاتصال على الخاص تلقاها في الرسايل اعلى صفحة الموفد

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
السلام عليكم.,,
مبارك مبدئياً يااختى احلام..وهدا خبر رائع
نصحيتى ليك...اولا..حولى برنامج اللغة الى جامعة Queen
وابدى في برنامج القبول الاكاديمى.وادخلى على موقع الجامعة وشوفى شروط القبول الاكاديمى...لان بعض الجامعات ادا كانت دراسة الماجستير عندك باللغة الانجليزيه ومكتوب في Transcript>>>تعفيك من قصة دراسة اللغة..
قبل كل شى شوفى admission requirements for graduate study
وكم IELTS OR TOFEL Score?
,انتى عندك فرصة حتى تدرسى الايليتس وانتى في ليبيا...والدكتورة ابعتيله رسالة..بانك سوف تباشرى في إجراءت القبول
وان شاءالله اتحصلى قبول..بعدين لو تبى تبدى الدراسة شهر 1 2015..مش مشكله عادى.....

descriptionالقبول الاكاديمى فى كندا Emptyرد: القبول الاكاديمى فى كندا

more_horiz
Mustafa76 كتب:
السلام عليكم.,,
مبارك مبدئياً يااختى احلام..وهدا خبر رائع ....


شكرا السيد Tarek772001 على الرد ..... وشكرا لمن طرح الموضوع أصلا .... وكذلك الشكر الجزيل لك سيد مصطفى والله فرحتك ليا وصلتني بارك الله فيك.
أنا فعلا قدمت على قبول لغة في جامعة كوين .... وانا قريت الماجستير إنجليزي لكن ما فيش إشارة في الترانسكريبت لهذا إلا أنه أصلا باللغة الإنجليزية .... أنا انجليزيتي كويسة والحمدلله لكن نتمنى نطور من نفسي أكثر بالذات في listining عندي شوية نقص .... خايفة نبعتلها تأجيل مثلا تغير رأيها !!!!!  وإلا انا مبالغة في الخوف من الفرحة؟
صلاحيات هذا المنتدى:
لاتستطيع الرد على المواضيع في هذا المنتدى