دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionيا فرحة ما تمت !!!!!!!!!!!!!! Emptyيا فرحة ما تمت !!!!!!!!!!!!!!

more_horiz
السلام عليكم ..صراحة اول مرة مانفرحش بمسج يجينا من السفارة !! اومش أي مسج .المسج يلي جانا عدو استلموا التاشيرة .لان المشكلة نحن لدينا جوازات سفر الاكسباير امتاعهم يناير 2015 قلنا انغيروهم افضل من التشحوير بعد تالي لان سفرنا حيكون باذن الله في شهر 8 وفعلا بدانا في الاوراق وغيرنا الجوازات وبالامس استلمت الجواز الجديد اوجانا مسج السفارة  لكن فوجئت بان بيانات الجواز الجديد كلها اخطاء في الاسبلنق اسمي كامل مش نفس الجواز الاول وكذلك اللقب زيدها يا زايد مكان وتاريخ الميلاد مثلا بدل 16 يكتبوا 26 في الاخير قالولنا تدفعوا 100 جنيه ثانية بش نصدروا واحد ثاني !!!!!! نصيحة لوجه الله أي واحد بيغيرالجواز يقرا كل بياناتة وياكد عليهن انهن صح بالعربي والانجليزي لان نحن سالناهم هل تطلع نفس بيانات الجواز الاول خصوصا الانجليزي قالوا نعم ....لكن اكدوا عليهم قبل مايدير صاحب المنضومة برنت

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
الله المستعان وخلاص  scratch 
ربي يكون في عونكم ان شاءالله ,, وبارك الله فيك علي النصيحه

_______________________________

كل شيء في هذه الدنيا إما أن يتركك أو تتركه
إلا الله إن أقبلت إليه أغناك وإن تركته ناداك ~

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
لا حول ولا قوة إلا بالله
لو أي موظف في ادارة الجوازات او البعثات او اي مصلحة حكومية او غير حكومية يضع نصب عينيه قول رسولنا الكريم صلى الله عليه وسلم (إن الله يحب إذا عمل أحدكم عملاً أن يتقنه) لكانت البلاد في ألف خير نسأل الله لنا ولهم الهداية
والله ياأختي لا أعرف الإجراء المطلوب في هذه الحالة وأتمني ممن يستطيع إفادتك أن يفيدك والله المستعان

_______________________________

(وَمَن يَتّقِ اللّهَ يَجْعَل لّهُ مَخْرَجاً *
وَيَرْزُقْهُ مِنْ حَيْثُ لاَ يَحْتَسِبُ وَمَن يَتَوَكّلْ عَلَى اللّهِ
فَهُوَ حَسْبُهُ إِنّ اللّهَ بَالِغُ أَمْرِهِ قَدْ جَعَلَ اللّهُ لِكُلّ شَيْءٍ
قَدْراً)

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
خوفتيني يا وخيتي ... انا مازال ماقدمت على التأشيرة ... قلت نغير الجوازات (أنا وزوجي وولدي) قبل !!!  لأن الصلاحية نهاية العام وبداية العام الجديد .... لكن قوليلي آمتى نقدر نتأكد من عدم وجود أخطاء ... مع العلم إن الشهر اللي فات استخرجت جوازات لولدي وبنتي وفلا كانت أسماءهم بالإنجليزي مختلفة عن أسماءهم اللي كانوا مدرجين بيها في جوازي !!

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
السلام عليكم 
انا نبي نستفسر ، انا واقع في نفس المشكله وهي ان اللقب يختلف ، عادي جوازات يقدرو يغيروهلك. لان لقبي الاول يختلف علي في الرقم الوطني.

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
السلام عليكم: انى صارتلي نفس المشكلة درت جواز جديد وقعدت شهور نستنى فيه ولما طلع لقيتهم غالطين في السبلنق بالانجليزي مش زي جوازي القديم . اضطريت ندفع على واحد جديد ولعند توة ما استلمتاش. والمشكلة ان قرار الايفاد متعي صادر في شهر 4 \ 2013 ولعند توة ما بديتش في الاجراءات بسبب تاخير الجواز. وربي يستر ما يضيعش عليه الايفاد

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
منظومة الجوازات مرتبطة بمنظومة الرقم الوطني لذلك لما بتطلع جواز جديد اعطيهم اسمك زي ما موجود في الرقم الوطني والجواز الجديد يكون بالاسم الي عطيتهولهم مش الموجود في الجواز القديم . يعني الاسم المدرج في الجواز الجديد حيكون زي ما تعطيهولهم بالعربي والانجليزي.

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
السلام عليكم ..اخت احلام تقدري تاكدي على كل البيانات لما تصوري الصوره اﻻلكترونية والبصمة فيه توقيعة قبلها بيقرا عليك اسمك كامل من المنظومة اوحسب بيانات الرقم الوطني هنا اكدي على كل بياناتك والمشكلة زي ماقلت كلها في بيانتنا بالانجليزي ﻻزم ماتشوفيهم ابروحك وتملي عليه الاسبلنق الصحيح ﻻنه يقدر يغير فيهم ويعدلهم قبل مايدير برنت والمشكلة الاخرى هو يقدريغير اﻻسماء فقط اما التواريخ ﻻزم تمشي لجماعة الرقم الوطني يعدلولك من المنضومة الرئيسية وهدا بروحة يبي اسبوع باش ينزل التعديل من منضومة الرقم الوطني .اسفة على اﻻطالة لكن منتمناش حد ايصيرلة زي ماصار معي

descriptionيا فرحة ما تمت !!!!!!!!!!!!!! Emptyرد: يا فرحة ما تمت !!!!!!!!!!!!!!

more_horiz
sun light كتب:
   السلام عليكم ..اخت احلام تقدري تاكدي على كل البيانات لما تصوري الصوره اﻻلكترونية والبصمة فيه توقيعة قبلها بيقرا عليك اسمك كامل من المنظومة اوحسب بيانات الرقم الوطني هنا اكدي على كل بياناتك والمشكلة زي ماقلت كلها في بيانتنا بالانجليزي ﻻزم ماتشوفيهم ابروحك وتملي عليه الاسبلنق الصحيح ﻻنه يقدر يغير فيهم ويعدلهم قبل مايدير برنت والمشكلة الاخرى هو يقدريغير اﻻسماء فقط اما التواريخ ﻻزم تمشي لجماعة الرقم الوطني يعدلولك من المنضومة الرئيسية وهدا بروحة يبي اسبوع باش ينزل التعديل من منضومة الرقم الوطني .اسفة على اﻻطالة لكن منتمناش حد ايصيرلة زي ماصار معي


صحيتي إضافة مهمة الله يرحم والديك يعني التركيز التام عند الصورة والبصمة والتأكد من الإسم والتاريخ
صلاحيات هذا المنتدى:
لاتستطيع الرد على المواضيع في هذا المنتدى