دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionتجربتي في السفر من ليبيا --- لندن --- فانكوفر Emptyتجربتي في السفر من ليبيا --- لندن --- فانكوفر

more_horiz
بعد التوكل على المولى سبحانه وتعالى .... الرحله طرابلس ---- لندن ---- فانكوفر
 
انطلقت من مطار طرابلس الدولي بعد توديع العائله  .... تفاصيل المطار _______ يتم التفتيش وذلك بخلع الحذاء و المعطف او التجاكيت واي سوائل في الحقييبه الى بتركبها الطائره في يدك وتتوكلو على الله لي الطائره 
 
ومن ثم تقلع الطائره .... الى مطار هيثرو لندن نصيحه لكل الموفدين الحجز بزنس ثم بزنس ضروري راااااااااااااااااااااااااحه تااااااااااااااااااااااااااااامه
 
اجراءات سهله جدا ...
.
1-عند الوصول لي مطار لندن دائما أسألو ما تتحشمو بكل بكل لأن اجراءات سهله بعد الخروج من الطائره تلقو قدامكم طوابير تبعو الناس واسألو على الترازيت لكي تحجزو في الهوتيل قبل كل شيء والموظف يعطيك تذاكر



الذهاب والاياب للباص في حالة تحصلت على فندق خارج المطار لأن هوتيلات المطار كانت زحمه فتم حجز فندق خارج المطار (((( الفندق طبعا وجبة العشاء والفطور فقط اطلب كل ما تود اكله (حلال ^_^) الفطور راح



يكون بوفي مفتوح الصبح بعد ما تفطرو



جهزو انفسكم وحاولو تمشو للمطار قبل موعد الطائره..... الباص الى بيرفعكم نفسه الى وصلكم للفندق يعني احفطو رقمه واسالو في الاستعلامات امتى يوصل)))   ....



2- بعد حجز في الهوتيل وانتم ماشين لختم الجواز تلقو قدامكم نماذج على طاوله طويله أسألأو أي شخص قدامكم لأنكم بعون الله راح تلقو قدامكم ناس تحكي عربي من الاردن والعراق بارك الله فيهم ما قصرو وعبو معانا النماذج




وبعدها تلقو (UK Border) اعطو للموظف او الموظفه الجوازات والنماذج الى تمت تعبيئتهم وكروت الصعود للطائره لي كندا ومنها يختمولك في الجواز ويقولكم انزلو تحت للمحطه وتلقى رقم المحطه مكتوب في التذكرة الصعود للباص



10 دقايق وتركب للباص ومنها للفندق ... ومثلما حكيت فوق على الفندق ......




ثاني يوم على خير افطرو وتوكلو على الله للمطار امشو للتفتيش قبل باش يحطولكم على الشناطي الي في يدكم اللاصق وعلى فكره ما تأخذو معاكم شنطه حجمها كبير لأنهم راح يأخذوها منكم ويقولكم نحطوها في الشحن ومنها يتم


تفتيشكم بالكامل زي ما صار في مطار ليبيا بالضبط خلع الحذاء وووو وبعدها  ابحثو على صالة البزنس قعمزو فيها استريحو وكلو ما لذ وطاب واشربو وكلمو الاهل عن طريق النت رفااااااااااهه تااااااامه وانتم بانتظار الرحله



خلو بالكم من شاشات العرض مكتوب فيها وقت الرحله وركزو على البوابه الى بتمشو منها للطائره ولازم تكونو قبل ساعتين من الرحله امام البوابه راح يرفعكم قطار سريع جدا وتوصلو للبوابة الى بتدخلو منها للطائره راح



يشوفو كروت الصعود للطائره وجوازات السفر ومنها على خير تركبو في الطائره اووووو جو رااااااائع جدا وراااااحه تاااااامه



تستغرق الرحله من لندن الى فانكوفر حوالي 9 ساعات ...... قبل وصولك راح يعطوك نموذج اتعبيه مثلما اخبرنا الاخ اسامه بالضبط في موضوعه السابق



وتهبط الطائره في مطار فانكوفر ... طبعا انا تبعت الناس الى قدامي لين وصلت للطوابير لقيت موظفه أسألتها وين نمشي بالضبط دلتني على المكان و فعلا اوقفت امام الموظف طلب جواز السفر وتصريح الدخول لي كندا وطلب



النموذج الى عبيته في الطائره ختملي ووقع على النموذج واسالته وين نمشي دلني على مكان الهجرة ولقيت موفظه مبتسمه وسألتها وين نحصل(Study Permit) ومشت معاي ووصلتني للمكان ولقيت المكان فاضي لا يوجد



