دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionخواطر موفد مقبل ع سفر Emptyخواطر موفد مقبل ع سفر

more_horiz
عدنا والعود احمد كل منا ينتظر ان تتم إجراءات السفر للخارج ويفكر كيف ستكون هذه السفره وخاصة اذا كان يحمل في طياته العديد من الأسئلة التي تتعب تفكيره وخاصة اذا كان اعزب،،، ومن مما يدور في ذهنه هل سأكون سعيدا بالسفر لوحدي ام يجب الزواج قبل السفر انه الخوف من المجهول هل سوف تنسيني السفر امر الرجوع للوطن وخاصة وضعه الحالي الذي كل يتسارع للخروج منه هل ،،الزواج بليبيه قبل السفر أفضل ام السفر تم الزواج من الخارج ،،،ولكني في أعماقي لا أؤيد ذللك هل الغربة ستتكون أفضل من الوطن ،،،،،كيف ستجري هذه الأمور لا اعلم،،،، ولكن يبقى الأمل ،،،،،،،،،، شاركونا آراءكم وهمومكم فلعل ذلك يكون طوف النجاة،،،،،،

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
ههههه وين الردود تعليقاتكم آراءكم وجهة نظركم،،،، علمني يالي ناسيني،،، كيفا قدرت ع النسيان ،،،،علمني زيك خليني،،،،،، بالك ننسي شى الي كان،،،،،

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
عليكم السلام 
بالنسبة لبريطانيا الليبيين ماشاء الله وين ماتمشي تلقاهم يعني مش حتحس بغربة بكل
ولو حسيت بغربة اول مسجد حتلقى فيه ليبيين وعرب ويهدرزوا معاك يونسوك وتحس روحك
في ليبيا... 
بالنسبة للزواج بالتاكيد افضل من اعزب وخاصة لو ماعندكش صغار وفي الايام الاولى لزواجك
يعني المنحة حتكفيك وحتعيش سنوات عسل ولا في الاحلام وخاصة في فترة اللغة..
كونك مشيت اعزب مش مشكلة كبيرة اني مثلك مشيت اعزب وامور حلوة وطيبة ومبكبكة حكم
كل يوم هههههه والامور مشت في القراية ولله الحمد زي الساعة..
يعني ماتقلقش روحك بكل .. امورك باذن الله حتكون فوق الريح وافضل ..
موفق إن شـاء الله

_______________________________

قال صلى الله عليه وسلم (كلمتان خفيفتان على اللسان ثقيلتان في الميزان (سبحان الله وبحمده ** سبحان الله العظيم) 

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
شكرًا زهير ع الرد والحق شجعتني وحتي اني حاط في راسي بريطانيا وبقيت ف الإجراءات ودمرتها بروحي كأنشودة مالقيتش وحده موفده لكن لعند توأم أقابل شي ،،،،، امبكبكة وهي روحك

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
شاب الرأس وشيب بين ،،،ماوالي يدري عن حالي ،،،، هم الدنيا ماهو هين ،،،،، زيد عليه فراق الغالي،،،
والله مارات الواحد يخطط لكن تخطيطه يفشل ،،،،، خطبنا السنه الماضيه بنيه وقلتا بنتزوجوا اول ما أجي السفر. ،،،، جئت السفره البنيه ماص ارش منها ،،، ولقيت روحي المسافر بروحي ،،،، تي أمتي الواحد يتزوج وسافر ،،، فدبت من السفر بروحي ،،،، سافرنا بكالوريس بروحنا ،،،،، أمشيت امبكبكة وشربه ،،،، سافرنا أقرينا ماستر ،،،، بروحنا،،امشت طواجين دجاج ،،،، ورز ،،،،ومبطن في الشهر الاخيرة ،،،، الدكتوراه حق لازم الواحد يتزوج المفروض ،،، ولا شنوا.

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
شني خيركم لاتعليق باهي أنتم اتايدوا الزواج قبل السفر وهل لازم أتكون موفده او متعلمه.....؟؟؟؟؟؟تردوا علينا ؟؟؟؟باهي شن رأي البنات في موضوع هاديا؟؟؟؟؟؟

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
ماكنت نحسابك ترضي ألعيبيه وديرها فيا ،،، يماحسبتك كيف روحي مني ،،، يما وقفت معاك ماخليتك،،، واليوم دير ألعيبيه فياا،،

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
ياقوم وينكم خيركم اكتبوا شي حاجه

descriptionخواطر موفد مقبل ع سفر Emptyخواطر موفد مقبل على السفر

more_horiz
شوف يا اخي  ادا كان وقت السفر قريب فالأفضل ألا تستعجل في الزواج لان هدا شي مش لعبة لازم من التفكير ااااااااااااااااالاف المرات ....ورأيي في موضوع خواطر موضوع جميل وملم ..

