دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالاخت سراب الحقيقة Emptyالاخت سراب الحقيقة

more_horiz
اختي الكريمة بالله عليك نبي منك النصح العبد لله اموري شبه كويسة ولله الحمد في موضوع التأشيرة ماشية بالصبر انا لدي دبلوم عالي في المحتبرات الطبية وعندي خبرة 6 سنوات كمعيد وكذلك خبرة في عدة مختبرات كشغل وبإذن الله ربما استطيع الحصول على تزكية من دكاترة فهل بذلك يكون فى امل في الحصول على قبول في كندا لانني بنوصل في موضوع التفويض وصايرلي زي الخوف من موضوع القبول اختي الفاضلة افيدني باللي تقدري عليه من معلومات وجزاك الله كل خير وربي يوفقنا واياك

descriptionالاخت سراب الحقيقة Emptyرد: الاخت سراب الحقيقة

more_horiz
يا وخيي خلعتيني لقيت اسمي  الاخت سراب الحقيقة 157701 

هما نقولك شيء علي ما أعلم اني سنين الخبرة مادخلهمش فيها 

بتجرب بتمشي بقبول المعهد وتحصل درجة قوية وفي هالوقت تراسل اكاديميات علي القبول ورسائل التزكية لو الاكاديمية ماعندهاش ابليشكن ترسبلهولك باش يعبيه دكتورك ياعني بتجيب معاك اقلها رسائل تزكية 

يا وخيي والله احرجت معرفتش شن نقولك 

لكن حنبعت هلبة رسايل للي يقدر يزيد معلومة ...

.
.
بس اللي بيقول لا مش مناسبة كندا ..ليش يقولو انه صعبه في القبول الاكاديمي في كدا تخصص بس لو جبت في اللغة قوي ودرجتك في الدبلوم كويس ويقتنع بيك احد المشرفين ليش لا ؟؟؟

ياريت باش مهندس احمد E. AHMED 
وخونا طارق لانه معلووماتهم كويسة

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالاخت سراب الحقيقة Emptyرد: الاخت سراب الحقيقة

more_horiz
معرفتي بالطلبة تخصص طب ومختبرات شوية مش هلبة ..... لو طيران نقدر نفيدك اكثر يا وخيي 

ومع هذا موضوعك مفتوح ونقدر نسالك ...وحتي الاعضاء الطلبة اللي حيخشو وعندهم معلومة مافيش واحد حيبخل

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالاخت سراب الحقيقة Emptyرد: الاخت سراب الحقيقة

more_horiz
سراب الحقيقة كتب:
معرفتي بالطلبة تخصص طب ومختبرات شوية مش هلبة ..... لو طيران نقدر نفيدك اكثر يا وخيي 

ومع هذا موضوعك مفتوح ونقدر نسالك ...وحتي الاعضاء الطلبة اللي حيخشو وعندهم معلومة مافيش واحد حيبخل

تقري يا أختي طيــــران ؟.؟؟؟

descriptionالاخت سراب الحقيقة Emptyرد: الاخت سراب الحقيقة

more_horiz
أخي ابو البراء.. ربي يوفقك ويعينك
في السابق كانت الامور ماشية لطلبة الدبلوم العالي بس بعد مراسلة المكتب الكندي مش عارف شن بيصير..من يوم الرسالة ما صدرت ما قابلتنيش حالة من هدي الحالات بس انا عندي اقتراح وربما يفيدك وينفعك وفيه تضحية منك..
توكل على الله وتعالى وكمل اللغة وبعدين في القبول الاكاديمي حتطلب منك الجامهة مواد استدراكية اندر قراد يعني مع طلبة البكالوريوس..وهنل المكتب الكندي بيقولك مش حنغطيهملك هما سمسترين في العادة من 5 الى 7 مواد..انا رأي تحوشلك شوي من المنحة وتوفر مع شوي دعم من الاهل يعني ماقيمته 25000 ما بين اقامة وسكن ومصاريف جامعة وتأمين طبي...تجمد المنحة وتقرا المواد على حسابك وبعدين تفعل المنحة من جديد لما تبدا في الماجستير...وان شاء الله يكون اقتراح ينفعك ولو ما قدرتش ما خسرت شيء استفدت لغة وبعدين غير الساحة
وان شاء الله هدا كله ما يصيرش وتحصل قبول ويصرفو عليك بدون شروط وتنحل المشكلة للجميع.
وفقكم الله

