دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionاستشارة يرحم والديكم Emptyاستشارة يرحم والديكم

more_horiz
السلام عليكم جميعا 

الحمد لله اليوم وصلني رسالة من CIC طالبين جواز السفر لاتمام اجراءات التاشيرة...لاكن المشكلة جواز سفري يطيح في شهر 10 
نبي نستشيركم هل نطلع الجواز الازرق الجديد و نحط فيه التاشيرة( خايف انه يعطل و تضيع التاشيرة) و الا نتوكل على الله و نمشي بالقديم و خلاص؟؟؟
 
وجزاكم الله خير

descriptionاستشارة يرحم والديكم Emptyرد: استشارة يرحم والديكم

more_horiz
deathbreaths كتب:
السلام عليكم جميعا 

الحمد لله اليوم وصلني رسالة من CIC طالبين جواز السفر لاتمام اجراءات التاشيرة...لاكن المشكلة جواز سفري يطيح في شهر 10 
نبي نستشيركم هل نطلع الجواز الازرق الجديد و نحط فيه التاشيرة( خايف انه يعطل و تضيع التاشيرة) و الا نتوكل على الله و نمشي بالقديم و خلاص؟؟؟
 
وجزاكم الله خير

أخي كان تاريخ إصدار جوازك بعد 2006 توكل على الله لان مزال عندك تجديدة تانية تجددها حتى في كندا عادي

descriptionاستشارة يرحم والديكم Emptyرد: استشارة يرحم والديكم

more_horiz
عند اقتراحين
الاول وهوا الاضمن انك تمشي تلصق تاشيرتك وحيعطوك فيها 8 شهور وهي فتره اكثر من كافيه باش تسافر وقبل ما تسافر تقدر تستخرج جواز تاني ازرق ويغيرولك فيه التاشيره مقابل 50 دينار تقريبا وبعدين لما تمشي لكندا تقدر تمدد من غادي،
الخيار التاني ولا انصح به ان تمشي للسفاره وتسالهم عن امكانية التاجيل لحين استخراج الجواز الجديد وحتاخد منهم الجواب .. لكن المتغرات اللي محيطه بينا ما تقدرش تتنبا بيها ... لهذا عصفور عندك ولا عشره في النخله.

descriptionاستشارة يرحم والديكم Emptyرد: استشارة يرحم والديكم

more_horiz
بارك الله فيكم و جزاكم الله كل خير على ردودكم

descriptionاستشارة يرحم والديكم Emptyرد: استشارة يرحم والديكم

more_horiz
على الدين الديب كتب:
عند اقتراحين
الاول وهوا الاضمن انك تمشي تلصق تاشيرتك وحيعطوك فيها 8 شهور وهي فتره اكثر من كافيه باش تسافر وقبل ما تسافر تقدر تستخرج جواز تاني ازرق ويغيرولك فيه التاشيره مقابل 50 دينار تقريبا وبعدين لما تمشي لكندا تقدر تمدد من غادي،
الخيار التاني ولا انصح به ان تمشي للسفاره وتسالهم عن امكانية التاجيل لحين استخراج الجواز الجديد وحتاخد منهم الجواب .. لكن المتغرات اللي محيطه بينا ما تقدرش تتنبا بيها ... لهذا عصفور عندك ولا عشره في النخله.


السلام عليكم أخي علي الدين
بخصوص تغيير التأشيرة من الجواز القديم إلي الجواز الجديد الأزرق ما هي الإجراءات المطلوبة لذلك؟ وهل سبق لك أو لأحد ما أن قام بهذ الإجراء أم لا؟ لأنه فيه واجدين هنا يقولك دير التأشيرة علي الجواز القديم وبعدها طلع الجديد وامشي بالاثنين فهل هذا الإجراء مجرب (الدخول بالجوازين معاً) من أحد ما ؟
بارك الله فيكم وموفقين إن شاء الله.