به الا موظفين فقط المكان شبه خالي ( على حسب ما سمعت من الاخرين ان هذا المكان دائما مزدحم عموما مسألة حظ ) المهم قالي الموظف اطلب مني تصريح الدخول وقبول اللغه والجوازات وقالي استريحي شوي 10 دقائق



وكانت الاوراق جاهزة طبعا لما استلمت منها الورق سألته على ابني لأنه تأشيرة زائر 6 شهور قالي اقامته معاكم الحمد لله وقالي مرحبا بك في كندا ^_^


ومنها دلني على الصاله لاستلام الحقائب وفعلا اخذت الكروسه الى بنحط فيها الشناطي لحظات ومرت شناطينا على السير أخذناهم وتوكلنا على الله لي الصاله و كانت صديق زوجي بانتظارنا .... والحمد لله



مشت الامور .... ربي يعينكم على السفر ... نصيحه مني توكلو على الله قبل كل شيء و راح تمشي اموركم ( السفر قطعه من عذاب كما أخبرنا رسول الله )


أسأل الله ان يوفقنا واياكم ...





 


 
 
 
 
 
 

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمد الله على  سلامة الوصول وبالتوفيق لك فى دراستك

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمدلله على السلامه والعقبه لينا يارب...بالله قداش نجمه تعطيها الخطوط الاقليزيه ...والوكانت الزوجه حامل هل تنصحي اخذ هذه الخطوط ..شكرا على المعلومات وربي يوفقكم

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمد لله علي سلامتك انت والعاءله وربي يوفقكم والله يبارك فيكم علي هذه المعلومات

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمد لله على السلامة

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
بارك الله فيك ووفقك في دراستك

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
بارك الله فيك ووفقك في دراستك

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
بارك الله فيك ووفقك في دراستك

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الله يسلمكم جميعا .... أخي دحنوس الخطوط الانجليزيه شيء جميل جدا جدا صحيح الطائره الى بترفعك الى لندن راح تكون مريحه والاكل والوضع كويس بس الكراسي عاديات جدا هذا فيما يخص البزنس لكن خدمه خاصة اي شيء تحتاجه يساعدوك اما الطائره الى بتطلع فيها لي كندا اووووو شيء روعه خيال يعني تقدر ترقد وتتفرج على الشاشه افلام موسيقى وخدماتهم جميله جدا ... ننصحك تحجز على البزنس ... وبالنسبه للمدام الحامل تنسابها هذه الخطوط ميه ميه لأني صديقتي وصلت قبلي بشهر على هذه الخطوط وهي كانت حامل .... أسأل الله التوفيق لكم

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
بارك الله فيك ووفقك في دراستك

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمدلله على سلامتكم .... وندعولكم بالتوفيق في الدراسة وعندي سؤالين الأول: كم الفرق بين التذكرة السياحية والبزنس؟ وثاني شي هل تقصد أن السوائل ممنوع ترفعهم معاك ... أو حولوهم حتى يتم التفتيش وبعدين ردوهم؟

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
أختي أحلام .... الفرق كان 214 دينار لي ثلاث أشخاص لا نحكي السوائل الى في شنطة الترانزيت اما الشحن عادي

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
بلادي حره
حمد لله علي سلامة الوصول .

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
وصول مبارك ان شاء الله

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
حمد لله على السلامة 
ورحلة موفقة ان شاء الله
باهي على الاقل عندكم حد يستقبلكم في المطار
ان شاء الله ربي يرزقني بالناس الحلال في تورونتو يستقبلوني انا وامي ويساعدونا
موفقين ان شاء الله

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمد لله على السلامة انت والعايلة لكن وقت الرحلة من لندن الى فان كوفر 9 ساعات فقط نحساب من لندن الى تورنتو 8 ساعات ومن تورنتو الى فان كوفر 6 ساعات يعنى اجمالى وقت الرحلة 14 ساعة حبيت نستفسر والله اعلم

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الف الحمد لله ع السلامه

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الحمد لله علي السلامة وخيتي ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionتجربتي في السفر من ليبيا --- لندن --- فانكوفر Emptyرد: تجربتي في السفر من ليبيا --- لندن --- فانكوفر

more_horiz
الله يسلمكم  cheers  cheers
صلاحيات هذا المنتدى:
لاتستطيع الرد على المواضيع في هذا المنتدى