دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionمدرسة ليبية في كندا Emptyمدرسة ليبية في كندا

more_horiz
 افتتحت مدرسة ليبية في كالقري بتمويل ذاتي من الجالية الليبية ويسعى القائمين عليها جزاهم الله خيرا باعتمادها رسميا من قبل الجهات الرسمية الليبية والكندية، نأمل من الجميع التشجيع والدعم

descriptionمدرسة ليبية في كندا Emptyرد: مدرسة ليبية في كندا

more_horiz
بالتوفيق ان شاء الله

descriptionمدرسة ليبية في كندا Emptyرد: مدرسة ليبية في كندا

more_horiz
خبر كويس ويفرح لأنه بمجهود ذاتي
ويزعل في نفس الوقت ويدور السؤال ويطرح نفسه ليش الموضوع هادا ما تتكفلش بيه السفاره الليبيه في كند ؟؟؟؟؟؟؟

descriptionمدرسة ليبية في كندا Emptyرد: مدرسة ليبية في كندا

more_horiz
علي راي خوي محمد .... ليش ما تتكفلش بيه السفارة متلا تغطية مصاريف وحاجات واعتمادات ؟؟؟؟ ان شا ءا الله مايكونش عليها اشارات استفهام وما تلاقيش الاعتراض والعراقيل من اللي مش حتكون في مصالحهم

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionمدرسة ليبية في كندا Emptyرد: مدرسة ليبية في كندا

more_horiz
السلام عليكم ورحمة الله
اخوتي اللي قلتو ليش ما تتكلفش بيه الدولة الليبية..كندا قارة ومساحتها اكبر من امريكا..والليبيين ما شاء الله متوزعين على كامل تراب كندا..ولوفتحت في كالجاري حيزعلو باقي الجالية ويقولو ليش حنا لا..يعني حتحتاج السفارة تفتح مش اقل من 15 مدرسة لو بتغطي المدن الكبيرة بس..وهذا يحتاج تكاليف ومصاريف مكلفة جداااا..سواء المبنى او الاستاذ والمنهج وما الى ذلك..صدقوني الامر مش هين..بس انا عندي مقترحين
1- لو الدول العربية يتفقو فيما بينهم ويفتحو مدارس في كندا تتوزع فيما بينهم يعني كالجري مدرسة ليبية اوتوا مدرسة مصرية تورونتو مدرسة سعودية وهكذا..ويقبلو فيها كل طلاب الجالية العربية حتكون اشمل واوسع.
2- ىممكن ليبيا تدرس مقترح فتح مدارس في المدن اللي فيها جاليات كبيرة...للامانة لو شفنا عدد التلاميذ في كالجاري ممكن ما يتجاوزوش 100 تلميذ..يعني ممكن تلقى صف خامس طاب واحد وصف سادس 4 طلبة وصف اول 10 وصف ثاني 5 نقصد بكلامي تبي دراسة واحصائيات وتحديد وين المدن اللي تنفتح فيها مدارس اولا باول.. وربي يوفق الجميع ويبقى مجرد رأي لواحد ينظر للصالح العام والمحافظة على ميزانية البلد وعدم اهدار المال العام بدون دراسة مسبقة..

descriptionمدرسة ليبية في كندا Emptyرد: مدرسة ليبية في كندا

more_horiz
الله يبارك فيك ياخي احمد كلام جميل ومنطقي

descriptionمدرسة ليبية في كندا Emptyرد: مدرسة ليبية في كندا

more_horiz
E. Ahmed كتب:
السلام عليكم ورحمة الله
اخوتي اللي قلتو ليش ما تتكلفش بيه الدولة الليبية..كندا قارة ومساحتها اكبر من امريكا..والليبيين ما شاء الله متوزعين على كامل تراب كندا..ولوفتحت في كالجاري حيزعلو باقي الجالية ويقولو ليش حنا لا..يعني حتحتاج السفارة تفتح مش اقل من 15 مدرسة لو بتغطي المدن الكبيرة بس..وهذا يحتاج تكاليف ومصاريف مكلفة جداااا..سواء المبنى او الاستاذ والمنهج وما الى ذلك..صدقوني الامر مش هين..بس انا عندي مقترحين
1- لو الدول العربية يتفقو فيما بينهم ويفتحو مدارس في كندا تتوزع فيما بينهم يعني كالجري مدرسة ليبية اوتوا مدرسة مصرية تورونتو مدرسة سعودية وهكذا..ويقبلو فيها كل طلاب الجالية العربية حتكون اشمل واوسع.
2- ىممكن ليبيا تدرس مقترح فتح مدارس في المدن اللي فيها جاليات كبيرة...للامانة لو شفنا عدد التلاميذ في كالجاري ممكن ما يتجاوزوش 100 تلميذ..يعني ممكن تلقى صف خامس طاب واحد وصف سادس 4 طلبة وصف اول 10 وصف ثاني 5 نقصد بكلامي تبي دراسة واحصائيات وتحديد وين المدن اللي تنفتح فيها مدارس اولا باول.. وربي يوفق الجميع ويبقى مجرد رأي لواحد ينظر للصالح العام والمحافظة على ميزانية البلد وعدم اهدار المال العام بدون د
راسة مسبقة..

كم اكره العنصرية العربية وقولبة الاسلام في القومجية العربية ...

descriptionمدرسة ليبية في كندا Emptyرد: مدرسة ليبية في كندا

more_horiz
أخي  يدّر ورغ
ربي يسامحك والله ما عرفت شن نقولك..بس خلي نوضحلك وبعدين اقلبها زي ماتبي
شن رايك في المطلوب من المدرسة الليبية حسب وجهة نظرك؟؟ 
المطلوب منها هو دراسة باللغة العربية باش العيل لما يروح لليبيا ما يتلخبصش ويتأخر في مسيرته التعليمية في مدارس ليبيا يعني حنا قاعدين من 3 الى 5 سنوات وبعدين مروحين..سن بيصير في العيل اللي قعد يقرا بالانجليزي ومشى لليبيا بيكمل قرايته في صف خامس والا اعدادي والا ثانتوي؟؟ حيلقى روحه زي الاطرش في الزفة..
خوي اقتراحي ما ليشي علاقة بالقومية العربية اللي اصلا انا امقتها ولا في قولبة الاسلام في اللغة العربية او احتكاره من قبل العرب..انت وانا نعرفو ان معظم رواة الحديث والائمة ليسو عرب ..والاسلام للجميع وبالجميع..
للاسف اخي انت عندك حساسية معينة وخاصة بيك فكان رد فعلك هكذا جزافا ودون فهم للموضوع ..ولعلمك انا ما جبتش سيرة للاسلام في المدارس العربية..هي فقط لان معظم الدول العربية تعطي نفس المنهج تقريبا...افهمها كما هي وما تحرفش الموضوع الله يربحك وما تقولنيش شيء ما قلتاش..ربي معاك وان شاء الله ما تفهمش كلامي غلط

descriptionمدرسة ليبية في كندا Emptyرد: مدرسة ليبية في كندا

more_horiz
ماشاء الله موفقين  ياليبين Smile
صلاحيات هذا المنتدى:
لاتستطيع الرد على المواضيع في هذا المنتدى