descriptionالاخت سراب الحقيقة Emptyرد: الاخت سراب الحقيقة

more_horiz
[quote="Fathi swehli"]
سراب الحقيقة كتب:
معرفتي بالطلبة تخصص طب ومختبرات شوية مش هلبة ..... لو طيران نقدر نفيدك اكثر يا وخيي 

ومع هذا موضوعك مفتوح ونقدر نسالك ...وحتي الاعضاء الطلبة اللي حيخشو وعندهم معلومة مافيش واحد حيبخل

تقري يا أختي طيــــران ؟.؟؟؟[/quote



ايه يا خوي ]

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالاخت سراب الحقيقة Emptyرد: الاخت سراب الحقيقة

more_horiz
سراب الحقيقة كتب:
Fathi swehli كتب:
سراب الحقيقة كتب:
معرفتي بالطلبة تخصص طب ومختبرات شوية مش هلبة ..... لو طيران نقدر نفيدك اكثر يا وخيي 

ومع هذا موضوعك مفتوح ونقدر نسالك ...وحتي الاعضاء الطلبة اللي حيخشو وعندهم معلومة مافيش واحد حيبخل

تقري يا أختي طيــــران ؟.؟؟؟[/quote



ايه يا خوي ]


 شن هو تخصصك في طيران ..؟؟؟

descriptionالاخت سراب الحقيقة Emptyرد: الاخت سراب الحقيقة

more_horiz
خوي فتحي تفضل شن نقدر نساعدك ... في الهندسة ولا الطيران حاضر 
سامحنا خوي ابو براء لمشاركة مش مكانها بس لربما يحتاج نصح في تخصص الاغلبية ملمة بيه....

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالاخت سراب الحقيقة Emptyرد: الاخت سراب الحقيقة

more_horiz
الاخ ابو البراء..السلام عليكم..انا جاوبت بناء على طلب الاخت سراب الحقيقة  ونتوقع منك اسئلة اخرى اكثر تفصيلا...انا في الخدمة والاقتراح اللي قلته ممكن ينفع الجميع. والله ولي التوفيق

descriptionالاخت سراب الحقيقة Emptyرد: الاخت سراب الحقيقة

more_horiz
بارك الله فيك باش مهندس ..ونصائحك والله ذهب وسبق اني شكرتك علي غطاءك اللي بلا حدود ....جزاك الله عنه كل خير

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالاخت سراب الحقيقة Emptyرد: الاخت سراب الحقيقة

more_horiz
الله يبارك فيكم اخوتي وربي يسدد خطاكم لما فيه الخير اخوتي الطلبة

descriptionالاخت سراب الحقيقة Emptyرد: الاخت سراب الحقيقة

more_horiz
ابو براء كتب:
اختي الكريمة بالله عليك نبي منك النصح العبد لله اموري شبه كويسة ولله الحمد في موضوع التأشيرة ماشية بالصبر انا لدي دبلوم عالي في المحتبرات الطبية وعندي خبرة 6 سنوات كمعيد وكذلك خبرة في عدة مختبرات كشغل وبإذن الله ربما استطيع الحصول على تزكية من دكاترة فهل بذلك يكون فى امل في الحصول على قبول في كندا لانني بنوصل في موضوع التفويض وصايرلي زي الخوف من موضوع القبول اختي الفاضلة افيدني باللي تقدري عليه من معلومات وجزاك الله كل خير وربي يوفقنا واياك


معلش نسألك سؤال
امتي خذيت رسالة الدعم المالي لغرض التأشيره ؟
وكم معدلك ياخوي ابو براء؟
صلاحيات هذا المنتدى:
لاتستطيع الرد على المواضيع في هذا المنتدى