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
سلمك يا ويئام وفرحت بشوفك حروفك مرة تانيه والحق متردد لكن مرات انقول كان بن سافر بروحي انزيد أضيع وقت ومرات انقول نتزوج توا، بس منوا وامتي الله اعلم هو البحت جار ي لكن مازال ما قابل شي بالذات لما تبقى في رأسك حاجات تباها لكن ربك اسهل،،، بالك نلقوا،،،،،وشكرا ع رأيك ف الموضوع ،،،، وإنشاء الله غير ما يلحقش خوه بس ،،،

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
تي وين باقي الردود وين sa,mc , ,n ,,, la,, تي وين تعليقاتكم وين طبرق وين طرابلس خيركم ،،، ردوا

descriptionخواطر موفد مقبل ع سفر Emptyتابع خواطر مقبل ع سفر

more_horiz
والله ايش انقولك.نحكيلك بالنسبه للبنت ننصح يابنت موفده ماتطلع الا بزوجها كونها المراءه حساسه وتتعب من كثرت المسئوليه.فلازم معاها شخص عطوف عليها يشيل معاها المسوليئه.بالنسبه كلامي للشباب لو انت صغير ف سن انقولك عدي بروحك وسكن مع عائله وتعلم اللغه .وفصل روحك ع عالم وخليك ف عالم دارسه والعلم.لكن انت دكتواره نضطر انقولك لازم ماتمشي نيين تتزوج لكن نعطيك شرط.ماتتزوج بعجله وتزيد طين بله بشويا وتريض ف القرار واختار بالبنت الناس اللي تقعد كويسه ومحترمه وتخاف ربها ومتفاهمه وعنده الاسلوب.بالنسبه للموضوع تقولي غربه ماغربه.تي والله مافيه غربه ربي الموجود ف ليبيا هو نفسه موجود معاك ف ابريطانيا والانجليز راهم كويسين بالاضافه توه تعرف ع ناس من سعوديه ومن عده دول عربيه واجنبيه مارت تلقاي رفقه احسن من اصحابك تبي شئ قولي ومايردك الا لسانك
لك مني جزيل شكري واحترامي

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
شكرًا soad ع مرورك بس بنقولك راني قاعد صغير ف السن غير كملت ع طول قاعد مواصلتش 30 والحق بندوروا بالك ان حصلوا قبل السفر وكان هذا حتي بروحنا وخلاص الا الغربه غير جوا تي اني ماشى جاي كل مره ف إمكان ومره تانيه خلينا انشوف كلماتك وحروفك ،،،،اسمك معانا ،،،، شكرا

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
cheers  اولا" السلام عليكم اخى ..الباين عليك بسم الله ماشأء الله عليك ...وحاليا" وصلت لدكتوراة وانت فى عز عمر الزواج ..يعنى مناسب تتزوج وان شأءالله ترزق بأطفال يملوا عليك الدنيا...وبنات العيلة هلبة بس لما يسخر الله، تلقى روحك مسئول ورب اسرة ، وعشان هكى أذا كان موضوع السفر مازال شوية ابدأ فى موضوع البحث عن زوجة تؤنس غربتك وتبنى معاك حياتكم وتربى اطفال رائعين ومكافحين زى والديهم ، بس بدون استعجال لان عشان هذا دوم مش يوم ، لانى لا احبذ فكرة السفر بدون زواج خاصة الفترة اطول من كل المراحل الاخرى ..وعشان ماتضيعش عمرك فى الدراسة ، ولما ترجع تلقى روحك كبير على الجيل المتاح للزواج ،،ويبدا الفارق كبير وينتج عنه اختلاف ساشع ، ياخى لابد زوجتك تكون من جيل قريب من جيلك وتكون فى عمر يسمح بحياة سعيدة يعنى مناسبة ليك ولعدة امور ليها هى ايضا" ، هذا بلأضافة لموضوع العلم عشان تساعدك وتشيل معال الحمل مش تجى فى نص الطريق وتلقى روحك زى مايقولوا لا فوق ولا لوطة ،،واحيانا" يكون فى اطفال يجعل الامور صعبة جدا" ، وهناك ايضا" الكثير من الموفدات لم يفعلن القرار بالأيفاد بسبب عدم وجود زوج مرافق لها وهى ايضا" تبحث عن زوج يستمر معها وليس للأيفاد فقط ، يمكن ربى يجمعك مع احداهن وتنحل المشكلة للطرفين واكيد حيكون التوافق افضل لعدة اعتبارات تجمعكم ،.... اتمنى اخى ان اكون افدتك ، ويربى يوفقك ويسدد خطاك على جميع الاصعدة، تقبل تحياتى ...

descriptionخواطر موفد مقبل ع سفر Emptyرد: خواطر موفد مقبل ع سفر

more_horiz
شكر اخي عماد وَبَارِكْ الله فيك ع المدح والحق انتي أكدت لي وجهة نظري وحتي اني أندور في وحده أتكون معيده موفده بيش أتكون مناسبة وحتي هيا تبي تقرا لكن الحق مازال مالقيتش شي لكن توا تلقوا إن شـاء الله بس أتكون كويس وف عمر قريبه ومادبيا أتكون تبي تطلع بيش ان حلولها أزمتها ومعاش أدور مرافق وتمش المركب بيا وباها لكن أمتي تلقي مانعرفش وحتي اني بنتزوجوا بيش مانلقاش بعدين الوقت فات وصارت القصة لي قلت عليها ،،،،، لكن أتقول معاش في ولابنت بتطلع تقرا وتبي واحد زيها ،،،،،وأني بديت بالبحت ،،،، وإنشاء الله خير ،،،،، وتحياتي ليك وجمعتك مباركه
صلاحيات هذا المنتدى:
لاتستطيع الرد على المواضيع في هذا المنتدى