descriptionاستشارة يرحم والديكم Emptyرد: استشارة يرحم والديكم

more_horiz
وعليكم السلام سند
للاسف مافيش حد شفته او دردشت معاه سافر بجواز ازوق وانما انا نفلت ماقرأته في عدد من المواقع وعلي راسها الموفد .. لكن اتوقع ان الامر حيمشي زي ما انت سالت .
وربي يعاونك

descriptionاستشارة يرحم والديكم Emptyرد: استشارة يرحم والديكم

more_horiz
السلام عليكم ورحمة الله وبركاته
بارك الله فيك أخي علي.
فيه رابط لموضوع الجوازات الجديدة علي الصفحة الرئيسية لقيت فيه رد من Abdo_ask  وهذا الرابط
https://www.almofad.com/t24952p15-topic

descriptionاستشارة يرحم والديكم Emptyرد: استشارة يرحم والديكم

more_horiz
deathbreaths كتب:
السلام عليكم جميعا 

الحمد لله اليوم وصلني رسالة من CIC طالبين جواز السفر لاتمام اجراءات التاشيرة...لاكن المشكلة جواز سفري يطيح في شهر 10 
نبي نستشيركم هل نطلع الجواز الازرق الجديد و نحط فيه التاشيرة( خايف انه يعطل و تضيع التاشيرة) و الا نتوكل على الله و نمشي بالقديم و خلاص؟؟؟
 
وجزاكم الله خير


حاول اتجدد جوازك واتقول للجوازات انك طالب وتريد الحصول على التأشيره لان السفاره حتعطيك التأشيره حسب صلاحية جوازك . موفق إن شـاء الله

descriptionاستشارة يرحم والديكم Emptyرد: استشارة يرحم والديكم

more_horiz
دامك مازل مارفعتش جواز سفرك للسفارة ياعني مدة صلاحيته مازال ...واول ماترفعه ليهم حيصدرولك تاشيرتك علي الصلاحية اللي عندك ... من رايي جدد الصلاحية لو عندك لتجديدة التانية او غيره بالجديد المهم ارفع الصلاحية متجددة ويعطوك من الاول ممكن سنة وتلاه شهور بدل ما تحصل في التجديد غادي مع انه ساهل واوكي بس ع الاقل تفادي لهلبة قرارات مرات يطلعو بيها جديدة غادي الله اعلم

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionاستشارة يرحم والديكم Emptyرد: استشارة يرحم والديكم

more_horiz
السلام عليكم يا خوي

عندي نصيحة و النصيحة بجمل زي ما يقولوا ( لو سمحت وتيه هههه ) المهم ما تغير جوازك للجديد الا اذا تأكدت ان في طالب دخل بيه كندا لان للأسف الجواز الجديد وصله التزوير و تم اصدار نسخ منه بدون شريحة الكترونية و لا سمح الله مرات ما يخلوك تدخل كندا ... يعني اذا قدرت تغير جواز جديد احسن لان السفارة في كندا ما عاد تجدد الا سنة واحدة فقط و اذا اصدار جوازك قبل 2006 معناها مش راح يجدودلك حتى سنة اصلا يعني راح توصل كندا و تروح في اقل من 6 شهور لليبيا علشان تستخرج الجواز الجديد و تقدم ع التأشيرة و قصة

ان شاء الله كلامي واضح ... الجواز الجديد احسن اذا تاكدت ان في طالب دخل بيه كندا و لم يتم عرقلته

بالتوفيق

descriptionاستشارة يرحم والديكم Emptyرد: استشارة يرحم والديكم

more_horiz
بارك الله فيكم جميعا على ردودكم
في الواقع توكلت على ربي و مشيت قدمت عالباسبورت الجديد و انشاء الله بنستلمه الاحد الجاي إن شـاء الله ويستر الله اخت حنان الحق مسمعتش باي طالب خاش بيه لكندا لاكن المعلومة اللي نعرفها من وحدة تخدم في السفارة الكندية قالتلي مفيش مشكلة نحطولك التاشيرة في الجديد مفيش اي مشاكل.

الحاجة اللي مطمنتني انه الباسبورت القديم حيكون معاي في حالة بتصير اي مشكلة لا سمح الله و ربي يبعد علينا وعليكم المشاكل يا رب.

descriptionاستشارة يرحم والديكم Emptyرد: استشارة يرحم والديكم

more_horiz
يا خوي المشكلة مش في السفارة انت فهمتني غلط ... المشكلة اذا كان لا سمح الله الجواز مافيه الشريحة اصلا !!!! 
ربي يسهلك
صلاحيات هذا المنتدى:
لاتستطيع الرد على المواضيع في هذا المنتدى