السلام عليكم ورحمة الله
اولا اخي الكريم معقولة تشترك بالمنتدي باسم جامعة الفقر!!!
ثانيا هل ذهبت لمكتب المعيدين واستفسرت عن اسمك وتأأأأأأأكدت انه الاسم غير موجود؟
ثالثا حتى وان كان اسمك غير موجود بحسب رايك قرار ايفاد بحسب ما سمعت فيه ما يقارب الف شخص وتقول جامعة فقر.
اخي الكريم بكل احترام اقول لك وسامحني بكلامك انت المقصر لانه الايفاد في كل جامعات ليبيا لا ياتي علي طبق من ذهب، ولكن نمشو مرة ومرتين وعشرة ونتعرفو علي المعيدين اللي حالهم زي حالنا وكل ما نسمعوا خبر نمشو نجرو (( من الاخير شادينها في جرة مكتب المعيدين ومندوب الجامعة لعند ما كرهونا)).. هل ذهبت للاستفسار عن مستجدات قرار المرة الماضية والاشكالية اللي صارت وشن صار عدها بخصوص القرار اللي طلع امس!!!
للاسف يا اخي في بلادنا كل اجراء لازم تجري وتبع بروحك لعند يطيحو رجليك... هذا واقع دولتنا في كل شي مش قرارات الايفاد بس.
وبالنهاية نتمنى انك تلقى اسمك باذن الله سواء في القرار القديم متاع شهر واحد اللي فات ((قرار 802)) او في القرار الجديد، حاول تشوف نصرالدين دخان في مكتب المعيدين
وربي يفرحك بايفاد لان فرحة قرار الايفاد مجربها بروحي ونتمنى انك تحس باحساسي وقتها.
بالتوفيق
(انا لله وانا اليه راجعوان) جامعة الزاوية